串王之王 - 正宗成都串串火鍋 (已結業)

第一次食串串火鍋，感覺好新鮮，配埋麻辣湯底，過足癮！👍🏻·呢度以半自助形式運作，客人可以到「自助區」度拎配料，「串串」以竹籤串住，每支籤代表（$5），其他食材以杯或碟放住，價錢根據杯碟嘅大小同顏色而有所不同。🥣·今次叫咗鴛鴦湯底🥘（$128），蕃茄🍅併麻辣 (小辣)🌶，朋友愛食辣，但知我唔太食得辣，所以揀咗小辣，等我都可以試下麻辣嘅滋味！😋·我哋食咗35串「串串」🍡，差不多試晒所有款式咁濟，個人特別推薦芹菜牛肉、金菇牛肉、午餐肉，好惹味！·另外我哋叫揀咗牛柏葉（$128）、鮮雞件🐔（$48）、紅薯幼粉🍜（$28），個人好喜歡雞同紅薯粉，雞肉好嫩滑，唔會好肥，連皮食好正！。紅薯粉口感Q彈，又好入味，以佢作結尾，一流！🤤·💡 7點前埋單有68折優惠，勁抵！

天氣開始凍啦 又係打邊爐嘅時候了🥘近年香港越開越多麻辣火鍋 香港人越吃越辣嘛？🤔尖沙咀最近又開多一開專做麻辣串串火鍋當然要試一試啦☺️舖頭唔算大 行到尾有大型雪櫃放好串串同火鍋材料 自助形式嘅👍🏻🥘 湯底 麻辣配藥膳 $128麻辣又香又辣 開始嘅時候怕唔夠辣 不過越滾越辣 正😍藥膳 聞到好香雞湯味 不過藥材味未夠濃 較淡😉🥩 安格斯肥牛 $128大概有八件 顏色較深 紋路清晰不論放起麻辣湯定藥膳湯也好吃🔸 鵝腸 🔸 黑栢葉呢兩款 我每次食麻辣火鍋都會叫嘅🤭呢到啲鵝腸好搶手 好快俾人拎唒夠新鮮 仲好肥美🙈🍢 串串 $5一枝籤太多選擇了！本身想食泡椒牛肉挑戰一下辣度 但個日無呀😭所以我嗌左芫茜牛肉 香芹牛肉 雜菇牛肉🙈好多好多牛肉呀 牛肉用左牛腍肉 肉好冧而且裏面嘅菜呀 菇呀 都好多👍🏻除左牛肉外 仲有各款丸類其中一款好特別嘅係中國臘腸 細細條嘅臘腸 好得意😂味道同平時嘅無咩分別🙈🍽 串王之王 - 正宗成都串串火鍋🔎 尖沙咀金馬倫道34-36A號福僑大廈地舖

四川🍢正宗串串火鍋🌶串王之王——————————————鴛鴦湯底我覺得點都要叫一個麻辣湯底🔥食四川野一定要辣啦菌王湯底就超足料 🌚入面啲菇夾極仲有....🍢串串必食推介：都係$5至$10一串菠蘿牛肉同埋韭菜牛肉🥩肉好滑 🔥烚左成6分鐘都無乜點老到而且辣湯底令肉味更出仲有臘腸仔🥰一口食左 味道唔會好甜或好油.✨仲有店家推薦既串王酥肉✨外脆內軟而且唔油膩，就咁點粉食又得🤩浸落火鍋後兩秒撈起 浸軟個外皮再點落啲火鍋配料醬度💧酸酸甜甜好好食個紫薯粉見佢好靚於是試吓，好煙韌嘅紫薯闊條麵🍜而鵝腸同肥牛都好新鮮🔥特別在於個墨魚汁腸味道有啲似台灣腸，但就冇咁油膩同硬整體來講算係好好食

