二記飯店

营业中

休息中

呢間店幫襯咗好多年，近幾年因為少喺呢區出入所以幫襯少咗，最近嗰次都半年前食晚飯，嗰次都覺得味道差咗但係都可以接受，十幾20年前呢度食晚飯味道非常好，價錢又實惠，我一星期都會去兩三次宵夜或晚飯，今日下晝專登過去食下午茶，入去前本來想食乾炒牛河，但見到同台另一食客嗰碟賣相好差，所以改為食揚州炒飯，40蚊連凍飲加三文，呢區嚟講價錢都算平，份量都可以接受有平時嘅六成，但可惜個飯炒得好差，飯粒好多都仲係一嚿嚿未炒散，而且啲飯又濕又爛，調味本來都唔錯但係嗰啲鹽未炒溶，間唔中食到一粒粒嘅鹽，咬到嗰下即刻覺得好鹹，今次真係幾失望應該都唔會再有下次

重點推介：「隔夜雪藏味」白切雞、「濕炒」避風塘炒蟹、「返炸」炸大腸、白灼「黑頭」大頭蝦、「暗淡無光隔夜豬臭味」菠蘿咕嚕肉、椒絲腐乳「人瑞」通菜、其餘：豉汁蒸蟠龍鱔 - 豉汁好鹹，鱔肉唔爽脆、油泡筍殼 - 還可以、椒鹽九肚魚 - 一般、椒鹽瀨尿蝦 - 一般、真係兩餸飯都不如，店員又衰口爛面，環境一般，廁所就係太安樓商場共用，男人冇所謂，女士想乾淨少少，就要出去行過對面康文署西灣河體育館，總結：行入後面太安樓掃街果啲仲好食仲開心～

好多時在西灣河都係幫襯快餐店，好似吉野家、大家樂等等，偶然過馬路望到呢間二記飯店，約定丈夫下次去試吓。叫左支獅威啤酒，椒鹽話梅骨作餐前小食。一試便知大廚手勢很不錯，真的要叫他出來表揚下！再來一個海鮮套餐，內有蒜蓉粉絲蒸扇貝，豉椒炒蜆，椒鹽瀨尿蝦，食落味道，同其他離島海鮮酒家相差不遠，可以不用搭船去幫襯那些貴價嘢。值得介紹大家來試

主要係要多謝朋友幫手殘的我剝瀨尿蝦🫶🏻 如果無人幫我我就食唔到啦 😂 瀨尿蝦雖然無乜膏但肥美多肉~啲肉唔會霉髧墮，簡單嘅調味食到蝦肉嘅原味~椒鹽九肚魚 好難出錯，酥脆又惹味，九肚魚得細骨食埋都得，九肚魚肉質比較滑同椒鹽嘅調味好夾，當然重點係配啤酒最正🍻🍻炸大腸 超級脆身，豬腸夠肥都清得夠乾淨。但炸得有啲太乾身就失色咗啲果皮蒸鮑魚 肉質彈牙，唔大隻但夠甘香幾好食佢哋有好多唔同嘅海鮮餐，價錢唔貴，食物不過不失。街坊小店環境一般但服務還可以~

搵實啲，今次我就去咗一家我朋友推介嘅店體驗咗一番。噚日心血來潮，走進去條熟食街上嗰家人氣唔錯嘅店。心諗，食咗咁多年飯總可以識啲好貨嘅啦，我就點咗椒鹽瀨尿蝦拼埋蒜蓉蒸扇貝，仲有個西蘭花鮮魷。哎喲喲，諗起就流口水🤤！先嚟講吓個魷魚啦，夠晒彈牙爽口嘅感覺，西蘭花就啲硬硬地，切細啲會更正！跟住呢，那蒜蓉蒸扇貝就真係好惹味，蒜香撲鼻，味道正滋呀！雖然有少少過火，但好彩鮮味未走，咬落仲有海中嘅清甜🍲。至於啲瀨尿蝦，真喺頂級享受啊，又鮮又唔黏殼！簡直係手撕雞都未必撕得咁滑嘅口感！仲有啲啱意，呢度嘅員工嘅服務態度實在係好有親切感，又細心又有禮貌，仲無服務費，勁🙌！整體黎講，算係性價比高，好食又唔會搞到你荷包大出血，下次真係要再嚟轉轉！

