九份飽 (屯門時代廣場南翼)

营业中

休息中

<Hong Kong🇭🇰• Tuen Mun>“咬我唷！滷水拼盤”九份飽！做人要有大志！ 食嘢都要有九份飽🤪食飽飽為去台灣做足準備！▪️滷水拼盤不論滷水豆腐、滷水豬耳抑或係牛肚都非常入味！滷水蛋仲好香添！▪️招牌牛肉麵 招牌牛肉麵一啲都唔野少！大大條牛肋條，肉香味俱全，紅燒牛肉味重！牛肉湯底仲幾清甜添！麵嘅口感彈牙煙韌，沾滿湯汁！係台灣嘅味道！▪️鹽酥雞滷肉飯滷肉飯鹹香味甜，配埋鹽酥雞香脆內嫩，唔怪得知每張枱嘅客都又嗌一份啦!▪️九份芋圓限時$10優惠，就一碗九份芋圓，中間有舊豆腐花香滑清甜！▪️椒鹽魷魚新鮮炸起，小心辣嘴😙椒鹽味重非常惹味原來而家除咗炮台山店，屯門同九龍灣都有分店啦🥳真係唔使坐飛機都可以去到九份 飽🤪......#chantaljj屯門#changaljj炮台山#屯門美食#銅鑼灣美食 #炮台山美食#台灣菜

上星期係屯門工業區果頭上完training有啲餓，上完男友黎左接我，我地就行返去屯市食住少少野先，晏啲再食dinner～我知道淘大都有呢間既分店，但係平時返工行過去食既話一來一回有啲遠，咁啱今晚時間尚早無人排隊，兼且見到新開張$10芋圓優惠淨係做多兩日，就入左去試下～我地叫咗個香酥排骨飯，月亮蝦餅同埋做緊優惠嘅$10芋圓～⭐香酥排骨飯 💰4️⃣5️⃣排骨外層係幾酥脆嘅，唔會太油膩，肉質都ok飯粒煙韌，但因為太少汁，加上呢個飯無配肉燥所以有啲乾，好似齋食白飯咁😅(伴碟嗰兩條菜心同樣好乾，少少油份都無🙈)⭐月亮蝦餅 💰3️⃣2️⃣同我認知同埋係台灣食過既完全唔同。。。。外層炸到漲卜卜，裡面完全唔彈牙，口感非常似好多粉既蘿蔔糕，完全唔知食緊乜野。。。。🤦⭐芋圓(溫) 💰1️⃣0️⃣見到佢話做緊新開張優惠只係$10，但黎到見到超級細碗😐 感覺唔係真係優惠，只係跟返個價錢俾返相應份量。。。味道方面，個人認為芋圓偏淋左啲唔夠煙韌同埋甜左少少，但勝在有齊珍珠，紅豆，仙草等等，都算多配料，還好吧～呢度既份量偏少所以價錢相對都比起其他台灣野平少少，但我同男友都覺得完全唔值得排隊，試過一次就可以拜拜嚕🙈🤦

食過幾間台灣嘢，感覺都唔太有台灣風味，再接再厲試埋呢間先！都算係新開無耐，加上店面算細，所以排咗接近1小時先食到，無耐性嘅遲下先嚟食應該唔使等咁耐卦紅燒牛腩刀削麵🍜：湯底唔係話淡而無味，而可能加多咗蔬果如甘筍🥕去熬湯，所以我食到比較重嘅甜味，如果揀得食紅燒湯底，我期望佢有濃郁啲嘅紅油同牛味，可能我比較重口味。牛腩有4大件，炆得夠淋同入味，加翻分。刀削麵應該係機切，每條都好工整，唔知係成份定烹調時間問題，咬落好林身，唔係我杯茶，只係$59嚟講算抵食嘅懷舊魯肉飯（小）：呢個好啱我口味，唔死鹹或過甜，滷肉甘香軟林，份量適中，餸飯🍚一流，感覺好親切，有去台灣小店食滷肉飯嘅味道👍🏻肉鬆起司蛋餅：我終於喺香港食到似樣嘅蛋餅，有蛋香，粉皮唔過厚，肉鬆夠，芝士可再慷慨啲，整體我好鍾意❤️整體係好食又抵食，會再去，而遲下先，唔想排咁耐隊😬