最近一直都好想試下串串火鍋 最近難得見到喺尖沙咀有間新開嘅成都串串火鍋 所以就叫埋朋友同我一齊去食啦🌛7點前或10點入座全單68折 而正價時段都有全單88折 感覺都幾抵食😄一坐低店員就會幫你整油碟 油碟係用左獨立細罐裝麻油、加一圈蠔油 再加上蔥蒜整成 聽聞係有解辣嘅作用㗎😛火鍋配料大部分都係自助形式 拎住個底盤就可以開始揀 一串$5 所以都拎左幾多下😝湯底有麻辣之外亦都可以叫唔辣嘅蕃茄湯底 去食嘅時候因為喉嚨有少少唔舒服 所以都係叫咗番茄湯底 番茄超級濃郁 出返去拎碟薯粉煮埋一齊就非常之好食啦 呢度仲有紫薯寬粉 平時喺火鍋店都比較少見嘅 大家去到可以試吓🤣串串區裏面推介大家去攞五花腩肉 大塊之餘食落去亦都非常之入味🙈

又食成都菜🤭🤭今日試左串王之王，顧名思義，d嘢食都係一串串嘅🍢🍡喺大陸興左食串串香好耐架喇，最近香港都慢慢興起，今日終於有機會試叫左麻辣拼菌王湯底🍲，個菌王湯底好香菇味🍄，可以飲架，要嚟淥菜最好食🌱佢d串串係自助攞嘅，變左可以每樣攞一串都得，可以試哂咁多樣唔同嘅嘢食，唔洗好似平時打邊爐咁叫得幾樣嘢食，啱哂小人去👭最後仲試左個玫瑰冰粉，好解辣架，記得要試埋🌹p.s. 張枱如果大張d就好喇😌不過d staff 嘅服務好好👍🏻👍🏻

唔得閒北上 麻辣串串心癮起 發現香港又有新串串店 當然要試試止心癮$5一枝竹簽 鴛鴦鍋底 $128麻辣和菌湯各半 麻辣放肉 菌王放蔬菜就最好不過了 店內有圍裙提供 好細心 著白色衫都唔怕嚕串串以自助形式供應 麻辣選了小辣 下次可試試中辣了 😆 啲杯都好有中國風 最正係調味料有埋香油 即類似麻油 撈埋蠔油一齊食好惹味 個人推介牛肉包芹菜串 仲有包菠蘿 好新奇 惹味少見 蓮藕土豆放麻辣 淥一陣 爽脆口感 正仲有黃喉栢葉 之前新開張去食有88折 甘都ok 唔使下下番深圳

夜晚諗唔到食咩好 約埋個fd子揀咗尖沙咀依間串串邊爐 貪佢就腳兼有得食辣十點先入座仲有68折 唔使等位添揀咗兩個湯底一小辣一藥膳 好彩只揀咗小辣比想像中辣 個藥膳湯好飲入面有冬茹同其他蔬菜 感覺好養生店家自制嘅牛肉包泡菜 牛肉包金茹都好好食 牛肉唔硬仲幾滑身 食咗好多串另外仲有好多蔬菜選擇 唔好肉類嘅女士都有菜可以食除咗串串仲有一碟碟自己拎嘅菜 揀咗幾碟嚟試感覺有驚喜 我最鍾意係蟹棒值得一提醬汁好特別 有專人幫你調教比較可惜係天地一號係罐裝唔係玻璃樽裝

起尖東做完嘢，又餓又攰，見到新開左間串串火鍋店，見佢有折扣就試吓啦。門面寫正宗成都風味入到去店員話俾我知而家試業普通時間有八八折，如果早啲或者晏D仲有六八折添食辣野一定要有紙巾實在太貼心了都幾多一班人一齊食，氣氛幾好坐低冇耐店員走過來幫我地調教左依個油碟，有香蔥蒜同埋香油等等跟住就可以自己行埋去個自助櫃揀想食嘅嘢蔬菜肉類腸仔乜都有一串串準備好，一支竹簽$5，一杯杯嘅菜$28，另外特別配料就$48至$168不等放咗喺下邊一碟碟處理好睇顏色就知道價錢今日唔想食太辣，叫咗佢個菌王湯，小小辣好惹味。大大片豬腩肉先係$5超級抵食，午餐肉粒都好好味！佢有最近大熱嘅墨汁墨魚腸，彈牙鮮味店員介紹串王酥肉，香口酥脆，點D辣粉又有另一種滋味。

