九吋半 (已結業)

難得去西貢，緊係要搵D小店食下啦🤪今次呢間位於西貢碼頭附近，因為佢係巷仔入面，所以唔係幾起眼，要花少少時間搵🙊//環境🌕🌕🌕🌕🌑間餐廳細細間，淨係得三檯，不過見佢都主要係做外賣，所以想堂食都唔怕無位😛佢一檯係餐廳入面，兩檯就係街，個日我坐街個檯感覺幾舒服，可以睇住D街坊打招呼，D狗狗係到散步，吹下風，好chill😂-//食物🌕🌕🌕🌕🌑其實佢有好多款特色熱狗，不過我就叫左最簡單既經典熱狗($28)🤪個包表面脆脆地，咬落去好鬆軟，香腸上面加左D洋蔥粒同番茄粒，配埋個茄汁同黃芥末醬，簡簡單單但非常滋味😚我仲+$25跟左個套餐，會多個小食同野飲，小食我就揀左芝士汁薯條😍個汁落得好重手好正，好香濃😋下次可能會試埋佢個雞翼😂-//總結成個環境同食物質素都好滿意，同埋員工都非常nice! 佢會問下D野食O唔OK，同D客吹下水，個日隔離檯坐左個妹妹，佢食到污糟想執，個員工就同佢講掃曬D碎落地就得，佢一陣會清🙈呢間好值得encore，推薦大家去幫襯下😍

店員好細心，比埋手套，而熱狗每一啖都好豐富，無論飽嘅質感，食材料配搭都好好味，有時叫到會都會諗起呢間👍👍唔止熱狗連意粉都係我嘅最愛🤤🤤🤤仲有杯青檸梳打配搭即時可消膩，夏天飲真係一流👍👍

薯不簡單嘅🐟🐟Fish＆Chips🍟🍟今日去完🚣🚣 本來晴空萬裡突然天氣驟變,起急浪🌊🌊🌊 好彩有驚無險, 返到西貢市已經好肚餓,就去咗食少少嘢之後再晚飯所以叫咗細份嘅🐟🍟Fish＆Chips🐟🍟好吃的炸魚🐟🍟薯條好簡單，炸漿要夠厚夠鬆脆，一口咬下「咔嚓」一聲，口感不死實，連帶魚汁在脆皮中唧出來，魚肉嫩滑鮮美好juicy🥰👍🏻👍🏻加上🍋汁減走油膩感再配埋波浪薯條一流

入到嚟西貢，小編想一邊掃街一邊食😚上網見到人影過呢個炸軟殼蟹熱狗🦀勁吸引，所以小編都走咗去試！舖頭位於啲小橫街入邊，附近都有好多唔同舖頭。而九吋半嘅鋪位就比較細，所以座位都唔係咁多，想食嘅朋友就要留意吓，舖頭可能好易就爆滿冇位🤣一入到去店員都nice，亦都有介紹下佢哋嘅野食俾小編聽呢個就係128蚊嘅炸軟殼蟹熱狗🤤咁啱小編去食嗰陣時，個軟殼蟹買一送一！所以總共有兩隻軟殼蟹🥰炸軟殼蟹好juicy，一路食一路滴汁🤣啖啖都係肉，好滿足，個熱狗包都鬆軟，包入邊有熱狗腸、洋蔥、酸瓜同蕃茄等配料，都幾豐富，食完已經都幾飽🤣不過熱狗嚟講，如果軟殼蟹冇買一送一，128蚊呢個價錢有少少進取！😢但係以佢味道嚟講，係真係幾好食同足料嘅！人均消費：~70/head

今日決定分享支持小店系列  每當我打字打到腦缺氧嘅時候 必定係最肚餓嘅時候 為咗離開部電腦 我決定到西貢市中心 嘆番個下午茶先 但係又唔想食得太飽 因為夜晚會食唔落飯囉 所以今日揀咗喺西貢食街附近既一間特色創意小店 主要係買熱狗 店員聲稱即叫即製 所以我今日揀咗款三重芝士熱狗做我個下午茶。三重芝士熱狗 (HK $78)熱狗裡邊包含(水牛芝士、車打芝士、巴馬臣芝士、紅酒汁焦糖洋蔥及法蘭克福腸) 熱狗製作過程中 我已經聞到香噴噴 賣相仲好吸引 絕對可以影相打卡呃LIKE🤩 麵包軟熟  濃濃嘅芝士味夾著非常脆口 juicy 嘅法蘭克福腸🤤熱狗餡料豐富 好足料啊 每一啖咬落去都非常滿足😋分量都算大 所以我食完個熱狗都已經好飽 根本唔能夠再試多個小食😅 唯有下次同朋友嚟食先再試其他啦🤭。總括而言: 今日介紹呢間熱狗專門店 款式選擇雖然唔係好多 但相比坊間其他嘅熱狗店  款式配搭都比較新穎 值得一試👍不過店舖非常細 沒有太多堂食座位😕。食物:6.5/10價錢:6/10環境:3/10。九吋半西貢福民路58-72號高富樓地下37號舖

