乾杯串燒居酒屋 (漆咸道南)

营业中

休息中

‘本身想去另一間居酒屋，一落車實在太大雨就衝左去呢間乾杯嘅門口。最後俾佢啤酒星期一買一送一嘅優惠吸引了…..燈光暗暗地，同朋友飲住嘢食住串燒傾心事就岩曬❤*蒜香炸魷魚鬚 - 香脆好食，粉又唔會太厚，上到枱仲係熱到出煙*枝豆 - 送酒一流，健康低熱量之選～*燒新鮮白鱔(汁燒) - 重口的我一定係揀汁燒，肉質都幾彈牙！*燒菠蘿 – 我咬左一啖就覺得好甜好多汁，同時見到友人個樣似食緊檸檬。原來同一個菠蘿唔同位置可以差咁遠😂😂*明太子玉子燒 – 柴魚乾同明太子醬配上甜甜地嘅玉子燒冇得輸啦～口感偏厚實📍乾杯串燒居酒屋尖沙咀漆咸道南123號地下G ＆H號舖環境🖤🖤🖤🖤🤍味道🖤🖤🖤🤍🤍打卡🖤🖤🖤🤍🤍抵食🖤🖤🖤🤍🤍

同朋友聚會去居酒屋就一定無錯！今次就去咗尖沙咀呢間勁有feel嘅居酒屋木系裝修配上各種日式擺設昏暗嘅環境靠溫柔的燈光照亮本想著Openrice那麼多負評，味道一定很一般但當晚叫的差不多所有食物都不錯肉類串燒及炸物都煮得剛好配上各種醬汁吃真是大滿足啊我自己最喜歡的，必然是月見安格斯牛肉串燒🌕另外意外很喜歡這裡的燒雞泡魚干同燒魚翅有伴酒小菜，當然少不了酒居酒屋有各式各樣嘅清酒/ 啤酒/ 燒酌等等🍺友人們點的都是1L的啤酒呢總結而言就是大推介！

雖然係小店，但坐得舒服野食有質素員工態度有禮下次會再黎意外地所有蔬菜類都好好食 雞泡魚干略嫌硬左小小炸雞唔會好柴好乾 炸得岩岩好😋店內亦有提供清酒，有啤酒串燒加酒絕對係完美既組合

Very good vibe small Resturant.Great choice options. Very fresh and well presented skewers. Prices are decent.Service is excellent too. What more can you ask for.Great hangout place to hangout with Friends.Recommended for tourists, expats and locals !!Will definitely return

Happy Friday 梗係要食好D獎勵愛人同自己，所以去咗乾杯串燒居酒屋食好嘢。糖心蛋豆腐，豆腐超級滑仲脆口因為放咗響蘿蔔上面，個湯温度保持好好夠熱，就算上枱唔係即刻食都唔怕凍，啱晒冬天食。必食冰鎮秋葵配上wasabi，健康又清新。我哋仲食咗串燒牛脷，雞軟骨，燒甜蕃薯。燒鰻魚飯團，飯團燒到啱啱好，飯唔會濕但又唔會太乾，外脆內軟，紫菜仲非常脆😋。另外仲有燒煙肉露筍卷，燒秋刀魚，燒蕃茄非常大片又厚身嘅蕃茄，仲有忘記影相嘅燒鵝肝。有咁多好嘢食梗係要配埋支靚酒~南部美人，呢支sake同食物味道都好夾，酒味唔甜👍。

已經嚟過好多次, 無論食物同staff都好值得一讚👍🏻炸薯角, 好香口牛油粟米, 必點秘制辣撈面, 正😍炸雞皮, 脆得黎唔會好油👍🏻蒜蓉牛油金菇, 又係每次必點下面其他都係每次都會點嘅:呢到除咗食物好味之外, 老闆同老闆娘都好好人👍🏻👍🏻👍🏻成日主動同其他食客傾計, d staff做嘢亦非常快手同自動自覺, 發現客人飲完/食完嘢會主動問你仲需唔需要加, 或者會幫你執好張枱等你坐得舒服d👍🏻呢到非常適合三五知己一齊飯聚, 係尖沙咀一個值得推介少有嘅串燒店❤️

