中興牛什達人

营业中

休息中

一個人的午餐、晚餐，最簡單既選擇，就是食麵。那天，有要事而來到耀安邨，事情辦好後，當然要看看邨內有甚麼好野食啦。然而，就在一間電器舖旁，我發現一間麵店，也算是邨內比較有人氣的食店。咁，就要試下這一間自稱達人既《中興牛什達人》有幾巴閉。既然是 "牛什達人" ，第一次入來，我當然要一個牛雜麵啦。所以，當晚的一碗晚餐麵，是牛雜拼雲吞。湯底有腩汁，充滿了牛肉香。而牛雜全都是大大件地切出，爽嫩新鮮。本來，我好怕是豬橫脷，但佢地又做得好爽口而且唔粉。令少有對牛雜稱讚的我，都要大讚。另一日，又為了同一件事而來，我又來 "牛什達人" 享用午餐了。這次，我要的是牛腩拼墨魚丸。上次來食粗麵，今次來就食幼麵。牛腩，夠腍夠香，入口時，更有絲絲的口感。而墨魚丸，就是100分的彈牙爽口。粉麵餐，跟有一杯飲品啊。這樣，我就要了一杯熱奶茶。不算是妙的奶茶，算是夠水滑。總結，就是一杯算是好飲的奶茶啦。《中興牛什達人》，招牌沒有騙人，因為他們的牛雜，甚至是牛腩出品，都是非常之好。絕對是專家的出品。當然，麵底也是非常好的，是名符其實的 "牛什達人" 。

Went to this resto with my family for dinner as it was nearby my neighbourhood. .I ordered Beef Viscus with Rice Noodles, which included tripe, lung, stomach and roll. The intestine had a fresh and savoury taste overall. Yet, the lung had a slightly strong odor, and the roll was a little heavy to have. The broth was quite clear and smelled nice. The portion was ok. My family also ordered sth similar..The resto offered a wide variety of dishes. Apart from noodles, it also had different kinds of r

成日星期六日一起身就要諗食咩早餐, 茶記通常都係即食麵餐、歐陸早餐等.如果胃口負荷倒, 不妨選擇食碗粉仔.早餐時段去到11點半, 比起好多餐廳遲成半個鐘, 出門口個陣唔駛趕到死. 仲要奉送熱飲一杯添, 相同既價錢, 早午市少少就有野飲, 直頭可以做埋Burch.雲吞黎講, 雖然比唔上其他主打粉麵舖, 但入面至少都有3-4隻蝦, 肉既比例就一半半, 雲吞皮亦唔會太厚, 收邊位都唔會多左一大忽. 幼麵偏淋, 鹼水唔會好重味, 如果想食爽口既重鹼水麵, 可能就叫其他麵比較好喇.睇舖頭名就知, 佢係牛什達人, 當然牛什先係主打. 腩汁入晒味 亦都好濃味, 但唔會做到好咸. 平時牛肚太爽口我就麻麻, 中興煮到D牛肚都幾淋, 唔駛用牙撕都好易咬得開. 牛腸同粉腸都通得好干淨, 但牛腸就好似肥左少少, 不過咬走D肥膏就好好多. 牛肺一向係我最喜歡既, 又淋又索晒所有味, 有次食仲淋到好似蝦醬咁. 河粉雖然唔係最幼滑, 但比起其他舖頭, 都算係上品架喇.

港式粉麵真係香港人既至愛。✨牛腩河牛腩肥瘦適中，夠淋又有牛味，加埋辣椒油一齊食有畫龍點睛之效。💯👍✨雲吞河雲吞大大粒，蝦肉夠爽口而且好鮮味。👍💯🏠 中興牛什達人🛤️ 馬鞍山耀安邨耀安商場地下114號📍 港鐵恒安站B出口，步行約12分鐘-----#hkfoodie #hkfood #hkfoodblogger #hkfoodlover #hkfoodieblogger #hkfoodstagram #hkfoodblog #hkfoodies #hkfoodpic #hkig #hkigfoodie #hkigfood #hkeats #hkfinedining

