丼丼屋 (創紀之城五期(apm))

营业中

休息中

2023.09.29 dinner 呢一日，放早，行一陣食個早飯，見好耐冇食過丼丼屋就揀咗，餐牌都唔同晒⋯⋯揀咗$98嘅醬汁吉列豚丼，之前都食過，同埋一個未試過嘅十和田燒和牛配飯，都係$98。跟住加咗$18變定食，有小前菜、麵豉湯、冰茶、小甜品，好似幾抵咁。醬汁吉列豚丼個醬汁真係幾好味嘅，但個豚對我哋嚟講就肥咗啲，麵豉湯一般，小前菜正常，冰茶正常，叫做有杯飲品，至於個甜品就麻麻lu。 食食吓，十和田燒和牛配飯都到，咩事呢，牛好少兼好似啲牛唔係好新鮮牛咁，有好多塊都又黑又乾，又肥牛feel，同餐牌張相差好遠！諗咗一陣就同服務員講，後尾成份換過⋯⋯唉！不過都差唔多，但俾多咗牛，仲衰，啲牛唔靚，我寧願多洋蔥！味道都麻麻，好彩個汁ok，可以用洋蔥送飯🫠 我諗我哋都應該唔會再嚟🫢

爽爽同爽媽探店🤩 #探店 #吃貨爽爽暫時未有去過日本嘅爽媽同爽爽，今次我哋去咗丼丼屋 @dondonyahk食日本嘢止渴先🤩 丼丼屋最近特別推出「炙燒和牛海膽丼」，將高級食材融入正宗日式丼飯，至9月19日喺全線丼丼屋同丼丼屋x鳥開聯乘店以超值價格快閃登場，俾和牛同海膽愛好者盡情食過癮。哇🤤🤤🤤真心吸引🤩「炙燒和牛海膽丼」盛載日本和牛、海膽同三文魚籽。和牛嘅油花均衡，將和牛以炙燒手法輕輕煎烤鎖住肉汁，少少銷魂焦香，入口充滿油脂香，而且中間肉質鮮嫩，配以特調醬油，鮮味更突出。再搭配海膽，其口感細滑，味道鮮甜濃郁，入口即溶。內附醬油半熟蛋拌飯，為丼物增添蛋香同滑順感，令人一試難忘😍除咗單點外，仲有定食以供升級，即可享用前菜、日式湯、甜品及果茶嘅超值定食組合，好圓滿嘅地道丼物滋味!🤩名古屋鳥開親子丼呢個係日本「全國丼連盟」嘅金賞作品，嫩滑、肉汁豐富嘅名古屋交趾雞雞腿肉，半熟蛋汁香甜滑嫩，還有蛋香濃郁蛋黃，真係最佳配搭，真係食到舔舔嘴👍🏻跟餐加小食三文魚新鮮* 丼丼屋x鳥開 (@DONDONYAHK）*🏠：觀塘觀塘道418號創紀之城五期(apm)6樓L6-3b號舖

嗌左個炸豬排飯，個皮厚過塊豬，仲要好硬，塊豬肉又好鞋。個飯好濕，好似俾啲蛋漿定係汁浸住，有少少似食緊粥。同枱仲嗌左個親子丼定食，塊三文魚同三文魚籽腥到好似入左街市咁喎，仲差過爭先嗰啲。個飯啲雞肉好細粒，鞋到我以為係豬肉，唔食落去有啲似叉燒囉，搞到我懷疑自己嗌錯咗。個果茶其實係蜜糖水，連粒甜品啫喱都無味。最後個雞軟骨依然係皮厚過粒骨。真係好鬼難食，食左一半就食唔落，食完都係好肚餓🥲好耐冇試過食啲咁難食嘅嘢。

阿女話想食兒童餐，帶住兩個小朋友最緊要乾淨好坐諗起呢到又未試過佢個兒童餐就入左黎，兒童餐離唔開果幾款，擺盤靚靚，跟住有麵有蛋有腸仔😂特別在碁子麵撈左胡麻醬，平時細食嘅阿女食得好開胃👍🏻炸雞🍗尚算香脆，食得最快就緊係舊jelly阿女都食得幾開心下🤪轉頭就清左盤，食得快，又唔洗阿媽食廚餘，就當然最開心😃我自己叫翻今期推介嘅灼燒和牛海膽丼，計翻價錢就感覺不過不失😂😂海膽感覺幾新鮮👍🏻撈飯食幾好味

