九龍冰室

营业中

休息中

早前寫了一篇九龍灣"四X冰室"，今日寫同區另一間冰室，叫九龍冰室。自從沒幫襯"四X冰室"後，便開始試下其他餐廳，包括呢間九龍冰室。試過佢地既常餐，蕃茄湯底的味道與另一間不同，會較少少酸同香草味，但感覺較新鮮同住家feel。炒蛋味道ok,但始終不及"四X"好味。雖然如此，但他們的服務勝過"四X"好幾倍，不會有討厭既趕客行為。呢個亦都係我地一班同事至今繼續幫襯的原因。

俗話說早餐要吃好，午餐要吃飽，晚餐要吃少！身體才健康！哈哈那是俗話！俗話！俗話！轉夜晚班翻工，自然訓到日曬三桿才起床，作為遲到的早餐無裡好了總而之要吃飽最緊要！出街九龍冰室吃個飽早餐先，環境有很舊香港的裝修風格當然要點翻舊地道香港的早餐才有意境氛圍不當當飽，可能要飽到嘔，雞中翼麵個雞肉滷得好入味公仔麵湯底清清地還好有雞中翼夠晒味如果唔係真係好難咽咁寡！有午餐肉煎荷包蛋牛油方包加一杯奶茶我都比自己嚇到竟然會食得晒咁多，不過午餐肉食一半就唔要啦有啲滯滯煎蛋好味送麵條一流牛油方包食到仲飽啊

平時候公司午餐吃快餐盒飯太多吃到有點厭惡可怕，前幾天WhatsApp同事發了張九龍冰室的香煎龍利柳（香檳汁）拼吉列生蠔飯，茶餐廳吃出日料西餐法餐美餐的感覺的一條文讓我覺得甚為震撼，思考是否有咁誇張！搞到真的要一試先知道有無真的誇大其詞！來到照版點香煎龍利柳，賣相乾淨有食慾，飯量一蓋碗龍利柳的汁果然唔錯夠香龍利柳夠嫩。拼搭的吉列壕唔算多，唔算肥美！炸得還沒夠太夠火候種香氣整個餐的價錢來說OK

做書呆子一個月昏天暗地的看書為了考個證書，真心不容易！忙裡偷閒的出來吃個飯！飯也是必須的精神支柱糧食吃飽了才能有力氣發奮呀自己點了吉列蝦配金菇🍄牛肉卷，紫菜係整盤菜的點睛之處，還有幾粒玉米粒無知道有咩用可能都係整盤肉暗暗有點亮顏色的東西點綴蝦炸的酥酥脆脆兼少少軟身，金菇牛肉卷切好入味金菇嗦曬汁外面的肥牛卷著都唔錯，不過牛肉有點過老身了！最合心水就係個菜點了汁過入味夠濃青菜湯到好軟加汁送飯一流，飯量一般啦

因為太耐冇去九龍冰室食野LU, 所以今日就同埋新同事去左食番次啦~ 同上次一樣都係大約要等十分鍾先坐得低食野~太多打工仔支持LU~ 由於今次早餐食得太飽既原故, 所以今次我就叫左個E 餐~ 叫左個雜菌黑椒牛扒配羅絲粉沙津! 黑椒牛扒就算食幾多次都真係仲係覺得好好食~ 牛扒好淋, 加埋鹹度岩岩好既黑椒汁真係好好食~而個羅絲粉沙津... 由於小編平時真係好少有食蔬菜既習慣... 所以真係覺得唔係好岩我口味了~ 不過OVERALL 黎講都算抵食呀~成個SET LUCH 連飲品先48蚊~大家黎開KOWLOON BAY要試下啦!

之前食過覺得好好食，今日就做回頭客👶🏻👶🏻放lunch 時間黎，好多人等位😐原本本身唔餓，所以想食d 份量唔好咁多既🤔🤔但個價格問題好似lunch 會平d朋友食左呢個，賣相相當唔錯🤔朋友好食👍🏻👍🏻鰻魚口感好好同埋個汁好味咁我就食呢個😍😍牛排好嫩滑呀🤓🤓個汁好好味呀👍🏻👍🏻仲要份扒好多呀$48蚊淨係食扒都要抵呀🤓🙆🏻🤓個螺絲粉都唔差既👍🏻👍🏻整體黎講係好食既🙆🏻🙆🏻👍🏻

