串串居

营业中

休息中

依間串串居lunch幾抵食，雖然地方比較狹窄，但食物性價比高👍🏻，這個滑蛋雞肉親子丼$42包玄米綠茶或麵豉湯，加配隻柚子醋温泉蛋都只需$7，比出面大部份的店也平，出面加隻雞蛋起碼十蚊以上，加上這隻温泉蛋味道調校得好好，加落啲飯度食好味，親子丼啲雞肉熟度煮得剛剛好，唔‘鞋’口，蛋八成度熟，撈飯一流，份量又足，埋單$49，真係不錯.值得支持.#性價比高#小店#葵興#lunch#午餐#蛋#親子丼#雞#chicken#滑#おやこどん

食串燒從來唔知道可以咁難食，因為我嘅印象入邊，串燒就係醃好咗，燒好佢就已經好好食，點知今次真係大失所望🙈事源朋友買左堆串燒上嚟我屋企玩，請我哋食，好彩係喺屋企食，因為屋企有兩個廚師，懶食得都有佢哋補救🤣🤣我哋嗌左啲牛肉串，牛舌，雞肉，蒜心？(即係好蔥個啲綠色野)等等大部份一係就唔熱，一係就唔熟，一係就冇味🥲🥲原本朋友話拎落去退咗佢，我家嗰兩位廚師又懶又怕麻煩，費事藤來藤去，最尾喺屋企將所有嘅嘢食再炒過😅如果唔係，我哋夜晚就係食空氣啦

食左好多次啦 近幾次都係外賣 感覺質素差左啲 叫麻辣味既都唔辣 又會將蜜糖味擺埋一齊 蠔又有碎殼喺蠔到 扇貝又係😥😥不過蒜蓉雜菇同拉麵就保持水準今次試左炸薯角 又幾好食喎 可以試下

荃灣葵涌嗰頭都有幾間串燒店，呢一間人氣相對唔高，環境亦都唔係太好，但係都係幫襯左一段時間，疫情期間外賣單勁多，質素不如從前。蟹黃醬燒蠔$18隻，雖然味道都叫保持到，蟹皇醬其實都係沙律醬加啲蟹柳咁，幾fresh，但份量縮水了。肉串$16申，都係啲豬牛羊串，正正常常，真係唔知講咩好，不過不失啦。多春魚4條$25，貴咗啲，如果燒耐啲就好啲、不過咁多訂單，都明白嘅。鹽燒黃立倉$64就幾正既，肉質仲係滑。青椒同牛排菇。

放工經過見巴士仲有快20分鐘先到，記起呢度有間串燒舖便想試吓，一串沙嗲雞一串沙嗲牛肩胛，嗰時間舖都無乜客，等左十幾分鐘仲未好，好禮貌問聲，請問串燒大概幾耐好，個中年女人話就話燒緊，跟著佢講㗎嘢真係O晒嘴，「催催催，催乜鬼催啫」，我都好冷靜同佢講，唔係催你，只係想知道時間，自問唔係麻煩客，兩串嘢十幾分鐘仲未好，我問吓啫就咁鬼惡，再講返食物，雞肉就柴，乜香味亦唔入味，牛肉就多筋同樣無乜味，真係永不再顧。

放lunch諗住近近地搵個地方食飯，見到openrice呢頭都冇邊間受歡迎，呢暗好似冇咩劣評，菜單又算啱食，咁嘅價錢，諗住試一試佢。平時見佢好似露天冇咩冷氣咁，都唔太想食。今次坐低，原來都真係冇乜冷氣。除此之外，啲staff係冇理過我，張檯好痴立立，不過串燒店係咁。個麵豉湯一嚟，見到個色水。好伏。試一試，好淡，後尾發現係佢啲粉未沖開。一間野好唔好食，試個湯就知。個飯嚟到，係好大，但都好重，因為啲飯係濕哂。我最驚就係食呢啲濕飯。個雞冇異味嘅，好似仲有啲調味，味道唔算差。整體都幾差，但咁嘅價錢，算啦。

