九湯屋 (已結業)

有時覺得誠品還真的頗多東西可以吃的啊比較常見的是西餐廳之類，但原來在太古誠品開了一家吃拉麵的。而且是平價版的拉麵來～另外也有丼和小食等可選擇。因為有點像美食廣場那樣，所以需要自己找位置、點餐付錢後再自行拿食物回位。我點的是 - 東京醬油拉麵 ($59)雖然是這樣的價錢，卻仍然有兩片叉燒～不算很厚身，但口感頗柔嫩。還有溏心蛋的蛋味很香濃，蛋白亦很滑嫩喲！個人來說很喜歡筍這個配料，爽脆且入味麵條煮得比較偏硬身一點，吃落算是頗彈牙的！湯頭十分濃郁～顏色看起來很深，但不是死鹹那種還可以吧

住新界區的人，真係好耐都唔會尼一次太古城中心，今次尼太古城中心影相，行行下誠品既時候就發現左呢間拉麵，見到佢價錢唔貴，唔係平時成百蚊一碗個D拉麵，而且望落都唔錯，又冇乜人食唔洗等，於是就叫左一碗試下啦。特級濃白湯拉麵 $69最重要係個麵係超香蒜嫁，超愛蒜味的人有福了。湯底好味，濃味但唔會令人覺得滯/油/涸喉，麵都好味。叉燒亦唔會太硬。加錢轉套餐有汽水+野菜，個野菜都OK既，都炒得幾好味。由於只係晚飯前見到想食一食拉麵，所以只叫了一碗，下次再來太古城的時候再試試其他湯底吧。重點是超蒜味的拉麵，也比較特別，而且很好味。

放假行太古城，行至誠品二樓，見到一間拉面店，見餐廳價錢不貴，便欣然一試。裝潢是簡潔日本風九州白湯拉面（$59）外相頗吸引，令人見到食慾大增，唯一不足是份量偏少。味道一般，沒有驚喜。

見呢間拉麵係誠品開咗一排，諗住應該唔錯，因為誠品啲鋪頭出名轉得快，但呢間又維持到一排，果然係窮人恩物比起出面拉麵店嘅價錢，呢間拉麵絕對唔貴！平均$60-$70就食到一碗拉麵！而且不收加一，不過食完就要自己拎去餐車回收係誠品會員仲有9折添(要出示會員卡先有)！黑蒜油豚骨拉麵 $69麵質偏硬身湯底只有輕微黑蒜油味，有鹼水味，一般配料有兩塊叉燒(偏薄身)，半粒溏心蛋(好食！)一塊紫菜同海帶整體來講，掛住日本野又想平食拉麵，呢間係一個唔錯嘅選擇！

係誠品入面有間半開放式既拉麵店, 價錢都算實惠,不過無論拉麵及湯底既質數只係屬一般既級數. 間中我都會去食返碗地獄湯底拉麵.早前知道佢多左幾款丼, 終於有機會去食喇, 尼次揀左燒汁豚肉丼($49), 同友人開心些牙個炸雞軟骨.估唔到出黎既賣相都幾吸引, 豚肉唔係一片片而係切丁, 鋪係飯面既份量都唔少, 肉面以紫菜絲點綴, 加上碗內有菜絲及半隻糖心蛋. 睇見都覺好味. 食落當然啖啖肉(無肥膏的), 不得不提那燒汁, 因為不咸亦帶點甜, 送飯真係一流. 白飯質地有點似珍珠米, 食落軟硬度剛好.輕輕提一下炸雞軟骨, 脆口野味, 一個人食會太熱氣, 所以有飯腳我先會點.係太古城食中午飯真係唔平, 就連大XX連鎖快餐既頹飯都要過四十蚊. 燒汁豚肉丼必定係平價開心選. 估計以後會黎九湯屋食飯多過食麵呢!!

見呢間拉麵店都開左一排諗住帶兩老試下新野 叫左個二號餐本身有紫菜係個拉麵到 但食左先記得影上到枱真係呆左 個野菜份量細又凍又lum賣相極不討好!!但個拉麵就好食既 個湯好飲個麵彈牙既 只不過係個笋個味有d怪 同個叉燒有d薄 其他都ok既而兩老分別叫左吉列海鮮丼同燒汁豚肉丼個吉列海鮮既炸物係好食炸得唔錯既但個豚肉丼真係超級不推介 首次佢地切到好似肉碎咁 味道方面食完都唔知食緊咩仲有佢地同一野既問題係個飯太軟太lum無應有一粒粒既感覺當然兩老都有加餐 同樣伏左係個野菜到總括:如果只係叫拉麵唔跟餐係ok既 但真係完全唔建議食丼飯或加餐要野菜

因為聞到呢間店好香，於是就試下係到食個lunch東京豚骨拉麵，$59還好吧，豚肉一般，湯底都係，不過朋友食個九洲辣湯反而幾好。燒汁雞球飯，都幾好味，不過加十蚊變套餐有伏，個炒野菜細到好似食餘既咁，變相好似只係加左氣水到。

第二次嚟食，太古康怡搵野食唔難，呢間拉麵店好處係誠品裡面，環境不錯又比較人少，食完可以去旁邊天仁買野飲。今次食左個辣湯拉麵，不算太辣，加左$10有套餐。麵條不錯，湯底同面豉湯就咸左啲😅豚肉比較少，女生來講就剛好。套餐的炒菜非常少，唔多抵。