琴日同友人約左係tst食飯，咁啱大家都中意食辣，加上天氣開始凍，所以就簡左呢間串串火鍋。一入到去已經好香麻辣味，我地就簡左鴛鴦湯底 (藥膳＋麻辣)。個湯底賣相唔差，見到佢係幾足料，同埋夠香辣，唔錯！呢間野個混醬都幾有趣，係特製麻油加蠔油，再加自己啲蒽蒜芫茜。從來打邊爐都係火鍋鼓油加辣椒走天下，原來咁混醬都幾香，雖然肥仔左少少。雪櫃有好多串串選擇，自助形式，每串都係5蚊，好抵食！其中一round。一野轟落去，串串呢種食法好方便，唔洗好似平時打邊爐要係咁撈咁搵野食。唔同顏色嘅碟代表唔同價錢，詳細價錢唔記得左啲食材都係咁上下，尚算新鮮。個人覺得打邊爐最重要係個湯底，食材都係比較次要。呢間個麻辣湯底真係唔錯，辣度啱啱好，個種辣味又唔會好化學味。最後我地三個食串串食到飽哂，埋單每人三百幾，飽住返屋企。不過呢餐太肥仔，之後又要減肥了

同事妹話要試午市只得1枱客嘅正宗串串, 成隊人 (其實只係4個人) 陪佢試! 店名同字體都同 "扒王之王" 好似, 唔知有無關係呢? .入到舖有好大陣麻辣味, 大家都好擔心會唔會好辣, 我食得辣無有怕, 另外2個唔食得辣, order 埋 d 普通嘢就唔影喇! .我呢個係自選雙拼餸配白飯 $52我揀選 🐄肥牛拼千層肚 (即係牛栢頁), 熱 🍋檸檬茶 (+$4)! 🐄肥牛好肥, 應該係1開2 (因為比平時打邊爐嘅肥牛短一半)! 切到好幼嘅牛栢頁都咬得開! 湯唔夠麻, 唔夠辣! 白飯好似有少少生米! 🍋檸檬茶嘅檸檬好苦 😂😂😂 公司個妹一面食都無出過聲, 應該係驚我哋丙佢喇 😂😂😂😂

一串一串既麻辣火鍋🌶 🍢🍲超多款式！———火鍋配料想食咩都可以自己揀自己拎! 串串同價 $5 😍有台灣腸、豬五花、泡菜牛肉etc我仲拎咗蜜桃牛肉串試吓水果加埋肉類都好甜好食如果選擇困難症既話 可以每款都拎串試下😆呢度最推介新穎之一就係用麻油+蠔油+蔥蒜=油碟! (真係可以解辣!!!!)到而家都仲回味緊！好想瘋狂點個醬！至於湯底 可以叫雙拼🍲我今次食左麻辣同蕃茄湯🍅🍅🍅個麻辣好正呀 麻度適中 又刺激！極多蕃茄肉!

其實我覺得食物質素，湯底都唔差。不過定價真係好貴，88折完都好肉赤，兩個人食麻辣燙都要$800埋單?!!???!?最唔抵食係一碟碟既，所謂安格斯$128得10塊（條），仲要每片都係比手指粗少少。牛柏葉大約只有100g(?)份量盛惠$128。唔建議叫。串串其實係每枝竹簽$5，食物質素相對價錢尚可。但係再加埋一就真係唔多值得。貪得意lor.餐廳抽風極差，加上我本身就鼻敏感，中後期真係食得好辛苦，淨係想快de走。其他食評都有提到，呢間服務堅係差，個個都黑口黑面。我第一次去唔識點落單，問佢係唔係得一張紙劃野食，個伙計就好唔耐煩：其他野咪係出面攞lor 茶芥每位$15，另收加一。我又唔覺得要去到差評，因為食物都幾好，但係明明一碗魚蛋粉可以用$30食而家要十倍價錢唔係好憤氣。下次唔會再去。

