丼丼屋 (馬鞍山廣場)

营业中

休息中

嚟自名古屋慨海鮮丼專門店 Sakana Factory‼️人氣 No.1 名物丼 「極の海鮮丼 同「赤海老丼」‼️ 最近嚟到 丼丼屋 啦 😍鍾意食丼飯嘅我😋當然唔會錯過今次嘅期間限定啦✨「極の海鮮丼」配料非常豐富丫有😋三文魚粒、油甘魚粒、吞拿魚粒😍吞拿魚蓉，加埋 青瓜粒、蘿蔔漬粒、洋蔥粒堆成一座小山丘 再加埋😍三文魚片、油甘魚片、三文魚籽、飛魚籽同日本無菌生雞蛋🥚Wow ‼️一啖有齊所有配料‼️口感非常豐富 🥰 超滿足丫另一款✨「赤海老丼」啱晒鍾意食赤蝦嘅一眾🥰🥰包括我丫😆赤蝦刺身嘅份量一啲都唔吝嗇‼️多到成個飯面都裝唔晒😆有啲仲係重疊搭喺面添嫁😍加埋「卜卜脆」嘅飛魚籽同 日本無菌生雞蛋🥰 ，令米飯更滑溜😋😋今次呢兩款丼飯😋仲可以👉🏻一丼三食最後食淨1/3時加入鯛魚高湯，湯漬飯嘅 食法令丼飯更鮮味依家優惠期間+$10仲可 升級成定食有齊‼️前菜、日式湯、甜品同 果茶😋+ $29仲有埋 三文魚、帆立貝刺身 添期間限定供應到 9月16日😜

食晚餐都好快就搵到位。 佢枱之間都比較鬆動，張枱都幾大下。 每張枱都有水供應，環境唔錯。背景音樂播住啲悠揚嘅日本歌。我地叫左兩個餐：鳥開手羽先丼(定食）$103鳥開辛味噌丼定食$ 148套餐配刺身加冰凍果茶 都好抵食，係美食沙漠嚟講，都算係幾好嘅選擇。

丼丼屋在馬鞍山廣場多年， 都只是幫襯過1-2次， 今次再吃。 評語。價錢貴， 食物好一般， 完全唔值這樣價。 唔怪之香港人假期要北上食好西了。2人新年年初三2：30， 店內食客只有4人。醬汁吉列豚丼(定食）$116醬汁吉列豚丼 -。又係個句唔值。定食d小吃-菠菜又乾又冇味， 好差湯普通。。。。普通甜品。。黑糖啫喱。。 味道好像龜苓膏。不過無咁苦。。滑蛋吉列豬扒丼$98滑蛋唔滑， 仲有d老炸豬扒唔鬆脆， 好一般。完全唔值$98。 🫥如果佢下午茶時段收$68就差不多😐總評。。 5分

丼丼屋嘅滑蛋鰻魚飯真係叫到我兩眼發光！鰻魚嘅肉質咬落去又腍又滑，夠曬平民化嘅霖味😋，滿足到我食癮，蛋滑到溜得嚟👍。加上定食有大隻赤海老同帆立貝，睇落去真係澎湃，每一啖都係味道滿分，特別係赤海老嘅鮮甜，仲有滑滑嘅三文魚籽，嘩，爽口呀！小朋友嘅餐周圍都叫好，份量好足，點菜仲可以揀日本珍珠米或湯烏冬，今次揀咗湯烏冬，湯底出奇地鮮味，小朋友都話讚！😍有一點小遺憾就係唔送玩具，如果下次有附送小禮物，我覺得會更吸引家長帶小朋友一齊嚟。食得開心嘅同時，小朋友都有得開心，咁就真係無得輸啦！依家講住，丼丼屋都真係可以成為馬鞍山嘅日式飯堂代表，態度好，食物又正，價錢合理。下次還是會選擇來呢度捧場！🥳

放工喺商場閒逛，經過丼丼屋，原來推出了期間限定「吉列豬扒風滑蛋豆腐丼」，還可以$18超值優惠價升級定食呢個期間限定「吉列豬扒風滑蛋豆腐丼」，其實係一個低碳料理，除響應低碳飲食外，還令低碳飲食選擇更豐富🥢吉列豬扒風滑蛋豆腐丼定食 (配關東煮、前菜及果茶)-以吉列豆腐取代吉列豬扒，將厚切豆腐炸至金黃酥脆，真正外脆內嫩，而且一啲都唔油膩，造型和口感幾可亂真！再配上香濃滑蛋、洋蔥、菇菌等配料，絕對係飽肚之選！-關東煮有年糕福袋、雞蛋、大根、昆布結同野菜，湯汁清甜美味，而食材亦保留到自身原味，推介！

