樂園魚旦專家 (迎海薈)

营业中

休息中

🐟【 樂園魚旦專家 】🐟 ⋄ —————⧫♟⧫————— ⋄「樂園魚旦專家」開到嚟烏溪沙喇👏🏻有粉麵類、飯類、咖喱類等❤️大食嘅朋友仲可以加配小食及飲品😋幾時食都咁happy🤗⋄ ┄ ┄ ┄ ┄ ❖ ┄ ┄ ┄ ┄ ⋄招牌粉麵：🐟招牌魚蛋幼麵🥢（$36）份量都幾足，魚蛋彈牙，幾好食！幼麵唔會有鹼水味，呢個價錢算抵 。🥟鮮蝦韮菜餃河粉🦐（$36）估唔到韭菜餃會咁大粒，餡料非常飽滿！河粉滑溜，放心嗌，冇伏 。加配小食：🧡咖喱魚蛋（+$15）咖喱醬汁香濃，好惹味，魚蛋大大粒，推介 。加配飲品：🍶豆漿（$8）🍋凍檸茶（$8）⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：馬鞍山烏溪沙路8號迎海薈2樓4號舖⋄

### 樂園魚蛋專家 食評樂園魚蛋專家以其獨特的魚蛋和多樣的選擇贏得了許多食客的心。這裡的菜單不僅專注於魚蛋，還提供了各式各樣的配搭，讓每位顧客都能找到心頭好。近期我來到這裡，品嚐了一系列的菜品，以下是我的用餐體驗。#### 雙拼：牛腩、魚餃、河粉我點的第一道雙拼包含牛腩、魚餃和河粉。牛腩的肉質鮮嫩，慢火燉煮的工藝讓每一口都充滿了醬汁的香氣，搭配上特製的醬油，味道更為提升。魚餃則是這家餐廳的招牌之一，餃皮薄而富有彈性，內餡的魚肉鮮美，讓人一口咬下去便感受到海鮮的鮮甜。河粉的口感滑順，吸收了牛腩的湯汁，讓整道菜的風味更為豐富。#### 雙拼：牛肚、鮮雲吞、幼麵第二道雙拼選擇了牛肚、鮮雲吞和幼麵。牛肚的嚼勁十足，搭配的湯底清淡卻不失風味，讓人感受到牛肚的鮮美。鮮雲吞的皮薄餡多，虾仁的鮮甜與豬肉的香氣完美融合，讓人一試成主顧。幼麵的口感較為滑嫩，湯底的濃郁讓每一根麵條都充滿了味道，令人難以抗拒。#### 酥炸門鱔皮這道酥炸門鱔皮是我此次用餐的一大亮點。外皮酥脆，內裡的魚肉鮮嫩，獨特的調味讓這道小食更加美味。浸湯幾秒食，讓每一口都充滿驚喜。#### 腐乳醬通菜通菜在這裡的呈現也讓我印象深刻。新

呢間粉麵店選擇多，價錢親民。餐廳幾大，可以隨便坐。落左單嘢食好快就到。 坐到卡位都幾舒服，呢度上菜幾快，都幾有效率～～我哋每人一碗，都揀咗雙拼。我揀咗雙拼粉麵，牛肚、墨魚丸幼麵。牛肚夠入味，口感彈牙。墨魚丸有兩粒，幾彈牙。湯夠多有腩汁香，麵身爽口！另外一碗都是揀了雙拼，水餃、扎肉幼麵。水餃皮薄餡多，扎肉幾特別。呢度啲粉麵粉幾衛生，唔錯～～～我地再加左飲品。飲品熱檸茶酸甜適中。而熱檸蜜，蜂蜜幾香幾潤。

下午三點左右唔想食咁多野，一碗魚蛋粉就岩曬啦！見呢間樂園好似都有好多分店就入去試下。呢個時間唔多人，一入去就有位坐。揀左一陣決定要魚蛋河，d 蔥分開上，魚蛋同魚片都夠彈牙，河粉質地唔錯。另外叫左杯凍檸茶，都係正常發揮，40蚊（好似）埋單，唔錯唔錯

