九份飽 (屯門時代廣場南翼)

营业中

休息中

平時都已經好多人排隊，好似好吸引。今次終於試咗，入到去環境好懷舊好，好似去咗台灣旅行，好有feel。食物嘅款式唔算多。大部份都係煎炸嘢。擔仔麵$47，有少少辣，味道都幾好。炸魷魚鬚$46，幾好食，好食過大部份嘅酒樓，份量唔多。滷水拼盤$37，勁少，超級搵笨。味道係幾好既。鹽酥雞$38，比想像中大粒好多。炸得好靚，味道好淡。蘿蔔絲拉餅$28，無味，唔好食。地瓜條$32，呢個係幾好食，甜甜地。台灣腸$37，正常，好難煎得唔好食，不過可以煎耐少少。另外叫了雞扒魯肉飯，雞扒大大塊，味道同鹽酥雞。飲品正常。埋單三百幾蚊，主餐份量係正常，但小食份量少得可憐， 味道普普通通，個人覺得真係幾唔抵食。

夜晚一家四人去食晚餐，等咗大約10分鐘，環境乾淨，但座位比較少。主要係用木色牆做主色，掛有舊式戲院油畫，再加上餐廳內會播放台灣經典金曲，10首有9首大家都會識唱，入到去就知道自己食台灣菜。食物選擇唔算好多，但係大部份都係大家去台灣會食嘅嘢。上菜速度快，落單之後幾分鐘就送到，雖然係快，但係冇影響到食物質素，食物夠熱，食物質素中上，再加埋喱個價錢，係一間性價比極高嘅台式餐廳。返食機會率極高👍🏻👍🏻

話說住屯門嘅同事介紹地下有間好好食嘅台灣餐廳，叫我可以去試試，呢日專登走落去搵搵，都幾爆場，我好彩係早少少到仲有位，之後啲人已經要喺門外排隊🤭香酥排骨刀削麵$58排骨嘅炸粉同平時食開嘅好唔同，炸得好脆，肉感亦嫩滑，食落好惹味😍而我不嬲好鍾意食刀削麵，但唔多舖頭有賣，呢度嘅刀削麵好高質，厚薄均勻又滑又彈牙，唔會食到厚厚嘅麵粉感，係意外中好食，係暫時食過最好食嘅刀削麵🤭價錢都唔貴，抵價比超高😋

✨ 太耐冇去台灣 所以就上網搵到呢間台灣菜諗住去試吓 餐廳裝修都幾有特色 偏向懷舊風 但座位就唔算多 只有大概10張枱 所以繁忙時間去都要等下位～✨ 滷肉飯 滷味拼盤 擔仔麵 味道都係偏淡 唔夠入味 鹽酥雞炸得幾香脆 但都好似冇調味咁🤔花枝蝦排 正常 但份量好少 唯一較推薦嘅係紅燒牛腩刀削麵 唔會太油膩 味道啱啱好 牛腩軟腍入味👍🏻另外蛋餅屬正常發揮 多啲芝士會更好🧀～另外揀咗杯黑糖芋頭牛奶🥛芋頭都幾多 但就唔太飲到黑糖味 建議飲品一律叫3分甜度 因為已經好夠🌝整體價格偏貴 食物質素一般🤡🤡🍴肉鬆起司蛋餅 $36🍴紅燒牛腩刀削麵 $65🍴香酥雞扒滷肉飯 $53🍴鹽酥雞 $38🍴滷味拼盤 $37🍴花枝蝦排 $46🍴台灣擔仔麵 $47🍴黑糖芋頭牛奶 $35📍 九份飽 🔍 屯門屯隆街2號屯門時代廣場南翼地下22號

喺open rice見咁多人讚，諗住去試吓，點知環境非常擠迫，啲嘢食會喺頭頂經過比隔離嘅客人，而店員唔會提醒你架，直接頭頂經過比嘢食就算😡好啦，迫都算，諗住好食就得，點知嘢食一般般，而且衛生勁差，發現有小昆蟲，正常都即換比客，但呢間犀利呀，一路換一路店員與另一店員講：「隻小昆蟲死得好唔抵、又話快啲飲食咪得囉，咪無小昆蟲囉」，好啦換咗返黎，又即刻發現有小昆蟲，又換另一款比我，但又係一路換一路店員與另一店員講：「話我真係唔好彩（都無覺得自己衛生出現問題）」，好啦第二次換咗另一款比我，我經過兩次都有小昆蟲，一定再望多兩眼，點知店員又對另一店員講：「可能又要你換過呢」，唔通我想有小昆蟲嘅？經過咁嘅體驗，真心唔會再去食，環境擠逼，食物一般，衛生勁差，店員態度勁差，自己食物出衛生問題，都賴個客人食得慢，所以連累小昆蟲死得好唔抵喎，啲店員真係好有愛心（對小昆蟲），不過唔在乎客人

