影片
开饭介绍
供应正宗台湾菜的餐厅，装修概念来自九份老街怀旧风格，怀旧鲁肉饭及红烧牛肉面为餐厅推介。
继续阅读
营业时间
今日营业
11:00 - 21:30
星期一至日
11:00 - 21:30
以上资料只供参考，请与餐厅确认详情
相关文章
咁岩要去市中心做野, 就谂住喺到食餐, 谂起之前唔少人介绍九份饱既蛋饼特别好食, 咁岩屯市都有间, 咁就入左去食, 点知呢餐竟然令我眼界大开….一入门口, 系完全冇人理既, 等左阵都冇人黎就自己入去坐算。之后拣左薯仔起司蛋饼同百香果绿茶后, 店员就收走左张单。绿茶同蛋饼先后送上, 平时就算去茶记食个餐, 啲叔叔婶婶点都会讲声A餐喇。呢度系冇既…..好彩夹开块蛋饼, 旧薯饼喺到, 即系冇送错到。喺呢刻, 我忽然突发奇想, 会唔会成餐都冇机会听到店员把声呢?不过细想一下, 阵间点都要埋单,佢点都会讲张单几钱呱….😅始终系食评, 都要讲下食物质数:绿茶唔甜, 百香果味道唔化学, 蛋饼表面煎得脆, 有少少芝士味,同薯饼都几夹。终于要埋单喇, 我自己行出去收银, 然后讲左句 「八达通俾」。 之后…个店员真系连几钱都冇讲到😂…当然 「多谢同拜拜」更加冇可能听到…去餐厅听唔到店员把声我终于解锁到喇。真心, 呢个成就比去澳牛俾叔叔闹更难达成。咁呢班忙到同客讲几钱都唔得闲既店员系忙紧啲咩呢? 喺我食紧既时候观察左阵, 有一半都系玩紧电话既…出餐厅后第一件事就系谂到一定要上黎写食评🤮🤮。 附上收据一张, 证明系真系帮衬过呢间野😫
继续阅读
蕃茄牛肉面汤底浓厚茄膏化学味都算，仲要唔热。牛肉系一片片圆形硬硬的肉，我极怀疑系预制菜。谂到价钱同我居然为呢份垃圾排了15分钟队，觉得真系好委屈，咬落旧牛肉第一啖忍唔住流眼泪，食咗1/3已食唔落。炸物ok，肉松蛋饼拯救了呢间嘢没有被我即时反枱大吵大闹。两个人埋单233，美丽新香港，辛辛苦苦赚钱人头一旧水只配食预制菜。唔少食客食完都喺到玩手机，我估计佢哋同我一样都系打紧劣评。食完极影响心情，不会再试，如此冇心做食物的餐厅不如执咗佢做第二样啦。
继续阅读
今次我试咗一碗番茄牛肉面，真系好好味呀！🍜首先，个牛肉煮得刚刚好，鲜嫩又多汁，咬落去完全冇咩油腻感。佢仲有一种淡淡嘅番茄香味，搭配埋个汤底，真系绝配！汤有啲酸酸甜甜，正好中和咗牛肉嘅浓郁味，食完之后好开胃。再讲讲个面条，煮得啱啱好，唔会太硬或者太软，吸咗汤汁之后，食落去特别入味。而且上面仲有啲新鲜嘅香菜，增添咗一份清新感。整体嚟讲，呢碗番茄牛肉面无论系味道、口感都做得好到位，真系一个好选择！如果你钟意牛肉同埋番茄，呢碗面绝对唔可以错过！下次再食一定再叫多一碗！😋」-
继续阅读
我去过呢间舖食过几次，曾食过卤肉饭、排骨米粉、鱿鱼须、QQ丸，同饮过冬瓜茶同百香果红茶，味道都不错👍🏼 我以为餐单上嘅食物都应该唔差，点知今次点咗个蕃茄牛肉米粉，真系搞唔掂，汤底太咸，牛肉太韧，谂住食个配菜红萝卜啦，点知啲红萝卜都系咸嘅，感觉好似用茄膏做汤底，太重口味了吧🫢。建议食家唔好拣蕃茄汤底嘅米粉或米线，其他食物同饮品都不错。同时亦建议店家考虑下调整返蕃茄汤底嘅味道，或者出新汤底代替蕃茄汤底😅。
继续阅读
路过肚饿，见佢有位就入去，餐牌上一堆菜式名称及价钱已经令我怀疑佢是否值得。以前外卖过一个旦饼，已经觉得完全不值。最后点了所谓蕃茄牛肉汤米！一见已经唔开胃！汤底明显系茄膏加豉油，然后「杰挞挞」。没有想过香港今时今日仍有如此卖相不堪的汤米上桌！勉强吃下柴柴哋嘅牛𦟌⋯⋯剩下一堆米粉⋯⋯这店也许生存之道是店细租平！吃了影响心情⋯⋯浪费我食物配额！！
继续阅读