有天晚上來試試這間店舖之後，疫情又嚴重了，又實施晚市不可堂食的政策🚫第一次試，都可以試多一點，一次過試了牛雜以及牛腩，另外又點了米線。即使點雙拼，亦都不覺得份量少了，感覺牛腩的份量不少，牛雜的份量亦都相當多；牛腩應該都有六七件，雖然不算肥瘦均勻，質地非常之靚的那些，但亦都不會太過瘦，食到癡牙那一種；牛雜都相當多，但牛雜比較出色，可能亦都因為它的名字就叫做牛雜大王，牛腸好爽，沒有什麼怪味、牛腸有肥瘦兩種，夠爽口，夠香、牛蒡大大塊，夠綿滑，不會苦。辣椒油都像南記的那種，溝入了辣醬般。麵條的份量亦都不太少，不算太過彈牙，煮得普普通通啦。反正路途遙遠，一次過試一試他的飲品，凍檸茶味道也不錯，茶味都濃郁，檸檬亦都夠口夠多，有三四片，味道也相當不錯。疫情期間堂食的顧客也不太多，與其他餐桌的圍板亦都夠高，私癮度和衛生程度都不錯。

港式粉麵店「中興牛什達人」跟它所處「馬鞍山」屋邨商場「耀安商場」，在地點位置選址其實不是交通最方便的屋邨商場。乘客若然乘坐港鐵來到「馬鞍山」，無論從哪個站出來，都無可避免地需要徒步很長距離才能到達。反而像我這一種人，永遠沒有可能從居住地區乘搭集體鐵路交通工具前往目的地，乘搭巴士前往「馬鞍山」「耀安商場」，反而只需要在「耀安商場」旁邊的巴士站落車，徒步再走很短路程就可以到達，變得比較方便。最接近「耀安商場」的巴士站，位於某馬鞍山中學旁邊的道路「恆康街」旁邊，我在西貢巴士總站乘坐巴士，坐着巴士一路去到「馬鞍山」「恆康街」巴士站落車，再步行一小段路就已經到達「耀安商場」。對於住在長期沒有「港鐵」站，沒有港鐵列車支援服務，需要不斷轉車的「西貢人」而言，不需要轉車就能夠到達「馬鞍山」，對我這個「西貢人」來說忽然變得方便。而且我在「馬鞍山」的不同類型商場裡面，每次也不算很難找到食店，食店裡面不會只有集團連鎖的快餐店，每次都有機會找到自己想食的食品。所以，「中興牛什達人」食店的選址位置對我來說不是很大的問題，「中興牛什達人」真正給我遇到的問題，反而是「中興牛什達人」店裡面掛了一部播放新聞報導的電視機

位於馬鞍山耀安邨的中興牛雜達人，以往主打牛腩粉面，近月開始有西式早餐供應。今早點了沙嗲牛肉配煙肉煎蛋公仔面，茶走，味道同份量都不錯。店家好特別地用白色餐具裝西式早餐，黑色碗裝中式早餐，所以一入店內便知大家各自吃那款早餐。

中午途經，裏面都九成客滿，估計應該好味入到去，服務員，立即安排座位，幸好有單邊卡位裝修普通，望落去，也算乾淨企理叫了一個牛腩河，大大碗，牛肉又淋，牛腩汁也幾好味👍檸檬茶，味道一般這次消費， HKD31，加凍飲另加$5 😢我覺得凍飲加$5 ，偏貴，2至$3就差唔多😂俾錢，只能收現金，如果有八達通，就更加方便了

一個人的午餐，最緊要簡單，今日試中興，唔使眼定定，哈朋友介紹這間的牛腩不錯，我就來一碗牛腩比較般外面食既，瘦肉比例多，不過淋得夠入味，肉淋身，有牛肉香，不會太鞋口，米粉加入腩汁更好味，米粉較平常的幼身，份量偏多，易飽肚加個炸魚皮魚皮香脆，感覺更健康，治少少湯汁食更好食咁熱當然要加杯凍奶茶，茶底濃，奶香滑，夠冰凍，解渴這家是專食內臟的粉麵舖頭，下次可以黎試手打牛丸，已經唔多食店堅持手造了，真係好想支持

