烏蠅館

营业中

休息中

烏蠅館搬咗舖去咗商場有更大地方同座位，座位舒服咗同埋嘢食有更多選擇！冒菜C餐 任選8款配菜我就揀左風琴豆腐串、萵筍、肥牛(都幾重牛味)、鴨血、芝士丸、魚皮餃、芝士腸、黑豚肉(幾香！)。唔好以為咁多個餸每一樣就一定得好少，佢份量都幾多！唔會係每樣得一件。揀咗滋補菌湯湯底又幾清，但係有一陣好濃郁嘅菌味，番薯粉索哂啲湯汁好食又彈牙另外一碗叫咗海帶結、萵筍、鮮淮山、肥牛、鴨血、雞中翼、牛筋、墨魚丸，又係超級豐富仲加咗水魷好新鮮好爽口。呢碗揀咗麻辣唔算食得好辣，所以就揀咗BB辣好惹味，配上土豆粉口感比較似烏冬食落彈牙+$12 已經可以叫到特色飲品，嗌咗黑糖珍珠鮮奶奶味濃唔會太甜同雪梨玫瑰檸蜜熱辣辣暖暖胃呢度竟然仲有糖水可以嗌！桂花豆花同紅豆芋圓仙草食飽飽

天寒地凍，想食辣驅寒。這家川菜館的餐牌，款式頗吸引，所以在此晚餐。手機點了二個小炒晚餐，二小食，二甜品，二飲品。套餐加配一涼菜和一炸物蒜泥白肉 ＆ 韮菜餃子 二款都是紅色呀！蒜泥白肉 蒜泥混有炒過的辣椒花椒，辣中帶苦，但紅油的油香又真係好似成都四川那個香味。川式韮菜豬肉紅油水餃 這個紅色湯底的辣度比蒜泥白肉更高薑汁通菜 唯一不是紅色的菜色，但薑是辣的。薑汁配通菜，感覺很特別。豬油渣椰菜花 早已相中椰菜花，因為有豬油渣，炒出來的菜花應該很好味。這裡的鑊氣不太強，椰菜花沒有焦焦邊，拌鹹香醬汁，單食也很好味。乾身豬油渣沾上醬汁，拌飯一流。啤酒排骨 其實想食啤酒魚啤酒鴨，但此店沒有這種配搭，又不想食雞，唯有選排骨。枱面多個紅色辣菜之中，啤酒排骨最辣。碟裡有紅辣椒，青辣椒，花椒，還有青色的泡椒，辣味之中帶著酒的酯味。排骨都是帶骨的部位，容易咬。爆漿紅糖糍粑 2粒 剛炸起熱辣辣，口感粘粘糯糯。煙韌的糍粑包著熱燙的紅糖，要小心。桂花豆花涼粉另外加12蚊，跟餐配指定特飲，計落平dd，所以加二杯。黑糖桃膠鮮奶   少甜少冰  要解辣，用凍飲，用油脂奶類或甜的最見效。嚐過勁辣啤酒排骨，來一口冰凍的黑糖鮮

一個快樂的晚餐！星期一來晚餐。服務員「金毛頭」態度非常熱誠、殷勤、親切、用心。我只是問他其中一碟餸辣唔辣，他竟然說得出這碟餸是什麼味道、怎樣做的。點菜時，我問他是否一定要有飯，飯到了，他主動問是否需要減少份量？我以為去了五星級酒店晚餐！

原來原本在地鋪的烏蠅館，由細鋪搬咗去新都城2期2樓的更大地方，地方大了座位多外，食物種類比之前更多選擇。冒菜B餐，可配6款餸，家人點了基本的餸外，還加$12搭羊肉片配米線🍜，配搭清湯，飲品熱玫瑰蜂蜜，加$32有凉拌小黃魚，加10有薑汁豆皮芽。我則要了冒菜C餐，可配8款餸，我點喜愛的餸加寬粉配bb麻辣，飲品是酸梅湯寒天綠。加$26薑汁豇豆好抵食。面頭有我極like的蒜蓉，餸種類多啱晒我呢啲咩都想食小小嘅人，食晒成配都己經好飽了。最後尚要埋紅糖糍粑同糖水，好吃滿足又抵食，街坊至愛。

烏蠅館最近搬咗新舖位，店內有多個卡座，坐得都幾舒服，今次二人行點咗兩碗冒菜冒菜B餐（任選6款配菜）肥牛、黑豚肉、鴨血、風琴豆腐串、蘿蔔片、娃娃菜，再加香菇貢丸，超多配料好豐富，麻辣揀咗小辣，越食越辣，番薯粉有口感，煙煙韌韌幾有咬口！跟餐價點咗檸檬百香果QQ，可以揀三款料，味道清新又解辣冒菜B餐（任選6款配菜）呢碗都係叫6個餸，雞肉、牛筋 、風琴豆腐串 、海帶苗 、萵筍、貢菜，揀咗藤椒湯，香麻而不辣，幾惹味! 火鍋寬粉較番薯粉闊身啲，同樣煙韌有咬口！飲品揀桂花寒天綠茶點多2個小食，薑汁豆皮芽同牛肉蘿蔔餃，隻餃沾滿紅油超惹味，有4隻咁多！紅糖糍粑中間夾住黑糖，口感酥脆軟糯，好食

