串爆

营业中

休息中

一. 已經人少時去，上菜極慢，食物一般二. 女服務員態度又差，明明落單時已經提醒過有幾樣野食係上一手喺file度劃既，冇擦乾淨，唔好幫我落。女服務員嗰頭點頭回覆收到，轉個頭都可以照上菜。再跟服務員講我冇叫到呢幾樣，返去廚房check左之後可以出返嚟話係我嘅錯三. 上菜慢已經算，個湯底凍咗都唔會換，叫服務員幫手催，會變咗報復式上菜之外，可以肉都未煮熟就照上菜，簡直不知所謂四. 有服務費唔講明，加上今日去食時其他付款方式嘅機壞咗，只可以收現金都唔講明，就咁樣一個串串放題一位二百幾蚊加服務費，差不多$300 ，真係超唔抵

點解話佢係不一樣既麻辣燙呢因為佢既用料唔係全部同一個味重孜然/化學味, 而且浸完麻辣湯仲食到食物既原味道非常欣賞佢地用心做, 而唔係將大陸既街頭小食照辦煮碗抄落黎就算最重要係食完唔口渴!!今日係晏晝黎到, 午餐都有放題食放題除左超過40款麻辣燙串串,仲有小食,麵食, 飲品同埋甜品由於咁多選擇, 我同朋友都無辦法試晒每一款食物, 盡力試多D總結左以下幾樣必食之選麻辣燙方面, 湯底選擇左半小辣+多麻平時食10小辣既朋友都輕鬆地食到湯底只需要係第一次落單時揀好, 之後再上菜既串會已經煮熱再放落湯如果湯底再有個機一直保暖,效果應該更加正串串方面必食既係泡椒牛肉, 雞軟骨, 肥腸, 五花肉, 蒿荀, 薯仔, 冬菇泡椒牛肉係鮮牛肉包裹住一粒泡椒, 泡椒香氣搶而不辣雞軟骨爽脆有咬口,一串3粒食極都唔夠喉吸左湯既薯仔,一咬即裂鬆軟多汁肥腸最緊要夠肥美, 無內臟異味冬菇既香味麻辣味蓋都蓋唔住五花肉脂肪既部份爽彈蒿荀勁脆嫩, ENCORE左好幾次麵食方面叫左肥腸麵同酸菜牛肉麵麵質有嚼勁, 有少少似陽春麵叫左豬骨湯同樣夠味份量唔會太飽, 兩個人SHARE一碗都係無壓力既飲品除左汽水有涼茶, 無糖冷泡茶, 椰

今日收工後約了朋友食飯，來到旺角選擇了這家串串店，位置十分便利，而且周邊環境寧靜，一邊食野，一邊傾計就最岩。服務員推薦食二人套餐或者兩小時任飲任食套餐，我地都好大食，於是就選擇了任飲任食套餐，選擇十分多，除了有串燒，還有很多風味小食、面食、甜品、飲品可以選擇，還可以以優惠價加購啤酒、小龍蝦、酸菜魚。串串是有帶湯底的，我們選擇了中辣少麻，肉類串串點了麻辣牛肉、孜然牛肋肉、泡椒牛肉、五花肉、雞肉、鴨胸肉，肉串的味道十分入味，啖啖麻香啖啖肉，食下去好爽，特別是雞珍，一定要點，好好食。其他點了千層肚、鮮魷魚、各種丸、各種菜，所有都吸收了湯底的精華，真系各種風味、各種好吃，食得辣既朋友，一定要來試下。這邊的特色小食真的很有特色、很不錯，下單後好快就到台，吃串串前的開胃菜，小小一份，份量岩岩好，藤椒雞軟骨，一口一件，炸得十分脆口，勁力推薦，無骨鳳爪，吃的就是爽，又香又辣，水煮麻辣豬紅很實淨，很有咬口。飲品就推薦他們自家制的蜜糖烏龍茶、菊花普洱茶，十分解渴解辣，一口飲下去就是冰爽甜，最後一定要試佢地十分有特色的成都老冰粉，食完解曬滿口油膩，是一個完美的收場。