作為食物荒漠、想搵一間唔係連鎖式快餐店都幾困難！好彩係馬安山比我發現一個粉面店，是完之後即刻成為咗佢哋嘅長期粉絲。佢位於利安街市嘅一個小店，牛腩河非常好食好用有味牛腩夠軟熟！今日食咗一個鮮蝦韭菜餃河， 好友驚喜原來仲好食，一碗有三隻水餃，勁大隻每隻斬開等於兩隻平時出面嘅水餃！一邊有大大隻鮮蝦、好廋嘅豬肉，味道都啱啱好，非常足料！價錢仲相當底 只需要$30！今日食完聽日已經想再食🤣🤣😍減少啲幫襯連鎖集團式餐廳、多啲幫襯小店我哋就有口福

呢間店單睇外貌 就其實非常平凡不過既茶餐廳既格局 但食物真係好有質素因為店名有牛既關係 下意識覺得係出名牛 所以一黎就點左牛腩雲吞河粉老闆比既份量一d都無慳 用料份量比好多 牛腩好厚身 食落牛味好香濃軟腍 算係食過咁多間牛腩店之中 佢係最好食雲吞落既餡料都無慳 咬落去 入面勁多蝦 勝在個皮夠薄 食落去啖啖餡料 好正湯底都非常清 好飲食到飽飽都係四十多d 好抵！無論呢到堂食定外賣 店員手腳都非常快 係值得一讚都係等幾分鐘就即刻做好比你希望老闆長做長有 為美食沙漠添上清泉

我居住在一個食物的沙漠中，本人很喜歡吃粉麵， 但在此沙漠覓食過很多粉麵 水準真是很差， 不是食物差就是服務差。 終於有次到 這店附近上學， 就畀我好彩遇到這間店， 雖然我步行過去都要十幾分鐘， 想食好嘢行遠啲都係值得。致電他的食物同服務都不錯 牛腩豬手魚片墨魚丸都是我至愛， 以後食粉麵就唔需要 去大埔， 而家還有加多了很多款式不只食粉麵還有 常餐或其他飯類。 例如有蒸魚飯 有雞扒豬扒雞翼 多了很多種不同種類的選擇， 好開心而家想食好嘢唔需要搭車出去

在馬鞍山這個美食沙漠，慶幸還有中興牛雜達人這間潮式粉面店沖撐場面。早餐$31丹萍牛腩粉連熱飲，牛腩新鮮入味，肥瘦適中，入口即溶且不會癡牙，湯底濃郁河粉香滑不會黏在一起，加上即炒香蒜，一碗有水準的牛腩可就此誕生。

早餐唔想煮，於是就落咗街食。炎熱嘅天氣本身唔想食熱辣辣嘅面，但店舖冷氣好夠，吹到有點涷！叫左一碗牛筋面，牛筋鬆軟，入味牛腩亦都鬆軟，入味。。加上至愛的配答，醋同辣椒油，無得頂！

身邊鐘意食牛雜既朋友唔多，好多時都係自己食飯既時候，先會去試一d唔同既鋪頭，呢間近近地係馬鞍山，估唔到都機有驚喜唔好睇佢碗仔細細，其實非常足料，除左牛肚牛腸比得多，牛肺同牛柏葉都有兩舊，吸收晒個汁既鮮味，有五香料既味道，調味適中，將牛雜本身既鮮味帶出黎，啖啖都好多汁，滿足晒鐘意牛雜既我！另外佢個白飯非常大碗，如果一個女仔自己黎食，可能要叫少飯會好d，如果唔係真係有可能食唔晒🙈中興真心係區內做牛雜幾出色的一間，以後一個人捻唔到食咩，都會過黎幫襯下