鍾意飲珍珠奶茶嘅我都好鍾意食台式料理，同朋友喺屯門時代廣場逛完之後就周圍搵吓有咩嘢食，見到九份飽呢間小店門口咁多人排隊應該都唔錯，一於試吓佢～餐廳入邊嘅裝飾好有老台灣嘅感覺，木枱木凳好有風味。香酥雞扒魯肉飯份量都唔少，雞扒炸得香酥內軟，肉質幾嫩滑。魯肉係切丁嘅五花腩，但係入口即化一啲都唔肥膩，侮辱再加埋啲汁撈飯一流👍🏻紅燒牛肉米粉牛肉好大舊又入味，軟淋唔會韌。每啖米粉都掛上濃而不膩湯汁，好味道。即叫即炸嘅酥炸魷魚鬚，熱辣辣又香口，份量都唔少。胚芽珍珠奶茶同埋黑糖鮮奶都唔錯。芋圓仙草荳奶都幾特別，芋圓口感煙韌有咬口，加上淡淡嘅豆香同滑脫脫嘅仙草，又幾好味。

第一次食九份飽係叫外賣，嗰陣已經覺得佢啲嘢好大份！(・Д・)今次係第二次食，叫咗個細嘅滷肉飯🍚，雖然話係細，但我覺得女仔加多個小食已經好夠飽🧡。重點係佢碗滷肉飯嘅滷肉俾到好足，幾乎每啖飯都食到滷肉。朋友叫咗個牛肉麵🍜，佢啲牛肉好而且好淋，口感好好！( ´ ▽ ` )另外仲叫咗個滷水拼盤，呢個反而有少少失望，因為相對比較細碟，但滷水依然好入味。整體嚟講，呢間真係性價比極高，而且佢鋪入面嘅裝修都好有feel好靚，真係好似去咗九份十份咁，好多燈籠🏮裝飾。

古早味九份飽終於開到屯門啦，有傳統滷肉飯、牛肉麵、蛋餅同傳統台灣小食供應，而我最鍾意係佢排骨米粉，排骨炸到好似鹽酥雞咁香脆同入味，而米粉係台灣新竹米粉，湯底夠曬味又唔會太味精，再加多杯珍珠奶茶，點止九分飽，直情飽到上心口。 不過呢間店成日都要排隊，想食嘅叫外賣會好啲。

☀︎ 𝗦𝘂𝗺𝗺𝗮𝗿𝘆：人氣一直爆燈嘅台式餐廳「九份飽」終於刹入屯門插旗暫時未能去台灣旅遊嘅屯門街坊可以黎「九份飽」止止口癮啦.◈ 香酥排骨刀削麵 $⁵⁸酥炸排骨同刀削麵是另上的，這點值得一讚炸至金黃色香，入口酥脆，内裡肉嫩啖啖都是外脆內嫩既口感，香氣扑鼻配搭上口感煙韌帶嚼勁的刀削麵，大讚呀！.◈ 紅燒牛腩飯 $⁵²牛腩炆得好軟腍又入味入口即化，而筋位又帶有嚼勁米飯沾上紅燒汁加上鹹酸菜做拌碟，易下飯又開胃.◈玉米起司蛋餅 $³²人人都愛既人氣台式蛋餅數款中最愛呢款口味陣陣既牛油香加上酥皮脆口感中間係濃濃芝士，配搭住玉米粒增添口感.◈ 荔枝鳳梨 $²⁸味道甘甜酸香加配蘆薈(+$3)粒粒咬口，口感不錯.◈ 豆花胚芽奶茶 $²⁸茶香濃厚既台式奶茶表面鋪左一層胚芽粒粒蓬鬆胚芽加上軟綿綿的豆花多層層次感.◈九份芋圓 $³⁸分别有熱食同凍食個人認為整體凍食口感最佳芋圓口感紮實煙韌，好有嚼勁仲有豆花，紅豆，涼粉，珍珠等時而煙韌，時而軟滑層次感豊富