假日晚上六時已經來到，客人不多，而且天氣有點熱，覺得這店衛生環境很一般（才剛開店已經感覺很油煙，地上不太清潔，桌上也有一點螞蟻），怕同行潔癖家人不喜歡。因為我們一行四人，可以嚐的很多。爸爸點了豬軟骨拉麵，四十幾蚊，還有半隻溏心蛋也做得OK，幾抵吃。我最喜歡的還是這裡的串燒雞和牛，調味不會太濃，二十蚊樓下一串，吃肉獸大概也不會ENCORE至破產的。燒茄子和燒韮菜也是我們的推介，但燒茄子我不慎選了辣的，幸好我們夠人多否則真的完成不了。燒魚、金菇肥牛統統也弄我很不錯，感覺是一家很有心的串燒店。這裡的街坊也真的有福了。我們坐了大約一小時，店員接外賣自取的電話也不少於五個，熟客生意也不錯吧。埋單人均消費大約是$100位，很合理，在油麻地一帶的應該也吃不到這個價錢。走的時候跟爸媽說，如果大家沒有肚瀉的，可以再試；如果再試也沒有，可能可以挑戰其他燒海鮮？我看見很多坐上客也慣性的點那些蠔啊，甚麼的。我們還是先慢慢培養一下信任的感覺吧。豬軟骨拉麵燒茄子燒魚串燒、牛油粟米金菇肥牛、炒野菜

今日經過Ｅ頭就黎試試ＥＤ日式小店見佢平時係買串燒出名　但係今日睇到餐單上既日式燒汁牛肉飯（３９蚊）仲吸引　所以就叫黎試試　先黎左個麵豉湯　無咩特別　因為入面無材料既　豆腐都唔見有粒　我唔知係我唔好彩先無定係本身煮既時候無放　昆布呀　木魚同小貝柱。。。。都無燒汁牛肉得個甜字既汁　同埋上面好多油　牛肉明顯地係雪藏打邊爐個隻所以好多脂肪好少肉　不過錦既價位　明白既值得一講既係佢Ｄ飯　係熱辣辣上　所以加返分而且份量都好多　所以夠曬飽既總結：真心一般

一直都以為呢間店只有串燒吃，直至同事同我講係有午市套餐先走去試下，自從試過一次後就完全不能自拔，基本上每日午餐都會到這間吃。作為午市套餐有成22款其實算唔錯，不論佢味道如何，誠意可加，因為有飯同UDON等等可以簡!而且平均30-40元，價錢唔算貴啦! 我地呢班打工仔，一生一世為錢幣做奴隸好彩個套餐有面鼓湯/綠茶送既，面鼓湯唔會死咸，對於平時冇咩湯水既我係一個小確幸，仲要比埋蔥粒你睇到，真係算係咁上下。主角日式燒汁牛肉飯到左啦，青椒同洋蔥炒牛肉再配上溢出既燒汁，望落都知好味呀~青椒咬落仲係脆身，好怕放左好耐焧曬既個D咁。燒汁甜甜地，少少咸，其實真係唔錯! 香港人最鐘意汁撈飯，個汁已經係正野!

今晚約friend短聚就去咗食串燒，又估唔到又平又好食。食咗個焗牛油栗米，燒日本蕃薯，燒菠蘿個菠蘿係4份一個嚟燒再切片，個燒雞翼又醃得幾好，燒牛柳粒又唔會韌,燒青口跟燒帶子都有個cream係面又唔乾都幾好，個烏冬份量唔算細醬汁都幾好味，依間有下次

好彩今次求其就手搵左呢間串燒食係味道唔錯既，可以再去。我地今次只係食少少野，叫左六樣野食，鯖魚多汁皮脆，魚味濃郁，讚厚切牛舌，可能我本身唔多鍾意食，覺得麻麻地。肥牛珍菇卷，唔夠多汁，而且可以切開兩份，會容易咬口d。豬頸肉超好味！大大舊而且肥瘦均勻，入味！牛肩都唔錯，配埋個沙爹汁，更加好味。美中不足係個翠肉瓜，由於本人好鍾意食翠肉瓜既關係特別期待個翠肉瓜，可惜雖然多汁但無味。食串燒梗係要賠啤酒啦🍺，大致上既野食都係燒得啱啱好，唔會燒到乾淨淨，而且都唔會燒濃當野味，下次經過可以翻炒野食有翻咁上下，價錢貴少少都合理既。

