串王之王 - 正宗成都串串火鍋 (已結業)

通常打邊爐都會出嚟尖沙咀，想食麻辣火鍋，見到一間喺金馬倫道嘅店價錢幾抵，選擇都好多~火鍋放題 ($248) 係可以自己去個雪櫃度揀鍾意食嘅配料🥰 選擇好多，一串串鍾意食幾多就攞幾多🤪咁揀咗湯底先，鴛鴦湯底一個麻辣一個唔辣，呢個嘅麻辣味道都好香，好吸引！然後會送一份小食，揀咗呢個煉奶糍粑，渣到金黃色，加埋煉奶食落去外脆內軟好好味，好有口感！配料方面都揀咗不同既肉類同丸類，一睇就知道選擇好多，配料亦都好新鮮特別推介嘅係雲吞，放入去麻辣湯底度煮，係超級惹味，而且都唔會掩蓋到雲吞本身嘅鮮味。之後我哋食埋個菜同埋紫薯寬粉就已經好飽好飽☺️

同朋友去咗尖沙咀食嘢，我哋兩個都係好鍾意食辣嘅人，簡直係無辣不歡，就去左試串王之王。一入到嚟就覺得啲員工都好友善，又同我地介紹Menu，又比左條圍裙俾我哋，仲好細心咁樣話埋比我哋知邊度攞嘢食邊度攞嘢飲邊度係廁所，服務態度真係好好，笑容又好。其實依家香港好多餐廳啲員工態度都好差，就算有+1都係冇服務，但係呢間啲侍應就好好啦。嘢食方面選擇嘅種類都好多，嘢飲種類都有好多係清熱嘅，非常適合我哋呢啲又鍾意食辣又驚爆暗瘡嘅人，蔬菜嘅種類多好多，實唔怕會便秘。湯底我哋嗌咗鴛鴦，一個麻辣一個藥膳，麻辣叫咗中辣，非常野味，藥膳都好香膿，另外我地仲叫左兩份小食，一個系酥炸豬肉，真材實料，啖啖肉，唔厚粉，佢地仲教話要浸一浸啲湯底先食，會更加香。仲有冰粉，我地簡左水蜜桃味，店員好細心係等我哋食完野先送上嚟，時間岩岩好，食完辣野再食啲冰涼既野真心好爽！

同同事上週五Lunch食過一次，但唔會Encore午餐其實選擇都OK，但食物偏鹹，疑似老細果位男士全程黑面，好似我地爭佢錢咁，連隔離檯兩位打邊爐嘅都忍唔住出聲！尖沙咀食飯選擇咁多，真係無必要入黎受氣，加上食物一般，唔覺得佢有臭串本錢，所以一次食完BYEBYE～

朋友有一日想去食麻辣串串...咁就去試左呢間...串王之王訂左位有7折的。見佢都有望實個時間...時間一到佢就會要你埋單...一入座都即時問我地要咩湯底...我地香左鴛鴦湯底...麻辣同蕃茄湯本身對呢間野個評價都唔錯..因為蘋果日報有報道...野食種類都算多但囉野食個位勁窄...魚皮勁「淋」同有油益味...食左一舊就無再食...本身好鐘意食豆腐串...點知發覺佢有幾舊發毛...我就無再食啦...其他野食尚算新鮮...只會食一次....唔會再食...

在無發覺開始愈來愈興串串鍋？但想食到一間正宗既就好難，因為佢唔係拎支竹籤吉住d食材俾你就叫係串串鍋，而係湯底同調味料既重要性，呢間，佢做得到👍🏻👍🏻👍🏻👍🏻佢地每枱都有一罐特製麻油，隔離果枝就係蠔油，點食呢？就係將佢哋溝埋落個調味碟度，再出去加啲醋，就變咗一碟好特別又好好味嘅調味醬料👍🏻👍🏻👍🏻另外調味料出邊都有得俾你拎。依家佢哋做緊優惠，只要叫一個喎，佢就會送一碟小食，呢碟小食就係麻辣魚皮，唔好見個賣相普通，食落去好正，都係第一次咁食，我唸只有佢地店先有既特色。另外又有送多碟牛，啲牛好大塊，好厚切亦都好新鮮，份量唔算少。叫咗個鴛鴦鍋，一邊係麻辣味，以令一邊就係藥膳味，嚟到好香藥膳藥材味，佢哋用好足材料去烹調個湯底，成個湯都飲得落。食材亦都好多款選擇，一定有一款啱你胃口，亦都好新鮮唔會擺得太多出嚟，沽清嘅時候師傅會再搬出嚟的。成都冰粉，佢唔係涼粉，無藥材成份，係成都特產，味道都幾好味好特別。另外飲品都好多選擇，都係任飲。