秋風起，食火鍋既癮又黎啦🍂麻辣火鍋既舖頭開到周街都係，但正宗成都串串火鍋係香港就唔係咁易搵🍢今次叫左個鴛鴦鍋 - 麻辣同藥膳($128)。麻辣只係叫左小辣，香得黎都唔會話好咸同好油。（小辣食食下都已經幾辣😂）另外藥膳湯感覺好養生啊，推介！每串火鍋配料都係$5喳！簡單d黎講即係：咁抵，每人想食咩就出去任攞啦😏係咁擺哂好多好多串落去鍋度，小妹未食就咁望住已經覺得好治癒🤤食物質素都不錯，個人最推薦佢既冬菇/芹菜牛肉串，同埋支竹豆卜果類。牛肉勁淋，而支竹豆卜吸湯又一流，重點係攞多幾串都仲係$5喳哈哈除左大部分既串串食物外，都有d另外一碟碟既食物可以叫黎share。所有出去攞既食物補給得都算快，大家唔洗擔心會無哂🍢🍡話時話，仲要讚下餐廳會提供哂圍裙紙巾等等，服務都唔錯，尖沙咀地帶值得再去👍🏿

今次收咗工專登去左尖沙咀打邊爐食宵夜！但依間唔係普通邊爐，係串串邊爐😍😍 一入到去已經有陣陣麻辣香味，未食已經流晒口水🤤首先係自選湯底，我地揀左鴛鴦湯底($128)，麻辣小辣同菌王，麻辣味好香唔算好辣，唔太食得辣既人都應該食到，當然食得辣既可以再加辣啦！菌王個湯係出乎預料咁好味，湯底落左幾種菇類，好濃郁既菌菇味，幾正。食物方面，係自己出去凍櫃度攞串串，每串都係$5-10，勁抵食！我地大約食左30幾40串左右，樣樣都試下，最鍾意食串串牛肉，配泡菜、芹菜、冬菇、韭菜等等，點埋麻油蠔油真係好好食！係好正宗既四川成都風味食法👍🏻另外我地亦叫左店主推介既珊瑚蚌($108)，好鮮甜好好食，黎到一定要試😋👍🏻整體黎講質素中上，想試下有特色既串串火鍋絕對可以一試👌🏻喺新開張期間，7點前離座、10點後入座全單68折優惠，正價時段全單88折，抵食到癲，推介！

琴晚食左餐好有趣既邊爐，哩度既配料係一串串既，好似串燒咁，食d咩、食幾多都係自己話事，好新穎。黎到見到門口寫住全單有88折，正喎！餐廳既裝修行簡約時尚風，幾靚！有四款湯底，我同朋友都唔太食得辣，所以叫左藥膳湯底。無幾耐店員會拎d醬碟配料出黎，仲主動幫我地撈埋，佢話哩度特製醬料，服務幾好！走去冰櫃望望先，哇～有好多枝一串串既邊爐料呀，見到冰櫃上方會有寫清楚價錢，原來一支$5，想食幾多就攞幾多，其實咁都幾好。奶白色既藥膳湯好香藥材味，攞左d配料番黎即刻擺晒落鍋先。紅色細碟 $48、黃色細碟 $68黑色台灣腸仔好好味，爽口，入面有粒粒墨魚粒，正！魚皮餃鮮味，新鮮。蟹柳吸入湯汁好味呀。個湯係好足料，有紅棗、黨參、杞子等，好清甜。埋單時店員會過黎數竹籤，人均$200鬆d, 係幾抵食！