丸·茶手作 (勝利道) (已結業)

有次見到電視有宣傳介紹你一間，見有時間又經過就嚟咗諗住試吓。見到佢哋啲珍珠比較特別，有桂花同黑糖珍珠係比較吸引嘅。而我就點左杯鐵觀音奶茶加桂花珍珠。佢地呢間珍珠係要另外加錢嘅。鐵觀音奶茶嘅茶味會岀過奶味 飲完都唔會覺得咁濟。桂花珍珠好香桂花味，珍珠質感煙銀有口感 有少少甜味，唔似有啲珍珠會太甜。

這間店剛開時有過一輪熱潮，那時我在熱潮過後才去，沒有太多人等，但也嚐不到紫薯珍珠，惟有試一下其他口味的珍珠。之後電視報導，熱潮再起，又使我心動想去試試。之後我三番四次，專程過去買，但！沒有一次嚐到這店的紫薯珍珠！每次去到並不是售罄，而是根本沒得賣！明明電視訪問時老闆說一天要不停搓，搓多個小時，只為珍珠更有咬口，更好吃。但事實上，根本沒多少人有幸吃到紫薯珍珠。如果老闆不想上班，不想那麼辛苦搓珍珠，其實大可以請人回來搓。其實顧客的心態只是想去麥當勞有薯條買，你打正旗號sell手作紫薯珍珠，我可以買到，就是那麼簡單而已。

我已有幾年沒有寫食評，今次破例花時間寫的原因，是希望老板或經理看到我的食評會何文田總店的服務正視問題。本人其實十分欣賞丸手茶作每日人手自家制作各種口味的珍珠，尤其桂花珍珠及紫薯珍珠，第二間係吃不到的。但自從老板及經理不在何文田總店駐守後，飲品質量每況愈下⋯⋯事緣今午兩點後的非繁忙時段購買三杯飲品，一杯熱茉香奶綠（半糖加桂花珍珠），另兩杯是蜂蜜檸檬（去冰，全部都加桂花珍珠），附件圖，收銀女職員沒有入錯資料的，但製作飲品的男職員根本沒有看清楚貼紙的要求，凍飲的兩杯全部加冰，我發現後已通知女收銀員去冰，但製作飲品男職員沒有給客人足夠的飲品份量😓，令我非常失望！本人曾光顧尖沙咀分店，也有購買蜂蜜檸檬（去冰加桂花珍珠），但對方是經我標準分量的。長此下去，何文田總店會留不住客人，請老板及經理正視問題！

叫左3杯都拿鐵，佢沖果陣淨見到加水同奶粉同糖水，以為佢一開始係混合左既拿鐵，番到公司一飲，3杯都係咖啡咪，抹茶拿鐵飲落去係好稀既抹茶水，無了，其他2杯都無啡味，豬古力杯係豬古力水，芋頭果杯反而有芋頭蓉同粒，但係無咖啡係咪要單聲先？真心5會再叫飲番最普通既貢茶仲有保障服務一去到部收銀機就壞左等左十幾分鐵先搞掂，最好笑係我第一張單叫左3杯野飲2凍1熱，之後我再去買多杯熱飲果陣佢同我講：5好意思，我地今日都無熱飲，得凍飲前2張單都仲有熱飲...好無奈...pa.我想叫既係可可拿鐵，有熱的

成日經過見到好多人排隊買，好似又見過下人介紹，好奇買黎試下，諗住珍珠奶茶唔會難飲得去邊，而且小店應該會比較良心，買既時候冇其他人，所以好快就造好，叫左丸制奶茶加黑糖珍珠。好失望，茶好澀冇茶味冇奶味冇甜味，黑糖珍珠唔彈牙冇口感仲要係酸嘅……難飲到飲左三分一就掉左……係目前飲過最難飲既一間…唔會再買

近十年間, 台式飲品流入香港, 香港開始流行珍珠奶茶。時至今日, 飲品款式推陳出新, 重點當然是茶底, 同時也不能忽略另一位主角－珍珠。近日看到「週末」介紹「嚴選百大珍珠奶茶」, 作為資深Marketing兼Designer, 介紹必然是廣告炒作而已。但又成功令我想飲一杯珍珠奶茶。要試, 當然係試名列前矛嘅。排名第一的「丸茶」。前前後後幫襯過三次, 第一次就是丸制奶茶+桂花珍珠, 珍珠彈牙、桂花味香。雖然茶味偏淡, 但仍然有驚喜。問題出現了！這次之後, 奶茶越來越淡, 甚至似飲水。桂花珍珠亦從此售罄, 未開門已售罄？再好既食肆, 如果唔能夠保持水準, 就只是向左走向右走的曇花一現！

上網見到丸茶手作有黑糖珍珠同桂花珍珠 ，咁吸引仲唔快啲去！RUNRUNRUN今次飲抹茶拿鐵加黑糖珍珠一開始頭幾啖都有飲到黑糖味，但有啲失望嘅係啲抹茶粉未完全溶晒，所以都會飲到啲粉...下次有機會會試吓個桂花珍珠 (排隊嗰陣都見好多人order)

有日同友人在旺角吃完晚飯，時間還早，她介紹我到何文田飲珍珠奶茶，其實旺角也有很多台式飲品店，但她堅持要去該店，從旺角步行前往，大約10-15分鐘去到後友人所推介的就是桂花珍珠，餐牌上的飲品全部不含珍珠，需另加$6，最後點了烏龍奶茶+桂花珍珠$22，價錢未算太便宜平常吃的黑珍珠以太白粉製成，今次特別在於用桂花搓成的桂花珍珠，喝一口，每粒珍珠非常有嚼勁，夾雜著桂花碎同時又多一份口感，烏龍奶茶亦香，就算點選了少冰少糖，茶味依然特出又不會偏淡，友人果然沒介紹錯，已經很想再去