屯門新開張的台灣食肆，你試了沒有？這間店舖星期一至日暫時都要排隊，充滿好奇心的小編決定前面有十多人排隊，我也要去試試看，排了大約20-30分鐘，因為店舖內的座位一眼便看完。等了這麼久，在入座前便會收到餐牌，我看到餐牌瞬間明白了，因為在商場來說價位的確相對便宜。我點了一個紅燒牛腩米線$45，採用的米線是透明那種比較掛湯，同時牛肉用陳皮醃過的感覺不會有陳皮味道，使用陳皮會令肉質軟腍，吃起來十分可口，在麵的旁邊也有碎酸菜，另外如果不喜歡芫茜的朋友記得走茜了。 此外，我也點了一個海苔肉鬆起司蛋餅$37，沒有很特別的味道，不過不失，它不是脆身的那種蛋餅。友人叫了一個香酥雞扒魯肉飯$48，雞扒外脆內軟，炸後仍有肉汁，不錯！飯量較米粉少，女士較為適合。相對來說男士們可能會不夠，但我認為可以加其他的小食。普通飲品$10，如果珍珠奶茶等便要付原價了，我選了減糖的冬瓜茶，糖度分有不同級數，可自由選擇。另加了一碗芋圓，黑色的是涼粉不是仙草，我不太喜歡，因為我期望是吃台式不是港式，不過新張期內只需加$10。

話說琴日（27/11)第一次去屯門九份飽台灣餐廳試新嘢！叫左一碗大咯滷肉飯及4份小食，其中有我最想試咯雙層芝士蛋餅。等咯時間都唔算耐，好快上左個飯份量都足夠2人食及賣相都幾吸引味道不過不失，接住上左凉拌牛肚，跟住又上左最想食起司蛋餅，賣相好吸引即刻試下先，可能有芝士咯原因吧我地都覺得太咸了，唔係我想像中咯好味。食緊蛋餅時我聽到店舖阿姐話收垃圾了，跟住見幾個阿姐開始起店舖出餐口位置整理垃圾桶D垃圾。重點係見到整完垃圾咯阿姐起未換手套及洗手情況下拎住杯嘢飲及一份小食比前面枱咯食客之後先見阿姐除手套及洗手。我當時係甘望住我剩下未上咯小食是否由哩個阿姐送黎，如果係我會拒絕唔要，甘污槽及唔衛生點敢食阿。我之後同屋人話我以後唔會再黎哩間嘢了，衛生意識太差了，其實有甘多客人食緊嘢時都唔應該收垃圾住了。之後2份小食都唔敢於店舖中進食了。

🧳🚃🚂🚋🚏冇得去旅行，係要食多啲唔同地方嘅嘢，懷緬一下旅行嘅心情。台灣係當年畢業學生畢業旅行首選，而且台灣係一個去極都唔會厭嘅地方，台灣食物都一樣。台灣市民當然唔少得一碗炸雞肉燥飯、紅燒牛肉麵、肉鬆蛋餅，珍珠奶茶同埋芋圓甜品。炸雞10分有驚喜，新鮮滾熱辣，又香又脆，肉汁飽滿肉鬆蛋餅🥞材料豐富，味道都唔錯紅燒牛肉麵就有D失望嘅，因為湯底唔夠豐富，總係覺得食唔到位，面嘅比例相對又比較少，女士都食唔飽珍珠奶茶同埋芋圓甜品就不過不失。但環境同裝修都好用心，好有台灣風味🥳🥳