行到攰攰哋，最好就嘆翻個下午茶😋叫左炸蝦棒同Fish&chip新鮮熱辣，蝦棒有咬口，彈牙，食完都唔夠要再叫🍤🍤🍤🍤🍤🍤🍤🍤Fish&chips炸得好薄又脆，好好味，個脆漿同岀面既有少少唔同，唔會食到成口油，又唔會好粉。天氣熱熱哋，配埋杯熱情果soda就真係perfect !!!! 所以行到咁上下，又唔想咁悶又coffee tea，值得一試！仲有意粉🍝揀架，不過今次就無試到，下次再入黎會試埋個意粉

上次就同大家介紹左西貢嘅名物「菠蘿油」，其實西貢仲有好多小店值得大家去掃街，今次就介紹一間熱狗專門店。比坊間嘅熱狗店，呢度嘅款式同埋配搭都係比較新穎。軟殼蟹熱狗🌭選用左緬甸嘅軟殼蟹，比起坊間嘅軟殼蟹🦀大隻同埋有肉汁😋！喺上面灑上香料同埋辣椒粉🌶，食落香辣惹味，而熱狗🌭就採用左自家製嘅酸瓜同蛋黃醬，味道酸酸甜甜，有助去除肥膩嘅感覺！麵包軟熟，而中間嘅法蘭克福腸非常脆口，每一啖都非常滿足。優惠期間，軟殼蟹更買一送一😍，想試嘅朋友不容錯過！而同行朋友試左「日式照燒雞熱狗」，入邊用咗照燒雞肉同洋蔥🧅，以及一大堆既木魚花🥰。意外地，照燒雞肉🐔同熱狗味道都幾夾，真夠哂創新👍🏻！雖然軟殼蟹熱狗🌭賣$138，但麵包軟熟，又足料，軟殼蟹大隻好味😋又買一送一，所以我自己都算係價廉物美！有興趣嘅朋友就記得去試啦！

秋天嘅天氣最好就郊遊一下，去完橋咀島到西貢碼頭到差唔多六點鐘， 係時候揾嘢食☺️西貢碼頭附近都有好多唔同嘅食肆， 有見到食🍔漢堡包同🌭熱狗， 小巷內一間小食店主打即叫即製的🌭結果我哋揀咗呢一間 有特色創意嘅熱狗店， 因為🍔漢堡包成日都可以食到，但係有特色嘅🌭熱狗小店，好似特別啲woo, 所以好快就決定到食🌭 🤣🍄松露熱狗🌭 有輕輕烤過嘅鬆軟麵包 配合熱狗唔少得嘅法蘭克福腸，香脆的外皮，完全令肉汁鎖上， 香噴噴嘅松露加上雜菌上面仲有紫洋蔥添 ，有啲美中不足嘅就🍄雜菌同松露都係凍嘅🙄如果係微暖嘅話會更加好食🤤百香果梳打係用新鮮百香果整嘅真係好好飲👍🏻不得不提，佢哋嘅自家製蝦棒，係用🦐鮮蝦打蝦蓉製成，特別鮮味爽口😋炸魚薯條， 因為係即叫即炸嘅關係，熱辣辣香噴噴，魚肉炸後仍然能夠保留魚肉的肉汁，外層十分香脆，重點係外面的炸粉薄薄的，一D都唔厚，而咬開時魚同炸粉亦都唔會分離，加上🍋檸檬汁，食落好香，一d都唔油膩，而且店主用上🍺啤酒調校成炸漿製作炸魚，入口外脆內香滑！

