二少廚房

营业中

休息中

麻辣手撕雞飯唔錯,雞嘅份量都幾多,麻辣味道啱啱好。手撕雞食落都幾滑,不過講真如果有青瓜或者花生嗰啲配料會更加好😅最好味係個海底椰雪梨瘦肉湯,瘦肉煲到好腍出唒味,雪梨清清甜甜成個湯都好好飲,感覺好滋潤🩷

From the classic Double-Boiled Chicken Soup with Fish Maw to the nourishing Cordyceps Flower Chicken Soup, every dish is prepared with care and precision.One of their signature dishes is the Famous Hand-Shredded Chicken Rice, a simple yet flavorful dish that combines succulent pieces of chicken with fragrant rice. Each bite is a burst of savory goodness that will keep you coming back for more.The Cordyceps Flower Chicken Soup is a standout dish that features tender pieces of chicken cooked with

1️⃣古家鹽焗手撕雞飯😓😓雞勁鞋,得鹽味,冇加其他調味咁😮‍💨仲要係扣牌菜,真心笑出色,價錢貴.💰HKD$602️⃣海底椰雪梨瘦肉湯非常熱👍🏻好足料,好入味,飲完好舒服套餐轉飲加💰HKD$13大家只需單買佢個湯就OK,好似$40. 飯就千其唔好幫襯😜😜

第一次幫襯佢地叫既係手撕雞飯雞份量少得可憐 味道又唔係好好完全唔夠送飯 冇雞 唯有用僅餘的芫茜送芫茜都食晒 唯有食白飯啦已經覺得唔會再有下一次到今日lunch又唔知食乜好 決定俾多次機會佢今次試下我最愛的魚香茄子飯一打開 癲覆了我對魚香茄子的認知我以為自己幫襯錯左泰國嘢呢個根本咖哩(/嘔吐物)黎 呃我唔到既～入面得幾條瘦削既茄子 又唔熱一啲魚香都冇 魚骨就搵到一條 味道方面：尚可接受 唔難食既唯一只有豆漿叫做好飲但都不會再幫襯了幾廿蚊個飯唔祈求會有咩美食但咁既樣都賣得既話……..開左咁耐都仲係度算佢好野…..

愛琴坊個foodcourt好多選擇，行到尾有間小店係出名自家製靚湯，我都食過幾次嚕🍽食物：招牌客家鹽焗手撕雞飯 $60 雞肉唔算滑仲有少少硬，冇肉味，但係鹽焗味好香，份量都唔少佔咗大半個盒，我中意佢哋會跟半份油菜，營養均衡啲嘛轉魚湯米線+$8之前試過跟飯，但我覺得啲飯太乾，好似乾啃咁就試下轉米線，魚湯味道濃郁，有少少腐竹，但有啲啲鹹，適合重口味人士。米線煮得幾好，就算外賣返公司都唔會浸到漲曬，有機會想試下酸菜魚～紅棗杞子鮑魚雞湯 +$10燉湯好足料～見到有2粒鮑魚仔同雞腳，飲得出冇加味精，係熬出嚟嘅味道，加埋紅棗同杞子真係好滋補！📝總評 7/10湯比手撕雞出色👍🏻個湯真係飲到係落咗心機去煲，連魚湯我都飲左唔少建議如果嗌米線就唔洗嗌湯，如果唔係會飲到成肚水

街坊系列 – 二少廚房💚續上回欣觀賞觀塘特色美食廣場😎今次試試另一間人氣湯品小店🥰小編表示想飲燉湯都有好多選擇🤫------------------------------環境: 如同上一次體驗👻有位清潔人員專門清潔哂成個埸👍🏻清潔衛生等都做得好足🤗可惜今次人太多😱坐唔到好位影壁畫------------------------------食物: 招牌客家鹽焗手撕雞($57)🐥份量比想像中多😍手撕雞好嫰滑味道唔會太鹹☺️配飯岩岩好會跟菜飯😋飯係用雞湯一齊煮菜量亦唔小🥰保證飲食均衡泰式酸辣手撕雞 ($57)🐥份量一樣都係咁多🤩好抵食少左鹹味🧂但會跟返個泰式辣醬味道有點似連鎖餐廳提供果款咁🤣甜甜辣辣😜微微既酸味🤪都幾開胃花膠燉雞湯 (套餐+$13)🫕望落湯面好清澈😍但味道好濃配料都幾多😊花膠，冬菇，雞腳但絕對飲到個性價比💯冬瓜瑤柱瘦肉雞湯 (套餐+$13)🫕清甜舒服😋好岩夏天飲既湯水冬瓜好淋🤤入口即溶咁------------------------------服務: 半自助形式落單🛎️人氣較旺🙊店員落單快速整體都算係有禮貌😆------------------------------環境:

