丸亀製麵 (淘大商場) (已結業)

喺九龍灣淘大商場行完Donki之後有啲肚餓，但係當日銀包現金有限，所以選擇唔多，最後揀咗價錢非常便宜嘅丸龜製麵，叫咗一個烏冬再加一個小食都係$50左右，但係比想像中好好多，烏冬都算彈牙，冇嘢可以投訴。

第一次食丸龜的外賣，是次吃一款未食過的款式。使用Openrice的外賣自取，餐廳很快就完成製作可以取餐。炭燒雞肉拌烏冬(中碗)($43)，碗是大的但打開時覺得好像有點少。雖然食過丸龜的應該知道她們是有量碗計算中碗和大碗所需的烏冬份量，但好像有點少，有機會是因餐廳劃一不同大細的麵食都使用同一款外賣碗而產生錯覺，即使我食完都覺得份量不足，比我平時堂食少。除了炭燒雞肉和烏冬，還有一隻溫泉蛋、粟米粒、西蘭花以及紫菜絲。由於我點了少辣還有一隻溫泉蛋，我就把所有食物拌均再食。整碗烏冬就如圖中那樣的份量，的確不多。烏冬的質地一如以往煙靭彈牙有口感，用來拌著吃都是很適合的；至於炭燒雞肉的表現就有點失望了，全部雞粒做到碎碎細細，但已經沒有甚麽水份了令肉質乾硬，也大概是做好擺了很久再翻熱、質素不好或者烹調過度，咬起來也需要一點力氣。只食過湯烏冬的我覺得拌烏冬都幾好食，可是炭燒雞肉的表現令人失望，餐廳需要多多改善。如大家食午餐或晚餐應需要點大碗，不太肚餓或細食的朋友可以選擇中碗。

一直都無食過丸龜既烏冬，今次就試下，叫左個炭燒雞肉飯（$44）主要係比佢個溫泉蛋吸引左😛個飯仲有少少粟米、紫菜、醬油調味，但成個飯除左個蛋好食之外，其他都令人失望😞張餐牌相顯示係雞塊，上到黎全部都係超細塊既雞粒，而且明明個名係叫炭燒雞，但其實係炸雞，完全圖文不符😂😂而且啲雞粒炸完變到好乾，麻麻。朋友就叫左個牛肉烏冬，份量唔多，男仔可能會覺得唔夠食，見佢有啲整好左個炸物放係到，價錢都唔貴既，有炸雞、炸竹輪同蔬菜。

霎時間想食烏冬又唔想周圍搵，丸亀製麵係一個好選擇，取餐模式大家都知係先排隊order邊款烏冬，再可以揀隔離各式各類既炸物，最後先比錢入座呢排比較熱氣🔥😅炸野就冇我份喇，今次就試左和風蜆肉烏冬（大）$50再加左 溫泉蛋 （$10）個人認為食lunch/dinner點都要揀大份烏冬，咁先會夠飽😂首先，蜆肉真心超超超多，堆到成碗都係😂$50有呢個份量既蜆係抵既！蜆肉味道不過不失，唔算特別鮮甜，有幾粒仲有啲沙，不過都可以接受主角烏冬保持一貫水準，彈牙煙韌，軟硬適中，加上湯底仲有少少蜆味，食落好清甜🥰另下呢到既溫泉蛋係大概2-3成熟，蛋白仲未成形，倒落烏冬面食就超正😆篤穿蛋黃撈堆烏冬食又可以有另一番風味👍🏻

醒起好耐冇食過丸亀，又有啲凍想食吓暖嘢，就過咗嚟呢度食😋丸龜其實選擇都算幾多～係自助形式，去counter自己叫主食，再去夾啲小食，之後比錢，再搵位食嘢😁過程都好流暢，店員亦都好好禮貌😆我叫咗個蕃茄牛肉烏冬 (中) ($50)🍅另外自己加咗蔥同啲天婦羅碎碎～好鍾意佢哋呢個自助區，加埋啲配料口感更好！蕃茄湯唔會偏甜，亦都唔會好假，以呢個價位嚟講都算係咁～牛肉雖然唔多，但食落都有牛味😄而烏冬真係好彈牙，煮得啱啱好😁我另外亦都夾咗一件蕃薯天婦羅 ($9)～不過因為炸起一段時間，都冇咁脆，但係舊蕃薯係好甜嘅，所以都幾好食😆係一樣幾唔錯嘅小食😆👍如果佢可以有個暖少少嘅爐熱住佢就更加好喇！我覺得呢個質素同價錢都係成正比～如果想食烏冬都可以一試😁

間唔中就會去丸亀製麵簡簡單單食一餐 飯。最愛叫佢既腐皮湯烏冬🍲甜甜的湯底😋烏冬有口感，不太腍，腐皮入味。正1.腐皮湯烏冬（$45）2.和風蜆肉烏冬（$47）

最鍾意食烏冬，咁啱去九龍灣做野，見到有丸龜製麵，諗都無諗就入左去食。😊😊唔太多人，環境舒服，真係有d以為自己去左日本😆😆😆😆有冷烏冬同熱烏冬選擇，我每次都會揀熱烏冬，唔知點解覺得好食d😆揀左清湯牛肉烏冬大size，$50，👍🏻👍🏻真係要大size先夠食，中size太少了😆😆擺盤賣相不錯，令到食慾都大增😊😊味道係不錯，不過略嫌牛肉太少。烏冬彈牙不淋身，係最好味嘅烏冬😋😋