搵完恐龍影相，快快手搵地方醫肚，因為想近我塔車返屋企，所以行返去APM。朋友話去頂樓既丼丼屋，佢知道一定有BB椅，時間尚早人吾算多，侍應好好幫我哋放好2張BB椅，我哋收車就可以了。（再遲啲黎就要等位了）餐廳係用QR code落單，我哋分別叫左2個兒童餐（吾知點解價錢比餐牌便宜），另外再叫左2個飯大人食。🐄和風牛肉定食 +胡麻碁子麵（兒） 配清森蘋果汁 🍎：兒童餐入面有西蘭花（如果熟啲會好啲），粟米，番茄仔，腸仔，甜蛋，牛肉（有啲un)同甜品，睇落份量吾算多，但結果都食吾晒，早知我哋大人叫1個飯得啦。🐓唐揚雞定食 +胡麻碁子麵（兒） 配清森蘋果汁🍎：除左雞之外，其他都一樣，我覺得雞比牛好食。🐄十和田燒和牛飯：鐡板用紙圈圍住，以防落汁時會彈到，飯勁大碗，牛肉一般般但都好多塊。🐓鳥開辛味噌親子丼：整爛隻半熟蛋再撈埋啲雞肉，好好味，但吾太食到辣味📌丼丼屋 (創紀之城五期(apm))📍觀塘觀塘道418號創紀之城五期(apm)6樓L6-3b號舖

滑蛋吉列大蝦丼⭐️ $78仲升級左做set 😋有湯有前菜有甜品👍🏻幾抵食滑蛋真係好滑！好正！😍撈埋飯食就真係一流🥰感覺就咁單點～就已經好飽🥹升級埋做set 就真係勉強先食得晒😛胃口比較細的大家要注意下啦ww不過．．作為甜品的寒天不好吃(x好似食緊固體水咁．．糖漿不太夠味owo…完全沒有甜味🤔🤔#Food #Foodie #hkfoodie #hkfood #hkfoodblogger #hkfoodblog #香港美食 #香港打卡熱點 #觀塘美食 #apm #丼丼屋 #丼 #丼飯

第一次去食 丼丼屋 × 鳥開喺APM 6樓成日見到要排隊想試佢哋嘅丼飯好耐被期間限定嘅「穴子海鮮天丼」吸引單點價錢$𝟖𝟖加$𝟏𝟓可以升級定食有前菜、湯、甜品及果茶嘅超值組合丼飯最吸引就係長過隻🤚🏻嘅炸穴子（星鰻）肉質有別於平時食開嘅鰻魚外脆內軟鮮味搭配特大赤海蝦天婦羅🦞蝦頭有膏同蝦身分開兩大舊炸另外粟米小貝柱天婦羅餅酥而不膩有咬口一見鍾情配上獨特嘅天婦羅汁好好味呀！另外亦試咗雙拼魚生飯是三文魚🍣拼油甘魚丼飯 ($𝟖𝟑)刺身新鮮油份適中每款有4片都算多上面有片紫蘇葉墊著子薑山葵飯底份量剛好追加鳥開手羽先 ($𝟐𝟓)有兩隻令手羽先外脆肉嫩用了少許鳥開雞翼鹽調味因為外層已用秘製醬油去燒所以一啖咬落去就會食到醬汁味

丼丼屋最近推出期間限定穴子海鮮天丼定食，用上新鮮食材同埋日本產米製作！🌈穴子海鮮天丼定食 $103丼飯相當豐富，以原條穴子(星鰻)入饌，非常之大條，裹粉炸至色澤金黃，帶來外脆內軟嘅口感，薄脆炸衣入面係肉質細嫩嘅穴子魚肉，口感軟嫩。搭配大大隻赤海蝦，肉質彈牙！仲有由小貝柱、粟米炸成嘅天婦羅餅，酥而不膩。微甜嘅天婦羅汁襯托出穴子等海鮮食材嘅鮮美，加上香甜軟糯嘅日本米飯，每一啖都好美味。定食已包含前菜、日式湯、甜品及果茶，相當豐盛，盡情享受地道海鮮天丼滋味！