係觀塘這個美食廣場內有哂中西日等國際菜、今晚就食番最原味道既中式加有燉湯款式既二少廚房。我們二人單點了一隻手撕雞、再點酸菜魚套餐及燉湯。手撕雞係可以選擇醬汁的，而且佢有多個選擇。因為一隻手撕雞係分開兩個盒的、所以其實係可以有兩隻醬可選，不過我唔知咩醬都唔要就係招牌鹽焗味，下次要問清楚了、試少左一款醬。其中選了泰式酸醬係甜甜哋的，幾新穎配去手撕雞度食。另外酸菜魚我就加5蚊要菜飯，魚都不算很辣，份量也很足夠，加13蚊要左個花膠雞燉湯。打開蓋係熱呼呼的，很足料的，味道也不錯👍🏻另外再點多杯黑豆漿，解下酸菜魚既少辣Yummy

花膠燉雞湯（上）入面有成2大嚿花膠報道雞骨都軟埋嘅雞件、鳳爪蓮藕章魚排骨湯（下）我自己就本身就好鍾意食蓮藕章魚加埋排骨落去煲將嗰種線條味再加濃酸菜胡椒豬肚湯我覺得咁多個湯呢個係最好飲👍🏻👍🏻👍🏻夏天熱辣辣都忍唔住要飲返啖呢個湯係三個湯之中最濃嘅飲完個人有啲㷫烚烚好彩嗰度冷氣夠勁❄️☃️招牌客家手撕雞+白飯熱+茉莉花茶呢個飯又係最推介手撕雞下面有勁多雞油我就將啲飯撈埋落啲雞油度食嘩超好味！同埋啲雞食得出落足料去醃👍🏻韭菜豬肉餃+黐飯+凍豆漿個粢飯反而要讚一讚！佢入面包左勁多肉鬆！粢飯就真係有癡口嗰種感覺如果係手撕雞配白飯再加呢個黐飯我覺得係完美嘅配搭可惜佢冇得另外買一個癡飯食🥲

上次意外發現到呢間養生靚燉湯同手撕雞專門店，今晚黎開觀塘呢頭就決定再回味下😎今次叫左蓮藕章魚排骨湯配薑蔥手撕雞飯(少飯)～蓮藕章魚排骨湯係原盅燉出黎，一開蓋就聞到勁香！個湯好真材實料，用左瘦肉兼豬骨，唔會太缺乏油脂但又唔會太油膩，非常清甜👍🤤湯料多，蓮藕同紅蘿蔔要黎送飯一流👏手撕雞份量超足，有少少雞皮所以油香特別豐富，肉質嫰滑，曬左啲白芝麻係面頭更加香😋搭配調味剛好唔會太鹹既薑蔥又係勁好送飯😁白飯係用左泰國既靚絲苗米，食得出有飯香而且粒粒分明👍🏻跟餐仲有D爽脆西生菜，呢個組合清淡得黎又健康又好食🙌🏻😊岩晒我呢D無湯水既無飯家庭🙈🙈

前排上完個fd嘅studio就係巧明街附近睇下有咩野食🤔見到鴻圖中心有個類似food court嘅地方見到二少廚房有湯飲 價錢又親民即管試試佢🤪-🍗招牌客家鹽焗手撕雞套餐 $60鹽焗雞焗得十分入味 肉質結實欣賞佢真係多雞肉👍🏻唔係淨係得皮或者連埋好多肥配埋泰國絲苗香米一定夠飽-🐟四川酸菜魚套餐 $60酸菜魚偏重口味 我諗咗好耐個陣係咩味我估係八角🤣 我食開重口味所以幾唔錯魚肉非常滑嫩 而且無骨!!!米線達人梗係要+$8轉魚湯米線🍜😌-套餐可以+$13將餐飲轉做燉湯咁著數梗係要轉啦😎 飲完花膠燉雞湯之後成個人都感覺好滋補☺️順帶一提 套餐+$5可以換購冷泡茶🍵$5有枝枝裝茶真係好抵😹😹我枝四季春仲要幾甘香 好飲🤪