周末吃下午茶可以有多特別呢？我跟朋友去了尖沙咀的一間串串火鍋店吃個飽。這間店的店內環境舒適，很適合與親朋好友來談天說地。難得來到當然試一試兩個湯底，不同風味，分別是蕃茄湯底以及麻辣湯底。店內有一個調味料區，自己可以調想要的味道。而店鋪亦提供調味醬料的建議，我自己也跟過，確實不錯的。這裡也提供了食物區，方便火鍋時落的，款式包羅萬有。起初就先來個熱身，選幾種食材試一試。這一樽油可以說是風味提升的好東西。這個酥肉炸得酥脆可口，讓人想吃多一點。水滾了，當然第一時間把一串串食物放進鍋裡去。過了不久，終於可以吃了。其實這樣一串串的方式來吃，可以給人多些機會吃不同的食物，吃的份量也容易調節，避免了叫得太多而浪費食物的情況。整體來說，下午茶時間這樣吃也很不錯，下次來再吃個夠。

呢2年成都麻辣串串係大陸熱起來依家見到香港都開始有啦早2日仲見到尖沙咀有呢間串串放題嘢食同嘢飲都係自助形式自己拎俾店員姐姐引左入去試下.我地揀左個鴛鴦鍋湯底 麻小辣同藥膳 再叫左個串王酥肉佢係炸豬腩肉 睇落似鹽酥雞食落係好鬆脆 放耐少少食會有啲淋 都係新鮮食正！.到主菜 就當然係麻辣串串湯底一邊辣一邊唔辣就最好 估唔到藥膳湯都好好食啊！朋友最中意露筍同海帶 我就最中意餐肉南瓜同竹笙。露筍同海帶好爽口 煮耐啲都唔會淋到一pat咁海帶好大塊呀 仲整左個小結 好睇又好食南瓜我就中意加藥膳湯 個人太中意食南瓜煮左7-8分鐘倒食係最正 又健康竹笙都好大片 吸左湯食好美味 仲有sok sok聲既優質咬口 配薯粉/烏冬都一流肉類都唔少款 豬牛雞都有 鴨血都有！可以早少少加落湯底度煮 湯底會更好。.店員好好會俾圍裙我地著住唔好俾啲湯汁整到同朋友一路傾計一路食串串好享受👍🏻唯一唔太好係抽風麻麻地 食完啲衫好大陣麻辣味😝

串串火鍋係大陸真係食得多香港食真係第一次。小編同2個朋友星期二放工時間去人流吾算多，吾洗點等位。環境營造到好地道成都火鍋館咁，全部卡位都幾好坐入正題湯底 - 每人248$ 一台一個鍋 可以揀鴛鴦湯底串串火鍋的重點 係"麻辣"湯底，店員話佢地的辣度係跟反成都的標準 小辣相等於香港平時的中辣了 我地最後揀左小麻辣拼藥膳湯底。個藥膳湯底都好值得試，足料無味精汁醬 - 免費 選擇算多，基本野都有齊。最特別的係有埋麻辣火鍋必備麻油配料 - 接近80種的火鍋配料小編好欣賞呢度的配料，真係好新鮮。款式有誠意，例如: 鴨舌，黃喉，竹笙我地食左好多，感覺好抵飲品 - 汽水，綠茶，王老吉任飲服務 - 店員好好禮貌，加湯合時

最近流行四川串串火鍋🍢，一般都是於結賬時根據串串計算💻，而在尖沙咀就有一家是放題形式的📍，聽起來更為實惠吧👍🏽。店內位置蠻多的😳，坐下來也算頗舒適😌。先到自助醬料區準備一下吧🧂。另也設有自助飲品區喔🥤。麻辣火鍋又怎能缺少麻油呢😉？每桌早己準備了店家製作的麻油囉👨🏽‍🍳~🔹鴛鴦湯底🍲除了麻辣湯底外🌶，店內更有菌王🍄、番茄🍅及藥膳🌿等供選擇🤩，這晚我倆就選了麻辣及菌王🧐。麻辣湯底放進了花椒🌼、湖南辣椒乾🌶等，果然是真材實料喔💯。🔹串王酥肉🥩先來一點的飯前小食😁，酥嫩的肉條絕對是不二之選👍🏽。🔹串串及火鍋配料🍢於雪櫃有超過30多款的串燒可選擇😲，另也有鴨紅🦆及海鮮🦑等，時不宜遲地回到座位上就可以開始熝一熝了🔥。🔹煉奶糍粑🍮入口煙煙韌韌😋，加上了甜甜的煉奶🍼，解辣真的是一流呀😍！總結💭90分鐘的放題🧭，不同的時段更有不同的折扣優惠✨，重點是午市時更是二人同行一人半價的💥，對比其他同類型食店🔥，真的是有絕對性的優勢🎉！