今天是第一次到這裡，看見餐牌有"特級濃囗豚骨拉麵"，所以便點了這款拉麵，在旁邊等候時看見店員把水先放進碗裡，已經覺得很奇怪，到了取麵回坐位吃的時候，吃湯麵的第一時間，就當然先喝一口濃湯，發現湯底真的溝浠了還有湯是微暖的，心想了不會再來.......於是用了10分鐘左右便吃完全。

今天路經太古城，在誠品內發現一家半開放式設計的日式餐廳。他們供應簡單的日式料理、拉麵和丼飯，而定價也十分親民。客人先到櫃檯點餐，然後取顯示器回座位等待。今天試試燒汁豚肉丼$49這豚肉丼真是真材實料，飯面上舖滿了豚肉方丁，而且份量唔少！這豚肉肉質軟嫩又juicy, 沒有太多的肥膏，但仍然充滿肉香。而燒汁的味道十分惹味，帶一點曰式醬油甜味，加上軟嫩肉香的豚肉，和軟綿綿的日本米白飯，實在好吃！估唔到$49都可以吃到用日本米造的丼飯。性價比真高！真的又抵又好吃！

想喺太古城入面食啲平平哋嘅嘢，選擇並唔係咁多，今日去到誠品附近行嘅時候，發現咗有呢一間嘅拉麵店，一睇之下價錢唔貴。而且都有唔少人食，相信質素都可以， 於是即管試下， 睇下味道如何。同朋友各自一人叫咗一客拉麵，我叫咗嘅係 東京地獄拉麵，用上醬油豬骨湯底，加上特製嘅辣醬混合而成。食起嚟都幾香辣醬味，不過湯底就唔太重豚骨味，反而比較多醬油味 ，可惜嘅係紫菜浸咗落湯底好冧，而且叉燒比較乾身 ，入口質感一般但係糖心蛋就有驚喜，入口軟滑， 蛋既嫩度剛剛好，而且好多蛋汁。至於朋友叫嘅九州白湯拉麵，白湯普通，略似味精湯， 但如果以呢一個價錢而言，四五十蚊一碗拉麵，平平哋填飽個胃，都係一個可以嘅選擇。

平、靚、正的拉麵店! 👍拉麵價錢唔貴, 而且有齊晒紫菜、叉燒(有些厚度, 不是很溥的一片）新鮮海帶及雞蛋, 面的質地是中厚度的蛋面（不是出邊鋪頭的幼身白麵條）.味道很好，食完唔口渴.而且小食也不貴! 餃子皮溥, 味道亦很好! (比起出面一X拉麵簡直差天共地, 如果你要有齊晒啲餸在一X拉麵起碼百幾蚊碗, 而且叉燒溥到飛起, 還仲有咁多人排隊, 費解!)我喜歡支持有心做的店舖,這間味道很不錯, 希望這間可以keep到!值得推介!我下次會再來!

去完睇戲都差唔多六點，係時候搵地方食晚餐，太古城大部分餐廳都比較貴，而我又想慳錢，行行下誠品發現呢間拉麵店，就決定試下！呢度位都ok多，但會發現大部份人都唔係食緊拉麵，而係飲緊旁邊兩間飲品店的飲料，其實咁樣會唔會阻人做生意呢？講返食物先，大部份拉麵都只係59蚊，比起出面d拉麵店平三十幾蚊左右，味噌、醬油、豚骨同辣味都有。九州鹽味豚骨拉麵最開心係本身個麵都有半隻蛋，對於我黎講，拉麵有蛋會加分！湯底淡左少少，已經係鹽味豚骨，期望可以濃返d，多返豚骨味會仲好！叉燒係薄切，唔太肥，都ok，拉麵就一般，如果多返木耳同粟米豐富返個味道同口感就好！東西醬油豚骨拉麵呢個比上面果個更淡，睇黎豚骨湯底要改良下，而材料同上面果個一樣。炸雞軟骨呢個唔錯，落左七味粉去炸，再貼心地俾左青檸同沙律醬，味道豐富，有點辣、酸同埋雞軟骨口感好好！整體黎講，雖然唔係好出色的拉麵，但一分錢一分貨，呢個質素算唔錯

九湯屋位於太古城既天仁茗茶旁邊，我同朋友放工興致勃勃想飲天仁買一送一，等左都成半個鐘，所以兩個都已經好餓，就試試就腳又唔洗排隊既拉麵店😍👍🏻平時一聽到食拉麵一碗都起碼近$100先有交易，好似一蘭，一風堂等等。呢度相比之下$60左右就可以~就等我學店員咁形容佢既辣度，就係一個好抽象既問題，唔同人有唔同既睇法既😂😂比佢咁講法，我都係驚驚地，食個小辣好了🤪湯底係豚骨湯，味道濃郁，都幾有水準，而且温泉蛋都係啱啱好，蛋黃係流質既😋😋自己形容既辣味就係集中係喉嚨辣🌶舌頭就冇乜既，呢種辣係一呑落去既時候辣，快來快去咁啦😆醬油拉麵清清地，推薦比唔喜歡太濃味，或者豬骨湯底既人～

下午茶3點3經過誠品 天仁茗茶旁有間快餐模式嘅拉麵店 就試一試麵質軟硬適中 湯底唔油膩 溏心蛋大阪王將餃子熱辣辣新鮮即製拉麵店仲有提供3限定款丼飯持有誠品會員卡仲有9折優惠添