觀塘多outlet所以買東西要好好來觀塘逛一下但沒想到美食也是出名的多無論世界各地的美食這裡都應有盡有逛到累就去了鴻圖中心美食廣場食了個晚餐❤️日式芝麻醬手撕雞飯（+$8轉米線）$28配冬瓜瑤柱雞湯$42加配鐵觀音冷泡茶（+$5）沒想到這個美食廣場有很多類型的餐點今天很想喝湯所以剛好看到二少廚房有湯品等了一陣子餐點就好了他是以外賣包裝形式上枱的湯品就用燉盅上一打開食物盒上面那層是餸下面那層是米線餸的那層是手撕雞和生菜然後配上芝麻醬手撕雞是一片片雞肉肉質鮮嫩而且已經過調味咸度剛好🧡麻辣手撕雞飯$28 （+$8轉米線）配蟲草花雞湯$42加配玫瑰茉莉花冷泡茶（+$5）麻辣手撕雞和芝麻醬手撕雞大同小異只是醬料不一樣麻辣又吃起來會有麻麻辣辣的感覺吃起來又麻又辣10分惹味湯底我用了酸菜魚湯底所以加上酸辣味衝擊味蕾令我停不了口兩支手沖冷泡茶不會有澀澀的味道而且入口滑順10分解渴吃完辣的東西喝上一口真是清涼📍 二少廚房 (觀塘)觀塘巧明街94-96號鴻圖中心地下6B-6C號舖

買完bb野就嚟到呢頭食飯😎 想飲下湯所以就揀左食二少廚房啦💪🏻 .揀左個薑蔥手絲雞飯跟冬瓜湯😌 手絲雞都好嫩，配上適量薑蔥一齊撈飯味道更惹味！而冬瓜湯都足料呀，有雞腳、瘦肉、冬菇等。味道鮮甜，適合夏天飲呀😌.另外揀左酸菜魚米線！ 估唔到又幾好食，魚肉冇骨又幾滑👅 米線彈牙，份量女仔食剛好😇 同樣加左個花膠雞湯，飲落濃郁鮮味😌.加多左支冷泡茶解渴！茶香十足😃另外亦加左芝麻豆漿，好香芝麻味同飲落少糖好貼心🥰

天口熱成日都冇咩胃口，食嘢都想食得清淡啲系觀塘做完野，random 發現巧明街原來有個food court都幾多嘢食行咗一round ，最後決定食間健康廣東嘢<白菜豬肉餃配粢飯$57>Fatbrown 叫咗個白菜豬肉餃配粢飯豬肉餃有成八粒，個湯底幾清甜，餃子就正常粢飯好好食，熱辣辣食啲飯係軟Q軟Q的<招牌客家鹽焗手撕雞配秘製醬拌麵$68>女朋友叫咗個鹽焗雞配拌麵，雞絲同麵分層裝鹽焗手撕雞好香唔會死咸，秘醬撈麵唔會太辣，不過偏油<酸菜胡椒豬肚雞湯+$13>Fatbrown 叫左胡椒豬肚湯，因為鍾意佢陣胡椒粉味，辣辣地好飲<冬瓜瑤柱瘦肉雞湯+$13>女朋友叫咗冬瓜瑤柱雞湯，呢個湯冇味精，清清甜甜夠養生

去開觀塘，行行吓偶然地嚟到呢個food court，裏面全部都唔係連鎖餐廳，決定支持下小店因為鍾意飲燉湯所以揀咗呢間餐廳，性價比十分高，叫了一個餃子套餐：8隻白菜豬肉餃配粢飯，加花膠燉雞湯，食到飽飽，$100有找仲叫咗一個酸菜魚酸辣魚湯米線，加花膠燉雞湯，一樣$100有找燉湯十分足料，湯水十分鮮甜入味，一飲就知燉得好夠火喉，完全冇落味精酸菜魚米線都好抵讚，魚片超多，絕對冇偷工減料，啖啖都食到魚肉，大滿足

呢個商場有好多小店，呢一間餐廳我比佢嘅燉湯吸引咗。我覺得午市套餐最抵、因為加$13就可以揀燉湯。午市套餐$57至$60左右，有餃子加栥飯或者客飯、米線等。▶️ 薑蔥手撕雞$57轉酸辣米線+$8， 手撕雞夠多夠滑，加埋薑蔥味道啱錯。佢仲有生菜，幾健康！酸辣米線唔會太辣，夠味！▶️ 花膠雞湯- 跟餐加$13佢啲燉湯全部非常熱辣辣，花膠雞湯夠鮮甜足料：有花膠，仲有兩隻小雞翼同雞腳、瘦肉。▶️招牌客家鹽焗手撕雞飯$60手撕雞滑，帶有少少鹽焗香味，但係唔會太咸。撈飯食好食😋▶️冬瓜瑤柱瘦肉雞湯- 跟餐加$13夠清熱，湯都清甜，幾好加$5可以揀冷泡茶一支，正價$15支。