樂園魚旦專家 (電氣道)

营业中

休息中

晏晝時間，餐廳好多人，但員工嘅服務態度仍然好好，滿臉笑容，講說話有禮貌我order 咗雲吞粗麵再加牛腩汁，雲吞唔算大粒，但係蝦肉算爽口；粗麵烹調嘅火候得宜，唔硬亦都唔淋；湯底有啲牛腩汁，少少濃味

鳳城水餃粗麵鳳城水餃份量唔多 味道正常 餡料都算多 唔會話太細粒🤩粗麵份量都夠飽肚牛筋河粉牛筋份量比想像中多 牛筋反而抵食過鳳城水餃🫣牛筋好淋 易咬口 都幾唔錯 河粉份量都同粗麵一樣魚皮好耐冇食過魚皮 魚皮好脆 好好食

今日經過炮台山見到呢間粉面店 入到去坐位都寬敞舒適試左個牛腩河粉$39另外朋友韮菜餃粗面$36份量都幾多 牛腩冧身幾好食湯底有腩汁 正常水準 河粉煮到岩岩好 唔會痴埋一舊韮菜餃有三隻 餡料豐富 皮夠薄 入面有好多韮菜 湯底較清

今日好晏先有時間食lunch，好想食牛腩麵呀，揀咗呢間樂園魚蛋試試先！堂食環境都唔錯，不過趕住返屋企，嗌咗外賣！想食牛腩，見到有牛三寶，就試呢個啦，試多幾樣，有牛筋，牛肚，同埋崩沙牛腩，真係無令人失望呀！牛筋大大條，又夠哂入味，又夠哂林，正！牛肚又係入哂味，係有質素嘅，崩沙牛腩俾得好大方呀，好味大舊又好多舊，好豐富呀，另外仲叫咗杯凍檸茶！呢間可以加入我嘅外賣之選啦！唔記得嗌分湯，仲叫左河粉添，好彩都唔會發脹哂😄

樂園 （14/11/2023）今天和友人在北角滙有啲事要做，跟着順便行街。 再到炮台山的油街實現閒逛打咭！ 不經不覺已到下午茶時間， 剛想起附近有間出名的傳統粉麵店，叫樂園魚旦專家。 它在北角電器道254-280號華凱大廈地下G 舖。炮台山地鐵站A 出口行幾分鐘就到！粉麵類都有不同口味的選擇。 我們揀咗佢嘅招牌菜： 金牌牛三寶河粉，仲雙拼了雲呑！ 牛三寶有牛肚、牛腩和牛筋。 湯底係用牛骨和豬骨熬製而成，味道鮮甜濃郁。 牛肚係草肚，有咬口和鮮味！ 牛腩肥廋度相間，有濃濃的牛味，唔會鞋口！ 牛筋炆得腍滑不會韌，好入味！大大粒的雲吞，皮薄和餡料：蝦和豬肉十足，配上河粉，吸收了濃厚的湯底，真的好滋味！牛雜粗麵，雙拼咗粗牛丸。 牛雜：牛肚、牛膀、牛肺和牛腸。 真的樣樣都有，份量十足！醬汁炆得超入味又腍但有咬口！ 最重要係只有牛鮮味，沒有一般內臟的異味，處理得非常好食！牛丸爽口有牛肉味和爆汁，非冰鮮貨可比！粗麵淥得剛剛好，爽滑可口，超搭配！下午茶時間加$5就有一杯飲品，真係好優惠！ 奶茶的茶味香濃，不錯！吃完了牛腩和牛雜，喝杯檸檬水就最啱，可消腻！這間傳統的粉麵店食物質數高，最緊要係用心去經營

點了水餃魚蛋粗麵、牛腩粗麵、生菜全走。麵比較淋同好大陣醶水味，水餃饀唔太實凈，皮又係太淋，魚旦有小小腥。牛腩唔肥夠淋夠味，唔錯。生菜要$25，份量好少。埋單百幾，唔算抵，味道一般，未必再幫趁了。