傾完野就同老友坐低食晚飯吧！吃點串燒來兩支啤酒就很好！見到有白啤先來兩瓶！接著也來點串燒和小食～先有牛舌，豬腩，豬頸肉和雞翼！牛舌不過不失，厚身的，雞翼也可以，兩串豬比較失色，醬汁說有好幾款，但味道不突出呢。接著再有豆角和菠蘿！兩者也做得不錯，菠蘿很多汁，這個可翻點茄子做得惹味，如果上桌時可件上，更理想炸雞軟骨也不錯，新鮮炸的那會錯得了，再沾上醬汁，總會吃得完，這個也是零難度的系列吧！說不上很出色，但吃這些飲啤酒與好友閒聊，也是一樂

經常在公司附近經過，一直都以為就只有串燒吃，直到某天才發現原來午飯時間有午市套餐，自從試過一次後就完全不能自拔，基本試每日午餐都會到這間吃。最值得推介的絕對是鰻魚，無論是蒲燒鰻魚飯，還是親子滑蛋鰻魚丼，都做得超級美味可能基於此店主打串燒，故燒出來的鰻魚比出面好吃得多，鰻魚新鮮而且表面燒得非常香脆🤣浦燒鰻魚飯的另一亮點是配上用柚子醋浸著的溫泉蛋😗真想不到原來蛋配上柚子醋是這麼match的❣️😍❤️而這裏做的鯖魚，是啖啖肉，非常鮮味，而且被燒得很香脆，絕對是打破往常人對鯖魚味道的觀念，所以無論是配上拉麵還是飯，也是很值得推介的😁🤣🤤

這日和愛人在家，又無暇煮飯，晚餐就決定食個外賣用外賣APPS order了後，安坐家中等一段時間便到了我們共order了：1. 東洋炸雞讚歧烏冬 $452. 芝麻醬冷麵 $403. 豬頸肉串 (配泰式酸汁)  $144. 鹽燒鯖魚 $28東洋炸雞讚歧烏冬，炸雞幾香脆，肉質都算外脆內軟，質素不俗芝麻醬冷麵，相當出色，麵質軟滑，似乎比烏冬更好食，調味也不錯豬頸肉串 (配泰式酸汁)，肉質有嚼勁，幾好食，配泰式酸汁好惹味鹽燒鯖魚，肉質軟滑，味道香，感覺比豬頸肉串更有驚喜我們還另外去買了啤酒，一邊食一邊啤一啤，別有一番豐味，享受又愉快的晚餐

今晚要趕交report，開ot到10點先肯放人。晚飯都未食，唯有約埋一樣岩岩收工既女友食宵夜，填一填肚。竟然比我搵到原來葵興都有間串燒食，地點夠近 就即管試下。鋪頭不大，鋪內只係有4、5張枱，一般小型餐廳既裝設。食物環境事少，醫肚事大。坐低即刻拎張餐單睇下。款式選擇唔少，價錢好親民！即刻唔理食唔食得落，亂點一翻。炭燒雞泡魚乾。前後兩塊，燒得乾身 有咬口。食落有d似魷魚味，但越咀嚼會有陣甜味滲出，強力推薦！和風炒雜菜。椰菜、金菇、蘑菇、秀珍菇，上面再鋪滿厚厚一層柴魚，份量十足。然後就四款串燒，我地分別揀左燒五花腩、雞腎、蜜糖雞翼同印尼燒雞翼。串燒燒得微焦，但唔會太乾身，仍然會保留少量肉汁。本人鐘情於蜜糖燒雞翼，表皮上塗上一層蜜糖，入口先甜後肉香，相後 女友就覺得印尼燒雞翼更勝一籌，似沙嗲而非沙嗲，微辣。鹽燒鯖魚。呢道菜略為失色，骨多而且肉質乾柴。本人不太推薦。本人最愛 燒蠔同蟹肉醬帆立貝。濃郁既芝士裹著蟹肉同肥大既帆立貝，多層次既口感沖擊，食到我地連手指都差d吞埋。蒜蓉燒原條茄子。茄子切開兩半，上面鋪滿蒜蓉同蔥，極之惹味。典型小鋪，價錢平、食物質素都在水準之上，時間更開到凌晨2點，可以講