二少魚蛋 (惠安苑)

营业中

休息中

本身係好想食街邊燒賣，雖然本人唔食辣，個辣醬其實還可以，但係個燒賣實在太軟身冇口感，感覺有啲失望。平時我食鴻福堂質素嗰啲燒賣都叫做接受會繼續食，但呢一個真係唔會再食。魚旦都好普通好細粒。不過另外叫咗茶葉蛋，呢個茶葉蛋比隔籬街嗰間茶葉，味道更濃更香，值得推薦。

偶然收工路過，天氣凍，想食下街邊小食。就去咗試，點知服務態度極差！我都只係一個認認真真買燒賣食嘅上班族，正正常常咁樣幫襯，冇得罪佢丫😢唉，食物質素正常啦，始終街邊係有少少污糟。疫情嚴重，我買左50蚊野，居然唔俾蓋我😕包起左都有塵飄入去。。失望

老實講我住喺附近，呢間嘢喺附近開咗好多年，之前叫陳記魚蛋，嗰陣時都還好但係自從轉左老細每況越下，之前好味嗰啲汁又取消晒轉咗啲唔好味嘅麻辣醬，啲燒賣由朝煮到夜晚，每一粒都入口即散，不過就算佢煮得時間啱啱好，燒賣材料都唔靚好似食緊粉，啲醬俾得少又少，最重要係佢哋態度極差，特別係嗰個肥c9，面度有一大撻雀斑嘅肥x，問多一句佢就好似得罪佢咁即刻黑晒面都算言語態度顯得10分唔耐煩每一句都喺度夾雜着一啲唔好聽嘅嘢。老實講執咗佢啦

疫情關係大家都冇得堂食😅，咁就多咗好多外賣掃街，咁今次就寫下啲小食店。呢個「二少魚蛋」原先叫「陳記魚蛋」，以前一直食開㗎喇，不過轉咗名之後品質都一樣係咁好食👍🏻👍🏻我最鍾意食佢個撈麵，再加一個牛柏葉咁樣可以叫個醬汁，佢嗰醬汁係非常之出名。印尼撈麵好彈口，牛柏葉都一樣，咁今次就加多個魷魚上去，一定要叫佢加醬，如果食得辣嘅可以叫佢加大啦。陳記魚蛋係靠佢個醬汁而出名，所以一定要食佢嗰張非常之好味😋，全港獨家🇭🇰環境質素🏚：❤️❤️❤️🤍🤍衛生程度🧽：❤️❤️❤️🤍🤍美味程度😋：❤️❤️❤️❤️❤️💗抵食指數🤩：❤️❤️❤️❤️🤍回頭指數🤩：❤️❤️❤️❤️❤️💗

香港人最鐘意掃街食下小食。魚蛋燒賣就係我小食排行榜嘅首位，搵食時經過二少魚旦就忍唔住要買黎試下。今次淨係叫左魚蓉燒賣，佢個燒賣嘅魚蓉口感好札實而且好彈牙，配埋佢個沙嗲汁加少少豉油個種鹹鹹甜甜嘅味道令人難忘。價錢亦都只係正常價位十蚊七粒。唔知大家平時去小食店最愛叫咩呢？