丸亀製麵 (已結業)

小妹二人假日的下午剛好想吃點冷麵什麼的，突然想起丸亀就有冷烏冬，因此二話不說就走到了屯門市中心的分店進餐，店舖位置不難找就在二樓，優品360附近舖面都是滿滿日本味因為吃的時候是下午茶時間吧，所以食客不多，位置是容易找到的平日就比較人多，但亦不致沒位置餐廳是先點餐後取餐再結賬的，取餐後可在自助醬料區自行加蔥加脆天婦羅粒及拿天婦羅汁，然後就是找個位置坐下來進餐所以一入餐廳就是要先看一看這個在頭上位置的餐牌這個是餐品的日字餐牌日本風味不可或缺點完烏冬後，可先自取餐盤及餐具，拿好麵後就可以繼續向前走，看看天婦羅吧有什麼自己喜歡的就再夾大部分天婦羅亦是$13一件結好賬後當然是快快找個位置坐下用餐全部桌椅麵是深啡色的木造椅桌濃口醬油冷烏冬（大）$35 ★★★★配上醬油的冷烏冬，一邊夾著一邊沾著醬油，加上後加的香蔥青蔥醬油沾上後更可口天氣熱時吃這冷烏冬特別舒暢朋友的份量就較多，但其實差不了多少然而他點多了兩隻海老天婦羅、一客唐揚魷魚鬍及一串唐揚炸雞串加$8就有一罐冰凍可樂------------------------------唐揚魷魚鬍 $13 ★★★★★基本上我每次都會點，因為這個魷魚鬍特別香

昨晚忘了帶足夠錢出街，於是尋覓有八達通付款的餐廳，丸龜製麵便是在屯門市廣場其中一間可以用八達通付款的日式讚岐烏冬專門店。所有餐牌都放在鋪外，餐牌有常規餐牌和新品推介。常規餐牌內一共有15款烏冬和1款飯，每款烏冬或飯也有中及大size選擇，要注意的是某些烏冬更可選熱或凍食。新品推介有3款，包括2款烏冬1款飯。點餐方法與其他餐廳有所不同，客人要先點餐才入座，首先在餐廳門口自取餐盆、筷子和匙羹，然後可向店員order 想要的烏冬，烏冬2分鐘內製好並可放在餐盆上，客人將餐盆移動較前便可自選喜歡的炸物，自選炸物後便可將餐盆移動至前方向店員order飲品並付款，如不點飲品亦可到自助調味料區拎水飲。調味料區亦提供天婦羅汁、鰹魚汁、蔥花和蒜蓉。烏冬的軟硬度適中，是即時灼後放在碗中，所以屬溫度屬熱，但由於醬汁、西蘭花、牛肉都早已準備好並保持座熱狀態，所以溫度只屬暖，如室內空氣大點，整碗烏冬不到1分鐘便涼了。麻醬味道特別，除了預期的麻醬味外還帶點酸，頗開胃，但略賺咸了點。而且麻醬頗多，食完整碗烏冬後還有麻醬留在碗內。牛肉份量適中，但牛肉片比較散，難以找到一片完整的牛肉片，而且可以經過較長的座熱時間，牛肉顯

丸龜在香港開了數間，價錢上挺實惠算是性價比高的一間連鎖店。麻辣肉醬湯烏冬，麻辣肉的斯味道很入味，湯底也濃卻不會咸。烏冬都是彈牙滑身，自製烏冬確實跟一般街買的不同。雖然他有很多款天婦羅選擇其實光一碗麵麵很飽。這是腐皮烏冬加隨魷魚。日本的腐皮微甜加上昆布湯底很合，有種鮮甜的口感。魷魚雖冷掉但仍鮮美。天婦羅這間推蕃薯、野菜魚餅、蝦餅跟竹輪與炸雞麵很不錯。雖加配菜是這些是首選。另外這店的腐皮壽司也挺抵吃，有加了山葵與未加選擇。

平時返工食開新蒲崗Mikiki店，有優惠，又有回贈，環境乾淨，食物又水準，份量又足係抵食嘅所以一個星期平均食一次…今次推介比男友，所以昨日係屯門店食，點知係完全中伏，天堂與地獄之分別。無優惠都算。據我所知保留單據一星期內再惠顧有回贈，所有店都啱用。第一 先拎托盤筷子。。。兩樣野都濕淋淋未刷乾第二 同一款式，啲餸份量比Mikiki少一半第三 炸物唔熟食我一口粉，味道唔啱醬油烏冬放太多醬油超鹹第四 店員直言打唔到單，即係回贈都無咗第五 有自助柜檯，設有蒜，蔥，炸脆脆，七味粉等得番個底，濕淋淋無人refill第六 店員態度有問題，我話炸物唔熟，佢叫我掉咗去，拎過件。咁我就話。。。。你一次過炸，你肯定我拎過件就熟咩？講真之前呑咗唔熟個啖。。。我都有啲擔心。我唔係白老鼠，唔同逐條幫你試熟唔熟咩？我講完之後個店員先好唔願咁叫人炸過條比我。我明白連鎖食店唔洗指意你會好有heart,同啲小店唔同。但做得食店就都要注意店內環境衛生食物安全，確保唔會食壞啲食客。同一食店，點解差咁遠？

