影片
港铁中环站 D2 出口, 步行约3分钟
继续阅读
开饭介绍
中菜馆装潢简约别致，具时尚感，亦不失华丽。餐厅主打粤菜，选料矜贵，配搭创新。午市时段提供各式点心，卖相精致，如黑鱼子鲍鱼芋盒、松露鲜菌冬菇包等。
继续阅读
营业时间
星期一至六
12:00 - 15:00
18:00 - 22:00
星期日
全日休息
以上资料只供参考，请与餐厅确认详情
中菜館裝潢簡約別緻，具時尚感，亦不失華麗餐廳主打粵菜，選料矜貴，配搭創新午市時段提供各式點心，賣相精緻，如黑魚子鮑魚芋盒、松露鮮菌冬菇包今日過左食午餐 味道真係好出色 即刻介紹!前菜係酥炸鮑魚 鮮味既鮑魚 用慢煮方法浸煮,上菜前再炸香 外層脆口,咬開鮑魚肉鮮甜彈牙西班牙豚肉叉燒 選用最靚既西班牙豚肉位 厚切上碟烤得微焦 每一件都相同厚度 淡淡既本地蜜糖自然甜香 肉質鬆化軟淋 可稱為香港5大叉燒皇加蔬菜汁做成既粉紅色餃子皮包住鮮蝦肉 餃皮有淡淡蔬菜香氣口感煙韌 蝦肉爽口又甜鮑魚一口酥 上面放了魚子底層係芋盒 彈牙鮮味配以脆酥芋蓉,口感豐富味道獨特好滋味最後係芝麻卷甜品 濃香既黑芝麻香氣 入口煙韌有彈性~平均消費$400中華滙館 中環士丹利街13號地舖
继续阅读
昨午到訪，訂了1:45，早了15分鐘到，也立即安排座位。進入用餐間，環境舒適，播放懷舊歌曲與室內陳設也配合。先點選數款點心，侍應提㸃，部分是一籠3件，有些是4件，而我是2⃣️人入座，可把㸃心根據人數上，這是否貼心服務，因人而異啦！黑魚子鮑魚芋盒，每件計，鮑魚算淋，有咬口小籠包，皮簿，算是城中最薄的一間，平時頂部的摺疊口太厚，都是咬出放碟邊的，但這間是可以一起品嘗的。值得一讚！惜中間食材，肉偏瘦，嚡口，如➕少少肥肉，應更好。蘋果义燒酥，皮酥鬆化，甜度適中黑松露雜菌包，欠松露味，有少少驚喜是，煮法用生煎包，底部有少少脆口，可接受。主食是鮑魚鴛鴦米泡飯，湯底用南瓜海鮮湯，不過不失。午膳已提供75折優惠。期間發生小插曲，樓面與廚房發生問題，嘈交聲傳到用餐間，一定影響食客對食府的觀感。
继续阅读
見到很多好評的這間餐廳，慕名嚟幫襯，上網即訂到檯，還以為咁好彩？點知，一入去坐低即覺室內環境悶熱，附近冷氣壞咗，比坐大排檔更熱，食物尚可，但價錢則不菲，一邊食一邊標汗，問取一杯冰過嚟都冇，叫侍應請她的經理過嚟反映一下，又久久唔見人，咁唯有草草埋單走人，走嘅時候見個經理在門口竟然係度玩手機，問佢知唔知我哋等緊佢，他竟望都唔望我哋，追問佢他才不屑地回答話要忙完手頭上工作再過嚟，陳經理：莫非你唔志在我哋呢啲過門嘅生客？
继续阅读
慕名而去中華滙館，去到坐低叫嘢食，開始發覺間餐廳唔夠冷氣，越食越熱，叫侍應開大啲個冷氣，原來在我哋身邊其中1架冷氣壞咗，其他已經開到16度，跟住最開頭我同侍應講想要杯冰，跟住侍應同我講唔好意思如果要冰係需要錢嘅，咁我就同佢講你叫經理過嚟我同佢講，佢真係幫手去叫經理，但係等咗10分鐘都未見人，我忍唔住出去直接搵佢，我見佢喺度撳電話，跟住我問佢你知唔知我就投訴喺度等緊你，佢同我講佢做緊嘢做完嘢就會過嚟我張枱。在我立場如果佢講緊電話客人訂枱，無辦法，但係如果係撳電話的話，係唔係應該顧及在場客人嘅投訴為先。佢嘅態度從來都冇覺得佢有問題，跟住我同佢講完個投訴之後，佢只係問我需唔需要比兩杯冰水我，我同佢講現在唔需要啦因為我已經埋單走啦。在臨走出門口，我同佢講我從未試過去一間高級餐廳，有咁劣質嘅服務，當我同佢講嘅時候佢都唔望住我，完全冇禮貌，目中無人，跟住佢嘅解釋係因為佢又做緊嘢喎，可能呢位陳經理只係招呼熟客，我哋啲散客就唔需要招呼，我奉勸這間高級餐廳嘅老闆，如果想生意好唔該換左呢個陳經理，除非佢係股東，如果佢真係股東都叫佢唔好出鋪面啦，完全係趕客，順帶一提佢而家做緊七五折，有咩用，唔使錢都唔會再嚟。我哋一行四人食咗八百幾蚊，當然係唔飽啦，最後我哋去咗灣仔bakehouse 食下午茶，人哋嘅服務態度，就真係一流啦
继续阅读
計劃星期日行山後找個舒適啲地方午飯，由接待開始已經强差人意，另外菜譜內沒有供應的款式不作標誌，令客人感覺想吃咩冇咩很失望，最後柯打咗二點心，三餸菜，衹有其中的醉鴿係可以，最後埋單也是三摧四請沒有順完成……期望改變。(有時輕鬆訂到位，未必係好事)
继续阅读