游完水好肚餓又未夠鐘晚飯就去買熱狗黎頂住肚先一早聽聞呢度熱狗好特別員工又有善 唔係咁唔試下丫今次試左黑松露雜菌熱狗同三重芝士熱狗講下個黑松露熱狗先遠遠就聞到勁香黑松露味個包外脆內軟買返屋企先食 個包都唔會硬掘掘黑松露份量都唔少黑松露只係得中間有 如果分佈平均d會比較好雜菌比較大粒 連包同腸一齊食 個口感唔係咁好 嘴細既女士會唔係咁方便三重芝士熱狗芝士味濃 三款芝士配搭得宜個包外脆內軟芝士份量都唔少其實呢個冇特別唔好既野只係唔覺得有太大驚喜

熱狗小食即叫即做，店舖偏細，有點逼既感覺，但店員 service 好好同食物質素高，所以我地都無後悔排隊🤪佢地招牌軟殼蟹熱狗絕對是必試😆佢地用啤酒脆漿，炸到隻軟殼蟹金黃酥脆😍 佢地岩岩開業一週年，所以做緊promotion 送多係一隻軟殼蟹👍🏼！ 即係$168 2️⃣🦀 ➕1️⃣🌭🤩！ 鰻魚熱狗都唔錯 依家做緊推廣價$88 (原價$128)不過軟殼蟹個優惠梗係吸引d，$168就有兩隻蟹wo😜價錢方面略貴，不過食物質素都算對得住個價😋

今日入左西貢做facial, 做完之後諗住去食松記車仔麵，點知大排長龍，於是經過呢間熱狗🌭️小店好似幾特別，所以諗住試一試！經店員詳細介紹下，我最後點選左黑松露雜菌熱狗🌭️熱狗加炸洋蔥圈套餐！熱狗一黎到，賣相的確唔錯，但一咬落去，點知凍嘅😨，原來佢嘅雜菌係撈沙律醬個種，唔係平時食開的炒雜菌，正所謂熱狗梗係要熱辣辣咁食，所以即時大打折扣，而小食炸洋蔥圈就味道正常，冇乜特別！總括嚟講：呢間小店店員好熱情，亦好耐心介紹每款熱狗🌭️，值得表揚👍🏻！但黑松露雜菌熱狗如果可以轉為炒雜菌應該會味道更佳，更多人喜歡，做得會更出色！因為我都見到前幾篇有人都話呢款熱狗凍冰冰！希望小店日後有所進步呢😄！

成日講出邊講係屋企附近先，今日嚟到屋企樓下附近嗰間。個個都知我鍾意支持小店，我見佢啲嘢食都幾有特色，咁就要支持下佢。佢再疫情底下，所有餐具都變成用完即棄，呢樣我都鍾意，乾淨衛生。講返呢間餐廳先，佢喺西貢內橫街，坐街邊的好有風味，經過不妨一試。我就最鍾意食黑松露，亦都知道黑松露配蘑菇係好夾嘅，奈何小弟有些少尿酸，但美食當前食藥都要食㗎啦！味道方面唔錯，如果夾硬要俾啲意見，我比較喜歡食扁意粉冧身啲，如果能夠掛乾到水，令意粉本身吸收到黑松露蘑菇汁嘅味，咁就100分，努力啦！

軟殼蟹熱狗🌭️$138繼續我今日西貢嘅行程，行行吓見到一間熱狗店。望到餐牌，見到覺得幾得意，結果就走咗去試。賣相幾吸引，即叫即整，熱辣辣，味道都算唔錯，可惜熱狗得半條，價錢略嫌有啲貴。九吋半 (西貢)西貢福民路58-72號高富樓地下37號舖

西貢小店店員悉心講解每款熱狗創意熱狗今次試下黑松露雜菌熱狗熱狗外脆內暖足料如果黑松露雜菌係熱食更皆炸魚柳配炸薯條加特製沙律醬要比讚

💁🏻‍♀️肉醬熱狗：熱狗🌭️麵包鬆軟，法蘭克福腸夠juicy！肉醬與洋蔥味道剛好又好夾！好味😋呀！💁🏻‍♂️三重芝士熱狗：芝士用既係靚野，好食！😋💁🏻‍♂️💁🏻‍♀️炸蝦卷：炸蝦卷熱辣辣香脆，入面用街市新鮮買蝦肉加墨魚粒整成，難怪食到兩種不同的鮮甜味😍唔使講，一定會再黎！🤪