每星期一次旺角覓食，今次嚟到食串燒，朋友比較大食，揀放題就一定冇死🤣放題選擇都幾多，幾十款串燒任揀，仲有小菜同埋麵食，飲品亦都包埋，呢個價錢都算抵食👍先嚟一啲開胃前菜，種類都幾多，棒棒雞即係手撕雞，加埋麻醬青瓜；另外都叫咗一啲蔬菜，例如蒜泥青瓜同埋上湯娃娃菜，打定個底先，陣間就可以食串串我唔係好食得辣，職員好好提我哋可以分開叫，第一round叫咗個清湯，上枱一個大碗，擺住幾十支串串，都真係幾壯觀因為肉類種類選擇多，所以樣樣都嗌咗啲，我覺得雞肉同埋五花腩都幾好食，之後都有再加單第二round為咗滿足朋友食辣嘅慾望，就叫咗個小辣，有啲辣味又真係幾惹味，特別係蔬菜，朔晒啲湯汁，非常過癮唔知點解呢期莫名地喜歡食冰粉，所以見到呢度有得嗌冰粉，特登留肚食一碗。冰粉滑捋捋，加埋黑糖底，山楂餅碎，提子乾，酒釀，同埋芝麻，唔知點解勁鍾意呢個配搭😂😂平時好少飲呢個牌子嘅椰子汁，唔係好甜，清清地幾好飲

今日同朋友發掘到呢間喺油麻地嘅川菜。最吸引嘅位係佢係120分鐘放題，有多種麻辣燙串、小食、麵食、飲品同甜品選擇。等菜時間唔洗好耐，最快上嘅係小食。蒜泥青瓜解辣一流，又唔會太咸。藤辣雞軟骨個人覺得係最好食嘅小食，有別於一般香辣口味，藤辣非常之惹味。棒棒雞其實係麻醬拌雞，落咗少少黑芝麻同埋青瓜絲，又一解辣小菜。上湯娃娃菜娃娃菜用上湯浸咗，又軟身又入味。香辣無骨鳳爪冇得揀辣度都幾辣，但無骨鳳爪食落啖啖肉又好惹味從頭戲嘅串串來了我哋剔咗好多唔同種類嘅串串，包括孜然牛肋肉、雞腎、鮮魷魚、午餐肉、蓮藕、萵筍、冬菇、豆卜、腐皮、白蘿蔔、魔芋等，有得揀辣度同埋麻度。我哋揀嘅半小辣就真係唔太食得出辣味，只不過麻度揀咗多麻嘅話，食落已經好惹味。我哋有d淨係點咗一串嘅，上菜都會上兩串，但因為份量唔多都可以照食。佢嘅材料質素亦都唔差，湯底好入味。估唔到呢個老成都雜醬麵又幾好好食。麵條幼身，好容易就索得到啲肉汁味，加上肉碎同葱花，好入味。任叫飲品 夏枯草

這一天我們來到旺角 串爆 食特別嘅串燒😊 食物選項好多，目不暇給除咗串燒食物，仲有湯麵、乾麵、小食等等店員把我們點的食物串燒好後，再放入大碗湯內浸泡，讓各項食物吸收湯汁味道其中我哋比較喜愛嘅食物包括：😊單骨雞翼好香，肉質好滑，食得又方便，味道香濃，有微微辛辣，鹹香味出色😊黑胡椒腸黑胡椒味道好出，有少少辣，好惹味😊成都小香腸呢款香腸比較少見，都幾得意，似超級迷你版嘅臘腸，味道香濃，有咬口😊豆卜、腐皮、百頁結等等嘅豆類製成品吸收晒湯汁，好入味😊翠玉瓜、冬瓜、粟米、薯仔好吸到湯味，健康之選小食及麵食等等方面我哋比較喜愛：😊棒棒雞 及 青瓜棒棒雞除咗有雞肉、仲有青瓜絲、芝麻、混合一齊食好好味，口感豐富，味道香濃，雞嘅肉質唔錯。拍青瓜好清新，酸酸地鹹鹹地，仲有芝麻油香，係開胃小菜😊牛肉麵牛肉入味，麵質好順口好好味😊老成都誰醬麵醬汁濃郁，麵質有彈性滑口，超乎意料幾好味！我哋一人食咗一碗😊冰粉晶瑩剔透好靚，好滑，另外係嘅糖水底都好清甜滋潤飲品我哋點左清熱氣選擇：夏枯草，竹蔗茅根呢餐非常滿足，每一個串串嘅食物都係一口一啖，可以每樣都試少少😊

