二口淥麵

营业中

休息中

觀塘返工，每日都諗食乜好~~今日用咗外賣自取，對於藥膳湯愛好者嘅我，就一定揀滋補藥膳雞湯米線！！取餐地方好近我公司，所以早咗去到，好彩唔駛等太耐就可以拎，店員友善有禮貌，外賣打包得幾好唔會倒瀉。🐔啲雞件好滑，仲要份量超足，本身鍾意藥膳湯，佢個湯底好味到我忍唔住飲曬（本身有加冷泡茶，而家食+飲到勁飽）~~😋食過好多間藥膳雞湯米線，呢間折後價，相比其他都抵食。又一觀塘返工lunch之選~~👍🏼繼續扮工諗下今晚食乜~~🤣

首次品嚐此店既招牌花膠雞濃湯米線，一打開膠蓋已經見到湯底照多肥油，用咗成分鐘避油後，將米線餅倒入濃湯內準備慢用... 細望下，雞件份量較多，配上一大塊花膠，感覺還可以。第一嗒先食米線，淋得滯；湯底還可以但不是超正既雞湯味；雞件份量算多但無雞味；花膠好大塊但唔淋... 總結唔會再幫襯

友人喺附近返工，推介我嚟呢間試吓。見到佢有椰子雞同埋椒鹽粟米就試吓啦~咁啱我去嗰個時段冇其他食客，靜靜地享受自己一個人，環境舒適👍🏻我問侍應有咩麵底好推介，因為我唔鍾意食米線。佢推介稻庭烏冬或者粉絲，好啦一於試吓佢個粉絲。極快整咗畀我，我心諗快到咁係咪求其整㗎？啲雞好香滑，個湯好清甜，我而家諗返都有啲掛住><配搭埋粉絲好好食，又唔會話太飽，可以食埋個椒鹽粟米。我以為18蚊咁平一定得兩三舊，點知差唔多十舊😵另外估唔到嘅就係佢個豆漿好好飲，唔會話太甜/無味，甜度啱啱好：）我覺得附近返工嘅人可以去試吓，有機會做埋飯堂xD

第一次試呢間 嗌左胡椒豬肚雞湯米線啲豬肚好淋 唔會好難咬👍🏼啲雞仲要好滑🤩湯底濃 飲完都唔會好口渴價錢合理 會再幫襯！下次會想試埋啲小食 椒鹽粟米🌽好似幾正🤤推介比觀塘返工既朋友仔😌

個椰子雞湯好足料好重雞湯味，椰子味又好夠，個湯方面雖然有小小油，但都忍唔住想飲曬同埋拎黎撈飯食真係一流🤤不過如果可以轉米粉就會更加好👍🏻個雞好滑又入味。嘢飲方面有得叫冷泡茶，正正常常。最緊要係價錢唔貴，但食物質素就好好。另一位朋友仔就叫咗藥膳雞湯米線。藥膳味好香同好夠濃，朋友仔話向出面都未食到過咁濃嘅湯底同埋椒鹽粟米完全食唔停口，椒鹽又夠多👍🏻整體來講可以再過嚟食，大家都覺得好好味同埋有好多小食都想試下

晏晝經過上去食咗個椰子雞米線，首先幾欣賞佢湯同埋麵係分開，咁樣就可以飲咗湯先，個椰子雞湯都幾好飲，仲有啲腐竹木耳，同埋真係有椰子肉，雞唔會太多碎骨，不過略嫌個米線可以再淋少少，整體發揮都OK

啲粉絲索晒個湯底！😝啲蜆好大隻好新鮮，同酸菜湯底好夾～～酸菜湯底夠晒開胃～～！同埋冷氣比起裝修前大左好多，而家都幾舒服！！飲品既選擇都幾多～配料啲丸呀肉呀都齊全228實收無加一黎講都真係幾抵～唔食蜆既都可以食烤魚，個半鐘都係可以fill服務都唔錯，因為好多時食任食都會甩單～但佢地都無乜呢啲情況～好多時啲野食都好快送到上枱～～廁所呀環境都乾淨，無啲蚊蟲飛黎飛去！下次再黎試下午市～再同大家分享下！！

叫左個番茄濃湯粉絲+黑魚肉番茄湯係罐頭番茄+水+茄汁咁嘅味，都算啦好又一餐唔好又一餐⋯除咗茄湯難似之外，食魚呢part仲精彩！食咗舊心諗咁難食嘅？睇真啲，啲魚肉仲要係唔熟嘅！！！睇得出係急凍到無哂味仲要未解凍就拎去淥咁～最後真係忍唔住食唔落，問個侍應話啲魚未熟，佢望一望話已經熟咗，只係茄湯令佢睇落紅紅地（真係當我傻咁），仲叫我如果覺得唔熟可以擺埋一邊，真係多謝佢嘅提議！最後為咗身體著想只好速逃近十年食過最難食嘅嘢，歡迎大家挑戰下真心好難食

同事生日去哩到午餐，我哋十二點鐘去到，基本上唔使等位，室內嘅溫度不冷不熱還可以，我見到餐牌上都幾多選擇，我就叫咗呢一個吉列豬扒濃湯米線，由叫餐到出餐唔多等咗三個字，同事叫咗個蝦蒸飯，等咗差唔多三十分鐘，另外有個同事叫咗蒸雞飯，雞係唔熟嘅，要再反蒸，飯擺位欠奉，有呢似食過咁，就咁撈埋上😅有位姐姐同我哋講原本佢哋用嘅餐具，而家就唔再用啦，會用即棄嘅餐具，問我哋有冇問題，原本以為冇問題啦，點知原來份量會跟住小，本身唔大食，但食完好似係剛剛好，唔飽，同剛剛食過一次有好大分別，味道還好，但希望份量可以多番少少

啲蝦都幾大舊 一放低已經聞到好惹味 🦐🤤蝦肉唔會話霉左 都幾彈牙蒜香味撲鼻濃郁 飯嘅份量多 飯色澤金黃 😋 $78都可以接受環境都算乾淨整潔 整體唔錯👍🏻👍🏻👍🏻

叫咗藥膳雞米線平時食好多間d雞都係浸埋落啲湯度淥到好老呢間雞另上，好滑湯底10分足料冇味精，好甜好鮮味，藥膳嘅味道亦都啱啱好唔會太濃平時喺屋企冇湯水，飲晒成碗🤤

係富利架𨋢見到新開張廣告就試下，叫左碗麻辣魚米線。黎到有少少嚇親，太細碗，兒童餐咁，食到一半先記得影相（牙籤筒比你做對比）。同區同價米線份量起碼大一倍，呢度仲要上樓，如果唔改善下，估計有好多人有同感。不過味道其實唔錯，而且小辣已經好辣。我見其他人通常食雞。