主廚餐桌

营业中

休息中

好味嘅魯肉飯，肉好夠，有肥有瘦，油亮入味，肥而不膩，足夠每口飯都食到魯肉好好食！！💞 另外叫其他單點炸蝦條、台灣香腸都煎得香脆可口，有水準！對比其他街嘅台灣餐廳，呢度值得推薦👍🏻👍🏻👍🏻 佢亦有提供西餐嘅選項，下次再試！

係黃竹坑呢個沙漠真係冇野食 好彩新發現呢間餐廳，外賣自取好地方有西式又有台式，味道又唔差今日選擇左食魚加沙律 魚味道一流 香得黎煎得剛剛好沙律菜都好新鮮 紅菜頭上面d芝士都好正

今天試了黃竹坑工廠區的外賣自取，本身這一區都比較少台式食品， 所以都幾期待的。雞扒方面都幾好食，唔會太乾，滷肉部份有驚喜，不是平時常見的肉燥，三層肥肉好味。真係有台灣古早味的感覺配菜方面有滷水蛋酸蘿蔔，蘿蔔正常，滷水蛋入味。價錢方面都唔算係太貴，去到發現原來有網上外賣平台，不過我都算幾近，自取可以慳返運費另外都見到有人散嗌，一個滷肉飯再加其他小食，下次都可以試吓。整體感覺及味道很好。廚師都好好人，耐心介紹食品及加我入WhatsApp，未來可以叫咗之後先再過嚟攞。

相信係黃竹坑做野既朋友都知，黃竹坑係冇野好食，美食沙漠黎。就算開左新商場其實選擇得好少。平時都係叫開外賣多，今日睇外賣平台發現左間新既外賣店，話係五星級酒店大廚主理，所以就同朋友一齊叫左兩個餐試一試佢。去到餐廳拎外賣，員工有禮，見到佢地個廚房都幾乾淨。講返食物，我地叫左2個餐一齊食。包括Set A : "Achieve-ken" 邪惡烤雞扒 . 盛宴及Set B :''E-fish-ciency'' 「香煎深海魚柳 . 盛宴」。Set A : "Achieve-ken" 邪惡烤雞扒 . 盛宴 ($78)係秋葵天婦羅及邪惡烤雞扒配三色藜麥。三色藜麥正常，但我同朋友都好少食，食唔慣。不過都知係健康野黎，食多D，人都健康D。秋葵天婦羅好正，好食又香甜。烤雞扒就多汁同香口。Set B :''E-fish-ciency'' 「香煎深海魚柳 . 盛宴」($88)係楓糖拔絲番薯及香煎深海魚柳配忌廉磨菇意長通粉。我同朋友都鍾意食依個多D。忌廉磨菇意長通粉比較清新，配上甜既楓糖拔絲番薯同香煎深海魚柳真係好健康又好食。香煎深海魚柳相信唔係一般雪魚，煎得岩岩好，又滑又香又有香濃魚味。下次食都會再叫依個餐。發

收到傳單，跟住傳單上面個WhatsApp 落單，去到位即刻有得拎，返到公司一打開個餐盒，超多餸，食到好飽，超好味，雞扒超好食，好 juicy！希望 keep 到水準！下次會再試其他餐。

最近去咗黃竹坑返工，發現真係好難搵到好嘢食，呢區真係好難搵嘢食，就算外賣都要等好耐，最近就算開咗新商場，餐廳質素都唔係好高，而且真係太多人。在袋鼠發現呢間外賣餐廳，食過一次牛肋條覺得好正，今次試吓食雞扒。口味上唔係一般茶餐廳嗰隻，偏向於高級健康餐廳風格，雞扒好明顯係用焗爐即刻烤，甜粟米都係烤，沙律新鮮種類多，但如果醬汁有得揀會更加好，整體比較注重食品品質及賣相。價錢合理，但係品質對得上價錢嘅。可以返兜。