串燒仔

营业中

休息中

放假既一天同女朋友 行過太子諗緊食d咩做晚餐之後見到間串燒店就入去試下，枱唔多細細間但牆上既海報同天花板既裝飾好似去左居酒屋咁九菜👍👍👍蒜蓉燒蠔、香草燒蠔 蠔肉大隻肥美😋😋娃娃菜、翠肉瓜、蒜芯、雞軟骨、雞皮、雞翼、腐乳豆卜、白鱔😋😋雞泡魚乾👍👍燒蒜蓉包👍👍總括黎講，每樣都好好食有驚喜😋零中伏位，選擇種類多，服務又好好，雖然細間，但又唔係迫，坐得都舒服，一定再返黎食，讚👍老闆好健談，從佢口中得知，鋪頭係今年新年開張，係疫情最嚴重既時候開，可以堅持到而家，努力💪支持有實力小店👍👍

➖ 燒油甘魚鮫·燒鮮白鱔·燒多春魚·鹽燒一口和牛·燒雞軟骨·燒手切雞腎粒·醬燒九州雞心·醬燒九州雞肝·日本免治雞肉棒·啖啖雞肉串白鱔同魚鮫燒到外層脆卜卜入面啖啖肉。個一口和牛就似普通牛多啲有小小靭。雞軟骨同雞腎好爽脆。醬燒雞心同雞肝好入味，而且燒到岩岩好唔會靭唔會嚡。免治雞肉棒味就可以不過無咩軟骨係入邊小左份口感。啖啖雞肉串好細舊肉好似同個名唔係好襯➖ 鍚紙鹽燒花甲·燒蘇格蘭蟶子王花甲大約有二十隻到啖啖鮮味。但講到鮮呢隻蟶子王更鮮，食落勁爽口鮮甜，大大隻成口肉好滿足➖ 蒜蓉鹽香燒蠔· 日本海鹽香草燒蠔· XO醬燒蠔成日都唔明點解人地燒蠔唔會縮水呢度隻隻都好肥美，三款味都好好食尤其係海鹽香草，海鹽幫佢提左鮮食落更鮮味。而蒜蓉同XO醬味食落就比較惹味➖ 蒜蔥燒原條茄子船茄子落蒜蔥燒係必須的，呢條佢亦不手軟落左勁多啖啖蔥蒜味好正。條茄子仲要成隻前臂咁長➖ 惹味燒雞子做左三十幾年人今日先發現原來雞子燒係好食過打邊爐，不過亦可能係呢間燒得好食，外層燒到好香放入口咬開仲爆哂漿，好食到成晚叫左4串🪧 雖然啲野好好食，不過環境就有啲迫坐得唔係好舒服，動作大小小都會撞到後面果枱

突然想食串燒，上Open Rice搵下見到有間新開小店打去book位去試下，雖然店仔細細但一入去見到好日式嘅裝修牆上面都有好多電影poster坐咗10分鐘左右，好快就有得食見到上碟所有串燒都排得好整齊，燒蠔食唔哂半打亦可以選擇食3隻燒蠔得剛剛好大啡菇估唔到燒完仲好Juicy豬頸肉同一口豬都好淋口，唔會𡁻豬肉乾咁燒土豆片原來同薯片一樣口感蒜蓉包都好好味最終翻啅叫多一碟先夠喉牛舌都係推介之一所以串燒都好有驚喜，價錢都合理一定會再幫襯

突然好想食串燒就上網搵咗呢間小店試下小店佈置幾特別，幾有氣氛，雖然唔算好闊落但係都坐得舒服兩個人叫咗幾碟，有菜有肉有魚每碟都睇得出師傅好有心機整，味道好食又唔會好重味，最有驚喜竟然係燒娃娃菜，無諗過可以燒得又脆又香女朋友鍾意食燒菇，但係我就對菇麻麻地，佢嘅評價話個燒汁調教得好好燒雞翼外面唔會燒到好燶裡面講講熟透，牛肉豬肉串等都好香好夠味，海鮮方面今次淨係食咗燒蝦下次再試下其他整體來講上菜唔算耐，等咗一陣就有得食，即叫即整算幾快