我好喜歡選擇丼丼屋外賣送餐，因為佢嘅外賣好有保證，我飯同汁都會分開之餘，送到屋企嘅時候同堂食冇乜大分別。最喜歡佢嘅滑蛋牛肉飯，因為滑蛋超級滑，牛肉又唔會韌，兩者配合白飯非常好味，小朋友嘅至愛。另外魚生飯亦都好新鮮，有好多選擇。無論蝦、魚，定係帶子刺身到保持到新鮮。另外，隨餐可以加小食，例如芝麻雞翼、白酒煮蜆、炸魷魚鬚都非常香口惹味。價錢亦十分合理，同其他日本餐廳相比，價錢相若，但感覺佢哋的食物比較有保證、有質素。

如果想食日本丼飯 丼丼屋都係唔錯嘅平價選擇一百蚊左右就有交易 全店都係用日本靚米仲根據時令食材不時轉menu 每次嚟都有新野呢期就主打兩款丼飯 見到幾吸引 今晚就食佢啦春之雜錦海鮮丼好足料 鋪到滿滿嘅六款魚生 有三文魚腩 鯛魚 燒鰹魚 吞拿魚 赤海蝦 三文魚籽全部都好新鮮 三文魚腩好肥美赤海蝦又大隻鮮甜爽口鰹魚輕輕燒過表面再加左炸蒜好香口醋飯酸度啱啱好 三文魚籽增加口感相當唔錯牛油粟米北海道十勝豚丼並盛定食其實係平時嘅十勝豚丼升級版豚肉燒到微微焦香但依然好juicy 脂肪位又香又爽口加入香甜嘅牛油粟米 話咁易就成碗食晒定食仲包左前菜 湯 甜品同果茶柑橘啫喱酸酸甜甜夠晒清新 鰻魚並盛定食鰻魚厚肉冇細刺 啖啖都咁肥美燒汁甜甜地送飯一流 呢度最好係好多款都可以揀並盛同特盛（大小）可以根據自己食量去揀 好貼心

好掛住賣相吸引、材料豐富嘅日式丼飯呀，未去到日本，喺香港都可以食到日式丼飯滋味，今次就黎到丼丼屋，感受吓和風之味！Caca今次食乜嘢？🍱牛油粟米稀有豚肉丼 (特盛） $118大大片嘅KAMIKOMI 豚肉，食落有炭烤香味，採用宮城米煮出珍珠一樣嘅米飯，加上牛油、日本粟米、甜露筍，好滋味呀！加$10仲可以升級定食，有沙律、荔枝果茶、日式麵豉湯、蜜柑果凍，CP值好高呢～🍣自選海鮮丼（定食）刺身丼都可以自選架，Caca今次就揀咗三文魚腩x4片、特大赤海蝦x2、拖羅x4片，刺身每片都又厚又肥美，味覺大滿足呀！追加🐔炸芝麻雞翼，香口而且皮脆肉嫩😋

突然想食刺身丼飯，去丼丼屋嘆番碗就最啱啦😚呢次我就去咗馬鞍山，淺木色日系裝潢坐得好舒服，依到丼飯選用日本米，加埋親民價，好唔錯。🔶春之什錦海鮮丼 定食$148春季期間限定嘅丼飯，用咗最時令嘅海鮮食材。可以單點/配定食。定食有埋兵庫縣產湯霜牡蠣🦪丶日式湯丶副菜丶甜品丶果茶，$148真係超抵啦。好豐富💗上面鋪滿咗六款海鮮刺身，包括燒鰹魚、鯛魚、三文魚腩、吞拿魚、特大赤海蝦和三文魚籽，全部都好鮮甜。🔶 兵庫縣產湯霜牡蠣 +$35依家正值日本兵庫縣牡蠣當造季節，只要點任何主食就可以加配。「湯霜」即係輕輕燙下牡蠣表面，咁樣就可以將牡蠣🦪嘅原味鎖住，更原汁原味，入口肥厚有鮮味☺️趁着當做季節點都要吃吃啦。🔶 刺身拼盤（2-3人份） +$98大大份好正！足夠二至三人享用，亦都係只要點任何主食就可以加配。其中最鍾意係特大赤海蝦，有2大隻放咗喺中間，夠晒睇頭，鮮味十足。丼丼屋分店好多，荃灣丶沙田丶青衣丶馬鞍山都有，好方便。

見到有下午茶又唔太貴就去試下和風牛肉飯評級：C如圖多見，牛肉硬到牛肉乾咁，無咩牛味，飯唔夠汁，洋蔥唔甜。唯一可取之處係d飯係珍珠米，粒粒飽滿香糯。另外再叫左一小兜牛汁先夠食埋d飯。唐揚炸雞評級：F睇落已經好油，反曬光，咬落feel唔到肉，拆開睇見到肥多過肉，懷疑唔係一舊舊雞肉炸出黎，而係一d合成肉，類似係一大舊肥包住一小片肉，而且味道偏鹹。同上次係某店鋪食ge合成牛柳粒有異曲同工之妙，但係人地起碼有陣牛味。果茶評級：A最後係餐飲果茶係本餐the best！唔算太甜有茶味，仲可以order走冰👍🏻未影得切已經飲曬😅最後一句總結：災難級食用體驗，寧願去茶餐廳食炸雞髀。