開咗咁耐，平日午餐時間第一次去食，叫了魚旦河加腩什，熱奶茶……嘩好大碗，仲係我至愛的潮洲魚旦餅，爽口好味又搣到大大粒！今時今日有D驚喜。好似44 元埋單36加8 奶茶。星期六再去過，食一模一樣，埋單37 元…. 咁平？原來假日碗麵貴一蚊，但我兩點入座，下午茶時間送餐飲，一樣份量！抵！

雖然係連所店 但佢嘅魚蛋河真係幾好味 試過幾間分店都保持到一致嘅質素 魚蛋奶白色食落爽口彈牙 每次嚟呢度食魚蛋河都會加腩汁同少少辣油 湯底會更加惹味 河粉吸湯但唔會容易夾斷 係lunch 平食好推介

平時打邊爐都會去樂園買魚蛋、魚片等等嘅打邊爐配料返屋企，仲有佢哋自家出品嘅辣椒醬，好惹味！最近發現原來樂園喺烏溪沙開咗餐廳，仲推出咗秋冬好啱食嘅煲仔麵𠻹！.➜沙嗲牛肉煲仔麵冇晒崩沙牛腩，好彩仲有沙嗲牛肉！一上枱啲湯仲滾緊，令人胃口大開！沙嗲湯底有香濃嘅花生味，而且非常濃稠，令每啖麵都可以沾滿湯汁。另外，牛肉份量多之餘都仲好嫩滑，唔會因為用煲仔加熱變柴，一邊食麵一邊飲啖湯底，非常滿足！.#msmessypig_food

想食得經濟一啲，去咗樂園度食。呢度有多款粉麵，價錢唔貴，份量又多，飽肚經濟之選。嚟呢度梗係必叫魚蛋，呢度係魚蛋專家。我叫了魚蛋牛肚河。魚蛋彈牙爽口，牛肚份量多又入味。河粉幼身，口感幾滑。湯清清地唔會太濃味。鍾意啲蔥用匙羹分開上，幾細心。另外，叫了潮州扎肉水餃河。水餃大大粒，餡料豐富，再加上潮州扎肉，味道更加豐富。潮州扎肉幾特別，味道有啲似魚蛋，不錯。飲品方面，凍檸賓好解渴。熱檸茶茶味濃郁，真檸茶。

今次去樂園魚旦專家(烏溪沙)，感覺店舖裝潢寬敞，職員又多，落單又快，最重要出料很快👍❣️煲仔牛三寶麵~🌟金錢肚非常入味越嚼越香🌟牛筋煙韌軟滑，口感好似海參🌟牛腩有夾著筋肉、油花的肉塊，口感鬆軟吃起來鮮味濃郁煲仔熱騰騰送上枱面，牛三寶滾下滾下非常特別，再配上店舖秘制沙爹醬濃郁湯底，味道更加香濃惹味😋😋❣️四寶丸(粗)~用豬骨烹調出來奶白色湯底清甜濃香，🌟魚蛋爽口彈牙🌟魚片頭炸至金黃，外層香口，內裏肉質彈性結實，口感更加彈牙甘香。🌟肉丸味道香濃，肉汁清甜🌟墨魚丸香、鮮、彈牙😋😋🌟魚皮餃外層煙韌，肉質細膩鮮嫩，口感彈牙❣️粗麵底~麵質煙韌，爽口

有時想平平哋簡單食個晚飯就會揀食粉麵，商場呢一間粉麵店幾大，餐廳有好多位，而且坐得幾舒服，如果食粉麵店嚟講真係幾好！見到煲仔麵好似幾吸引，我哋兩個都叫咗嚟食。金牌牛三寶煲仔麵及牛雜煲仔麵。牛三寶有崩沙腩、牛肚、牛筋，份量都幾多，幾抵食！煲仔麵熱辣辣，公仔麵吸晒啲牛腩湯底好夠味！牛雜煲仔麵有牛肚、牛腸、牛肺及牛膀。配料亦都有好多，牛肚夠腍。牛腸洗得幾乾淨，最鍾意就係食牛肺爽爽地。叫返杯凍檸蜜及凍檸茶，食物質素唔錯。