淘大自助日式烏冬餐！喺親戚屋企拜年之後，逛下淘大商場，原來都有唔少餐廳選擇。起初被下午茶餐吸引左入去，點知假日原來冇下午茶食，結果我哋叫餐牌上嘅烏冬，都唔錯。成間餐廳都係自助形式，自己量體溫、填個人資料入箱、自己揾位、點餐、攞野食攞水、擺碗碟走，有少少去咗日本食嘢嘅感覺。蕃茄牛肉烏冬(中)$49- 蕃茄湯好重蕃茄汁味，烏冬口感彈牙，中碗份量都幾多，唔知大碗會再大幾多。炭燒雞肉拌烏冬$46- 炭燒雞肉要等耐少少，出到嚟原來係唔係炭燒而係炸，比較熱氣。我自己加左七味粉同炸天婦羅粉，醬油拌烏冬唔錯，不過應該有落味精。溫泉蛋自己爆左，蛋黃汁撈烏冬一齊食好正！腐皮$6- 推介！我平時好中意食腐皮壽司，呢度腐皮$6有兩塊，我中意佢厚切令層次豐富左，同平時食嘅唔一樣，索滿甜甜地嘅醬油味道！

依間店舖出名係用日本讚岐烏冬，烏冬煙韌彈牙。今次叫咗蕃茄肥牛烏冬，蕃茄湯非常濃郁，都幾杰，邊仲有好多蕃茄粒。肥牛片都有四片，調味幾好。入面仲有一啲蔬菜，係西蘭花，配蕃茄湯好好味。我仲加多左一個炸魷魚鬚，魷魚鬚好熱，啱啱炸起，非常脆，入邊魷魚條都唔會好韌。

今日lunch time經過淘大商場見到好耐無食嘅丸龜，一於買番個烏冬番office食先。🍅番茄牛肉湯烏冬 + 腐皮 🍜 （6.5/10）蕃茄湯底好濃好足料，但係湯嘅份量偏少，唔夠浸過啲烏冬，如果多啲湯會更好。🙈而牛肉嘅份量都算多，但就煮得有少少韌。腐皮好入味👍🏻而烏冬就煮得唔錯，口感煙韌，有少少彈牙。總括而言，都算係一間價錢親民而中規中矩嘅讚岐烏冬專門店🤣—————————😋味道：6.5/10🤵🏻服務：6/10💰抵食：6.5/10⏳排隊時間：5分鐘

外賣自取蕃茄牛肉湯烏冬外加一堆配料回家打開卻缺少了炸雞天婦羅已經唔係嗌好多野 估唔到咁都執漏雖然只係十零蚊而且用上滿80-20的優惠心理上有點不爽以後叫外賣還是親自檢查一下比較好

做運動前先來個快速午餐，想念久未吃野菜魷魚便到了丸亀，卻覺得不如從前香又軟，只落下平平無奇的印象。烏冬一如既往彈牙好吃。自己烏龍以為味付玉子是溏心蛋，原來是有味的全熟蛋。😅-#腐皮烏冬（中）+味付玉子 $42+$9腐皮甜，但有點油，早早撈起放另一小碗。湯底算清甜，這裏的烏冬真是名副其實的好吃，爽口彈牙，絕無粉感！😋注意不要像我一樣以為味付玉子是溏心蛋啊！-#野菜魷魚 $16今次吃後不再令我回味的食物，吃下依舊軟，但偏鹹而欠「魚丸」鮮味，不如過往香口。😞-

炭燒雞肉撈烏冬 $42天氣咁熱有時候想食下冷麵、撈烏冬就當一餐!! 丸亀製麵既炭燒雞肉撈烏冬絕對係一個好選擇👍對食量不大既女仔黎講，依碗烏冬一定夠飽，因為都好大碗下😂而且炭燒雞肉粒都算多，仲有流心蛋🥚加埋甜甜地既燒汁，撈烏冬好夠味!! 值得一提烏冬十分煙韌，絕對唔係預先煮定浸到淋曬，高質👍

九龍灣 係我人生第一份返Full time既地方雖然個陣都係好中意食住家飯 但間中都想食下餐廳野食丸龜製麵 第一次食既分店都係九龍灣個陣時係 仲係男朋友追我既時候😂係好多回憶既地方 今次叫左一個清湯鳥冬 （中）$33份量大小正常 我會加7味粉 同蔥粒 有返小小味炸物：炸雞塊天婦羅 $15雞塊都係唔熱 size正常大小 味道一般 幾乎係無味道鱈魚扒 $17炸物一如往常地唔熱 今次塊魚扒中間仲空左好大個窿 好呃錢 大失望$65喱個錢價 飽肚都算係咁

丸龜製麵-淘大分店🥢熱清湯牛肉烏冬(大)🐂🍜$46🐂牛肉非常之香，又嫩滑🤩，好少肥肉😍，配合埋熟透既洋蔥，幾鮮甜🤤，真係好似大家一直中意食既日式牛肉飯😚，不過去佢烏冬做底😆仲冇平時果d咁肥膩！又多一個經濟又好食既牛肉烏冬可以揀啦！🤓烏冬方面，軟硬適中，粗幼岩岩好😚，口感不錯😉！仲有西蘭花🥦做伴菜，好少見到日式麵店會有，口感幾清新🤓晚餐都係$46蚊大大碗，抵呀！👍🏻😎