👀 二記飯店環境整潔乾淨，冷氣充足，環境舒適。🍴 豉椒蟶子、炸子雞和蒜蓉粉絲蒸扇貝三道菜。😋 豉椒蟶子是最受歡迎的一道，味道濃郁鮮美，肉質嫩滑，回味無窮。🍗 炸子雞帶有懷舊風味，皮脆肉嫩，搭配蝦片增添口感層次。🐚 蒜蓉粉絲蒸扇貝清爽不油膩，扇貝十分新鮮，配上粉絲味道清新。🍽️👍 有地道大排檔風味，但味精較多，十分口渴——————————室內大排檔，環境整潔乾淨，冷氣充足，讓人用餐感受舒適。我們品嚐了豉椒蟶子、炸子雞和蒜蓉粉絲蒸扇貝這三道菜。豉椒蟶子是這三道菜中最受歡迎的一道，蟶子經過簡單的煮熟後，淋上豉椒醬汁，味道濃郁、鮮美。蟶子的肉質嫩滑，搭配豉椒醬汁的風味更是讓人回味無窮。炸子雞帶有懷舊風味，皮脆肉嫩，再搭配上一些蝦片的點綴，更是增添了口感的層次。這道菜給人的感覺就是從大排檔傳承下來的美味味道。蒜蓉粉絲蒸扇貝是一道非常清爽的菜式，蒸出的扇貝十分新鮮，配上蒜蓉粉絲，味道清新不油膩，非常適合作為菜單中的一道清爽菜。總體來說，二記飯店的菜式非常豐富，每道菜都非常精緻美味，而且性價比高。

今日，應該是可以讓我一生難忘的一天！原本想開開心心食飯慶祝母親節，點知呢間野既餸菜真係難食到極緻！如果大家想試下難食到懷疑人生既感覺，呢間真心大推！！蒸沙巴：上到枱發現唔熟，叫佢去蒸過竟然叫我地食住先，之後再蒸返，Hell! 😱😱沙薑雞 ：完全無味！同食緊紙皮無分別，地獄! 😣😣焗魚腸 ：又咸又焗到老過阿婆，超級地獄！😖😖蠔餅 ：成碟唔超過十隻蠔仔不特止，成個蠔餅完全唔係果回事，極度難食！直接到了地獄18層！☠️☠️椒鹽鮮魷 ：出街食飯從未試過食剩既一道菜，今日都破了紀錄，地獄！😢😢炒通菜 ：勉強可以入得口！但我一定都可以炒得好過佢！😔😔炒飯 ：勉強可以講得上係食得入口！☹️☹️西蘭花炒帶子蝦 ： 成晚比較正常既一道餸！雖然份量依然係不足的，但總算能夠勉強讓我們一家回到了人間返屋企！🙏🙏總結 ：呢間野價錢真心偏貴，份量少！d野又地獄級數咁難食！真心好後悔點解要揀呢間黎食母親節飯 ！如果仲有人想挑戰佢既話，在此鄭重希望各位要三思再三思！

呢間我大概七、八年前食過一次，印象係「唔好食」「唔會再去」。今日要買外賣，有人話不如試吓。好啦見佢咁多年都仲未執笠，可能有進步呢..叫左一個羅漢齋炒麵。返到屋企一打開，簡直想講粗口，全部都係菜，仲有茄子，兩舊豆腐。正常羅漢齋嘅木耳，粟米筍，冬菇什菇，點綴用嘅紅蘿蔔，全部都冇，根本唔知佢整左啲咩出嚟第一啖食落口，成陣油味，連調味都完全唔係羅漢齋嘅味，唔知自己食緊啲乜。唯一好嘅係夠熱（緊係熱啦！成盒用油浸住！）因為好肚餓，所以都食左一半，但係最後頂唔住佢陣怪味放棄左…

