九份飽 (屯門時代廣場南翼)

营业中

休息中

之前係北角食過呢間九份飽 估唔到屯門都有分店見今日放假天氣又好 特登入去食個lunch再去屯赤道打卡餐廳裝修行懷舊路線 一入去就見到好多舊電影poster同大紅燈籠仲播好多以前成日聽嘅台灣歌感覺勁親切！餐具同辣椒油好貼心每台有埋搓手液餐牌選擇分類清晰目標清晰好快揀好野食酥炸魷魚份糧都多同每一條都大大條好有肉地香酥雞扒滷肉飯傳統台式嘅味道仲有醃黃瓜開胃雞扒厚切 肉質好滑 完全唔會炸到dry滷肉飯好入味好香口香酥排骨刀削麵豬扒肉唔會好硬炸完口感都仲鬆化椒鹽風味十足力削麵厚薄均勻 軟硬度啱啱好湯底幾濃郁鮮甜仲有幾顆菜心、芽菜同半隻鹵蛋份量十足黑糖珍珠奶茶茉香珍珠奶茶珍珠好有咬口茶底都好香仲可以自己揀甜度同冰嘅份糧整體嚟講性價比好高 有種去左台灣嘅感覺

🐒九份飽🐒📍屯門 Tuen Mun（市中心）紅豆花生麻糬🍡賣相：🤎🤎🤎味道：🤎🤎🤎🤎凍食既甜品。紅豆餡既味比較出。外層既口感有少少似糖不甩，唔算好黏口。細細舊，不太漏。肉鬆起司蛋餅🫔賣相：🤎🤎🤎🤎味道：🤎🤎🤎整體好足料，蛋餅皮厚薄適中，而且有濃邊嘅效果，有外脆既口感👍🏻但起司味不夠濃，醬料比較少。香酥雞扒魯肉飯🍚賣相：🤎🤎🤎味道：🤎🤎🤎🤎雞扒夠酥脆，魯肉碎味道剛好，不會太咸。份量配搭剛好把餸送完整碗飯。唯獨滷蛋不夠入味。滷味拼盤🥢（豆腐、雞蛋、豬耳朵、雞翼、牛肚）賣相：🤎🤎🤎味道：🤎🤎🤎夠入味，但偏咸。份量比預期中細份。豆腐較硬身，有點爽脆。雞蛋夠味。豬耳朵、雞翼、牛肚都比較淋。店舖內整潔程度：👍🏻👍🏻👍🏻👍🏻員工態度：👍🏻👍🏻👍🏻👍🏻舒適程度：👍🏻👍🏻物超所值：👍🏻👍🏻👍🏻👍🏻(價錢合理）在繁忙時段，請預留至少30分鐘等候入座。呢次體驗值滿意分數有80%👏🏻👏🏻👏🏻👏🏻👏🏻👏🏻絕對有台灣既味道，值得一試👍🏻#Foodmonkay

屯門市廣場一個偏僻嘅角落，開咗間非常之抵食嘅台灣鋪，食到飽一飽都係講緊$100蚊唔使😂🥚滷味拼盤 $-款款都非常入味-牛肚、雞翼、豆腐、豬耳、滷水蛋🧀肉鬆芝士蛋餅-大大件多肉鬆-蛋餅厚度適中 有口感-醬汁相當唔錯 有少少似泰式辣醬🍗雞扒蛋滷肉飯-滷肉味道相當唔錯-份量唔算多-雞扒幾滑 調味粉味道唔錯🍮紅豆花生麻薯-麻薯幾煙韌-紅豆幾多幾大粒總括而言，呢間台灣小店都幾抵食，食咗呢度咁多嘢都係$200有找，唔錯

同朋友黎試新野，新開張的九份飽，位置在屯門時代廣場南翼地下，唔熟路嘅話都有啲難搵㗎，佢你則門旁邊，但呢個門口少啲行啫。三點黎到都仲要等位，十分有人氣呢～前面排左八個人左右，都等左廿分鐘，諗住平日下午無咁多人添。小店不大，約25個位，繁忙時段都要撘枱的。店內掛滿紅燈籠，燈光呈現紅紅的顏色，相機不夠強大，影出來嘅食物都好紅…餐紙放在門口位置，可以一邊排隊一邊填好選擇。小食同飲品好多得揀呢，好多野都想食唔知揀咩好添。先來飲品，點了伯爵紅茶（左）＆Oreo巧克力奶茶（右），自己杯紅茶要了無糖的，茶味好濃但無伯爵茶的香味，老實說有點失望嘅，當佢普通紅茶咁飲就幾好。朋友杯oreo要左半糖，呢個甜度我覺得啱啱好，朱古力味幾滑，oreo碎落得好多，如果有粗飲管會更好，幼管吸唔到啲oreo碎，要用羹，但呢杯真係好好飲。新張期內特價的九份芋圓，消費滿三十蚊就可以用十蚊叫一碗啦～抵～入面有豆花，仙草，芋圓，珍珠同紅豆，十蚊黎講真係好抵食。主食方面叫左香酥排骨米粉，即叫即炸香噴噴㗎。排骨好鬆脆，咬落有陣九層塔味，好特別的調味，因為有脂肪位，炸起上黎超甘香，正喎。米粉～配料有滷蛋同菜心，有條菜唔錯呀，感覺健康啲