九份飽 (屯門時代廣場) (屯門)屯門屯隆街2號屯門時代廣場南翼地下22號舖因為疫情的關係，已經在香港困住了好幾年，以往當台灣是另一個家鄉，現在不能去台灣，只能夠在香港找台灣美食。只要有新開的台灣食店，我都一定會去試，今次找來屯門市廣場的一間台灣食店，見到長長的人龍就知道非常有信心。紅燒牛腩刀削麵$62在台灣的時候一定會食紅燒牛肉麵，所以在這裏也必點這款紅燒牛肉刀削麵，一解台灣的思鄉病。這裏的紅燒牛腩，份量非常之多，一碗裏面有三四大舊牛腩，牛腩肉鬆化，麵條有咬口，最緊要就是牛肉湯濃郁的牛肉味，麵條吸收了湯的精華，很是鮮味。看見濃濃的湯頭就可以知道這碗紅燒牛肉麵名副其實。台灣擔仔米粉$45很難在香港吃到台灣擔仔麵，但這是台灣傳統的麵食，以前是挑擔的人賣的面，後來流傳至今。肉臊香腴，裏面有我最愛的甜酸菜，令到湯頭除了有肉的精華外，還甜甜酸酸的得開胃，新竹米線有咬口不容易斷，加上容易吸收湯的精華，所以這碗擔仔米粉可謂做得出色。滷味拼盤$36（豆腐、雞蛋、豬耳朵、雞翼、牛肚）滷得出色，豆腐厚件上，滷汁濃郁的吸收在豆腐內，豬耳仔爽脆可口，雞翼滷得裏面很入味，而且雞肉嫩滑，牛肚爽好入味。滷水要做得

#chuchu食在屯門📍 九份飽 約左朋友係屯門食飯，一落車就見到佢，係屯門市中心巴士總站對面，天花掛住紅燈籠有好多特色既台灣小吃，好似係台灣咁！野食都唔錯，最緊要抵食！💡 lunch hour同weekend有機會要排隊!!—————————————————————❣️ 台灣擔仔麵 $45湯底清清地，有唔少配料如豬肉丸、肉燥、蝦、滷水蛋、酸菜，好欣賞用爽口彈牙既新竹米粉，可以吸收哂湯.❣️海苔肉鬆起司蛋餅 $38餅皮煙韌，皮薄餡足！滿滿的芝士同肉鬆！切左做四件，一夾起，芝士熱辣辣就做到拉絲嘅效果！醬油甜甜地，可以點埋旁邊既辣椒醬，更加惹味！.❣️滷味拼盤 $36好豐富，有豆腐、雞蛋、豬耳、雞翼、牛肚，可能係因為佢都切到細細條，所以全部都醃得好淋好入味，不過🐷覺得佢細份左啲，如果大份啲就好！.❣️滷青菜 $20都係正常烚菜！.❣️蜂蜜綠茶 $10冇乜特別！.❣️芋頭奶茶 $25非常好飲！暫時係🐷係香港飲過最好飲 #chuchu推介 嗌左半糖，唔會好甜！芋泥做得好綿，又有啲咬口，好有芋頭香！—————————————————————不專業評分👅好味指數: 8/10💰性價比: 9/10👍🏻推薦: 8

最近台灣癮起，就去試下「九份飽」依間台灣菜，裝潢好有特色以九份老街為主題天花掛住紅燈籠🏮有好多特色既台灣小吃，恍如置身於台灣老街叫左滿枱既台灣菜，好開心🥳🔺香酥雞扒魯肉飯🍚食得台灣野一定會叫碗魯肉飯配埋炸雞扒（真係好邪惡）炸得金黃酥脆，雞肉挺嫩滑，魯肉飯好香，魯肉係五花腩切成肉丁，入口豐腴肥美，無油膩感，撈飯一流🍚🔺台灣擔仔米粉湯底清清地，有唔少配料如豬肉丸、肉燥、蝦、滷水蛋、酸菜，好欣賞用爽口彈牙既新竹米粉，可以吸收哂湯汁精華ヾ(❛ε❛「)ʃ🔺肉鬆起司蛋餅餅皮煙韌，皮薄餡料比得好大方滿滿的芝士同肉鬆ෆ⃛(ˇᵋ ˇෆೄ切成四件方便食~~芝士熱辣辣做到拉絲嘅效果醬油膏甜甜地，可以點埋旁邊既辣椒醬🔺芋圓仙草荳奶芋圓地瓜圓紫薯圓有驚喜啵！煙煙韌韌有咬口嫁啵～～仲有珍珠，紅豆 🫘同滑嫩仙草荳奶撈埋一齊食超正 🔺黑糖芋頭牛奶芋頭打成蓉但有口感食到粒粒芋頭🍠 奶香帶黑糖甜味🔺胚芽珍珠奶茶 5分甜可以自選甜度，奶茶香濃 珍珠軟糯Q彈，面頭滿滿胚芽 為奶茶增加口感🧋