喺觀塘附近做完野已到晚飯時間，因為天氣都麻麻地，所以喺商場裡面覓食。丼丼屋最近推出期間限定嘅穴子海鮮天丼，係一個天婦羅丼，正合我心意❤️餐牌主打丼飯，有海鮮丼、鰻魚丼、豚丼同牛肉丼等，仲有兒童定食提供👍穴子海鮮天丼 $88送上枱時已經好驚喜！份量十足嘅「穴子海鮮天丼」，食材豐富，盛載原條穴子、特大赤海蝦、小貝柱配粟米同皇帝菜天婦羅👍天婦羅酥脆唔油膩，淋上微甜嘅天婦羅醬汁，非常惹味。原條穴子炸到色澤金黃，外脆內軟，內裡魚肉嫩滑鮮美；特大赤海蝦啖啖肉，肉質彈牙爽口，鮮味十足；小貝柱同粟米一齊炸成圓餅型嘅天婦羅，粒粒粟米有咬口；加埋炸成扇形嘅皇帝菜，油炸後仍能保持爽甜🫶配搭口感綿密軟糯嘅宮城縣產特 A 級嘅米飯，好滿足！海鮮丼 (三文魚腩+油甘魚) $90升級定食 +$15海鮮丼可以自選魚生，我選擇咗三文魚腩同油甘魚，分別都有4片，兩款魚生肉厚滑嫩，肉質幼滑細膩，每口都充斥魚油香氣，口感清爽，味道甘甜鮮美！仲加左$15升級為定食，包含前菜、日式湯、甜品和果茶😊非常豐富。

📌DONDONYA 一向鍾意豚丼，丼丼屋最近推出期間限定嘅牛油粟米北海道十勝豚丼，有北海道十勝丼加上牛油粟米，啱晒我心意😊🔖牛油粟米北海道十勝豚丼十勝豚係北海道地區特有品種特色係脂肪分布均勻，肉味濃郁口感滑嫩帶有油香，送飯一流🫶🏽配上香甜日本粟米同牛油🌽邪惡但吸引😈可升級定食，有前菜、味噌湯、甜品及果茶，感覺豐富❣️🔖名古屋鳥開親子丼 親子丼亦係受歡迎丼物之一😗上面鋪上滑蛋同嫩滑雞肉，食落有蛋香仲有大大個蛋黃好啱送飯🥹鍾意佢夠多汁而且雞肉份量都好多口感嫩滑越食越開胃☺️

講起好味抵食又優質嘅丼飯，即刻諗起丼丼屋～ 性價比高，又原汁原味日式風味，荃灣~沙田~青衣~都有分店，好方便shopping 完補充體力!! 最近仲有限定春日海鮮餐目，新鮮日本直送刺身+丼飯，一定要試!!🎀春之什錦海鮮丼定食有燒鰹魚+鯛魚+三文魚腩+吞拿魚+特大赤海蝦及三文魚籽，全部都厚切又大大片，睇落已經好吸引!! 好新鮮好甜又肥美，啖啖都好幸福～定食加配仲包括兵庫縣產湯霜牡蠣+好多蜆肉嘅日式湯+清新沙律菜+香甜果茶，好豐富～🎀兵庫縣產湯霜牡蠣正值新鮮當造嘅季節，又由日本兵庫縣直送，當然係又新鮮肉質又好肥厚～帶點淡淡嘅海水咸鮮味，鮮甜高質!!🎀春之海鮮盛3款刺身包括有燒鰹魚+鯛魚+三文魚腩。燒香嘅鰹魚逼出油脂香，仲有微微嘅煙燻風味，特別滋味～新鮮鯛魚，簡單直接嘅鮮味衝擊味蕾，三文魚腩肥美鮮甜～🎀吉列豬扒丼新鮮炸起嘅豬扒香脆肉嫩，大量既蛋汁醬汁拌飯，日本米飯粒粒都飽滿又充滿飯香，好味!!