多年前係日本留學時食過此店數次，今日帶住大小公主嚟到屯門shopping，竟然發現此店即刻想回味一返🤤香港同日本一樣首先揀好麵底。再揀中碗定大碗。取麵之後向前行，自己揀炸物及飯糰壽司。最尾就係飲品及收銀，對面有自助醬料及水提供清湯牛肉烏冬@烏冬咬落韌勁十足；由於烏冬切至粗幼均一，入口特別爽滑不過牛肉就好碎....無咩邊塊係可以一整片食落去雖然蝦天婦羅size適中，有蝦鮮，生熟程度都剛好但天婦羅深黃乏光，沒有光澤另外茄子淡而無味，黑椒雞柳亦不夠惹味明明是日本的好品牌，但對香港嘅分店好失望，令我已經唔再懷念日本元祖店嘅風味了....

自從霸嗎拉麵開張後，我就再冇黎過丸亀食烏冬喇，今日突然想食，趁未到午飯時間，急急腳去，如果唔係好難搵位亞女仍舊食蕃茄牛肉烏冬（大），唔係份量少，而係因為湯底真係好好味好開胃，又有鮮蕃茄肉，每次我都叫店員俾多少少湯，因為亞女次次食完都要飲埋啲湯先肯收手順便一提，而家嘅蕃茄牛肉烏冬已經冇左牛蒡喇，唔鍾意食嘅朋友唔駛左揀右揀喇，利申好鍾意食牛蒡今日唔想食咖哩，叫左濃醬油熱烏冬，再揀左兩件天婦羅，其實一向都鍾意食丸亀嘅天婦羅，真係真係好脆同埋新鮮炸，選擇又多，店員唔會一次過炸大量，只係每款炸幾件，到得返一兩件時先再炸，而且佢地排得好整齊，令人見到就好想夾返件，今日我食左茄子同海老，粉漿又薄又脆！其實我幾鍾意食丸亀，簡單方便，只係一個問題，就係湯同烏冬都唔夠熱，就算一買完埋位都只會係暖，可能呢個係快食文化嘅元素，湯唔太熱就可以立即入口同快啲食完真心想講，屯門人幾有文化同禮儀都好，都會俾內地人一下子就破壞晒形象，唔識排隊、唔識清理餐盤、冇禮貌，令到我都想逃出屯門

Tried the lunch special. Reasonable price, taste is pretty good. Had the pork udon, it seems like the pork is from end pieces. The meat not very appealing. Probably will choose something else. But the soup base and flavoring was good.

同女友去食，已經排隊買餐，因為有條人龍，唔想女友呆等，而且女友有點不適，諗住叫佢坐底先，點知有空枱也不準座低，一定要買完餐先，都唔知咩玩法，快餐烏冬規矩多多，職員態度超惡劣，可能唔稀罕做香港人生意，簡直趕客

晚市。單點。星期一至四特價選了明太子溫泉蛋烏冬星期一至四有特價，任何兩件天婦羅只需要20元烏冬彈牙可口，當然跟日本四國地道烏冬有差別，不過已經不錯。溫泉蛋及明太子也好吃。炸魚有點乾身，味道還可以，不過皮跟肉比較，肉不夠厚。炸蝦很嫩滑好味，剛炸出來特別正。不過皮也是厚了點。這家烏冬實惠快捷，一兩個人很方便，地方乾淨。不過價錢如果要兩個天婦羅約六十元，也沒有很便宜，不過如果只有一兩個人，也是一個不錯之選。