暫時食過性價比最高嘅台式餐廳。無論主食、小食或飲品都十分出色。價錢大眾化！主食叫左「香酥排骨刀削麵」同埋「紅燒牛肉刀削麵」，排骨香酥真係又香又酥，薄薄地易咬唔會硬，即叫即整，好味！紅燒牛肉都好淋好入味，好欣賞個牛骨湯底，好香濃，又唔會死鹹👍麵底推薦刀削麵，煙煙韌韌，口感幾好。小食叫咗「滷味拼盤」，滷得入味！當然要叫埋台式飲品😋可以選擇甜度既肥仔水❤️甜品叫左「芋圓仙草豆奶」，抵食多料，超多芋圓❤️唔會太甜裝修都好有feel❤️真係好似去咗九份🤣

今日係屯門見到有間台式店大排長龍原來係九份飽 之前都聽朋友介紹話幾好食而且見到有人龍既地方就是好地方 所以都決定試下 好彩都唔係排左好耐👍🏼🍲香酥雞扒魯肉飯叫果陣估唔到佢塊雞扒有咁大塊 足足擺滿一碗雞扒炸得十分酥脆 食落口仲保留到肉汁而且調味適中 食完唔會有好口渴既感覺🤤而個魯肉飯肥瘦均勻 撈埋飯一齊好好送飯😋如果係要我挑剔既話 我會話佢隻滷蛋係全熟因為本人不大喜歡熟蛋黄粉粉既口感不過呢d野好主觀 個個人口味唔同🥹🍜台灣擔仔刀削麵今次碗麵既碗料呢就唔算大多喇有蝦蛋同貢丸一粒 再有一堆肉碎不過好彩個湯味道好香撈埋肉碎味道層次更好🤩個刀削麵都好q彈 以唔係刀削麵專門店黎講收貨隻蛋我都係果句 我唔太喜歡食全熟蛋哈哈😣🥚🍳肉鬆起司蛋餅又係大大份 有四件 兩個人share一份岩岩好🤓呢到個蛋餅餅皮好q彈 好少蛋餅有呢個口感覺得呢到蛋餅個餅皮好有特色 有別於一般蛋餅入面既餡料亦都好豐富 滿滿既起司同肉鬆側邊仲有個類似甜辣醬既東西 點完同個蛋餅好夾🥰🥤荔枝鳳梨茶見跟主食加十蚊就有就叫左杯 飲落都幾香荔枝同鳳梨味 對得住佢個名😋估唔到係屯門都食到間唔錯既台灣店🤩份面既裝修都好有台灣特色 咁耐冇飛台灣🇹

雖然去親邊間分店都排長龍🫠不過真心值得排!例牌: 2個主食+ 2杯野飲 + 小食 + 甜品!呢個份量係講緊skip左lunch+齋食dinner都夠我地兩個飽全日!🙌🏻🍚香酥雞排魯肉飯望落隻碗好似好細 但千其唔好睇少佢!因為食完碗飯 真係可以飽到上心口😹魯肉飯既肉碎夠香 而且唔dry 亦都唔孤寒~雞排斬件上🫶🏻炸完唔會變柴皮 肉汁仍然喺度面頭既鹽酥雞粉好夠味! 超香口~🍜紅燒牛腩刀削麵麵既份量好多 麵條既軟度岩岩好!唔會一咬落變漿糊😹有3舊大牛腩! 夠淋 夠入味~湯底比較清 唔似味精湯~🥟酥炸花枝丸超級大推!!!!!雖然佢得5粒, 但每粒大度好似山竹牛肉球咁!!而且食落 你唔會覺得食緊一粒丸咁簡單.因為佢個花枝漿係超重墨魚味~ 唔似靜係食緊一粒普通墨魚丸!感覺係食緊一大舊花枝漿😹😹😹😹😹🥜黑糖花生麻糬一碟切開4舊 食法似糖不甩咁~麻糬中間仲有餡嫁~味道層次唔錯!🧋熱茉香珍珠奶茶始終覺得飲茉香奶茶 要熱飲先夠香~珍珠真係好飽🫠下次可以唔洗加如果熱飲都可以好似凍飲咁大杯就好喇~🧋Oreo奶茶正常發揮~