樂天冰室 (萬迪廣場)

营业中

休息中

鳳梨拔絲咕嚕肉 $82（ 轉套餐加$18）沒有拔絲， 但明顯示即叫即整，要一點時間才上餐桌。咕嚕肉炸好後才跟酸酸甜甜的醬炒在一起，味道口感不錯，而且最值得一讚的是用新鮮菠蘿，沒有非常甜的味道。沙嗲粉絲牛肉煲 $77（ 轉套餐加$18）上餐桌時出煙，一看就便知道是即叫即做，牛肉的數目很多，也有不同的配料例如菠蘿，青椒，而且粉絲，金菇及芽菜也是充足的。牛肉是用梳打粉少少醃製，過吃到一點點梳打粉的味道，最好吃是粉絲，吸收了所有的精華。但可惜有一塊牛肉是不熟的浪費了一點的食材，但整體也是一個值得推薦 的食物。忌廉湯熱到不足，是罐頭普通的忌廉湯沒有很特色。羅宋湯味道很有誠意，而且蔬菜的材料很充足，味道也不錯，這個是有一點驚喜的例湯。杏霜（熱）滿滿茶餐廳的味道，濃郁的杏霜。咸檸漆加$6其實七喜汽水會更貼切，餐廳是給了雪碧但不影響整體的味道，餐廳給了一個完整的青的咸檸，應該是自行醃製，味道真的是很好，而且汽水是一罐，加$6是值得。#小師奶 #美食 #鑽石山

去開新蒲崗做野，行過呢間樂天冰室，侍應帶我坐餐廳入面近水吧位置，我一睇手提電話完全一格都收唔到，我仲比埋手提佢睇，要求坐門口位置，同個男經理講，佢大聲講佢話佢收唔到電話喎，你要轉我都冇辦法架😤😤😡😡呢啲咁嘅態度真係冇下次👎🏻👎🏻

今日約左朋友食飯，因為朋友要快食，所以特登揀左間出菜快的餐廳。叫左三個小菜，其實一個轉左餐，加18蚊有個飯、湯同飲品。蒜蓉西蘭花味道唔錯，無草青味，不過西蘭花就比較硬。鹹蛋肉餅就好大碟，雖然唔厚但好飽肚，至於沙嗲牛肉粉絲煲，就正常水平。至於羅宋湯，都係正常港式西餐的水平。整體而言，都係一個唔錯的體驗。

因為係附近整車，等個陣去左呢到食美極生炒牛肉飯。首先，牛肉算多，我啖啖飯都可以食到牛粒，炒得啱啱好，仲有啲鍋氣，令到香味更加突出。美極調味非常到位，鹹中帶甜，啱晒中意濃味嘅人。飯粒炒得乾身又唔會太硬，每一啖都好有層次感。份量十足，叫一碟已經夠飽，我完全食唔哂，分三餐食都夠。食得特別滋味。服務態度都幾好，出餐速度快，價錢合理。唔怪得之咁多人去食！值得再返去試其他系列！

放工咁啱要去新蒲崗搵朋友兜左好幾間食肆 見到樂天最多人幫襯應該有返一定水準嘅同老公叫左兩個小菜朋友就點左咖哩豬扒飯以茶記嚟講 算係合格以上嘅水準起菜快 色香味都合格以上豬扒肉質夠林 咖哩幾香 送飯一流薯仔牛柳粒合格嘅 份量同價錢成正比最驚喜係酸菜魚D魚塊肉質唔會散開可以原塊都有酸辣味湯底又唔算好油 美中不足係加錢先跟白飯野飲以而家嘅經濟 可以考慮野飲平d d同埋送白飯 香港人應該會開心d服務正正常常 侍應哥哥好快應你好欣賞唔係QR code落單咁樣先係飲食文化交流如果最理想 就希望可以有電子支付因為喺新蒲崗㩒cash唔容易

今日同朋友二人一人一碟叉雞飯，我碟勁靚，燶邊厚叉，雞脾肉。可惜我friend 碟差一半（我冇影佢碟飯）。瘦薄叉，雞胸，攪到我都唔好意思，同佢交換幾件食下。呢間茶記好坐，乾淨，有出爐麵包，只收現金。

今晚叫了四寶飯，啲叉燒同埋燒肉都OK嘅，但啲切雞今晚做乜鬼嘢咁樣㗎🫣🥹😭平時都有兩條菜，今晚連菜都冇條嘅🥲🥺希望餐廳食物質素唔好下降🙏🙏🙏🙏🙏

工作經過附近想搵個地方輕食下午茶休息一下，見到呢間樂天冰室門面乾淨企理，而且舖位好大亦都多人幫襯，所以就入去試一試佢嘅下午茶餐。佢嘅下午茶餐入面有例如雞髀雞翼，西多士三文治等輕食類別，亦都有炒粉麵飯同燒味飯可選擇，由於午餐都食得比較飽，所以就叫一啲輕食類嘅茶餐。見到佢嘅西多士以咖椰為餡料，同一般茶餐廳嘅花生醬餡料唔同，所以就試一試佢。西多士既蛋漿炸得幾香，炸嘅厚薄度亦脆而且薄，整體都算合格，但係就略嫌咖央醬的椰香味唔夠突出，只食到甜味。