聽講呢間串王之王係新開嘅 未試過任食串串火鍋所以入左嚟食 😛餐廳經理好熱心 介紹咗佢哋餐廳嘅特色 同埋推介左一啲小食俾我哋 佢有介紹到成都嘅醬汁係黑醋加蠔油再加一層油 但係食落又唔會覺得好油膩 反而昇華左啲肉嘅質感同埋味道 🥰湯底方面我哋叫咗沙嗲同埋微辣 沙嗲味夠濃 麻辣鍋係越淆越辣嘅 鍾意食辣嘅朋友一定唔可以錯過 🤪火鍋店都有好多唔同嘅嘢食唔同既肉類都yip得唔錯 牛肉係孜然粉 另外雞肉一啲都唔鞋! 因為我地放耐左唔記得拎番上尼😂但係浸耐左都係滑既 👍🏻除咗肉類之外佢都有唔同嘅丸 有龍蝦丸 同另一個我最鍾意嘅魚蛋入面係有芝士嘅 因為個魚蛋佢可能事先炸過 所以淥完之後唔會淋 當然唔少得有芝士腸 好食好食仲想讚下佢啲菜 種類好多有生菜 娃娃菜 油麥菜！！（唔係度度都有）最重要係佢啲菜好新鮮好甜 同埋洗得好乾淨！！（如圖）最後甜品 係有啲麵粉用油炸 識落煙煙un un 有少少似年糕嘅口感再加埋啲煉奶喺上面 今晚真係好飽好滿足呀🥰

今晚同朋友尋求味覺上嘅刺激，去左呢間食成都串串嘅餐廳挑戰下🤟🏻🤣一入到去已經有種麻味，我同朋友都有少少擔心會唔會太辣，但好彩佢有得鴛鴦鍋，麻辣鍋方面都有得揀辣度。最後我地揀左藥膳配小辣。等緊個湯底滾嘅時候就去左佐料吧整醬汁店員教我地整正宗嘅成都醬汁，由香油，醋同蠔油混和而成，味道都幾唔錯。飲品吧有成個吧位嘅餸任攞，有疏菜、肉類、餃類、粉麵等，應有盡有，店員仲不時refill，保證新鮮。我地揀左個煉奶糍粑作為小食，香脆鬆軟，又甜甜地，好滿足🤤藥膳湯底濃郁，有陣陣嘅藥材味，感覺養生；小辣湯底麻味重，但比想像中冇咁辣，食嘅時候唔辛苦😂食得辣嘅朋友可以叫中辣同大辣😈餸菜方面普遍都唔錯，可以放心揀黎食🤤仲會送個冰粉俾大家解辣，有得揀黑糖，提子同桃味揀✨

春天已經過咗一半 就嚟又到熱辣辣嘅夏天了緊係要打多2次邊爐雖然打邊爐就無分季節嘅 因為都係有冷氣😍🥰今次朋友表示要食麻辣串串火鍋原來尖沙咀竟然有間係串串放題㗎😱種類仲有好多 連鴨舌都有 好食到拎咗2盤每盤有12條 肥肥大大的 有肉食👍🏻有唔少瓜菜菇類同肉類 海鮮同丸類等等連嘢飲都係任飲的。湯底我哋揀咗鴛鴦鍋 藥膳同麻小辣店員表示佢哋麻辣嘅辣度係會比出面高一度但我就覺得好似差唔多 點咗小辣好似無中辣嘅感覺。.店員都好有禮貌同會主動問要唔要加湯👍🏻嘢食我就最鍾意牛毛肚 海帶同腐皮腐竹雖然牛毛肚無外面食嘅咁大塊但呢度係任食啊😱好爽口 同麻辣好配腐皮腐竹當然係吸湯系列本身無乜味嘅嘢都變成重口味咁先係正宗成都串串火鍋㗎嘛😍

第二次黎吃！相隔無1個月，營銷手法變得太快！之前幾點幾點入坐係240 260 280宜家變了7點前二人同行一人半價，現在280一位！太貴了！book了5:45 以為有半價啦！怪自己無睇清楚，原來係7點前離坐先係！一個鐘打個邊爐！點夠時間！嘢吃都縮了水！算啦！下次唔去了！太貴了！好失望！之前肥牛任吃，宜家變了一人一份量，半價優惠總要唔送肥牛蝦又唔新鮮，嘢吃都變少了，我同我friend一致表決，以後唔去吃再见了！

好耐冇食過放題，所以經過仼食火鍋就入左去。因為係成都火鍋，所以侍應介紹左特制油碟，半𥖁油加 ，本身以為會好怪，但原來勁好食，所有火鍋配料加少少油就會變得香好多，好好食。目測配料區都有幾十款野食，全部一串一串咁擺出黎，好方便拎。湯底因爲怕辣，所以揀左蕃茄同沙嗲湯，蕃茄好入味，特別係煮娃娃菜時好正。仲有大推蛋卷肉，好好食😂。最最最欣賞係魚皮！平時出面食魚皮好多都唔好味，但呢個真心好脆好好味，一定要試下。食到勁飽😂200幾蚊黎講性價比都ok，值得一試。

之前在深圳吃過類似的串串鍋回味無窮想不到香港也有，便去一試當天預定了7時，可惜店方完全沒有我們的訂位紀錄，不斷問是否經openrice的預約朋友不吃辣，叫了麻辣小辣跟蕃茄湯底湯底不過不失，麻辣不錯當天收費$288加一，可2月那時才是$260加一，而且當晚好像只有任食可選。像我們胃口不大的人來說任食這個價錢就不太劃算東西都放在外面自取本來以為我味覺問題，不過朋友也說東西好像有點不太新鮮，像是豆卜，明顯已變味總括是一次便可，再沒下次某些員工服務態度倒是不錯