開左一個月左右，星期六終於去食左，五點幾去到，我地企係門口諗住等職員過黎帶位，當時未有人排隊，到職員過到黎就有四個人排隊，我同佢講兩位，佢就叫我兩位去後面排隊😅😅明明係我哋黎先，企喺門口諗住有人帶位/拎籌🥲·終於到我地入得，佢叫我地掃安心，明明見到佢門口有個人資料收集箱，但無紙仔擺出黎俾人填，要特登問佢先有得填😅😅·menu食物款式唔算好多，但基本嘅飯麵、蛋餅、夜市小食都有，仲有埋甜品同各款台式飲品🧋·1️⃣紅燒牛腩刀削麵($59)牛腩好淋好入味，件件都大大舊，一碗有四舊牛腩左右，刀削麵都好彈牙，但麵嘅份量有啲少，男仔未必夠飽🤔平時啲刀削麵店都係大大碗，呢碗真係相對細碗，食幾啖就無😂😂但呢碗麵味道係幾好食架😌·2️⃣海苔肉鬆起司蛋餅($37)本身對呢個蛋餅充滿期待，點知🥲🥲無芝士味，更加無拉絲，主要都係肉鬆塞滿成件蛋餅，同埋佢唧左啲辣醬係蛋餅隔離，其中兩件都沾到辣醬，我唔係咁中意辣醬隻味，點解唔可以分開上或者俾人揀唔要辣醬😮‍💨·3️⃣九份芋圓($10)做緊promo，去到11月30日，滿$30就可以$10優惠價食到一份芋圓，本身見到其他promo page張相好大碗擺得好靚，但黎到⋯你地睇下我影

九份飽 地址: 屯門屯隆街2號屯門時代廣場南翼地下22號舖電話: 26130068=====================Good news !呢間抵食又好哋架台灣菜終於殺左入屯門啦,仲要係屯門市中心，位置方便就腳。吸引左好多人，去到要排隊等候入坐。, 好有台灣架古早味呢! 排骨炸到香酥，分開上唔怕被湯沉腍，湯熱乎乎架冬天暖暖。一講到台灣美食, 滷肉飯外其次上榜必定是牛肉麵了。紅燒刀削麵麵條邊最彈牙，濃湯好飲。台灣香腸，滷水拼盤及蛋餅，食到盡慶又飽肚。

豬先生豬小姐之前已幫襯過炮台山嘅九份飽 今日嚟到新開張嘅屯門分店兩間分店裝修風格一致 紅燈籠同掛畫滲住九份嘅味道兩點時段非常旺場 大家都尼high個tea 拎定order紙點定野食 等左15分鐘左右就可以入去開餐啦上菜速度快 order後等10分鐘左右 就送上食物了玉米起司蛋餅 蛋餅皮煎得薄薄但比較乾身 半溶邪惡嘅芝士加甜粟米 係簡單好味嘅配撘 係好啱小朋友嘅小食炸甜不辣份量非常多 煙煙韌韌有嚼勁 新鮮岀爐 沾埋甜酸醬食 非常可口 令我地食唔停口香酥雞扒魯肉飯魯肉光澤油亮 咸中帶甜 size適中 唔會切得太細粒 可以保留口感 非常好送飯香酥雞扒卜卜脆 真心外脆內嫩 咬落雞肉岀哂煙仲好嫩滑 出名成塊面咁大又多味份嘅雞扒 都要行埋一邊香酥排骨麵 湯底好有台灣家鄉嘅味道 少許濃稠嘅咸湯加上滿滿嘅芽菜 麵條頗卦湯 有彈牙感香酥排骨一樣啖啖肉 易咬肉質軟腍我發現九份飽嘅香酥系列同炸物做得岀色 炸出尼嘅食物香脆但一啲都唔油膩 堂食加$10就有一碗芋圓啦 好抵食呀凍暖任選 我地揀咗暖嘅 黑糖水裏面有芋圓 珍珠 紅豆 仙草 豆花 我尤其喜歡豆花 好滑溜飲品選擇非常多 可選擇甜度 豬小姐認為5分甜已經好