落大雨唔知食咩 見到附近有家新開串燒就唸著試一試 剛剛開始我地淨係叫一串少少 驚唔好食 試左之後即刻追加😆生蠔 好新鮮 鮮甜 韭菜 一啲都唔老 追加3串我就鍾意食台灣腸 甜甜地加埋師傅調味 正👍🏻雞軟骨 雞翼 燒烤必點👍🏻粟米 餃子 薯餅都好食 閉眼叫唔會踩雷真心唔錯 已推薦朋友來食

朋友介紹黎嘅，一開始都係抱着隨便食嘅念頭，點知食完之後俾到我驚喜！！！上菜速度快、服務員態度良好、環境輕鬆良好、價錢方面不錯、整體而言都幾正。佢個蠔同牛舌係我最推介(⁎⁍̴̛ᴗ⁍̴̛⁎)。又大份又夠食(˶‾᷄ ⁻̫ ‾᷅˵)其實本來不嬲都冇寫食評嘅習慣，但係呢間真係俾到我太多嘅驚喜，算係我呢半年黎食過最好食嘅串燒店。完成冇中伏，好評。算係一間同朋友黎飲酒吹水嘅好地方，下次收工都會再同朋友過黎幫襯支持小店！！！

嗰日咁岩路過太子，突然間想燒烤，即刻搜尋下，見到有間新店，就諗住試一下，但一試之後確係唔錯，呢度真係值得一試，性價比都幾高，尤其是啲雞翼特別好食，啲特色燒蠔亦都好出色，但係太好食唔記得影相，牛脷都非常抵食好大串,湯都幾特別出邊又冇乜點見過，確係幾好飲裝修都幾特別舊戲海報，係我年代睇過嘅電影小店形式但都坐住舒服！不過自己一丁友就是得唔多，食過咁多間呢間都款式好多，起碼要食幾次先至試得哂！有機會再同朋友過嚟支持小店😉

朋友推介特登過嚟！環境乾淨企理裝修幾有特色 懷舊感覺推介 燒茄子 好大條蒜蓉味正朋友鍾意食燒蠔 叫左1打燒完都冇縮水都幾大隻，值得推介朋友叫咗串牛舌 超大串！個人就不喜歡同隻牛打車輪雞翼燒到啱啱好多汁，之前食嗰啲唔知點解會燒到乾其他都正常發揮可能枱少小店形式見師父都會出黎交流下感覺幾好知道我地飲酒都問洗唔洗重味d🤣不過我地都話照返你覺得最好咁整得放監第一餐！好評冇中伏同朋友吹水飲酒好地方係地方細咗少少啫支持小店幫你出個食評

第一次寫食評所以寫得唔係好專業😅 食得好飽都係$230 per person。雖然細細地但坐得舒服嘅，鍾意唔係好吵，可以同朋友傾下計。野食都好食同好多選擇。原來之後知道間鋪頭係年頭開，就遇上禁6點堂食，好彩依家開返堂食先有得試，同埋都好彩間鋪仲做緊👍 老闆都好好人，食完問我地覺得點，我自己鍾意金菇同個茄子，一口芝士、玉子燒都好好食。朋友都話呢間幾好，燒得唔錯。下次會再返黎嘅，希望大家都多d支持小店🙌

見到有間新開既串燒店，就入去試吓。間店食物種類都好豐富，燒海鮮都有，價錢合理。一開始叫左d燒牛串 牛舌 雞肉 蟹子丸，味道好好食😋係我中意既口味，唔太咸 又夠晒味。火喉控制得岩岩好。之後又食咗d燒虎蝦 和牛串 燒茄子 煙肉卷蠔 等，feeling very good 師父手勢一流。因為間餐廳有太多食物選擇，一次過想試多啲野，可以同朋友share 黎試，每樣野試吓囉。另外，店員服務都好好👍，食物上枱速度都夠快手 以要燒咁多食物黎講