今天我和好耐無見的朋友光顧了一家之前佢帶我食的任食成都冷鍋串串同上次一樣我地選擇了2小時的任飲任食套餐，選擇了半小辣和小麻口味 （印象上次食中辣，我好快就不行了😂🙈）再次黎到，仍是那個適合與朋友一同吹水的地方，地方不大但人亦不多，座位都舒適，坐夠2小時不成問題😆上菜叫快，叫左幾輪，野食都仲幾熱下，放落冷鍋後再食，正呀～😋😋我地叫左各種不同的串串和火鍋料，其中最受我喜愛的是佢地的牛肉同牛肋肉串串的品質也非常出色，食材新鮮，煮熟的程度剛好，肉質仲好嫩下🤩 配上半小辣和小麻口味，辣度剛剛好與微妙的麻辣感，個牛真係upgrade左 （好啦，我認係我唔太食得辣，但呢個唔可以唔叫辣😂）藤椒雞軟骨🐔係我地左4定5轉的小食😂😂 入味，口感一流，野味，無咩好講😂棒棒雞🐔麻醬青瓜雞絲，作為主菜前的前菜，麻醬幫助你打開胃口😆😆上湯娃娃菜🥬個人私心推薦，唔太食得辣的，怕食得太多肥仔，呢個清一清，少少清的鮮甜味可讓整個味蕾都換然一身

今天天氣轉凍了很多，難得出到旺角想食辣嘢暖下身。今日選擇左旺角既特式川菜串爆餐廳。餐廳環境很舒適，裝修很有格調而且感覺也很乾淨衛生。今日想食多啲所以點了二人任食餐。食物款式很多，除了串串還有小食，粉麵和甜品還有飲品都是任飲的。今天試了小食棒棒雞，香辣無骨鳳爪和藤椒雞軟骨。棒棒雞由雞絲青瓜絲加上胡麻醬，味道清新，風味十足而且可以解辣。藤椒雞軟骨亦很特別，藤椒味香濃配上雞軟骨非常不錯。這裏的串串也非常多款式，有四十幾種，而且一口一串非常方便，我最喜愛麻辣牛肉，和泡辣牛肉都非常惹味。主食我們點了成都肥腸麵，肥腸很煙韌配上美味的湯麵，而且不會好大碗，令我們可以再多點一碗老成都雜醬麵，這碗麵可以食到麵的原味和醬香，作為香辣食品的平衡非常不錯。最後食埋成都冰粉。真是滿足的一天。

麻辣癮起好想食川菜😋除左小炒，發現到一間任食串串🤪湯底可以自行揀麻辣度，食物選擇都豐富👍每串細細的一口size😆好啱同fd食宵夜吹水🤣前菜最鍾意個麻辣鴨血😍😍熱辣辣而且調味惹味🥳不斷encore🤩其他前菜都不錯而且佢個調味唔係全部都係同一種！有唔同嘅醬料配搭調出的辣👍欣賞串串就好多選擇👍好多都好食😋最鍾意佢嘅牛肉、魷魚、雞翼好入味🤓而泡椒牛肉就好特別，真係一片牛肉包著一小粒泡椒！一齊食都好過癮😂😂就咁食已經夠味，不過都可加錢有兩款調味 一款係辣椒乾碟，點埋再惹味啲🤪一款係香油碟，可以解辣飲品任飲同埋主食有粉面任食🤓選擇都頗多😋最後仲可以嗌返碗冰粉食下🥳

