串王之王 - 正宗成都串串火鍋 (已結業)

#尖沙咀sis 尖沙咀又開左新既麻辣火鍋店 主打串串既gimmick 野啦 款式都幾多 $5一支竹籤咁計 另有碟計既食物 例如肉類 海鮮 揀咗鴛鴦湯底 $128 (麻辣+藥膳) 小辣都已經幾勁 兩個都幾重口味 正啊係咁飲 值得一讚係個醬料混得幾好 有香油 醋 蒜 蠔油等等 勁惹味 人均 around$300-400溫馨提示: 開張期間八八折 有啲時段重六八折添 -串王之王 - 正宗成都串串火鍋 (尖沙咀)尖沙咀金馬倫道34-36A號福僑大廈地舖

我是一位麻辣愛好者，中意食辣。最近知道新開了一間好似食串串的火鍋店　就去試下。入到餐廳已經聞到好大陣的花椒味，好足料。火鍋湯料可以加錢要個雙併湯底，簡左麻辣（小小辣及蕃茄），十分滿意麻辣湯。雖然係四川火鍋，但辣度適合我這些中意食麻辣而又食唔太辣的香港人。美中不中是試唔到菌湯，因為朋友唔食菇類的所以為有放棄，留番下次再試。坐低左後有職員為我地調配醬料，佢個秘製醬油好特別，一陣麻油香味，未食已經開始流口水🤤打頭陣當然唔小得海鮮，因為食個日係星期五，我們大家都叫得比較豪氣。下單都重點叫左貴價食物。A4和牛（$168）味道當然好食，入口即溶，原全對得起A4的級別，但份量真係偏少，四人一人片左右。打邊火爐當然唔小得桶蠔，上菜時我們都嚇了一跳，每隻都有手掌咁大，CP值極高！（$168/5隻）。另外值得一試係佢地既珊瑚蚌，顔色鮮豔，望落非常新鮮，食落亦冇失望，不過份量略嫌小。（$108）。除左菜單上面配料，仲可以自己去配料區拎食物，雖然空間比較峽窄，不過配料應有盡有，麻雀雖小但五臟俱全！麻辣鍋配鴨血是常識吧，湯底盡吸後的鴨血十分惹味，前前後後我們一共吃了四碟。其實配料亦好特別，我們最愛生椒牛肉串、竹

🌺串王之王🌺=========================👅麻辣藥膳鴛鴦鍋（$128）👍🏻麻辣湯可以揀大中小辣🍲藥膳湯非常足料，飲落有滋補感覺，又無清湯咁單調👅串串火鍋料（每串$5）👍🏻每串食材都串好曬係食材櫃拎🍢仲有一碟碟以顏色計價錢既食材，好似食迴圈壽司咁👍🏻當中最推薦香芹牛肉卷🥩牛肉嫩滑加上香芹既香氣真係食唔停口，索汁冬瓜片都係必食👅巨峰梳打/柑橘梳打（$28）👍🏻兩種口味都唔差🍇打邊爐要配氣泡飲品先夠爽既=========================🚩總結🚩：根據正宗成都火鍋用麻油溝蠔油既油碟，用竹籤串好食材方便食用🍢店員最後會數竹籤計價錢，係打邊爐新體驗=========================🌟注意🌟：新張期內，正價時段全單88折