因為本人本身非常之鍾意食串燒 因為喺網上面見到呢一間 所以特登出嚟 首先講下鋪入邊嘅環境 估唔到星期一晚會有咁多人 人多嘅鋪頭我先鍾意幫襯 但係鋪頭入邊整體環境都非常之整潔 有得加分講下嘢食 應該話完全超出左我嘅期望 詳細嘅comment 我每張相都會講下另外我強烈推薦要嗌酒飲 不過由於唔鍾意飲清酒嘅關係所以我哋就選擇左啤酒 還有一樣野非常非常非常值得讚 每個客人入去嘅時候都要幫你消毒左先 可能有人會覺得呢啲好小事 但係唔係每一間餐廳都有義務要幫你咁樣做下次出糧再嚟幫襯

行行下經過見到 又唔洗等位就去試下叫左好多野 食到飽一飽都係每人200蚊左右我覺得最好食嘅係牛油粟米 好香唔算好油 大人細路都啱！最後都encore 咗！其次係茄子 個底燒得唔燶！好多汁夠味 可以連皮食！平時出面串燒好多個皮都燶哂 係咁起d肉出嚟 但d肉又痴住哂 比較麻煩 呢度就冇咁嘅問題！牛舌都好好味 好夠淋整體味道唔算好鹹 比起出面串燒店輕手啲 冇咗係咁叫野飲嘅感覺 可以叫多啲野食試多啲唔同種類 選擇都好多 滿足到食肉獸 素食 海鮮愛好者環境方面 面積唔大 座位都比較密 大家坐得親密啲 店員親切 成餐飯都食得好開心舒服！

友人選嘅串燒店，環境幾有feel, 牆貼有好多即影即有，可以訂座，又唔難揾beer 係星期一有買一送一小妹最鐘意呢個芝士焗西蘭花，好蒜又有bacon, 夠熱又好香！Scallop 係all time favourite, 蒜蓉焗係無得輸嘅！不夠太多人，等左好耐，見你好食就算la!牛舌小妹麻麻，但友人話好正，好香油脂味，又唔肥！燒豬頸肉好好味，tender又juicy, 大推！總結，串燒店來講質素唔錯，想食串燒不妨一試！

今晚朋友請食生日飯🥳🥳🥳朋友道知我鐘意食燒烤 所以帶左我黎呢間乾杯諗起台北食過間乾杯不過佢地係唔一樣既野黎既呢邊其實係日式居酒屋💕🇯🇵牆上面都有貼啲相係親親五花肉阿 💏👩‍❤️‍💋‍👩👨‍❤️‍💋‍👨💏👩‍❤️‍💋‍👩👨‍❤️‍💋‍👨應該就係咀對咀一定時間可以得到一盤肉🍺 Asahi beer ❄️❄️❄️❄️星期一黎啤酒買一送一 超好飲呀🌟涼拌麻醬豆腐 $3️⃣8️⃣呢個前菜好味呀🌟烤韭菜 $3️⃣0️⃣🌟稻庭冷烏冬 $7️⃣8️⃣個烏冬係放冰係入面冇諗過會係咁冷烏冬係有冰🤪冬天食有啲凍🌟明太子雞柳串(左) $3️⃣8️⃣🌟燒雞腎$2️⃣5️⃣(右)平時食明太子會配松板豬，第一次食明太子雞柳，都好match 🤤雞腎更加係啤酒必配🌟枝豆$3️⃣8️⃣⭐️⭐️⭐️燒生蠔 $1️⃣3️⃣8️⃣ (六隻)呢個烤生蠔燒得都幾熟有時叫燒生蠔幾驚係烤到半生熟個種咁呢間就唔會既，加埋D配料咬落非常香口實在🤤P.S.侍應姐姐服務超好🌹好有禮貌同埋好易話圍，所以係呢到食野都幾輕鬆呀🌟