今朝一早食咗個包就到而家再去搵嘢食，已經係下午茶時間三四點，天口又熱，又趕住返屋企有野做，想嗱嗱臨買咗嘢食，就即刻衝返屋企，好想食牛腩麵，就揀咗呢間樂園。好多選擇，有麵食，有飯，仲有得買火鍋配料。舖頭入面乾淨企理，冷氣夠，好舒服，不過趕住返屋企所以冇喺度堂食。侍應姨姨好有禮貌，幫我落完單，好快就攞到餐啦！因為太肚餓，揀咗佢嘅牛三寶幼麵，有牛肚，崩沙腩，牛筋，咁熱一定要加杯凍檸茶啦，唔錯，下午茶時間加$5就有一杯😆一打開個蓋，勁香，好開心呀，好大碗麵，好多餸！佢嘅湯頭好好味呀，我飲咗好多湯，但係冇頸渴！仲有，麵質好彈牙同夾口！佢嘅牛筋煮到林晒，入口就係啫喱嘅感覺，好入味！仲有牛肚，我都好鍾意呀！最欣賞佢嘅崩沙腩，牛味十足，肉質軟林林，已經諗定下一次都要食返呢個牛三寶麵！

北角嘅樂園魚蛋粉係一間非常受歡迎嘅餐廳，佢嘅魚蛋粉真係好好味啊！我哋今日揀咗雙拼墨魚丸牛筋米粉同埋雙拼牛雜雲吞粗麵，食物質素真係好好啊！
雙拼墨魚丸牛筋米粉，墨魚丸好有彈性，質地好彈牙，牛筋都煮得好腍，好咬口, 米粉又滑又爽口，湯底又好鮮甜，真係一碗好豐富嘅魚蛋粉啊！整體而言，呢碗魚蛋粉非常美味，每一口都好滋味，食材新鮮，湯底濃郁，真係一道好正嘅魚蛋粉。’雙拼牛雜雲吞粗麵，雲吞同埋牛雜都好新鮮，啲雲吞皮薄身爽，牛雜肉質鮮嫩，麵條又有咬口，湯底又濃又香，真係好好味啊！湯底係用牛骨同埋豬骨熬製而成，熬煮時間長，味道濃郁而不膩口，令人一試難忘。整體而言，呢間樂園魚蛋粉真係好正啊！食物質素唔止係好，而且價錢都好實惠，每一道菜色都好美味，而且份量都好豐富，一定要嚟試下啊！

今日特別想食粉麵，於是諗起附近有間「 樂園魚旦專家 」，於是約埋鍾意食魚旦粉嘅媽媽一齊去食。餐廳整潔乾淨，木櫈骨子。侍應有禮亦反應快。粉麵價錢都係$33-$48，仲有飯食。《 牛三寶 （河粉）$58 》 有牛筋、牛腩、牛肚。 +$5 紫菜牛筋爽彈，膠質滿滿；牛腩好稔好稔，有驚喜；牛肚稔物唔韌，整體三寶唔錯，湯底有腩汁都惹味唔咸，河粉對於我嚟講都幾多。《 魚旦（河粉）$33 》有魚旦及魚片，口感比較實在但入口仍算爽彈加上辣油或醋汁好提味。《 可樂 +$8 》《 凍檸蜜 +$11 》

去食魚蛋粉，一諗就會諗到呢一間，標明係香港製造，入到去我哋兩個嗌咗…五香牛腩撈粗($38+$8): 抵食夾大件，粗麵份量同行男仔朋友都覺得飽。而且牛腩份量都好多好抵食，大概有七至八嚿，牛腩煮得淋，唔會好黐牙，仲有幾條菜伴碟添。招牌魚蛋米粉加紫菜($33+$5): 魚蛋三粒同埋魚片三片，唔似出邊大品牌嘅魚蛋咁多調味料，反而帶有魚香味同埋夠晒彈牙。見到餐牌佢哋話喺自己香港有工場整嘅，夠晒新鮮。總結：自己好鍾意去呢啲港式嘅魚蛋粉舖頭，價錢夠平，而且份量較多，仲有飲品都好貼地，叫咗豆漿同埋好耐冇飲過嘅凍檸賓，自己都有幾年冇飲過利賓納，竟然會喺一間魚蛋粉舖頭搵到，童年回憶返晒嚟。