烏蠅館 主打川辣菜式🌶️最近將軍澳分店重新裝修搬到更大鋪面！環境更闊落設有卡廂～幾舒服晚市來到幾多人😁仲有晚市套餐可以優惠價加配特色飲唔同甜品🍧叫左主食、小食～整體唔錯🌶️招牌沸騰魚！加入花椒、辣椒、蒜頭香辣惹味～魚肉滑嫩！仲配埋金菇、蓮藕、萵筍⭐️肉碎茄子🍆茄子夠入味配上大量肉碎好下飯🌶️麻辣豬耳絲👏🏻豬耳爽脆配上秘製麻辣醬好惹味🌶️川式韭菜豬肉紅油水餃～辣度夠愈食愈滋味飲品、甜品各有特色！一次試唔哂飲品：桂花寒天綠茶 + 百香菠蘿氣泡甜品：雪燕桂花蜂蜜味、桃膠紅糖味、紅糖糍粑📍將軍澳寶琳欣景路8號新都城中心二期2樓2024-2027號舖

呢度有好多唔同嘅特色川菜可以揀，我哋就揀咗傳統水煮魚片🐟$98 同埋 豬油渣椰菜花🥦$58，兩款川菜都已經配咗白飯，份量多又唔貴～豬尤其係豬油渣椰菜花個人覺得都幾有驚喜，估唔到完全唔會覺得油膩，椰菜花同三色椒仲幾好味添～近來都好鍾意食冒菜，貪佢哋乜餸都揀得，樣樣都可以嗌啲！呢度嘅冒菜好抵食，八餸冒菜🍲都只係$59！！今次我就揀咗風琴豆腐串🍢、海帶苗、金菇菜、娃娃菜🥬、煙鴨胸🦆、肥牛🐮、雞中翼🐔、魚腐🐟！粉麵都有好多款唔同嘅選擇，想粉麵吸湯啲惹味啲嘅話，我就最推薦粉絲😋😋湯底方面我就揀咗麻辣小辣🌶️叫主食仲可以用優惠價加配小食添，川式韭菜豬肉紅油水餃🥟$18就有四隻，意外地非常大隻，勁抵食🤣🤣飲品方面，我哋就揀咗黑糖珍珠鮮奶茶🧋$12 同埋 茉莉花茶加奶蓋🌼 $15 ，其中茉莉花茶茶底好香濃，再配埋濃厚嘅奶蓋，好滿足！😋😋甜品方面呢度亦都有勁多選擇，重點係超平好抵食🫶🏻🫶🏻我哋揀咗紅豆芋圓仙草🫘$12 同埋 桂花豆花涼粉$12，我自己就鍾意桂花豆花涼粉多啲，淡淡嘅桂花味配豆花原來好夾🙈🙈

又一間浪費食物，冇服務質素嘅食店。 如果大家想一路受住氣，一路食垃圾就嚟呢度食。點餐後半小時未有食物，想叫店員跟進又扮睇你唔到， 睇到你又答你就嚟就嚟， 催咗幾次終於有嘢食， 食物上枱見到都唔想食， 味道不似一般嘅宮保雞丁及回鍋肉， 唔會再嚟呢間食。

今日我去咗烏蠅館，試咗佢哋嘅冒菜，配埋主食土豆粉。食物首先講講鮮淮生，真係有啲驚喜，仲有4片，質素唔錯！但肥牛同黑豚肉就真係嚴重overcooked，食落去勁鞋同勁老，仲痴埋一舊，完全冇咩口感。雞中翼味道有啲好味，但炆得有啲晦，冇咩特別。至於土豆粉，彈牙好味，但佢痴埋一餅咁，無整散，搞到痴得太勁，食落口都撈唔到湯汁，真係好失望。湯底唔差，味道順口，但可惜錯係細節位，晒左個湯底，冇辦法令土豆粉撈到啲湯汁，太太影響整。飲品飲品方面，我試咗百香果寒天綠茶，百香果子同寒天嘅份量好少，嗌左少冰但都好多冰，飲到臨尾好淡，好似飲有少少甜味嘅水。至於黑糖珍珠鮮奶，簡直係惡夢，味道唔似冷藏鮮奶，反而似盒裝室温牛奶。如果唔要求味道，佢好抵飲，$12杯。環境環境方面就靚，乾淨整齊，坐得舒服，令我覺得有啲輕鬆。總結整體嚟講，我食左二次烏蠅館嘅食物味道係ok，但無論係牛肉，豬肉定土豆粉二次黎食都痴實埋一舊，真係好扣分，如果廚房肯花多幾秒整散佢地，我諗會變成好多人既飯堂黎。