宜加周圍既放題同自助餐都閒閒地四百蚊，難得見到$200 內既放題，即刻試下🤤旺角既串爆係一間提供兩小時四川口味串串放題任飲任食嘅餐廳。有超多款肉同菜，大食既朋友一定好開心!😋我最鍾意佢哋嘅孜然牛肉同豬頸肉，味道非常入味，肉質爽口彈牙另外，串爆可以加$10 提供蘸碟，裡面有芝麻油嘅香氣同埋海量蒜蓉，配合串燒一齊食，冇得頂😋除咗串燒，串爆嘅涼盤小食種類亦都非常豐富我特別鍾意嘅係手撕雞、黑木耳同糖醋蘿蔔手撕雞肉鮮嫩多汁，每一口都帶有濃郁嘅雞肉香味🤤黑木耳爽脆，配合香辣調味，好開胃糖醋蘿蔔幾甜幾驚喜，口感幾清爽～❤️餐廳仲提供冷泡茶(都係任飲!)，可以中和一下辣味食物不過解辣黎講就一定要叫冰粉，好爽滑～❤️性價比黎講，串爆真係冇得輸因為係小店，座位唔多，大家去之前記得book 位呢!

平時返大陸最鍾意食嗰啲麻辣串串，今日口引起，又趕唔切返大陸，見到旺角有一間竟然係放題任食串串😍😍😍超吸引！餐廳位置非常方便，喺家樂坊附近，餐廳座位有限，建議大家早啲到🤣🤣🤣首先那麼串串鍋底可以選擇唔同辣度，建議大家可以由中辣起跳😍湯底唔會換，食物會喺廚房整好之後攞出嚟放返落湯底👍🏻食物選擇非常多！除咗串串之外，仲有唔同嘅小食涼拌同埋可以叫面😋小食方面，我哋叫咗牛柏葉，醃蘿蔔，雞腳，棒棒雞，手拍青瓜👍🏻其中醃蘿蔔真係冇得輸，叫咗兩次🤣🤣然後我哋仲試咗唔同嘅麵線，其中成都式雜醬面好夠味！配搭埋串串係最佳之選❤️🤤串串方面，有食開嘅朋友仔都會比較清楚，素食係最吸汁嘅🤣🤣🤣食咗大量蔬菜同薯仔，肉類方面我哋認為豬肉類比較出色！可以放題式咁樣食串串，真係非常特別嘅體驗🤭😋😋😋我哋當日食嘅時候都有好多內地人幫襯，相信味道都係非常地道嘅！

廣華街呢間麻辣串串已經唔係第一次食，麻辣湯底好香麻、放題嚟講串串款式又多。仲有野飲都係任飲，可以邊食邊解辣。$208 任食120分鐘。串串全部都係一串一口，辣度麻度都可以自選。因為我朋友想食特辣，但我最多食到中辣，店員仲特登幫我地另上特辣湯。店員細心又態度親切。串串款式嚟講都算齊全，蔬菜、丸類、肉類都有。牛柏葉同魷魚都算爽口。除咗麻辣串串之外，小食都係放題任點。小食都係細細碟上，有麻辣牛柏葉、手撕雞、手拍青瓜同埋雲耳，味道方面水準一路都keep到。最後推介食完所有野要食埋甜品，點返碗冰粉。 甜甜地嘅啫喱，解辣必備。