工作午餐，好多時都只係想簡簡單單，快快趣就算。那天，去了郵局交費用，又去了圖書館一轉。淨下能用來吃午餐的時間已經很少了。而就在電氣道街市對面的眾食肆之中，有這一間《樂園魚旦專家》可以快快趣食碗麵。那就不需要想太多了，食麵最開心。食麵，我總是喜歡雙併，所以我一坐低就直接點上這牛腩雲吞粗麵。牛腩湯底濃濃香香，以被這一個湯底浸淫過的雲吞，配合其自身的蝦味同大地魚香味，入口更加之惹味。牛腩肉香，既香又腍，連麵連肉連掛在肉邊及麵條邊的湯汁一起吃入口，美味無窮。改日，又是因為同樣的原因而再次入來快快趣食個午餐。這一次不雙併了，也不吃麵了，直接叫一碗更美妙的崩沙腩河粉。肥瘦度適中的崩沙腩，牛肉味更濃郁，有點肥脂夾在肉與肉之間口感更美妙。這一次我換了河粉，吸汁能力更強，能盡把美味的湯汁吸入口，令我吃得更 enjoy。跟餐的飲品，當然是一杯熱奶茶啦。感覺算是算是 OK 啦，味道不錯，只是未夠奶，口感未夠滑而已。店名雖然是魚旦，但我發現大多數的食客都是來吃牛腩麵啊。我沒有吃魚旦，說牛腩正過魚旦這一句說話不能作準，但我以經吃了兩次牛腩，我真係覺得此店的牛腩好正啊。

突然好想食牛什，喺炮台山附近逛來逛去，見到呢間‘樂園’。知道佢都有唔少分店，應該唔會太差卦。叫左碗什面加豬手。碗野黎到呆左。只係見到舊仲有好多豬毛嘅豬腳仔喺面，跟住兩舊肚，1舊膀浮游住。嘩，雙併豬手加$10，俾舊仔咁嘅野我會唔會有啲過份。味道無特別，份量少，不会再光顧。

ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 望下個menu 就知佢有幾抵食😂 一諗唔到食咩或者想食清淡啲係一定會選樂園 👍🏻 平時係會必點蘿蔔，粉面就會叫雲吞麵或者魚蛋河。今次就叫咗金牌牛三寶同韭菜餃米線 ❤️我覺得依間係我暫時食完唔會覺得超口渴嘅一間粉面，同埋佢啲牛都幾爽口。叫埋杯凍檸茶，正！ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ ◇◇◇◇◇◇◇◇◇🔎 #cass_HKstyle🔎 #cass_粉麵 🔎 #cass_fortresshill🔎 #cass_炮台山🔎 #eatwccinhk

環境5分：地舖唔算好大間，不過望落好光鮮，三排方枱，圓枱同卡位好整齊，魚蛋粉食店黎講值滿分。衛生5分：外賣盒穩陣冇漏湯，一樣畀滿分。服務5分： 姨姨好好人，落單，煮野，包裝夠快手，服務繼續滿分。味道5分：1) 碗牛根魚蛋米分量唔細，米粉煮得時間適中唔會太淋，買完外賣行左廿分鐘米粉都冇淋，湯底唔會好鹹，可以飲多幾啖，個腩汁好香，魚蛋彈牙爽口，牛筋好淋，完全冇牛騷味，滿分。2) 凍檸茶檸檬都有三四片，茶底正常唔會好澀。抵食4分：五十幾蚊有碗雙拼米仲要有杯凍飲都算抵食。

附近並沒有魚蛋粉，突然間想食，見佢裝修幾新淨所以諗住試吓，我係諗住叫外賣，企咗喺收銀處好一段時間講咗好多次唔該都冇人理我，個冇頭髮嘅叔叔一定見到我有眼神交流，但係佢選擇無視，我叫咗崩沙牛腩河！走青，另上面。結果都冇另上冇走青，我仲特登強調咗好幾次，但係最尾都冇做到，買餐飯仲要受氣，果然係有香港特色。講返嘢食，牛腩唔入味。湯底完全冇味，河粉因為冇分湯返到屋企已經吸晒啲湯。份量超級少，以呢個價錢嚟講，仲要態度差，冇下次