最近看到之前吃過的一間台式餐廳在屯門新開張，而且又有新張優惠，更是我喜歡的芋圓，那就馬上找媽媽一起去吃個晚飯！香酥雞扒魯肉飯（４８元）這個雞扒挺大的一塊，炸得非常酥脆，內裡還保留了不少的肉汁，雞肉嫩滑，而且也撤上了椒鹽粉，吃起來特別惹味！而魯肉飯也是另一主角，魯肉半肥瘦，吃起來入口即化，滿口都是油香，魯味十足，非常下飯！香酥排骨刀削麵（５５元）這個排骨也炸得挺好，肉質較嫩，外面非常酥，但我個人喜歡雞扒多點！而刀削麵也是挺特別的，麵質滑嫩帶點嚼勁，湯底有點像豬骨湯，是比較清淡的那一種。海苔培根蛋餅（３２元）蛋餅煎得外面焦香，吃起來又有點煙韌，中間加了很多海苔和雞蛋，吃起來既又蛋香又有海苔的香味！滷味拼盤（３５元）這個拼盤價錢還可以，有挺多款不同的滷味，而且都滷得入味，但吃起來又不會覺得很鹹，味道剛好！ＱＱ地瓜球（３５元）這個我非常喜歡，外面被炸得香脆，內裡Ｑ彈軟糯，而且中間還加了地瓜蓉進去，吃起來每口都滿滿地瓜的香味，一口咬下去更會爆醬的感覺，非常驚喜！九份芋圓（３５元，新張優惠１０元）這個新張優惠真的是超值！這個內裡有紅豆，珍珠，芋圓，仙草和豆腐花，吃起來滿滿的料，特別是芋圓很香而且非

網上見到屯門新開呢間台式小店，早就想黎試，試業期間芋圓賣10蚊碗，好抵呀，今日就同老友黎食個下午茶，試下夠唔夠台先。星期日下午2點左右到，門口已經排緊隊，大約10組人左右，呢間小店鋪面唔大，大約得10張枱左右，排左約45分鐘先入得，由於當下午茶食無點太多野，純粹抱住試味心態，就點左以下野先黎個細魯肉飯，真係同台灣食既差唔多，好香，肉夠腍飯既軟硬都適中，就係貴d,一細碗要32蚊本身叫左個台灣擔仔麵，應該俾錯左米粉我，不過都無問題可以照食，味道都唔錯，配料有半隻滷蛋，一粒豬肉丸同一隻蝦仔同肉燥。食台灣野唔少得地道既蛋餅啦，叫左個粟米起司蛋餅，一個字正，但要趁熱食凍左d餅皮會偏硬。優惠價10蚊碗既芋圓黎啦，碗野除左芋圓仲有d豆花，紅豆同仙草，甜品一流。食完真係有去台灣小食店既味道，好滿足，就係價錢有點貴，而且份量唔多。

屯市又有新餐廳，開咗一間好有風味嘅台灣餐廳。裝修以老台灣為主題有，好多海報，仲有天燈。紅燒牛腩刀削麵湯底好認真，有好多蔬菜，例如芽菜、紅蘿蔔、蘿蔔，飲落好清甜。連平時唔飲湯底嘅我，都飲咗好多啖。飲完唔會口渴，唔係味精湯。牛腩有三大件，件件都好厚身。肉同跟腱不專業比例為2:1，好tender。刀削麵切得厚，有爽口彈牙，驚喜係估唔到都好吸味同掛湯。朋友嘅香酥雞扒魯肉飯好大碗，大大塊嘅雞扒。老友肥瘦適中，亦都夠汁撈成碗飯。小食叫咗蛋餅同酥炸魷魚。台灣美食一定要食蛋餅！肉鬆起司蛋餅，一份四件，share食啱啱好。肉鬆同芝士好夾，個蛋餅有煙靭口感。酥炸魷魚，粉漿夠薄，只係輕輕包住魷魚。識落脆口，唔油膩。面頭仲有幾篇炸過嘅九層塔，夾埋一齊食更加有風味同香味。如果有多啲九層塔就好。加$10就有飲品，分別點左百香果紅茶同荔枝鳳梨。小意見：5分甜已經夠，飲到荔枝同鳳梨味，幾清新。新開張仲有試業優惠$10就有一份芋圓！芋圓控當然要食。除咗芋圓，仲有豆花、紅豆、仙草，唔會將貨就價。芋頭芋圓最好味，因為真係有粒粒芋頭喺入面好濃味，同埋口感讚。