我真心未食過一間小菜喺咁難食，仲要喺係中秋節食到，一生難忘啊🥲🙂焗魚腸難食到嫦娥都要落返嚟焗到過曬火，啲蛋乾爭爭都唔知喺咪食緊太空食物，一啲水份都無；蛋冇味魚腸冇味成舊嘢一啲味都冇sorry我加咗胡椒粉都係冇味；無事啦啦係上面有隻熟咗嘅蛋，係全蛋蛋黃蛋白分明，我從未見過焗魚腸係咁煮成舊嘢（無錯我唔知用咩字眼嚟形容佢好）收我成$88定$98，好似紙咁簿，食咗兩啖垃圾桶見西檸炒牛柳甜到好似落咗成甖蜜糖牛柳切到一粒粒都唔知喺咪食緊牛柳丁，又係炸到過曬火，一啲肉汁都冇；所謂嘅西檸根本就係bbq蜜糖，甜到糖尿；仲有個汁係出水到啲肉到好似游緊水咁三味倉魚倉魚炸到乾過條柴先講啲汁，酸菜還酸菜辣椒有幾粒仲有洋蔥絲，九唔搭八咩三味根本就係亂咁嚟一啲都唔夾；條魚炸到乾過條咸魚，一啲肉汁都無真心一路食一路喊出嚟，最後頂唔順送曬去垃圾桶

住西灣河附近一定聽過呢間二記又似茶餐廳又似大排檔每次經過舖頭見入邊都唔係好多人咁啱見佢外賣有九折所以第一次試吓佢個中式牛柳飯牛柳好冧但個汁偏酸叫咗多飯真係有比多飯下次會試吓佢其他餸

30/11/2021 小弟對一般午餐嘅要求都唔高，直到去呢間二記食個午餐真係後悔到極，午餐點個五香肉丁炒飯隻碟重熱過啲飯，叮返熱都算，啲飯一pat一pat濕嘅，生意唔係噤做架嘛，真係後悔莫及

間中都會嚟呢度食吓飯，街坊小炒，其實都唔算太差。呢個價錢，當然唔需要有大大期望，不過我覺得都中規中矩，味道都算OK好味吖！其實佢哋嗰啲大叔係熱情少少，會叫你睇吓有冇套餐啱食。提左幾次～但係都算幾有禮貌。香噴噴唔錯！不嬲都好鍾意食小炒王，小炒王唔係度度都炒得好食。呢個好味！黃金海蝦，本來我哋嘅套餐係豉椒炒聖子，不過佢俾我哋加$20改蠔煲～唔算好大隻，不過都有八隻！佢哋都與時並進，可以用八達通或者tag&go

今晚叫外賣平台送餐的遭遇：極度噁心！食食吓盒飯咬到舊嘢有藥油味！吐返出嚟發現係一塊染血嘅膠布！係染血膠布呀大佬！！！我即時入廁所嘔呀！點解可以咁過份？！各位睇路啦！

二記在接近西灣河地鐵附近，附近夜晚宵夜應有盡有。环境：乾淨企理不會露天，有冷氣。不過可能周圍都是食肆，所以有不少飛蟲。服务：阿叔老闆熱情簡介，剛剛有藍妹啤酒推廣，所以介紹我哋用藍妹會員QRCODE登記，優惠券有藍妹贈送。|二記小炒皇^顏色翠綠，鹹魚不會太鹹，腰果夠脆，蝦仁同魷魚足料。下酒菜一流。|椒鹽話梅骨^話梅骨一陣陣油炸香味，賣相差少少，椒鹽味被話梅香味道蓋過，咬落去唔會乾到無法落口，得油渣。其實排骨脆而香都好講究，香口得來就差少少賣相，如果全部一字骨就好啦，不會太幹，同時也是下酒菜。

昨日去太安樓二記食飯，叫左四味菜，好難食，梅菜扣肉又水又肥，籃乳粗齋煲，冇藍乳冇齋又水，炒聖子好瘦，龍蝦伊面一夾就斷，圖一就係南乳粗䶒煲，伙記一拎黎，南乳粗齋煲！，我同老闆講話唔係南乳齋煲黎，老闆話係黎嫁啦！四味垃圾埋單6百幾 仲有比網友睇過啲相，非常中肯啲評價！第一，南乳齋煲一睇就知道d菜白灼完再調翻個爛鬼芡上煲，第二，梅菜扣肉係唔可以用菜墊底因為會出水，同埋好明顯果d只喺半肥瘦豬肉，皮沒炸肉沒扣，完全唔係扣肉最多只喺梅菜悶豬肉，第三，聖子唔夠鍋氣同過曬龍出曬水，掛芡亦都失准成灘水。