間餐廳所有員工都好一致，快很準 ，個個都好合作， 唔會當睇唔到， 呢幾日都去咗食 ，但係 幾日都肚屙。。。。 事實上餐牌係好多嘢揀， 你可以每日都唔同 ，但係就唔知屙足幾多日喇

今次試試佢哋嘅蜜糖芥末烤雞漢堡配薯條，呢個組合聽落去已經好有吸引力，當然要試吓啦！🍔🍟🍗 蜜糖芥末烤雞漢堡呢個漢堡真係好正！烤雞肉煮得啱啱好，外層燒得微微焦香，內裡嫩滑多汁。蜜糖芥末醬嘅甜味同芥末嘅輕微辛辣完美結合，好好味！🍯🍖漢堡包配埋新鮮嘅生菜同番茄，口感豐富而且平衡。🍅呢個漢堡真係好滿足，特別係嗰陣香甜又帶少少辣嘅醬汁，簡直係perfect match！🍟 薯條薯條炸得金黃酥脆，唔會過鹹亦唔會過油。食落去脆卜卜，簡單但正！配埋漢堡一齊食，真係絕配！🍟整體嚟講，蜜糖芥末烤雞漢堡配薯條真係一個好滿足嘅選擇，食完有啲邪惡但值得！💯

🍽 今日懶得煮飯，就喺「樂天冰室」叫咗個外賣，揀咗佢哋嘅雙拼燒味河粉（叉燒同豉油雞），想試下茶餐廳嘅燒味水準😋。🍖 雙拼燒味河粉（叉燒、豉油雞）呢個雙拼燒味真係幾滿足！叉燒肥瘦均勻，肉質嫩滑，帶有微微嘅焦香味，唔會過甜，食落去啱啱好～而豉油雞就更加出色，雞皮滑溜溜，雞肉鮮嫩，撈埋個豉油汁一齊食，濃郁嘅香氣即刻散發開嚟，唔會太鹹，平衡得幾好👍。河粉方面，煮得夠淋滑，唔會黏埋一嚿，份量都幾足，食到好飽😌。📦 外賣包裝都幾好，湯分開擺喺盒度，唔會搞到河粉濕晒，返到屋企啲燒味都仲keep住原本嘅質感，完全冇變腍～茶餐廳外賣可以做到咁，值得一讚！👌

午飯時候門口通常都超多人排隊，不過啲人入得好快，今日試咗一個all day breakfast! 喺出邊啲Cafe食至少要$150以上，呢度只係$69！牛角包，滑蛋，薯餅，蘑菇，蕃茄，香腸，煙肉同埋菜都有齊！滑蛋超級好食！香腸同煙肉都煎得剛剛好！香腸係雞肉腸，唔係普通嘅香腸，值得一試！薯餅都煎得非常金黃色！蘑菇就比較乾身，牛角包都係比較普通，好似喺超市買返嚟嗰啲咁，唔熱，比較硬！加埋杯熱奶茶就剛剛好！平時比緊$150 ，而家呢度$69 ，都叫好抵食！值得留意，呢間餐廳淨係收現金！其他所有支付方法都冇！

見到呢間樂天成日都咁多人，今日下午茶排隊都入嚟試下，點知真係好巴閉，食到成肚氣，貼錢買難受！😡一開始入座落單，個女店員見到我哋舉手示意見到會過嚟，點知去左2台落單都仲未肯行番過嚟😤 唯有叫過第二個！然後落單當然係落錯單啦，叫凍檸茶，嚟左凍奶茶⋯⋯叫人換個樣已經好唔情願！😖跟著嚟杯凍咖啡，一嚟到白色已經心一沉，飲落得奶零啡味🙁 叫人換過杯，個啊叔第一句話，係咁架啡嚟就轉身走人！我哋即刻叫住佢，話得奶味！ 佢就話呢度啲咖啡係咁㗎啦，你試下先啦😒 我哋表示試左啦，啊叔態度極差咁話，我日日都飲架！係咁架啦，咁你想點啊？嘩！我都冇諗過飲杯嘢都要受氣，你食埋我個份啦！

去開附近做嘢，隨便入咗去試試個早餐。覺得味道一般，食完仲覺得口渴添…唔理解點解會長期排長龍。早餐價錢合理，款式來說都是大眾喜歡的常見選擇，所以唔需要太多時間就好快揀到想要嘅早餐。飲熱嘢唔需要特別加$3覺得呢個位有加分。店員服務正常，都唔錯。環境方面都尚算乾淨。不過上餐時啲湯流晒出嚟，感覺冇咁整齊。碗通粉入邊有條牛肉，感覺唔太整潔。

晚餐 $78熱檸茶忌廉湯餐包蘑菇燒汁煎焗豬鞍扒配意粉侍應一放低落枱面，見到個樣都覺得叫錯左，忌廉湯入面有幾條火腿絲，飲落酸嘅，意粉好乾身，冇乜汁，冇味，豬扒味道麻麻，一般，唔好食，最正常同好食得個餐包，好失望嘅晚餐。如果價錢$78黎講，附近應該都大把選擇，覺得唔值。