同女朋友係屯門市廣場行街，行下行下覺得肚餓，望下錶5點幾，食個下午茶當埋晚餐都好佢話諗起係日本食既烏冬，咁見到附近有丸龜，我地又比較懶唔想周圍走所以就入左去啦呢度點餐係自助形式，先睇餐牌諗好想食乜，跟著就去點餐處話比店員知想食邊款烏冬，拎左烏冬後就一路行，沿途有天婦羅、飯團同飲品，全部自助形式，搞掂就係收銀處比錢喇一落order，師傅就好有效率咁岀餐，因為繁忙時段既話真係可以排長龍一個客接一個客架我今次食既係豚骨湯烏冬午餐($55)，雖然係午餐但去到5:30都會有，可以揀一個中size烏冬、一份$13或以下既天婦羅、兩個腐皮飯團。除左兩個腐皮飯團無得揀之外，我就揀左豚肉烏冬同魷魚鬚。烏冬湯底有好濃既豚骨味，而家有唔少豚肉碎，岩曬重口味既我魷魚鬚同街邊小食有d似，雖然我拎果陣得一份，但食落去都係新鮮，肉質係爽既腐皮飯團入面有d芝麻，整體口感甜甜地，我本身麻麻地腐皮但都有食曬女朋友就揀左下午茶既溫泉蛋烏冬($25)。佢好鍾意食溫泉蛋，尤其是果種流心既質感，呢個價錢黎講佢話好抵無菜不歡既佢又追加左個西蘭花($8)，不過佢就表示今次d菜淋左d，唔夠爽脆咁話。由於下午茶時間，店內唔算多人，但值得

一直都知道丸龜但最後總是沒選它這次剛好工作途中餓了附近有一家又有下午茶就跟同事去試了一下模式挺新奇有點像宜家要在門外點了主食再拿小吃付了錢才進裡面坐下開吃還可以在佐料區下蔥等等的點了個下午茶餐一碗咖哩牛肉烏冬包了兩個腐皮包飯和一件$13或以下炸物我選了個魚糕咖哩很足我這麼沒汁吃不下飯的人對汁量非常滿意味道也不淡配料下午茶來說給得多特別肥牛也不會少但最好吃的居然是腐皮包飯呀哈哈哈哈醬油味最高魚糕就一般般了中價下午餐算是可以的但是。。。就希望自助水吧的杯子能洗乾淨點一倒水進去油都浮上來。。。

去屯門呢個商場想平平地食清少少其實都唔係太多選擇，唔係越南湯河就係烏冬。前幾日先食完越南野，今日就食烏冬啦。其實呢間連鎖式嘅烏冬店食物味道算唔錯，間間都係差唔多味道㗎！今次叫左溫泉蛋明太子烏冬，另加一個腐皮湯烏冬！明太子溫泉蛋烏冬係撈烏冬，買完要去自助調味嗰邊加番d鏗魚汁醬油。我第一次食唔知d醬油嘅味係咁濃加得太多，所以要偷d湯烏冬嘅湯溝番淡少少。明太子嘅味道本身都幾濃，加埋隻溫泉蛋撈埋一齊食可以中和番佢嘅濃味。我自己都幾鍾意食蔥，所以我加左好多蔥花喺面！另外一個係腐皮湯烏冬，賣相唔錯，味道對比明太子溫泉蛋烏冬真係清好多。腐皮甜甜地，味道唔錯啊。最後另外加左份豚肉，要$10，有一碗仔，唔算太多！見兩個烏冬都無肉食，加番少少當中和番啦！豚肉無咩特別，如果想食肉都可以嘅！

呢間店越黎越少，同埋越黎越貴但每次行過見到都會入去食因為我好鐘意食鳥冬入去自己叫鳥冬，夾小食，到最後揀好先埋單今次揀左個細醬油鳥冬加上大量天婦羅碎碎再配炸魷魚鬚同天婦羅茄子份量岩岩好，但鳥冬湯有點過濃好彩有得自助拎冷/熱水

丸龜製麵從日本登陸香港, 宜加係全球都有好多分店, 堅持住即製即煮即食! 分店採用自助形式, 選好烏冬 可揀配菜或野飲 然後結賬,之後自己去調味吧加調味或裝水。今日揀左冷烏冬(中) 加配炸雞加腐皮山葵壽司冷烏冬有中同大的份量, 之前尖沙咀食左個大,我自己就真係好困難先食得晒, 之後我寧願一個中烏冬 加配菜喇。招牌烏冬夠彈牙，唔會太淋;腐皮山葵壽司, 我超鍾意, 甜甜既腐皮配上裡面有少少辣既山葵, 真係好夾。速食店黎講係有質素的!食完自己個餐, 可仿傚日本自己收拾自己既食具放入返卻口喔!

這天只是想簡單吃碗烏冬，丸龜製麵的手打烏冬彈牙，是眾所皆知的事實。店內的氣氛較靜，適合情侶在這裡談談情，吃吃麵。這裡是自助形式點餐，我點了溫泉蛋醬油烏冬，再夾上炸雞件、蕃薯天婦羅和炸魷魚，推去收銀處付款便可。有一個小貼士，如果想吃新鮮炸起的炸物，可留意炸物上有沒有光滑的炸油包圍著，這代表剛剛炸起的，小心燙口。烏冬配上醬油湯底，是本人最愛的配搭，簡單得來又十分好吃。