影片
港铁宝琳站 A2 出口, 步行约4分钟
继续阅读
电话号码
57444863
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
中秋節早收工，當然要出街食飯應下節。我同老公今晚揀咗一間川菜新店，唔知會唔會好火辣？店子光鮮企理，有兩排梳化座，坐得幾舒服。菜式有招牌風味、非遺大包、重慶名小吃、重慶麵或米線或米飯套餐、涼菜和特飲，當中並非全部火辣辣，放心！放心！非遺大包有三款，兩鹹一甜，揀咗九園非遺醬肉包（$9），熱辣辣，一撇開就勁香。包身好軟熟，內餡有加了馬蹄嘅鮮肉，爽口鮮味，口感豐富，味道濃郁，風味十足。爽口芥末蛤蜊($38) 這個配搭很有特色，是第一次食。蛤蜊好爽口，拌入剛好嘅芥末量，辣得來又唔會嗆喉，又香又好吃！碗豆雜醬麵配應季蔬菜、滷蛋 ($42+$3) 麵條又滑身又有嚼勁，煮得剛好，跟鹹香嘅肉醬和粉綿嘅碗豆拌勻同吃，口感佳，味道美味！應季蔬菜是翠綠爽口嘅西蘭花和弄得入味嘅滷蛋，也不錯！紅燒牛肉飯（$58）香辣惹味，牛肉啖啖肉，腍嫩入味，還配了粉綿嘅薯仔。用汁來佐白飯，再加些香辣嘅炸菜，更美味！店子趁中秋節佳每枱送上冰粉一碗（$0），真令人甜在心。冰粉滑溜，加了提子乾、山楂餅粒、花生碎等，味道甜美，口感豐富。
继续阅读
好多人都話「人大咗，就自然會懂得欣賞苦瓜嘅甘味」😅 不過對於一個長不大嘅 #小秘書 我，似乎仲需要啲時間去經歷👀 不過人愈大，我反而食得越來越辣… 原來 #薑越老越辣 係真事嚟㗎🤣🤣🤣 早兩日先食完 #麻辣燙 嘅我，呢日心癢癢第一餐就走咗去幫襯新開嘅 #九園 ，好想試吓佢哋馳名嘅 #酸辣粉、#醬肉包，感受一吓 #重慶老字號 嘅風景🤤餐廳 #九園 就開喺 #新都城中心二期 大型超市旁邊，適逢假日，四周圍都好熱鬧😎 好彩 #小秘書 都係喺門口等咗一陣，店員好快就安排到位置俾我哋😉 餐廳牆身四周都貼滿佢哋撚手嘅小食，搞到我心大心細😙 不過當時已經係三點，好快就要同屋企人食晚飯，所以我哋都只好點幾樣特式小食，感受一下重慶風味🤤🤤#芥末蛤蜊 廚師將 #芥末 撈埋落 #蛤蜊 裡面，味道冇想像中咗刺辣，反而帶有點微酸，用喺 #海鮮 上面作為一個 #涼菜，味道都幾有特色🤤#鮮肉包鮮肉包新鮮蒸起，口感軟腍腍，餡料以碎肉為主，入口好有外婆溫暖嘅感覺🤤#紅燒牛肉麵廚師將牛肉炆得非常之稔滑，大大件嘅牛肉咬口勁肉感😉 襯埋酸酸辣辣嘅湯底同麵條，味道唔會太辣，非常惹味🤤#飲品我哋將 #樽仔酸梅湯 放入冰杯入邊，味道酸酸尾尾咁，再襯埋杯 #凍豆漿，剛好將成餐食物嘅酸辣味降溫，一個十分好嘅配搭😎雖然餐廳地方細細，不過都佈置得好整潔🍃 而且價錢夠晒平民化、上菜速度亦絕對跟得上港人嘅節奏😚 如果大家過開嚟 #將軍澳，可以考慮吓過嚟朝聖呀😃📍 九園重慶小吃 (將軍澳) 欣景路9號新都城中心二期地下UG051G號舖