相約同事們去公司樓下呢間九龍冰室享受午餐😀😀之前同事都已經話好好食...咁就一於去試下啦🙈🙈咁就叫左呢黑椒牛排意😍😍好大份呀🙈🙈🙈好足料呀..真係件牛扒大過同事塊面🙄🙄🙄d 黑椒汁仲要毫不吝嗇😍😍😍第一啖梗係要食牛肉啦...牛肉好有口感，好容易嘴啄👍🏻👍🏻肉質幾鬆化，啲黑椒汁一啲都唔稀,不過啲意粉份量都比較多最尾都係食唔晒嘅。不過佢lunch嘅時間都比較多人嘅下次都會再食架。咁呢間餐廳真係值得推薦嘅鍾意搵食嘅朋友快啲嚟試吓啦😍😍🤗🤗

由於平時成日同同事食飯盒既原故, 今日臨近放假, 想食好少少, 於是就去左平時排哂長龍既九龍冰室度食野啦。我同一班朋友都係食肉怪黎,所以大家都叫左衣個黑椒牛扒意 ! 60蚊一個扒餐雖然係坊間黎講唔算平, 但係計埋質素既話,衣度真係抵食啦! 塊牛扒真係好淋~同個黑椒汁亦都好甲, 我地好快就食哂成個餐~如果唔洗錢的話,真係會叫多一個都食得到!

咖喱是茶餐㕔必備菜式。但用心調制的並不太多，因好的咖喱底一定要加多種香料和配料，不能单靠現成咖喱粉。今天叫了一个南洋咖喱雞扒飯。咖喱𥚃面有香葉，辣椒，洋葱，红蘿蔔，茄子和薯仔。色香味俱全。唯一不足之處是用了雞扒，入味不夠。下次要试咖喱雜菜！

從門外看入内發覺這冰室非常特別，好有懷舊感覺，入內覺坐位有D窄，從牆身的餐牌選了焗牛扒飯，焗飯來到，一試好似無乜味，較清淡連D牛扒也是一樣，可能忘記了焗之前處理下，好彩杯凍咖啡尚算香濃，整體只能在裝飾轉移了我的心神。

中午來過此處好幾次，次次都遇人龍所以一直未有緣一試。今天來一個late breakfast。十時多，還是全院滿座。等了五分鐘，有位了。我們點了一份煎豬扒出前一丁和炒蛋火腿菠蘿包。麵上來了，上菜姐姐問有冇叫雞翼一丁，我們説是豬扒，姐姐眼睛一眨，説沒有豬扒，雞翼要唔要，我們說不要。我見到那個湯是白色的。一分鐘後，豬扒一丁來了，這次湯是深啡色的一丁湯。問題是，上錯了菜，為什麼要屈食客接受呢？如果真的是豬扒賣光，我相信會有同事問一句才給維護翼吧！這姐姐的服務非常有問題！至於食物，可以說是非常一般。菠蘿包不是新鮮熱辣，外皮不脆。夾了火腿蛋，我拿起來吃又不是，用刀叉又不是，結果包上的甜甜表皮給散到骨肉分離，狼狽不堪。唯一可取的是環境，十分有心詩，全是懷舊物品和佈置。可惜這不能令我們有再次光臨。

九龍冰室是以香港舊式戲院為主題既餐廳，環境唔錯，位置係逼小小。生意唔錯，尤其係食lunch既時候。菜式唔錯，味道也都唔錯。員工服務好，態度好，有效率。我一個星期都幫襯3-4日，點食都唔厭。

茶餐廳以懷舊戲院包裝幾吸引, 貪新鮮的我特意前來吃個早餐, 順便參觀一吓。 放映時間分早、午、茶餐三段時間, 部份餐牌亦在院線板上展示。驟眼瞄一眼…..還以為李小龍陪吃早餐   喔! 望真點原來無牌。是日有5個 lunch sets 供選擇, 食物多樣化, 天天不同, 我食過焗牛肋飯, 好食。另一個懷舊角落也很特別, 大家還記得那對兇神惡殺的眼睛嗎?座一般茶記格局奶茶茶味夠濃, 可惜渴上口不夠順滑。食味太普通, 沒什麼好評, 其實這裡的午餐更可取, 食材配搭, 用料及煮食方法比一舨茶記來得認真及有新鮮感, 可惜之前食左2次也沒拍照。冰菠蘿油菠蘿包日日新鮮出爐, 牛油獨立冰震上, 把冰凍牛油放入菠蘿包內, 菠蘿包酥皮很脆, 包肉鬆軟, 牛油冰凍硬身, 又冰又熱, 口感特別。

剛開業就友人急不及待試下新野，poster寫就寫9月20開業，最後遲左10月3~poster都無改～～哈入面裝修環境看得出係有花心思，感覺不錯，樓底很高，仲有九因歌掛係牆..好有懷舊的原素這次叫了豬扒通粉跟腸蛋盛惠$29 跟野飲，味道不錯，個湯底飲得出係落左奶！食慣沒受受清淡覺得不錯，友人比較重口味，就會覺得不夠味，我覺得幾好！下次要試試午餐如何～～I will be back😊😊