日式丼物專家丼丼屋隨著春季🌸到來專誠增添期間📢📢限定春日海鮮餐目，「春之什錦海鮮丼」定食及單點等多道丼物及刺身佳餚，由即日起至5月30日於全線丼丼屋及丼丼屋x鳥開聯乘店供應，一次過食盡精選海鮮食材，飽嚐令人意猶末盡的春日味道！「春之什錦海鮮丼」定食 $148定食包括「兵庫縣產湯霜牡蠣」、日式湯、副菜及果茶集六款時令新鮮海鮮，包括燒鰹魚、鯛魚、三文魚腩、吞拿魚、特大赤海蝦及三文魚籽，鮮甜豐腴🤤厚薄得宜的刺身填滿丼物，配香甜軟糯的日本產米飯🍚無得輸呀❗️肉質肥厚嘅牡蠣，微微海水味加上🦪鮮味，甘甜香醇。以日本料理方法「湯霜」輕燙牡蠣表面，將牡蠣本來嘅美味完美鎖住，咁就可以保持天然鮮味又不流失👍🏻最後以甜品作結，作為一個圓滿海鮮丼體驗 💯鳥開手羽先丼 $100「手羽先」即雞全翼，係日本愛知縣名古屋名物之一，而當地著名雞肉料理名店 「島開」以其招牌手羽先及親子丼聞名👏🏼丼丼屋同鳥開crossover ，太回味正宗名古屋味道喇🙌🏼沿用「鳥開」日本總店製法，將手羽先炸至金黃色，皮脆不油膩，表面灑上鹽及黑胡椒，四隻手羽鋪滿整個丼飯，如果澆上日式燒汁會更正，與溫泉蛋🥚拌勻享用，增添溫潤口感，好幸福呀🥰🥰定

今個weekend又同阿囝去APM睇戲🎬每次睇完戲都會去佢至愛嘅－丼丼屋 醫下肚仔╰☆鳥開親子定食 $135採用日本雞腿肉，肉質滑嫩多汁，中間放咗粒日本生蛋黃，再將滑蛋同白飯一齊撈勻，每啖都充滿蛋香，口感非常豐富，定食仲有刺身、沙律、前菜、日式湯、甜品同果茶╰☆兵庫縣產湯霜牡蠣 $35叫任何主食加$35就有一隻😍牡蠣肉質肥美厚實，口感順滑加上啖啖海水味！╰☆鳥開手羽先 $25雞翼有兩隻，炸到金黃色，皮脆肉嫩帶有肉汁，食落一啲都唔油膩╰☆兒童餐阿囝今次想食麵，叫咗份兒童餐—吉列蝦定食，吉列蝦炸得香脆鬆化，入口鮮甜彈牙，配菜都好豐富，有奄列、腸仔、西蘭花、粟米🌽蕃茄仔，甜品同蘋果汁🧃阿囝大讚奄列好好味，入口即溶

‘’丼丼屋‘’ 下午茶系列🍤有多種款式選擇☕️價錢經濟💰有水準😋赤海蝦海鮮迷你丼🦐🐟🍲滑蛋吉列蝦丼🍤🍲和風豚肉迷你丼🐷🍲和風豚肉烏冬🐷🍜和風汁煮牛舌/蘿蔔🐮👅吉列魷魚🦑吉列蝦🍤日式炭燒咖啡☕️果茶🥤

香港食日式丼飯，要食高質兼性價比高嘅正宗日本丼，一定諗起丼丼屋！依家仲有春季期間限定，必試「🌸春之什錦海鮮丼」定食及單點等多道丼物及刺身。「🌸春之什錦海鮮丼」定食非常豐富，包括「🦪兵庫縣產湯霜牡蠣」、日式湯、日式前菜、甜品及冰凍果茶。時令刺身有燒鰹魚、三文魚腩、吞拿魚、特大赤海蝦及三文魚籽，刺身肉厚鮮甜，特別喜歡燒鰹魚口感非常特別，味道濃郁！加上日本產香甜又軟糯嘅一見鍾情米，作為🍚飯桶嘅我表示好幸福。另外配「🦪兵庫縣產湯霜牡蠣」，牡蠣正值當造季節，肉質肥美，淡淡嘅海水味滲透着鮮甜甘醇，用「湯霜」處理牡蠣更加鎖住鮮味不流失！一定唔可以錯過！