烏溪沙附近賣牛腩麵嘅只有樂園和街市嗰間。環境、份量、價錢方面，樂園略勝一籌，但味道的確普通。🔹服務🔹侍應姐姐都好殷勤，會提醒有冷氣位，又問你怕唔怕凍。上菜速度超快，唔使3分鐘就有嘢食。🔹味道🔹牛腩米線拼黃金片頭 $39+10黃金片頭正常發揮。牛腩雖然好多件，但太厚和硬，沒有什麼牛味，味道一般。麵底較少，好彩叫咗雙拼，否則會唔夠飽。腐乳通菜 $13份量都多，但奈何碟菜三分之二都係菜莖。叫得通菜嘅人都係鍾意菜葉（還是只有我係咁🫣）。腐乳汁又過鹹。本身樂園有一定品牌效應，加上環境條件都比對手優勝，相信只要在味道上有所改善，必定可以吸引更多食客。

烏溪沙嘅餐廳唔多，最近開左間新餐廳，終是決定去試下。雖然係新開，但午市已經多食客，但餐廳都大，好多位，所以都唔需要坐得迫。環境唔錯，餐廳可望到屋苑嘅綠化地帶，感覺舒適。餐牌可見大量選擇，亦可自由加配小食&飲品，粉麵類有魚蛋、肉丸、豬手、餃子等等，煲仔麵就以牛類為主。揀左崩沙牛腩煲仔麵&樂園四寶丸幼麵，飲品就照舊凍檸茶少甜。飲品正常水準，四寶丸包括魚蛋、魚糕、肉丸，魚皮餃，魚蛋魚糕彈牙，有口感，幼麵夠爽，有嚼勁，湯底清甜，亦可加辣醬調味。崩沙牛腩煲仔麵上台時夠熱，d汁仲滾緊，配上蔥花係面，賣相吸引。鍋嘅溫度控制得好，食到最好一啖都仲熱，麵底係爽公仔麵，唔會太軟。牛腩嘅肉質鮮嫩多汁，有濃郁嘅肉香，調味恰到好處，唔會太鹹亦唔會太淡。

好開心呀，烏溪沙站開左樂園魚蛋專家（香港人自家手制50年），最鍾意食佢嘅煲仔系列🫶🏻🫶🏻🫶🏻🫶🏻，終於有間好味的牛腩麵系屋企附近🥰🥰🥰🥰沙嗲牛肉煲仔麵配以煲仔製作，熱辣辣，好新鮮的手切牛肉，嫩滑😋😋😋沙嗲汁帶點甘甜同花生香氣，十分推介。金牌牛三寶煲仔麵牛肚、牛腩、牛筋湯濃郁牛味，牛腩軟熟唔痴牙，牛肚夠入味，牛筋唔會太爛，份量足🫰🏻🫰🏻🫰🏻🫰🏻還可以追加小食和飲品

最近烏溪沙迎海薈商場，開了一間粉麵專門店，樂園魚蛋專家。可能因為價錢比較平嘅原因，一去到已經見到人頭湧湧，成間餐廳都坐滿晒人，所以我選擇外賣返屋企食。大約需要10至15分鐘。今次試咗牛三寶麵同埋奶茶，份量同普通粉麵店一樣，$62嘅牛三寶麵包括牛腩、牛筋、牛肚，雖然未到唔差，但係份量同銀湖・天峰街市嘅大囍粉麵差唔多，但係人哋價錢稍為平，牛三寶只需$47。牛筋都算淋滑入味，牛肚合格有餘，但牛腩我覺得好麻麻，比較硬。

屋企附近最近開咗這間魚蛋麵店。門面比一般魚蛋麵店企理，一直都想試吓。今晚終於有機會同老公一齊黎食個晚飯 😋。=======環境========餐廳的裝修簡約時尚。餐廳有一半範圍位於商場的天幕下，所以很開揚。=======食物=======⚜️沙嗲牛肉煲仔麵 $52 沙嗲牛肉麵是用沙煲盛載。沙嗲味很濃郁，而且很惹味。配上出前一丁麵底，令我食到停不了口。我仲忍唔住飲咗幾啖湯底添。⚜️ 金牌牛三寶煲仔麵 $72 金牌牛三寶很足料。材料包括牛肚、牛腩和牛筋。牛腩肉質細嫩，口感非常好。牛肚爽口彈牙。牛筋很爽滑。這個砂煲面同樣是用了沙嗲湯底及公仔麵。我老公吃得很滋味。另外，我們分別叫了豆漿及凍奶茶 （各$8）=======總結=======埋單共$140（即每人約$70）。總括而言，這這家餐廳的砂煲面很出眾，雖然熱量係高咗一d，但值得一試。