終於可以系香港都食到串串火鍋啦！本身就好想番大陸試下，但我d朋友驚唔衛生，所以一直都無試。今次系香港有得食，而且環境都唔錯，好難會唔泥試下。吃火鍋既醬料系由店鋪姐姐幫我地整，好有內地既味道，好地道。我地叫左鴛鴦鍋（$128）分別系麻辣同蕃茄。麻辣鍋我地揀左小辣，雖然個湯好紅，但實際上唔太辣，我諗普遍香港人都會接受到。蕃茄湯就有好濃既蕃茄味，好啱用泥煮菜，好鮮甜。張功能表都有幾種野食可以比我地揀，我地叫左份自製酥肉（$68）、A4和牛（$168）、桶蠔（$168）同珊瑚蚌（$108）。自製酥肉佢系熱辣辣上枱，咬落去脆卜蔔，我亦都效法內地既食法，放落個湯底到煮，嘩入哂d湯汁，正。A4和牛大大塊，上枱色澤唔錯，淥兩淥就食得，入口唔會韌唔會蘇，火鍋現料嚟講真系幾高質。桶蠔同珊瑚蚌好好食，首先蠔系非常之大只，重要一d都唔腥。珊瑚蚌都系好新鮮、好爽口。呢度除左有串串食之外，你都仲可以攞一碟碟既野食，唔同顏色，唔同大細，唔同價錢。我地分別攞左鵝腸（$128）、鴨血（$48）、寬粉（$28）、黃喉（$128）、竹苼（$48）、向鈴（$48）、娃娃菜（$28）、鵪鶉蛋（$48）。串串選擇多，一串($5)

#fridayla_tst⠀⠀⠀⠀⠀⠀⠀⠀⠀⠀⠀⠀⠀⠀⠀今年好多人都好中意食重慶火鍋以及麻辣串燒😍⠀⠀⠀⠀⠀⠀⠀⠀⠀⠀⠀⠀⠀⠀⠀早排試左一間店😎剛好將呢兩樣野結合⠀⠀⠀⠀⠀⠀⠀⠀⠀⠀⠀⠀⠀⠀⠀一次過滿足你兩個願望！⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘快人快語💘💘💘 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣串王之王結合了川渝兩地的口味，將百年傳統手藝進行了創新，創出這種把重慶火鍋和成都麻辣串串香完美融合，呈現正宗成都串串香其獨特的魅力和鮮明的特色(簡介取自官網)⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣溫馨提示：真係會全場爆滿，建議大家要訂，不過各位要留意，麻辣湯底既香料太勁，而且地方較窄，好難避免吸入火鍋既煙，所以會瘋狂打哈痴，都幾狼狽😝⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣鴛鴦湯底麻辣(小辣)&藥膳💲128💭小辣都非常辣，唔食得辣真係唔好試💭藥膳超濃味，d材料好索味😍😍💭完全唔駛額外點醬料已經好好味⠀⠀⠀⠀⠀⠀⠀⠀⠀⠀⠀⠀⠀⠀⠀2⃣串王酥肉💲68💭好惹味，炸得酥脆🤤💭仲可以沾些少辣粉💭麻辣得非常過癮🤤⠀⠀⠀⠀⠀⠀⠀⠀⠀⠀⠀⠀⠀⠀⠀3⃣墨魚仔&蟹柳棒💲88

今日book咗 7:30pm去到入面已經人山人海晚市好多人 大家都係book定位好😛呢間將重慶火鍋同成都麻辣串串香完美合併湯底有麻辣 菌王 番茄同藥膳四款每款$108 鴛鴦$128叫麻辣湯係常識😎只係我唔係好好好食得辣食到尾真係頂唔幾到但都係停不了 真係好過癮😂有好多款四川串係自助吧比大家自行選擇串串$5一串一碟碟火鍋配料$48起必食四川臘腸 黃喉 鵝腸 鴨血😍當然 食金菇牛栢葉等等會索到湯嘅 不嬲都係火鍋之選😋👍🏻 成餐食得幾開心 又頂癮💦😆呢到好適合大家坐埋一枱串串下食辣嘅朋友可以book定枱怕辣嘅 就叫個鴛鴦鍋咁咪開心Gathering😘