見到呢間做緊優惠$160就有得任飲任食，好正咁，就試下～2個鐘其實點都夠時間，重點係！竟然有唔辣，岩曬唔食得辣嘅朋友，我朋友本身都唔食辣，但係我説服之下，我哋叫左半小辣～我覺得Ok喎，夠香唔算太辣～我哋試左好多嘢！好想每款都點嚟試～不過量力而為，唔好浪費食物！肉類方面，推薦：單骨雞翼、孜然牛肋肉、豬頸肉！蔬菜方面，推薦冬菇、冬瓜、脆肉瓜！仲有我鍾意食嘅西蘭花估唔到有～風味小食總共有4款，我哋試曬哈哈！1棒棒雞，2滕椒雞軟骨，3蒜泥青瓜，4糖醋蘿蔔～特別推薦【棒棒雞】原來係麻醬撈青瓜雞絲，雞肉絲好好食，肉質唔會鞋～！食得太多辣嘢建議叫【上湯娃娃菜】中和番～【火鍋川粉】係寛粉嚟，粉煮得啱啱好好煙靭！份量唔會好多可以叫多幾款其他粉麵類試吓，有得揀豬骨濃湯或者係秘製辣湯，本身係有蔥有芫荽～飲品方面叫左【竹蔗茅根】，係鴻福堂原枝嘅！我鐘意冷泡茶，一嚟解渴，二嚟無糖負擔少啲嘛！推薦【白桃烏龍茶】好香！啊，仲有【成都老冰粉】必點！好解辣同麻～～～店員姨姨好貼心，會問我哋會唔會太辣，知我朋友平時唔食辣，話可以俾個豬骨湯底佢，又驚我哋唔夠食，問我哋使唔使加菜～同埋見佢都有關心其他客人，問佢冷氣會唔會太凍

串爆 地址: 旺角廣華街2-20號翠園大樓地下2號舖內地傳來香港的人氣美食，有麻辣燙串串，火鍋，烤魚等等，北上南程遠，想食唔通下下排成個鐘過關？香港尋拎美食開始任食的麻辣串串，有肉有菜幾十款，自己剔想食乜都得，一串串細細份，食完長竹纖插放在筒。小食幾有心思，由青瓜，棒棒雞，雞軟骨，豬紅，千層肚等等。一大盤連湯端上，個湯麻同辣都可自選程度，每樣都很惹味。個湯會在點下一round 時再把串串放入去，所以注意不要把紙巾放在去。最後點份冰粉糖水，水水滑滑味道清甜，解辣一流。

平時串燒食得多，係香港食到川式串串真係比較少有，衣家旺角有仲要有任食餐!!!如果食得唔多，可以簡二人套餐都抵食，食物同任食套餐既一樣，但就有限額，但又相對平D套餐仲左有串串，仲有麵食、冰粉同飲品半小辣-少麻湯底湯底微辣，帶有一點點辣椒的香氣，並且麻味剛剛好。湯底能夠提供一種溫和的辣味，品嚐到辣椒的風味，同時不會太過刺激單骨雞翼肉質鮮嫩多汁，帶有些許香料和調味料的味道，雖然只有單骨，但肉質豐富麻辣牛肉口味香辣濃烈，牛肉嚼勁十足，帶有微辣的辣椒和麻味涼拌黑木耳口感爽脆，帶有酸辣調味，並添加了一些香料和調味料。這道菜清爽開胃棒棒雞嫩雞加入青瓜絲同芝麻醬，清爽開胃，酸酸甜甜，口感層次豐富，雞肉冰鎮嫩滑蒜泥青瓜青瓜切成薄片後，配上蒜泥調味，口感清脆，帶有蒜香的味道，爽口解膩 老成都雜醬麵口感豐富，麵條幼細彈牙，肉燥同醬汁好入味川味牛肉麵-豬骨濃湯牛肉麵以濃郁的豬骨湯作為湯底，配上嫩滑的牛肉片和彈牙的麵條，湯底帶有豬骨的香氣和鮮味，好好食無糖-菊花普洱茶清淡而清爽，茶香濃郁。菊花的花香和普洱茶的苦澀相互平衡，解辣之選仲有各式涼茶可以解辣同下火竹蔗茅根、夏枯草冰粉晶瑩剔透，口感好爽滑，糖水甜度岩岩好