新店開張，條人龍晚市7點幾排到8點幾都一樣咁旺～～好想食蛋餅，有唔同嘅配搭，最後揀咗肉鬆cheese蛋餅，足料大大份，肉鬆香口，有辣醬點幾惹味，香濃芝士蛋香～香酥雞扒魯肉飯，炸得酥脆，魯肉入味撈飯食正～香酥排骨米粉，超大塊，外脆內肉嫩，湯米粉有啲芽菜同菜，健康配搭～鹽酥雞，order多個夜市常見小食，即炸上枱，熱辣辣好香脆～食得好滿足，台灣嘅味道～蜂蜜檸檬蘆薈，幾好嚼～蜂蜜綠茶，叫咗半糖，甜度剛好～

-九份飽 🇹🇼其實都成日黎屯市 但係唔知道原來地下果層有間新開既台灣菜見佢紅紙都未meet 都已經排晒長龍梗係又要趁下熱鬧 試下係點~店舖成個感覺做得非常有台灣嘅風味成間餐廳嘅裝潢佈置都係好地道牆身有舊式電影海報 又播住周杰倫既歌 真係𣊬間好似去左台灣咁！🥔QQ地瓜球（$35）係我最掛住既台灣小食😭💕呢度既地瓜球係有蕃薯波波同紫薯波波每粒地瓜球都平均落左梅粉 感覺冇咁油膩 而且口感QQ的~🥚海苔肉鬆起司蛋餅（$37）蛋餅嘅外皮比較軟綿綿微煎脆餡料有芝士 大量肉鬆 同埋有燒汁 辣汁作調味 味道更有層次🍜香酥排骨刀削麵（$55）炸排骨有食雞扒嘅味道 可能調味較似肉質比較肥美 刀削麵麵質煙韌 有咬口🍜台灣擔仔麵（$42）有齊擔仔麵重要嘅元素！有蒜泥 酸菜 肉燥 芫茜 蝦 芽菜 滷水蛋牛丸份量岩岩好 湯底嘅胡椒味比較重🧋茉香奶茶（$20）/ 🥤蜂蜜綠茶（$10）2杯都唔怕死甜 茶味突出 唔苦澀都幾有台灣既味道💕整體黎講 雖然佢叫九份飽其實都可以食到好飽的 價錢相宜！

九份飽竟然開左分店係屯門😍😍😍😍緊係要去試下，星期六 7pm嚟到係多人到傻左，排左足足9個字先入得🤦🏻‍♂️到我入坐果刻都依然好多人排緊紅燒牛肉米粉係勁出色！！台灣米粉非常之老細而且呈透明，賣相有啲似粉絲但係食落冇粉絲咁彈牙，不過就因為佢幼細所以特別入味！所有牛肉同湯汁既精華都給晒入米粉好正！仲有芽菜、芫荽令整體味道更加豐富，牛腩亦都做得非常之林同入味，好食到唔使10分鐘就食晒涼拌牛肚涼拌汁唔會太辣但係好惹味！推落爽口嘅牛肚係一流！粟米芝士蛋餅食台灣菜點少得食蛋餅，煙韌嘅餅皮配入面流心芝士口感絕配，加埋甜甜地嘅粟米係完美😚😚

放工去到位於屯門時代廣場新開張嘅台灣餐廳食飯。一去到見到大排長龍足足等咗45分鐘先入到餐廳。叫咗兩個煮食一個小食一個甜品同兩杯嘢飲。紅燒牛腩刀削麵 （$59）牛腩有三大嚿。厚身同煮得軟腍，食起上嚟唔啱而且帶有花椒香同將香。 湯底香濃而且刀削麵煙人且掛湯。台灣擔仔刀削麵 ($52）擔仔麵係台南名物， 裏面有蝦仁肉操芽菜滷蛋同埋貢丸。望落去好清淡但係其實非常之濃厚嘅蔥油味。 味道唔錯，麵條同紅燒牛肉麵用一樣嘅刀削麵，同樣掛湯。蘇炸魷魚鬚食返以前係嘅係酒樓食酥炸魷魚鬚嘅味道。 鹹香十足，如果有得配埋啤酒就一流。紅豆花生麻薯 （$25）凍凍地作為結尾甜品唔錯。細細個但係切咗四舊方便大家分。非常之甜， 個皮好煙韌軟身， 配埋花生啱啱好， 增加返個口感。鳳梨荔枝鳳梨紅茶飲品跟加$10就有。 有得自己揀甜度唔錯。 鳳梨荔枝唔通你紅茶都好飲唔會太甜，啱啱食完咁重口味嘅台灣野飲番杯可以消消濟。環景

同阿爸平日晏晝屯門都開左九份飽，等佢都品嚐下台灣味道。餐廳座位不多，所以平日午市時間，都大排長龍，排隊期間可以諗定食咩。好彩翻枱速度都算快，等20分鐘左右就可以入去。裝修好靚，掛滿復古紅色燈籠，有著不少九份的著名景點畫和裝飾，枱櫈木製，好似去左台灣九份咁~懷舊魯肉飯$32:醃黃蘿蔔片，魯肉碎不少，足夠去撈飯﹗台灣擔仔米粉$42:酸菜、蒜蓉湯頭咸鮮香口，肉丸、蝦、肉燥、半隻滷蛋 ， 米粉彈牙爽身，索晒湯汁。起司蛋餅$28:蛋餅熱滕滕時最好食，芝士微融狀態，台灣腸$35:台灣腸切到一片，夾住生蒜片，惹味香口﹗芋圓仙草豆奶$40:豆奶甜度適中，入面有仙草、珍珠、紅豆，芋圓幾大粒，咬落煙韌QQ， 咬到餡料，仙草凍細緻嫩滑~熱冬瓜茶３度甜$10:甜度剛好，冬瓜味清香﹗凍蜂蜜綠茶３度甜$10:解渴消膩之選﹗食物真係好有台灣特色，好似去左一轉台灣旅行咁~