影片
付款方式
以上资料只供参考，请与餐厅确认详情
平時如果去食茶餐廳，都會去「九龍餐室」食我心目中嘅最佳茶餐廳美食經典配搭：豆腐火腩飯&凍奶茶！豆腐火腩飯之中嘅火腩肉質肥瘦相間、啖啖肉，外皮又食落脆卜卜，加上濃郁嘅醬汁，同埋口感嫩滑嘅豆腐，口感豐富、滋味無窮。當然唔少得飲翻一杯黑白淡奶沖泡出嚟嘅凍奶茶，冰凍凍奶茶，冰感十足，口感幼滑，飲落香濃奶味、帶點微甜，配搭熱辣辣嘅豆腐火腩飯️，除咗做到冰火交融嘅效果，仲能夠達到味道上嘅平衡。豆腐火腩飯&凍奶茶嘅搭配不但只美味，亦體現到茶餐廳獨特嘅飲食文化🍴。依間茶餐廳嘅港式奶茶️之所以做到特別香滑濃厚，原因在於其黃金茶奶比例，採用黑白淡奶沖泡，能為奶茶帶來獨有嘅絲滑口感及濃郁奶香，配搭埋茶餐廳自家嘅港式奶茶拼配茶膽，紅茶味道淡雅回甘，最終造就出充滿特色嘅正宗港式奶茶。
继续阅读
經過入黎食下午茶假日4點都唔洗等位特厚滋味西多士$47黎到真係厚多士🍞🍞有一片牛油，同一碟糖醬厚多士表面炸得好鬆脆夾層有一層薄薄既咖央夾心，唔會太甜，味道岩岩好仲包埋紅豆冰不過勁甜，加水都搞唔掂紅豆半爛，入口都仲有一粒粒既口感
继续阅读
落單時冇留意有用手寫的餐牌係牆上，睇住餐牌叫咗焗豬扒飯（$78 ）加一個日嘅套餐。原來焗豬扒飯都有套餐（送湯，餐飲$66）如果正常嘅侍應應該會堤醒顧客有套餐仲抵。收到單時見到兩杯飲品都加3蚊，6蚊，因為落單時侍應冇講要加錢，所以我問侍應。佢好大聲答“你係指住餐牌叫㗎嘛！所以焗豬扒飯$78蚊飲品要另外俾錢囉！套餐係個度嘛！”(指出牆上用手寫的餐牌）按照寫住嘅價錢收錢冇問題，不過可以禮貌啲對待客人。其實落單時侍應態度已經好差，明明有湯送，問都冇問要乜嘢走咗人，我都唸算啦，不過咁樣對客人整到我好唔開心，我俾錢的時候同收銀講”話送湯，都冇送，飲品就收呢啲錢” 收銀職員仲惡過侍應，好大聲話”我點知你同侍應點溝通啊！” 從頭到尾唔好，絕對唔會再返！
继续阅读
今日係6月4號大約4點幾 話說係旺角行完街 經過九龍餐室 見到燒味賣相好靚 餐廳格局都唔錯 入去坐低食個下午茶 一入到去侍應都幾好禮貌 下午茶叫左個燒鵝瀨粉 唔錯唔錯 皮脆肉嫩 幾香口 覺得下一次都可以返轉頭再食 食完去收銀比錢 但有件事令到我嬲嬲地 好不滿 就係個疑似老闆娘戴眼鏡既收銀 找錢大力拍係枱面 多謝又唔講聲 態度極差 可能係因為我阻住佢睇電話掛 仲諗住介紹d朋友同波友過黎食野 就係呢個收銀態度差到唔想再有下次 個收銀搞到我嬲到震
继续阅读
話說工作關係又出到嚟旺角，彌敦道行過附近得一間茶餐廳，望吓餐牌又唔貴嘅，入來坐低，不過旺區都冇位要搭枱，跟住叫咗個什扒意粉午餐，有沙律半碟有啲誠意，豬扒有啲柴，相對嚟講少啲梳打粉都好，雞扒就係正常，味道叫做正常可以，我飲凍咖啡一定要走甜少奶，依度達到我要求，送個中湯我覺得幾好飲，仲有紅白湯選擇，唔錯嘅，唯獨是係啲座位比較迫，坐得唔舒服，可能茶餐廳一般伎倆唔想客人錯咁耐，正常既，同埋見到對面小姐飲杯一杯熱奶茶要$23，其實真係有啲貴，不過都係嗰句，唔想妳就咁買杯嘢飲，明白租金人工全部都要成本
继续阅读