继续阅读
今日喺寶琳做嘢，隨便入咗間餐廳食飯，又幾抵食幾唔錯！講緊嘅就係「九園重慶小吃」，呢度除咗小食，仲有飯同麵選擇🥰 🍜 泡椒雞雜米線泡椒辣得好過癮🌶️！可以揀麵條或者雞雜，米線浸得好入味😋 麵底仲係無限任添！🐮 紅燒牛肉飯紅燒牛肉大大舊，牛肉軟腍入味😋 入面仲有好多薯仔添🥔 個汁雖然紅但唔辣㗎！配飯啱啱好！白飯都係可以無限任續🥳🍔 九園非遺醬肉包、鮮肉包呢度最出名嘅一定係九園非遺包子！有好香好濃郁嘅醬肉包、鮮美啖啖肉嘅鮮肉包、甜蜜嘅糖包😋 肉包都好大個同皮薄多餡！推廣！🍯 紅糖粢粑紅糖粢粑好高質！炸得外表香脆，中層煙韌，裏面有熱辣辣又甜蜜嘅紅糖漿😍🥛 豆漿豆漿感覺係即磨，好飲😚
继续阅读
以我嘅認知，寶林站大部分都係啲連鎖餐廳！諗住搵下有冇其他餐廳，原來有間重慶老字號麵店開到嚟香港餐廳好容易搵，係新都城中心入面🥯「九園非遺鮮肉包」呢度嘅包子有醬肉包&鮮肉包，我鍾意唔太濃味嘅肉肉包子❤️ 有豐富嘅肉汁，正🍜「紅燒牛肉麵」佈滿紅油嘅牛肉麵，見到已經垂涎欲滴，岩哂嗜辣嘅我🌶️🌶️食落又唔會好辣，麵條完全掛滿濃郁嘅湯汁，惹味之餘帶有辣勁，令人越嚟越想食大大舊嘅牛肉好有驚喜非常軟腍又有濃濃嘅牛味，呢個紅燒牛肉麵係必食‼️「泡椒雞雜米線」辣中帶酸嘅泡椒湯好開胃，鍾意食內臟的一定好鍾意～～「紅糖糍粑」呢度嘅紅糖糍粑係即叫即炸，口感好軟糯，一咬開，流心嘅紅糖甜度岩岩好❤️
继续阅读
我哋企喺出邊等完全冇店員招呼,俾人打尖其他客人喺度阻住都冇人理。咁啱撞到有人走就入咗去坐，點知入去坐隔籬嗰個人即刻已經放咗個背囊落嚟阻住我得返半個位坐。然後我哋見到第二度有二人枱就即刻調過去坐先舒服返晒。店員完全冇俾過餐牌完全冇俾過任何水，嗌落單佢話叫同事幫我落，之後佢仲叫我出去收銀機自己落單。點知落完原來係落咗外賣，我即刻睇到同返佢哋講佢先退返$6外賣錢俾我。一句唔好意思都冇。嗌咗落單等咗兩個麵嚟,個蘇肉一直都未到差唔多要催佢。眼見其他客人一直喺度等一直喺度等完全所有店員淨係聚集喺收銀機隔離，冇做過分流，冇做過協助樓面嘅工作，之後仲聽到有試食嘅客人嚟到,佢哋好似完全唔知道咩事咁樣，仲叫人哋等，然後出邊排隊嘅人絡繹不絕,佢同其他客人一直喺度等。但係啱啱阻住我哋坐嗰兩個人佢霸咗四人枱，另外隔離有張二人枱佢應該都霸埋。店員冇出過任何聲就係俾佢哋不斷喺度等另外未來嘅四個朋友。等到出邊嘅客人都問啲店員你叫我哋入嚟，但係你又唔知嗌到邊個？你問返我哋邊個先，我哋點會知呢？然後冇安排過任何嘢你究竟有冇人係安排邊個坐邊度？幾時入得等咗好耐？我哋隔籬枱嘅客人嗌咗大半個鐘都未有嘢食。相反啱啱坐入嚟嘅人等咗2分鐘就有嘢食。我睇到都覺得炆憎，簡直係非常離譜。呢間舖頭冇分流冇安排冇服務不知所謂，大家千祈唔好試。
继续阅读