丼吉日式吉列豬排專門店 (彩星集團大廈) (已結業)

一直以來都未再訪丼吉，覺得欠它一篇食評。終於趁年尾聚餐，應家中小朋友的要求來吃這家個人認為是全港最好的吉列豬扒餐廳。丼吉分店眾多，但試過幾家都是回到吃了多年的彩星集團分店，感覺水準最能保持。本店特選吉列定食 (三人用)特上豬扒豬柳定食 (兩人用)已經吃過數不清的次數，循例按人數點了三人份及兩人份套餐各一，其中包括吉列豬扒、豬柳、大蝦及生蠔，種類足夠大家分享。套餐還包括前菜小碟、味噌湯、任添的白飯和椰菜絲，以及水果。吉列特上豬扒、豬柳究竟連蔡瀾先生也稱為全港最好的吉列豬扒店的豬扒有何特別？首先外皮炸得非常鬆脆，沒有皮肉分離的問題；沾附的炸油味不重，就算是炸物也不容易令人吃膩。豬扒的肉質較結實但絕對不老，比之下我更愛吃肉質柔軟的豬柳，是名副其實的皮脆肉嫩。沾醬方面有供客人自己磨研的芝麻，混合濃郁甘香的豬扒醬；也有海鹽及芥辣附給客人選擇，滿足各種口味。吉列大蝦、生蠔除了吉列豬扒，海鮮也做得好。大蝦比一般見到的體型還要大，炸粉香脆，裏面的蝦肉爽口彈牙，點上他他醬來吃更好；吉列生蠔體型飽滿，內裏也是汁液豐富，完全沒有因炸過而收縮和變乾。椰菜絲、白飯一家好的餐廳，絕不會忽略配角的重要性。任添的椰菜

又到聖誕，又到聖誕，唱隻歌仔食大餐．今曰23號平安夜前夕，在尖沙咀街上好多人，尤其蘋果店，不如上十樓食飯，在門口睇睇原來已經做緊聖誕餐，一於試一試，３款餐我都係鍾意大車老海，有生蠔，有刺身，仲有吉列，同埋加個番茄及毛茄，食多d疏菜麻，嚟個二人前．等咗一陣間，先嚟醬汁及飲品，指定動作磨芝麻，芝麻好鬼香，再加豬扒汁，跟住２個小食到了，番茄加洋蔥及醋，味道好清新，毛茄健康有益．主角來了，炸軟殼蟹非常香脆，蟹膏甘香，所以每次來到都必定要點炸軟殼蟹，剛剛食完，就即上刺身，生蠔好新鮮肥美，加上三文魚籽味道配得好，大大隻帶子食得好開心，三文魚及上赤都好好食．吉列大車海老，大帶子，大蠔，豬柳終於出場，擺得好靚，２隻大蝦好似叫我快d食咗佢，好大隻，差不多10吋長，仲有膏添，其實應該食大帶子先，不過睇見隻蝦咁吸引，拿拿聲一啖飯一啖蝦，d飯又好食，日本米，煮得剛剛好，赤麵豉湯裡面仲有隻蜆添，肥幾磅都無辦法啦，帶子同炸蠔好juicy，點他他汁好味，豬柳配芝麻醬，特別香，待應不時幫我添加菜及白飯，經理及待應都好nice，服務週到．又到尾聲，待應好細心給我執枱及清潔，並奉上清甜西瓜，雪芭及熱茶，好完滿．食到飽一飽

Come to this place whenever I am craving for tonkatsu.Went here with my 2 buddies few weeks back and we shared combination set of shrimps, oysters, and pork chops.The set also come with rice, all you can eat cabbage salad, and miso soup.The set was super delicious, all food (shrimps, oysters, and pork) were fried perfectly and just right.Love eating the unlimited cabbage salad, perfect match with the grapefruit dressing.Rating: 4/5