絕對認同其中一位食評 Jasmine的中肯內容 ，價錢貴，唔值呢個價，佢寫嘅內容全部都係我今晚嘅心聲，性價比極低，完全唔會考慮再嚟，環境勁差的，非常擠迫，枱面細， 都無位放食物， 抽氣勁差，個鼻一晚用左兩包紙巾， 服務質素一般，店員連食物名稱都吾識，仲話我講錯， 食物質素更一般，完全唔值呢個價， 碟所謂和牛$168，好似面價ok, 但黎的時候， 4片仲要變色，似雪完拎出黎再雪，兩種色，要換，都係咁，無要， 佢之後送碟牛，都係一般，我地吾係貪贈品，吾係食吾起4片$168，係佢質素根本吾值。所謂一串計， 食物又吾係勁靚，都收呢個價，又吾係高級餐廳環境舒適， 仲要個藥膳湯勁一般， 的辣那邊湯係正常合理。由於差，都吾想再坐咁耐，都吾食得飽！我第一次係OpenRice 寫，因平時懶，但吾想再有人中伏，一定要寫！

又去試辣野，新開試業期間7點後88折，10點後68折。一入門口已經聞到好大陣辣味，湯底方面，我地揀左鴛鴦（麻辣/藥膳）。一般黎講，通常都係麻辣既好味搶去另一邊既湯味，不過今次2邊同樣出色，一邊夠辣，一邊藥材味濃！藥膳湯都飲左2碗~醬料當然有小罐麻油啦同平時既蔥，蠔油，生蒜。仲有圍裙唔洗怕整污糟件衫啦。碗碟都好有特色。配料方面，如果想食肥牛就要係張紙tick，其他就出去凍櫃自己夾既。個櫃頂已經寫清楚晒不同器皿/顏色碟既價錢，一目了然。其中最喜歡就係韮菜牛肉串，千頁豆腐，台灣腸。想食煉奶糍粑但賣晒，所以食降火冰粉，我就覺得不太夠凍啦。因為得2個人冇試到太多配料，下次再黎！另外見到佢有午市餐牌：

價錢貴，唔值喱個價。服務又不好令我覺得好嬲係:我同朋友叫了和牛一份，價錢168蚊但千萬無唸過得四塊！好過份根本呃，仲要係超薄串串係5蚊一串，但價錢一樣係不合理一粒冬菇切開一半係兩粒為一串，咁就5蚊啦！仲有啲肉串係一片細嘅牛肉包住兩條芫荽但佢就用兩枝竹，又無講聲其實係計兩串，咁就10蚊我兩個人咁就食咗9xx講真，咁嘅環境咁嘅素質我寧願去食高級嘢😡個場又唔算乾淨好嬲大家去前請認真考慮下Ps，客觀地講: 味道方面其實唔係衰普通嘢，基本上除了酥肉外無驚喜，湯底ok嘅好多間都做到喱個質素我覺得佢食材方面唔算係俾靚料你，真心對唔住個價同普通放題俾你嘅料一樣

在HK串燒火鍋是很少見的，這間成都串王之王就是之一。顧名思義，串燒火鍋就是把串燒變成火鍋料，一堆串燒下去煮，煮完一串串的吃就是妙啊！一入座，店家就會給一人一杯茶和圍裙。我們點了麻辣+蕃茄。看到一鍋子都是紅油油的麻辣湯底就興奮！麻辣的辣度足夠，但沒有麻度。湯底裡是沒有菜料的，純湯底。這裡是半自助形式，到冰櫃自選串串，一串$5，一盤盤的火鍋料就根據颜色分價$。種類數量中等，可惜的是沒有海鮮串串，只能另外用單子點。第一轉沒有拿很多，先試試水！很喜歡這裡的豆皮，一條條像吃麵條一樣。枝竹和粉絲也很吸湯底，竟然還有秋葵，當然也少不了芋頭，火鍋必備。下鍋啦！熟了之後拿起來就這麼吃，把烤串燒和火鍋混在一起，別有一番風味。吃完的一根根竹簽放到旁邊放著寫了『串王之王』的黑色筒子，結帳時店員會點數。串串火鍋供應由17點開始，新張期間，19點前離座會有68折。我們就是17點開始吃的，18點後客人愈來愈多，店家也沒有混亂，很有條理的按表操作。偶然聽見店員問walk in入座的客人離座時間＂XX點可以嗎？＂，也會熱心幫助客人暫放行李。這裡每一個店員的應對都是讓人舒適的，動作也不急不燥，更難得是途中還會和我們說上幾

