二少魚蛋 (大河道) (已結業)

呢間嘢個辣椒汁係一定要試。雖然佢嘅魚蛋燒賣本身唔係特別好食，但如果配埋個辣汁之後真係加分好多。因為本人係辣椒控，所以只要佢個汁好食就已經好滿足。以佢嘅汁香濃嘅程度真係令我覺得會食唔厭。

平時都有食開呢間二少魚蛋，不過次次都係揀麻辣汁，今日諗住試吓佢個大辣嘅辣汁。一試發現，原來真係幾辣。本身我都算食得辣嘅，所以唔會話食唔到，但係佢嘅辣汁真係好香同好開胃。同埋佢嘅翠玉瓜同廚師腸仲係做緊$4一條，真係超抵呀。

由於今晚屋企無飯食。係荃灣收工之後又唔想食重食。諗住小食當晚餐就算。呢間二少魚蛋極近73x巴士站返大埔。咁就食住佢等車。燒賣8蚊5粒。10蚊7粒。如果當晚餐就食多啲。叫咗10蚊皇牌燒賣。叫咗姐姐要少少辣。燒賣一早蒸好咗係到。但無用蓋冚住。係馬路邊好似唔係幾衛生。燒賣係一般麵粉燒賣。無咩味道。而佢加辣個pat我懷疑係沙嗲醬。但一啲辣味都無。整體感覺係一pat熱嘅醬汁撻咗落一pat熱嘅麵粉團上面。可以唔洗試都得。

路徳圍小小一個四方形地方，食肆多至近30間，香港也沒多少地方如此。不少食店走了又有新的進場，新舊交替基本上每一個進場的都相信自己實力，二少就承接陳先後光顧兩次。第一次食燒賣，大路貨色，無咩特別，還好無蒸到過火茸茸爛爛，算合格嗎？配自製的辣醬，也不見出色。第二次買魚蛋，叫做有少少魚腥味。醬汁輕微帶苦澀，多數炒糊了。整體而言，本以為二少好似好架勢，但出品只叫過得去，性價比也沒有優勢，在荃灣混，要更努力。

二少魚蛋，頂手自上家魚蛋舖，不過可以說是青出於藍，不但保留有上手嘅少少辣咖哩醬，更有創新食品級醬料，其中二少麻辣醬更是出色，香味四溢，配上魚蛋，魔芋絲等食物更加出色，更加好食👍而魚肉湯，碗仔翅更是一絕👍👍😋