星期六放假，當然是約朋友食餐好。朋友建議來這家吉列專門店吃午飯，本來我也有點猶豫，因為年紀大了，受不了油膩的食物，但吃完之後，覺得朋友的介紹很好。我們點了吉列豬排伴帶子定食和吉列大蝦定食。點餐後，大約等了十五分鐘，兩個定食送到，炸豬排外脆內嫩，加上自己手磨的芝麻醬，更能提升豬排的肉味。大蝦和帶子都很鮮味，帶子雖經油炸，但沒有流失水分，咬開一半便有鮮甜的汁液流出。每份定食都附上椰菜絲，而且可以無限添加，加上柚子醬進食，能夠消去炸物的油膩。除了食物之外，這裡的景觀也很好，一面進食一面欣賞美景，實在是周末的一大享受！

本人生日月 同事請食lunch 簡左高檔炸豬扒 好耐無食 135$一個炸豬扒set 熱騰騰既炸豬扒上台 薄薄既炸粉 肥厚適中既豬扒 仲有大大的椰菜絲 唔同既沙拉汁醬 跟熱烘烘既日本米飯 真係無得彈 因好耐無黎過 已經唔記得個餐原來有兩片魚生跟 感覺成個餐抵左 米飯同椰菜都可以無限添加 完美既一餐同事即場申請左張會員卡 減去呢餐用送既現金卷都要自己補300蚊 但一年內可有85折在旗下店 眼見原來都有多間分店響港島區同沙田 申請有85折都未嘗不可

每個星期我地成班同事都有一兩日 Book 定位響依樹食午飯開大餐, 無他嘅, 嘢好食, 經理及侍應生服務都非常周到, 點知今日成班同事上黎食.......以後可能要改改.由五樓轉 Lift 上嚟響門口巳經心知不妙, 要等, 好彩經理醒目知我地要趕番工, 叫我地 Order 咗嘢先, 仲安慰我地有枱埋咗單, OK 好睇吓食咩先.好, 坐低之後, 發覺原來少咗一個侍應, 平時四個人喎, 依家個個好似摩打上身咁, 一個要埋單, Order, 一個要加飯加菜上餐, 一個要執枱加茶, 唔係好掂喎, d 嘢慢, 會趕唔切番工.雖然依樹 d 嘢好食, 經理侍應服務好, 但人手唔夠真係唔掂, 老細應該要加番 d 人先得.

今次係第五次幫襯啦，永遠冇失望！我獨愛吉列蠔，老公愛吉列豬，所以我地叫一個雙併餐，再叫多位白飯，share食！雖然我愛吉列，但唔食得多，兩個人share一個餐岩岩好！先講講個吉列，真係超級鬆脆，又唔油，一咬落口很幸福的感覺呢！個蠔又香濃，諗起又想食啦！豬扒點吉列醬，蠔會提供沙津醬的。椰菜絲和白飯都可無限量追加，椰菜絲清甜香脆無渣，切得很幼，還有兩款醬汁提供，分別是紫菜汁和柚子汁，兩隻都好好味！店員好細心，見你碗飯差唔多食完就會問你加唔加飯，菜絲都係！食完後店員會換過另一批熱茶比你，仲有西瓜比你解熱，very good ! 同埋呢到真係坐得好舒服！

平時多數坐係公司做嘢，如非必要我個人其實唔多中意出街行，自己行街買嘢又唔同！點知接到經理電話話要拎嘢出尖沙咀，真係十萬個不願意！不過打工仔要搵食無辦法啦，做完嘢老闆好識做請番我食飯，呢間味道都唔錯！

除夕下午先收工, 要食飽過年, 一人前大蝦餐.先 Bear Bear 佢, 送個魚生盤及炸軟殼蟹, 軟殼蟹香脆有膏, 魚生盤新鮮, 好!隨後大蝦餐, 蝦超大隻, 有帶子, 蠔及豬柳, Overall 嚟講好食. 特別係炸物十分松化, 唔油膩.至於大蝦呢, 睇相你都知, 大過碗飯, 又有膏, 蝦味比起細蝦, 的確唔同.最後, 水果, 雪芭及茶, 好, 2017來了.