一向都鍾意日本料理，樓下商場就有好多間日本餐廳，個人最鍾意丼丼屋，一家大細都岩食。而家推出日本受賞名物，已經試過幾款，值得記下。名物牛筋丼 ＄68「名物牛筋丼」是大阪著名拉麵店「龍旗信」之人氣丼物。賣相吸引，眼見牛筋都舖面飯面。牛筋煮得相當腍，非常入味，牛味濃郁，而且帶少少香辣味，原來加左秘製甜辣醬汁。一向都鍾意中式牛筋，而家用左日式烹調方法，都一樣咁好味。最後以加左蛋黃醬提味，又多一番風味。十勝帶廣名物豚丼 特盛＄108呢款係十勝帶廣豚丼專門店名物，寫明北海道豚使用。特盛有六大塊豚肉，好澎湃。豚肉相當腍，入味已有好香炭燒香味，醬汁濃甜，配上甜甜嘅白飯正好。吉列蝦定食兒童餐＄65小朋友就最愛點兒童餐，有三款選擇，今次揀左吉列蝦。蝦都炸得好脆，主食可選白飯或烏冬，烏冬係幾甜嘅，配上清湯。仲有少少沙律，甜品小食，仲跟埋蘋果汁，相當豐富，其實一個小小朋友真係食唔晒。日式料理選擇多，老少咸宜。

今天下午到馬鞍山廣場的丼丼屋食午餐，看過餐牌後，覺得最吸引我的是兒童餐！於是，就進入了丼丼屋日式餐廳內，店內有日本和式的裝修，又用上一些淺紫色，很簡約但漂亮。等了大約5分鐘，我的兒童餐送來面前了，每樣食物份量不多，有日本便當的感覺。這個兒童餐包括:沙律、牛肉、蛋奄列、腸仔、一碗珍珠米白飯、蘋果汁，還有甜品迷利朱古力班戟。牛肉、腸仔、蛋奄列是一般吃慣的味道，最令我印象深刻的是沙律，它有蕃茄、西蘭花、薯仔跟蕃薯，健康飽肚之餘又好好味呀！迷你朱古力班戟都好味，一口一個，容易食。雖然這個是兒童餐，但它碗飯是成人份量，細食的女性(如我)吃完這個餐，整個下午也不覺肚餓，幾飽肚的。店內只有幾枱人，很寧靜舒服，下次會再吃過這個餐的！

因疫情關係，所以買外賣回家食.上網見到丼丼屋有四人餐優惠，於是落單外賣自取.套餐包括四個飯，沒有得自選，其中兩個餐係‘吉列豚丼’，三塊厚厚的炸粉包裹住薄到紙一樣的豬肉，一口咬下去，全口都係炸粉的感覺，非常失敗！ 用$380蚊的價錢購買四人餐，結果其中兩個餐難食到完全放不入口，沒有預期如厚切吉列豬扒般厚身，但沒有料到薄如紙還幾乎都係炸粉！難怪商家設定套餐內一定要包括這兩個一樣的餐，用低成本去賺取高回報.

友人介紹呢間外賣好抵，上openrice外賣自取有8折！今日叫左個四人餐$380真係好多野食，而且新鮮好味！！👉🏻信州風味醬汁吉列豚丼 2碗豬扒肉質唔會太硬，亦唔乾身，個汁少少酸酸的，幾開胃！👉🏻名古屋鳥開親子丼1碗蛋都幾多，不過始終外賣，略嫌老左少少，不過個味道係唔錯！👉🏻大分南蠻雞丼 1碗個雞又唔會太老，而且有6大件！👉🏻特上刺身2份呢個真係不得了！有帶子，三文魚同埋甜蝦！全部都好鮮味，而且個甜蝦勁大隻！好正！👉🏻炸芝麻雞翼4件係雞全翼，大大隻，唔會好熱氣嘅感覺！👉🏻一口班戟6件朱古力醬，做甜品一流！👉🏻飲品4款雖然只係得可樂同雪碧揀，但係個餐包埋真係好抵！

馬鞍山到午飯時間要搵到有位坐的餐廳係非常之難，剛經過見到呢間丼丼屋有位就立刻入去，地方算好乾淨及夠光，見餐牌尚算多嘢食但魚生種類不算多灸燒海鮮丼，三文魚係厚切每件都用火鎗燒過食落好好味有火燒薰香味道，蟹子份量適中，能夠每一口飯都帶有蟹子，至於蝦刺身長度都有五寸好甜好味，另外加錢28蚊叫了炸魷魚小食，即炸的好香口滑蛋豬排丼份量足夠一個大人食，滑蛋夠多，但豬排肉質比較硬及乾身，跟餐有麵豉湯紫薯及jelly小食叫小丸子好味夠脆夠熱