成日見到人哋食串串火鍋，今次終於可以食到！今次叫咗一個鴛鴦鍋，麻辣小辣同埋藥膳鍋。佢個麻辣好正，又麻又香。但係佢個藥膳就麻麻哋，個煲入邊係見到有藥材，但係冇乜味。呢個有啲真心好正，佢嗰啲係麻油嚟嘅，超級香！因為加咗蠔油仲甜甜地添！佢嗰啲串串唔係有好多款可以揀。今次食咗28串。有雞肉串，五花腩串，豆卜串，雞腎串，台灣腸仔串，豬皮串。另外仲食咗牛肚魚皮餃，金菇同埋鴨血。個鴨血係幾滑同埋冇腥味。可能因為間餐廳係新開嘅，啲員工都唔係好熟悉餐廳運作，有時你要自己問佢攞先會有油碟，佢哋未必會主動俾你。不過呢一餐偏貴，如果冇咗佢個七點前離座嘅優惠，兩個人都食咗660幾蚊。

滿心歡喜去食，入到去座位又細，攞完幾碟野張枱都冇位放，啲野食又唔新鮮，價錢同食物質素唔成對比，唔會再去食，請我都唔食，食到一半問我可唔可以食快啲話有人等位，又唔係放題，咁嘅價錢，唔得

🥢成都黎既串串鍋🥢最近串串鍋店係香港都開得好密，呢間串王之王就係其中一間係尖沙咀既串串鍋🤞🏻同平時既串串鍋一樣，呢到既食法都係先揀左湯底再揀野食。我地就揀左最熱門既麻辣同藥膳做湯底。佢既湯底做得幾好，有啲似台灣無老鍋既湯底，而且麻辣味十足。串串就係自助形式，鐘意食咩就攞咩（每串$5），食物種類唔算多，都係普通火鍋配料，而且味道比較普通。唯一比較特出既係佢既安格斯牛肉（$128，要分開叫，唔係串串）好靚，值得一試😃。最後埋單我地每人食左二百蚊左右，價錢偏貴，不過最近佢做緊折，七點前/十點後入座有68折，如果真係想試既可以趁有折既時候去試下💡——————👅味道：7.5/10🧘🏻‍♂舒適度：6/10💸性價比：5.5/10👀回頭率：6.5/10——————串王之王 - 正宗成都串串火鍋 (尖沙咀)📍尖沙咀金馬倫道34-36A號福僑大廈地舖⏱12:00-02:00#eatingstock尖沙咀#eatingstock推薦#串串鍋

串串鍋最啱我呢d懶人 唔洗慢慢搵d野食游左去邊.🤷🏿‍♀️我都係第一次試就已經愛上左啦!超推介個個黃色四方形的 麻糬魚蛋. 同埋個牛肉韭菜串. 超正！我都唔知食咗幾多碟..佢仲有個紫色薯粉都好正 烚完之後好彈牙好入味.諗起都流口水啦!湯底方面我哋叫左鴛鴦湯底. 番茄 x 中麻辣湯底.非常推介番茄湯底.好香好正!我地6個人食左50串, & 14碟其他配菜.大食過d豬.🤦🏻‍♀️

I know this place is famous for Spicy pots with skewers but the lunch menu is also good.During lunch, they serve noodles and rice.There are four broth choices and I was captivated by the spicy soup and the herbal soup.As there were four of us, we had two noodles and two rices.We chose our noodles and toppings with thought.For the herbal one ordered okra, fresh mountain yam and bamboo pith with it.The herbal taste was good especially the donggwai. For the spicy broth, wanted to order the wide