我本身好喜歡食呢間的炸物, 特登和生日朋友嚟呢度食晚飯。一開始已經俾其中一個女侍應的黑面態度嚇親。個茶壺開蓋好耐都無加水。請佢幫手影相就連123都唔叫就影,仲要影到個個咪晒眼, 我地都無出聲話佢。我地咪請過第二個影囉，之後我們都未食完, 同一個女侍應又嚟收我朋友的餐具，我地同佢講咗3次我地未食完, 佢都好似聽唔到咁，到我好大聲講話未食完, 佢先停手, 仲話“咁駛唔駛攞過的餐具俾你, 我地就話要”我地食全餐飯,呢個女侍應就黑面黑足全程, 之後我地忍唔住同個經理講, 叫佢唔好再揾呢個女侍應serve我地張枱，個女經理話ok。 但之後呢個女侍應又再走嚟收嘢，仲要收到pink pink ponk ponk, 發晒脾氣, 幾乎打爛啲嘢咁濟。我地都唔知佢做咩，咪叫咗佢唔好嚟serve, 佢都仲要走埋嚟，好似想同我地駡交咁。大佬，我地唔係無俾錢㗎，我地又唔識佢，又無害佢全家, 呢條女侍應都唔知係咪自己發生咩事，走嚟發我地爛渣。俾我都唔再去呢間分店。好食都唔係咁受氣法

先黎三個前棻, 炸軟殼蟹炸起不油膩十分脆口, 加上蟹膏及醬汁美味可口. 八爪魚芥辣毛茄, 毛茄健康食材 味道唔錯. 日式沙律比起西式沙律味道清新醬汁好味好開胃.吉列豬扒加蝦定食及吉列豬柳加生蠔定食, 好大份慢慢嘆. 炸物外層松化, 唔覺得油膩, 吉列豬扒及吉列豬柳配自己磨芝麻醬幾好味, 另外仲可以配黃芥辣醬, 另一口味. 至於吉列蝦及吉列生蠔, 吉列蝦脆到連尾都食埋, 吉列蠔就外松內軟, 保留左好多汁,  配他他汁沙律醬, 美味可口, Yummy....白飯椰菜可以隨意添加, 椰菜好脆好甜, 白飯仲好香.跟隨送上水果及換一杯熱茶好解膩.

為咗慶祝相識的日子, 今天又來到廣東道蘋果樓上十樓日式吉列專門店.  剛剛好八點鐘, 泊好架車在海港城, 跟住過嚟回望一下, 相識時間地點, 有點溫馨. 上到十樓, 見到一個好有記憶的招牌, 甜甜地印在心中, 在門口等咗一會, 見到窗口位, 剛剛有人埋單, 店長隨後清理枱面, 給我又坐返同一位置, 好想叫番上次d嘢, 不過二人餐暫停, 只好試下d新嘢啦, 一定要有吉列, 因為好食, 我點了一個刺身并盤, 日式沙津, 及吉列蝦蠔豬排豬柳.好快趣, 好豪華的刺身并盤及日式沙律已經送到枱上, 嘩好新鮮喎, 海胆好甜, 牡丹蝦蝦肉好彈牙, 帶子甜美, 同埋帶子上面果幾粒好甜喎, 唔同我在日本食果d, 日本食果d好咸, 其它d魚生非常新鮮, 接著清清個味蕾食吓d菜先, 嘩未試過d醬汁咁好味, 食落好開胃, 店長建議我食剩個醬汁留番嚟點椰菜絲添.食完刺身及沙律,  等緊下一道菜之際, 好似多咗客人等位, 唔知係唔係繁忙時間, 個個店員都忙個不停, 好嘢, 有得食, 咬一口蠔, 加少少他他汁, 鮮甜好味, 剛剛炸好, 仲燙嘴添, 我非常欣賞, 店員比較著重上菜熱度, 炸物又要剛剛炸好即食才好食, 不