呢日朋友生日，咁啱食開呢間而且大家又就腳，就選擇左乾杯🍻。餐廳嘅氣氛好適合三五好友一齊食下飯，傾下計，店員都好友善。個日我地都不停追加嘢食同嘢飲，咁啱買一送一啤酒，梗係唔好停啦🥳 份量預左唔會好大份，而且我地都想樣樣試啲，啱晒我地啲胃口細但鐘意試新嘢嘅人😋其實嘢飲都好大杯下咖，同埋個味唔算好甜個粟米唔知係米加左蜜糖，同其他咸食好夾呢個雞泡魚干，我個人覺得最好食，甜甜地又有咬口，係同啲沙律醬唔多夾。

冇book位臨時去walk in，可能係居酒屋關係大家都慢慢食，所以等一檯都等咗一陣等候期間有店員出黎俾水我地👍🏼因爲唔知仲要等幾耐，所以決定坐室外位比想像中好坐，因為有兩部大風機，同埋啲位比室內闊落啲環境氣氛十分好，感覺大家都好chill好relax，我地都不經不覺坐咗兩個鐘至於嘢食燒得好好食！推薦炭燒豬頸肉、燒牛脷同埋燒粟米可能係即嗌即燒關係，所以每道菜都要等一陣特別要再提既係，店員服務態度真係超級好！特別係短頭髮既女店員，會一直走黎關心我地😂 因為原本想坐室內位，到室內有位又會問我地坐唔坐返入去，又驚我地熱幫我地調教風機，同埋揀飯糰口味又會俾意見我地👍🏼一定會再黎，加油💪🏼Really recommend this yakitori restaurant, chill and relax atmosphere. Food is great, their service is the best I've ever had. Really good if you wanna have a good time with friends or colleagues.

其實本身唔識呢間鋪頭 但係社交平台 知道左有呢間小店 就同朋友決定下去支持 順便預祝中秋節🥮 😊😊我地叫左好多串燒 最深刻印象係個燒白膳 仲有個牛柳粒 真係超級好味 🤤🤤🤤 我地仲叫左個冷面，烏冬 我無食烏冬 但個冷面好好味 🤭🤭 我地叫左一串唔知咩牛 但好生 ，侍應見到好主動問使唔使幫你地燒過 呢個服務真係好好 👍🏻👍🏻👍🏻 有位疑似老細 主動行埋黎同我地傾計 仲飲左杯 呢種人情味 應該得小店😊😊P.S 我星期四晚上去 仍然座無虛席 😊😊 我信 只要食物好 就會有客人 😊😊 大家都可以一齊去小店食下野 😊😊

7/9/2019 星期六，晚餐好想出街食，又唔想食傳統晚餐，突然想起朋友介紹過這一間串燒居酒屋，一於走去試下。Walk in 無訂位，好彩我哋時間早，又只是兩位，佢哋安排咗枱比我哋坐。地方雖小，不過好有居酒屋氣氛，而且佢哋招呼好好，使人客食得好開心。我哋點了一些串燒，款款都好食，好有誠意的一間小店。唔怪之得，生意咁好啦！值得推介。

朋友聚會，似日本居酒屋的串燒餐廳就最合適不過。可以一邊飲著啤酒、一邊食串燒和小食。爽呀！明太子雞串加牛肉粒串燒味道有點重，可能是因爲送酒的關係；但明太子加雞肉串味道很夾。牛肉亦燒得剛剛好，吾會太硬。粟米天婦羅卜卜脆，又帶少少辣同少少甜，非常滋味。搭配上啤酒，真是一流。而且很少在其他餐會有一粒粒的粟米天婦羅。焗芝士西蘭花趁熱食，芝士還在溶化的時候放到口中，一級享受。清酒煮蜆酒味濃郁，蜆亦鮮甜。只飲湯也非常不錯。燒雞泡魚干有點燒得太燶，太硬和有點乾身。但送酒也是一流。燒茄子味道濃淡適宜，不太重口味。燒得剛剛好，超惹味。非常香。燒珍寶多羔大頭蝦必試的菜色。每一口都是蝦肉，爽口鮮甜。加上蒜香味，可以一試再試。