🇭🇰 九份飽 𝕁𝕚𝕦 𝔽𝕖𝕟 𝔽𝕦𝕝𝕝 @ 𝕋𝕦𝕖𝕟 𝕄𝕦𝕟番工碌IG見到佢嘅介紹，有地瓜球又有蛋餅🤤即刻Bookmark 收工去試試！去到先知佢新開，門口排隊等食嘅人龍都愈嚟愈長❗️原本想走但又好想食地瓜球，都係去返排隊😂🔸懷舊魯肉飯 （小）$𝟑𝟐細size嘅魯肉飯係一個飯碗嘅大小🍚雖然細細碗但好足料，面頭魯肉好足料！食到落底都仲有魯肉汁，唔會乾爭爭😋好正🔸肉鬆起司蛋餅 $𝟑𝟓呢個蛋餅仲飽過碗飯🤤好足料好厚又大份❗️入面塞滿肉鬆，一咬已經食到哂配料。最緊要係個蛋餅皮唔油膩🏆碟邊落咗少少辣醬比客人沾，加咗辣醬仲惹味！必點❗️🔸QQ地瓜球 $𝟑𝟓身為蕃薯控🍠嘅我，每次見到蕃薯條、地瓜球都一定會點，即使得自己一個食都係🤣呢個地瓜球真係好Q，黃色紫色地瓜球上菜好搶眼👀每粒中間亦都有包餡，外面就沾滿梅粉，酸酸地又煙韌，完全係我favourite 🤎🤎🔸鹽酥雞 $𝟑𝟖望見酥脆嘅鹽酥雞，完全唔油膩！咬落又冇炸到硬掘掘，好滿足☺️🔸九份芋圓（試業期間+$𝟏𝟎）九份飽試業期間消費滿$30 ，就可以用$10點一份九份芋圓😋芋圓控唔可以錯過！都好足料，仙草、珍珠、豆腐花，三色芋圓、紅豆齊哂。芋圓好似食極都有，好飽

朋友之前推介過「九份飽」給筆者，當她得知餐廳在屯門開分店時，更是第一時間告之筆者。既然如此，週日便過來一試。新餐廳總是特別受歡迎，尤其是商場內本身缺少台灣菜的餐廳。所以在1點多的午巿時段，餐廳門外大排長龍。擔仔麵是當地南部名物，粗麵有煙韌口感。拌上肉燥和醃菜末後，整碗味道變得更香。湯底味濃不膩，帶魚香。碗內還有蝦仁、肉丸和滷水蛋作配餸。蛋餅餡量頗多，裡邊都塞滿海苔肉鬆。煎至香口的蛋餅皮做得薄身，除了滿滿的海苔肉鬆，咬開還會感受到起司的味道。蘸上台式醬油膏和辣醬，更加滋味。炸到非常脆口的鹽酥雞，如其名一樣，入口充滿濃濃鹽香鹹味。同時也有微微的九層塔香，當下覺得好地道，好有親在夜巿的感覺。湯內有百頁豆腐、貢丸和爆漿魚丸，其中百頁豆腐口感特別，帶點煙韌感。湯頭鹹香，亦加入了青菜一起熬煮。但稍嫌份量有點少。一碗有芋圓、珍珠、紅豆、豆腐花和仙草，甚為豐富。芋圓有很多，分別有芋頭和紫薯2個口味，口感Q彈煙韌。豆腐花夠滑溜。新張期間用$10就可以食到，非常抵。飲品可以由0至10分去選擇甜度，對習慣走甜的筆者來說，無疑是值得加分的一環。奶茶較重奶香味，拌勻oreo餅碎後，就會多一份曲奇甜香。由於點了0

九份飽喺屯門開分店，新張推廣係$10芋圓，趁住有優惠去試一試~懷舊魯肉飯（小）🍚魯肉肥瘦適中，脂肪入口即融，幾乎枱枱都有點依個菜式。海苔肉鬆起司蛋餅🥚肉鬆嘅份量非常慷慨，芝士就相對少啲，整體嚟講係好食嘅😋酥炸花枝丸🥢花枝丸嘅炸粉夠薄，新鮮炸起，正常發揮👌滷味拼盤🥢拼盤有豆腐、雞蛋、雞翼、牛肚、豬耳，牛肚豬耳都切得比較薄片，滷汁味道甜甜地～九份芋圓🥣芋圓裏面真係食到有芋頭粒粒，除此之外仲有豆花、珍珠、仙草、紅豆，只賣$10基本上無野可以挑剔👍可能因為新開張又有優惠，夜晚7點幾嚟到已經有十幾二十人排緊隊，而且舖頭唔算大，要排超過半個鐘不過店員都已經好迅速咁安排，嚟食嘅話要預一預時間喇~