很久以前，經常會來這餐廳吃吉列炸物，喜歡它們的白飯任加，沙律菜任點。但是近年隨著有很多不同的吉列店開門後，已經很久沒有到訪。今天晚了下班，大約晚上9時才到達尖沙咀，所以決定重臨這間位置比較不方便的吉列專門店，再嘗一下。始料不及的是，今次的感受，是如此令人難接受的...大約晚上9時到達，一眼望進餐廳，有4-5張吉桌，但店員的態度是...「有冇訂枱？」我們說：「冇」「等等」便跑開了！眼見吉枱，仍然是吉。等了大約15分鐘，多了4-5組客人來到等位，店員才過來安排我們入座「已經吉了15分鐘」的座位。感覺他們是要「做勢」？但這樣的位置，有甚麼用？入座已經一肚氣，吃飯最不喜歡的，便是店員的惡劣態度。打開餐牌，點了一個豬扒生蠔set，再加一個和牛薯蓉豬柳set。食物質素，仍然是非常高的，吉列爽脆但不會感到過份油炸的感覺。生蠔很大隻，豬扒豬柳食材質素高，豪無挑剔。白飯沙律菜可以無限refill，而白飯也採用了日本米，煮得很沾口，很有飯香。埋單$556.5，性價比其實是很高的，但論服務質素，會令整個進食感覺下降到負分，特別是其中一位女待應，加水，refill 0 態度，相信不會再重臨這分店了。

午餐時間一個人, 不如食d自己鍾意嘅吉列海鮮, 來個海鮮午餐加隻大大大炸蝦.有得食喇, 隻大大大炸蝦上枱非常震撼. 好由小刺身開始, 三文魚鮮甜肥美, 炸蝦, 炸蠔, 炸得非常鬆脆, 炸蠔鮮味, 炸蝦結實, 香口好食. 而隻大大大炸蝦呢, d蝦膏肥美到.......d肉質的確係唔同, 嘩真係可以食多幾碗飯, 好彩飯同椰菜絲係免費加添.最後清甜水果, 透心涼, 加上熱茶好正.

吉列豬扒定食 $128.今次黎到哩度食lunch❗️第一次食哩間以炸物聞名既日式餐廳❗️上到去坐低實在太驚喜 竟然係一個坐得咁舒服既地方🙋.睇住menu全部都係炸野唔知食乜好 不過老細話好食咪叫😛一個set有飯同椰菜絲任裝 有湯 不過太咸 仲有薯仔沙律 幾好食😛隻蝦好似係另加 係好係.炸豬扒表面好似金黄鬆軟 食落都唔錯 做到外脆內軟既感覺 而且有肉汁 唔鞋 結實既肉 係幾好味既 不過我就覺得炸粉厚左d😂仲有隻大蝦先正 啖啖肉 食落d肉好爽 雖然暗瘡bb係度警告我 不過我都係繼續食 食到最後太飽就放棄舊炸粉😛.d飯都係日本米 一粒粒有咬口 好想食晒佢不過太飽啦😂三文魚就冇食啦 因為我唔食魚生🙈食完即刻有喉嚨痛同增肥感覺 不過我bmi得18有quota食 冇事既😂😂😂吉列蝦 蠔伴三文魚刺身定食 $108.哩個set相對於炸豬扒我覺得冇咁抵食 可能因為自己本身不太特別愛海鮮 所以覺得十分普通 除左隻大蝦😍.隻蝦真係啖啖肉 完全唔似平時雪藏個種爽脆 實在太正😋值得表揚 相較下蠔就普通左d 咬落少少腥 味道好似同平時食既放題差不多 不過丼吉就炸得好d😂此外仲有三文魚 （唔食魚生不作評論），麵鼓湯 椰