以前啲珍珠細細粒，好煙韌。現在啲珍珠成日黐埋一大嚿。如果比較一下一年前的舊照片，會發覺一年多前的珍珠，比現在的細粒得多。現在的珍珠和其他店舖的非常相似，可能由自家製變成普通的外購貨。大小一樣，但係比其他店鋪的煮得差，近期買的每一次都黐埋一嚿。以前新開嘅時候質素好好。現在排曬隊，質素反而變得普通。不過因為同區內沒有其他選擇，所以仍然會有很多客人。<<< 對於一杯簡單的珍珠奶茶，OR都要逼我們寫夠200字才可以評分，真係有啲無聊。所以只有寫這少少廢話，充撐一下場面。真正有用的資訊及照片，已經在上面清楚說明。 >>>

喺美食展見到有丸茶手作賣但得黑糖奶茶/綠上次飲拿鐵好難飲諗住俾多次機會佢啦買左杯黑糖奶茶試下點知最後都係無茶味無奶味無甜味d珠又硬唔明點解呢間咁難飲嘅珍珠奶茶可以有咁多好評 真心覺得好難飲 仲要竟然有雜誌話佢杯珍珠奶茶係全港第一

第一次試丸茶手作緣由係網上見到佢被評為第一位既台式珍珠奶茶鋪頭，點知一試難忘，被佢香濃既奶茶味深深吸引。今次黎開何文田，雖然食到好飽，不過都想再試多次不同口味既台式飲品。今次揀左好少見既蜂蜜薰衣草綠茶加桂花珍珠～ 今次個味仲正過上次既丸制奶茶，成杯飲品帶著淡淡既薰衣草香味，又唔會太濃蓋住香濃既茶味，成個配搭得剛剛好，而且落既係蜂蜜，唔會太甜，感覺滋潤得黎又健康啲。飲品可以揀少冰，走冰，我就揀左走冰喇，因為唔想啲冰溝淡左杯茶，而且走左冰都係凍既，岩晒依家既天氣，小小凍又唔會太冰凍。最後講埋個桂花珍珠喇，食得出佢有桂花味，不過始終覺得唔夠，如果個桂花味再濃少少就好了，話晒都要加6蚊的。

今次第二次買啦，因為準備返學，途經過勝利道，又口渴渴心思思想飲，呢間係有台灣師傅幫手整的，佢個啲茶唔係用茶精，所以飲得好重茶味，好啦，咁我今次點左個鐵觀音latte, 今次一於揀原汁原味，就試下乜都唔駛少糖唔駛少冰，今次反而有啲失望同失色，奶味好重，抵讚既地方係用新鮮牛奶唔係用奶精，但就飲唔到鐵觀音味，非常之淡，即係似飲緊奶咁，同埋打算加桂花珍珠，但可惜佢話冇左，好失落同失望丫....台灣荼真係會飲上癮，下次都要再飲yeah

今日難得出去何文田 行過已經聞到陣陣茶香🤤🤤丸茶手作 我黎啦😭😭自從飲過一次之後 就愛上左丸茶手作😍😍今次揀左蜂蜜薰衣草綠茶不過無得揀少甜 因為店員哥哥 話少甜即係少蜂蜜 所以唯有都係揀返正常甜度 不過就返自己係女生嘅關係 當然有揀少冰啦🤣呢間台式飲品 真係好貼心 有得揀甜度 冰嘅多少都有得選擇 所以真係好貼心 👏🏻👏🏻今次杯飲品 薰衣草味好濃 但係又唔會有苦澀嘅味道 因為薰衣草太濃 或者沖薰衣草d水太熱 都會帶來苦澀嘅味道 所以水嘅溫度 薰衣草既濃度 真係控制得好好

一早聽聞「丸茶手作」係真係台灣人過黎香港開既珍珠奶茶店 以真材實料為賣點難得有幸 經過何文田 可以一嚐真材實料既台式飲品🤣🤣大約1700 星期六 門口都大排長龍門口細細 但傳出陣陣茶香🤤🤤真係十分吸引 我都即刻排埋一份先飲品種類唔算 特別多今次揀左抹茶奶茶 我仲獎勵埋自己 加埋桂花珍珠添 聽講桂花珍珠 係店舖一大熱門貨品首先講下茶底先 應該 我覺得係抹茶粉沖揀左微糖 少冰減低罪惡感😂😂但奶味卻不太濃厚桂花珍珠 真的有乾桂花不算太甜但有d珍珠未完全煮熟 比較硬身值得再幫襯🎉🎉

見網上一篇報告話試過20間珍珠奶茶，呢間係第一名，究竟係名符其實定名過於實，今日特登黎試下！鋪面細細且得3個職員調製飲品，經常性有好幾個人排隊。等左約15分鐘就到手啦！普通一杯奶茶$16杯，加左$6桂花珍珠，價錢合理。一睇隻色都sense到應該唔係我鐘意架啦，因為本人鐘意d茶味較重既，但呢杯野較淡色，唔使飲都知奶味較多啦，果然係無咩茶味既，幸好亦不算太甜，味道ok la，但未至於第一名囉好在桂花珍珠彌補返，唔似普通既粉團，煙煙靭靭，桂花味愈咬愈香必叫