樂天冰室 (幸運工業大廈)

营业中

休息中

今日下晝lunch time要食個快飯，🏃🏻‍♀️最緊要快，所以揀咗一間茶記樂天冰室，叫咗是日午餐蒸肉餅，嘢食嚟得好快味道都不過不失，肉餅嘅質地唔算太滑，肉同肥膏嘅比例都算唔錯，唔會有一種好肥膩嘅感覺，食物方面係唔錯嘅正常茶餐廳水準。但係就有啲甩漏，叫咗杯熱奶茶飯都食完都未到🤷🏻‍♀️，然後再追先至嚟可能繁忙時間大家都忙，所以就有啲甩漏都叫正常。有一點特別要注意嘅係依間餐廳只係收現金💵所以下次去食之前記得要帶夠現金。

今日要學結他，上堂前當然要吃個飯先，選揀同同學黎食依間冰室。芝士肉醬焗意粉，賣相唔錯，芝士好澎湃！肉醬係比較甜而濃稠！撈埋意粉食岩岩好，肉醬份量好多，食曬意粉都仲有剩！同學叫左個常餐，滑蛋煮得好唔錯！入口即熔，正呀！餐包同埋餐肉正常，無咩特別。牛尾通粉還好，牛尾份量唔多，只有兩件，湯底雖然話係羅宋湯，但味道比較淡，仲淡過d 肉醬，有d 可惜。炸雞翼薯條幾好，生炸既雞翼外皮香岡！充滿肉汁，咬開之後d 肉汁真係一直流！可惜一份得3隻，唔夠喉！整體黎講都幾滿意，下午茶40蚊左右可以吃到飽真係抵到爛！但希望餐廳服務可以好D，接待我地既侍應幾無禮貌，全程非常唔耐煩，有d 趕客，希望餐廳正視。

常餐A瑞士汁雞翼撈麵配嫩滑炒蛋+牛油多士雞翼每一隻都醃到好入味，雞皮的色澤通透，表面都均勻地上色，食到雞翼的膠質，肉質嫩滑，但可以再腍少少。個汁都好夠撈公仔麵，唔會太乾，食到尾都會有汁剩。炒蛋同牛油多士都係正常茶餐廳水準，份量都夠食。流心奶黃西多士西多士好出色，比起平時大家樂食到嘅差好遠，麵包唔會好乾，同埋入面嘅流心比得好足，流到成隻碟都有。奶黃的味道香甜，綿密起沙，夠晒邪惡！

之前聽同事講呢間樂天冰室好好味，我見喺公司附近就走去試一入到去都有幾個人排緊隊，由於我得一個人去，所以要搭檯。我揀左個常餐，牛尾湯通粉、然後配炒蛋同丹麥多士，凍檸茶。d 野食等得唔算耐。牛尾湯超好味！佢好濃好足料，又有好多牛尾。我個人亦好中意入面d 菜同薯仔。個多士都好正，雖然油油地好邪惡炒蛋同火腿都正正常常。凍檸茶夠多冰，味道都係正常發揮。觀塘有咁多工廈茶餐廳，暫時我食過呢間算係最正下次一定一定會再試埋其他野

樂天應該係觀塘數一數二既茶餐廳每日中午都勁多人排隊但係佢流量好快，基本上唔使等好耐就可以入座推薦餐牌上嘅美食就唔好點快餐單點咖喱飯/星洲炒米/銀芽肉絲炒麵，都係心水推介，即叫即炒，特別有鑊氣特別好味

早前我都試過呢一間樂天，當時嘅常餐係可以選擇蒜蓉包同牛角包作為餐包，而家就有啲唔同，所以可以試吓講一下😃瑞士汁雞翼撈公仔麵我就選擇左常餐，餐包係丹麥多士，我幾鍾意食丹麥多士，因為有啲酥皮嘅感覺，牛油份量配合得啱啱好👍🏻另外我覺得個炒蛋真係好滑，又唔會太多油☺️味啱啱好。而公仔麵雞翼夠大隻，瑞士汁入味，撈麵得黎唔會個汁黐住成個面底一餅咁，輕鬆分開亦都幾上汁，係推薦嘅👍🏻整體觀塘來講茶記除咗某幾間主打之外，其實都可以試吓呢間👍🏻

已很久沒有這麼早要上班了🥱來久違了的觀塘樂天餐廳吃個早餐先，過年後早餐價錢加了一蚊，還是可以接受的！早餐B通常我都會改通粉，太陽蛋丹麥多，凍奶茶少冰，今日個太陽蛋好靚仔，沙嗲牛保持水準濃郁，沙嗲味充斥每一粒通粉，凍奶茶不算出色，只是茶味不夠濃郁可接受，連凍飲$41個早餐水準可以啦👍🏻#觀塘樂天餐室#很久沒有吃太陽蛋了#吃一個豐富嘅早餐#才有動力工作#記錄生活美食#星期日要工作的朋友一起加油

中午時間要係觀塘搵食真係有好多選擇，經過呢度就諗住快快手食個快餐。一入到去，平日中午都已經係人山人海，地方算幾大，但已經滿座，要等位。10分鐘後，終於有位了。叫左個午餐，青咖喱焗雞皇飯，白汁忌廉蘑菇湯，配凍奶茶。焗飯熱辣辣，咖喱汁多，濃味，唔太辣，雞肉嫩滑唔老，份量亦很足，唔錯。蘑菇湯好香蘑菇味，料足，唔會好稀，凍奶茶就正常，但幾濃茶味，唔會好淡。性價比較高的餐廳，但求食得飽，味道唔差，又唔係好貴的快餐，呢度確實唔錯，唔怪得之會坐無虛席啦!

平日中午要時間，唔知食乜好，最後同事揀左上次去過嘅餐廳，食個快餐! 今次黎到都係人山人海，可想而知呢間餐廳幾咁平民化都抵食~  今次食左個芝士青咖喱焗雞皇飯，同一個常餐常餐有牛角包, 火腿, 炒蛋同蕃茄牛肉通心粉。牛角包好軟熟，炒蛋軟滑香口。蕃茄牛肉通就幾重蕃茄味，牛肉唔老，幾唔錯嘅常餐!芝士青咖喱焗雞皇飯，黎到個陣熱辣辣，咖喱幾香，唔算好辣，雞肉算嫩滑，飯唔會硬，中上水準。想食性價比高嘅快餐，呢度係一個好選擇!

又到中午要搵食嘅時間，想食個快餐，行下行下去到了鴻圖道呢邊，最後揀左呢間食。都唔係第一次黎食，每逢中午都是人山人海，之前試過由12點或2點黎食，都仲係好多人，可能真係性價比高。兩人同行食左一個快餐，牛角包, 火腿, 炒蛋，牛角包幾柔，火腿正常，炒蛋幾滑幾香口。另外仲食左個諾曼第汁烤雞扒飯跟忌廉湯，忌廉湯幾濃郁，夾雜火腿粒同洋蒽，幾好飲。個飯醬汁幾好食，雞扒煎得外脆內軟。想食一個不錯有唔貴嘅中午快餐，呢度可以係一個好選擇!

#樂天冰室 #852_觀塘🐔焗芝士咖喱雞扒飯 $56 一上枱仲有滋滋聲 證明岩岩新鮮焗出黎非常香濃咖哩味 雞扒好嫰滑 配有幾塊薯仔 仲有炒飯底 份量好夠好足料 比附近幾間冰室更出色更好味🤩 大推🥳🐷常餐B 豬扒烏冬 $47 包熱飲配蒜蓉多士 火腿 炒蛋 豬扒煎得非常嫰滑 烏冬湯底較淡 建議加辣椒油蒜蓉多士最有驚喜 非常重蒜蓉味 多士熱辣辣又夠脆炒蛋熱度亦都好夠 蛋味好濃😋推介指數 (5分為滿分)：整體 ❤❤❤❤️❤ 味道 😋😋😋😋😋 抵食 👍🏻👍🏻👍🏻👍🏻👍🏻環境 ⭐️⭐️⭐️⭐️ 服務 👨‍🍳👨‍🍳👨‍🍳👨‍🍳

🥢講起撈丁真係港人至愛加埋炒蛋同個包 簡直唔怕食唔飽😽樂天冰室常餐就成為我近期熱愛雞翼撈公仔麵-＄53個汁撈到啲麵好均勻 唔會煮得過腍 岩岩好爽彈牙🤞🏻雞翼飽滿size 完全入晒瑞士汁味，夠晒甜而且好容易骨肉分離牛角酥不過不失炒蛋有牛油香氣🧈有濃濃既蛋香味 口感豐富整體餐廳服務質素比上一次黎好左 有改善

高質抵食茶餐廳從官塘地鐵站出口經過紅x冰室、龍x冰室後，終於來到目標餐室。專登去這間茶餐廳嘆個 comfort food 一入去已經感受到面積夠大，以木系間格間出卡位，基本上九成也是卡位，乾乾淨淨，坐得幾舒服。下午茶選擇超級多，輕食至焗飯都齊備。我就餓底上身，叫左個重型下午茶XO 醬楊州炒飯 $45 招牌紅豆冰 +$3炒飯上枱時，有小許會我心花怒放炒飯份量足 ，絕非mini size, 足料度滿分，材料超多紅椒、火腿、蝦仁、生菜、紅蘿蔔、蛋絲、洋蔥、蔥花、叉燒粒等，炒飯粒粒分明，夠乾爽；金啡色的飯粒和食材共融，啖啖都有料到，微微地滲出XO 醬香辣，但仍吃到咸香醬油味。不須幾分鐘我就將一整碟放入肚仔內，滿足感爆燈。我強烈建議大家必加$3 轉「招牌紅豆冰」超級大杯，抵飲就肯定，紅豆粒粒香甜軟稔，超過1/3 紅豆咁多，花奶又濃又香甜 ，我都估唔到在寒冷的天氣下可以飲曬一大杯紅豆冰。

員工態度極差 叫咗野食半個鐘同我講：依加幫你落單-禮拜日晏晝好多人，入到去坐低叫個沙爹牛常餐個侍應一路行一路問我食乜，語氣都唔係好，好趕好趕咁咁都正常呀，茶餐廳係咁架啦，完全唔介意，有野食就得咁好啦，一直等，等咗15分鐘，咩都無嚟見咁多人都唔想催，淨係問附近㩒緊電話嘅哥仔有冇落到單佢話幫我睇吓，返嚟話有呀，落咗架啦咁我繼續等等到有人搭枱，落完單原來會有單嘅，過咗陣佢杯野飲同炒公仔麵都嚟埋公仔麵都炒到個出嚟，沙爹牛仲未有再問啲侍應，返嚟先話：依加幫你落單呀 食乜咁就曬咗半個鐘，係度唔知等乜啲人態度又唔係好，永不回頭我無等到，轉身去咗隔離紅茶5分鐘內成個餐齊曬，半個鐘夠我食埋走

叉燒日本滑蛋飯一流！厚度夠和青森蛋！我個人覺得頭三位係香港！試吓就知！我食過好多間！真心好食！記得只有kwun tong 店先有！荔枝角分店沒有！吾知有乜分別点解只有一間！