雲南桂林過橋米線

营业中

休息中

圖片有一個酸辣小鍋米線 然後用括號寫左（腩肉 豬紅 炸腐竹） 你會以為呢個小鍋米線係本身一個餐入面包左3樣野 跟住我加左一個餸$9 但原黎唔係 係每一個餸都計錢 而職員姐姐唔會提醒咁樣係逐個計錢 落左呢個餐 出左一張飛仔顯示 我先發現錯左 職員已經唔俾改單 話一出飛仔就唔可以改 👏🏻👏🏻買個教訓 佢個圖片真係好誤導人地 而且落單時候職員唔會講呢個唔係套餐 係單點既 我一個人食買4餸硬食 我理解能力問題就算 冇理由佢入完飛仔 都未煮就唔俾改單…..

#旺角#雲南桂林過橋米線朋友想食米線，問旺角有邊間好食+唔使排隊，乾淨企理嘅舖頭？又唔可以太貴喎，理論上不存在嘅舖頭，其實係有嘅🫶🏻呢間廿年老店，得益於大家冇乜留意，次次去都唔使排隊。我叫咗腩肉+豬頸肉+萵筍小窩米線，小辣。湯底濃郁，多肉碎。腩肉逆紋薄切，入味好食。豬頸肉相對較一般，上次嘅大腸好食啲。朋友叫咗金湯酸菜魚米線，佢話好食，叫我下次試吓。小食叫咗細份蒜泥白肉+海蜇頭。蒜泥白肉捲着青瓜條，精緻不肥膩。海蜇頭好爽脆，黑醋夠香，好食又抵食。兩人埋單一百幾，單以米線嚟講，香港小店絕對好過大陸嘅化學元素。

雲南桂林過橋米線，位於旺角砵蘭街183號地舖。 之前食過好多次🍜， 覺得幾好味。     ▫️豬大腸、雞翼、魚皮餃酸辣小鍋米線$60 ～ 湯底酸酸辣辣好開胃， 豬大腸軟腍好味。 ▫️腩肉、墨魚角、酸辣小鍋米線$51 ～ 腩肉醃得好入味， 墨魚角彈牙， 米線口感煙韌。 ▫️凍檸茶$7 ～ 小鍋米線配凍檸茶好清爽。 ▫️凍豆漿$8 ～ 凍豆漿的豆味偏淡，雪得太凍。喜歡雲南桂林過橋米線的湯底， 酸酸辣辣好岩我口味。 🏷️溫馨提示～ 整個用餐體驗均屬個人分享意見， 只作參考😊。

隔一段時間就想食下米線，酸酸辣辣諗起都令人口水增加，胃口大開。餐牌上有好多種類型選擇，有小鍋米線、熱/涼拌米線、麻辣拌米線、小鍋紅薯粉、重慶酸辣薯粉。🍜小鍋米線+蘿蔔+辣腩肉（小辣）$49端上小鍋米線，那種酸酸微微氣味充斥味蕓，令人食指大動。蘿蔔清甜無渣，好正！辣腩肉更加有驚喜，入味之餘肉質唔會韌，腩肉肥瘦均勻爽口帶少少辣非常惹味。🍜小鍋米線+蘿蔔+豬大腸+冬菇（小辣）$58冬菇非常好味，又入味又腍，原來同米線都幾夾，豬大腸都好入味。店舖內細小，但食客一枱接一枱，經常坐滿人，旺中帶靜唔會喧嘩嘈吵。

因為之前喺附近返工，所以成日都會幫襯呢間舖頭，覺得個湯底材料米線味道方面都十分出色！不過今日重遊故地，相同嘅材料同埋湯底發覺變化真係好大🤢🤢🤢酸辣湯底有浸打邊爐嗰浸肥油嘅味道😵‍💫好多油好恐怖🙀都十分之難頂🤮完全想嘔嘅感覺🤡其實係咪轉咗廚房？？價錢都尚算合理，冇加好多價$$$不過見佢多咗好多小食可以選擇，係一個非常好嘅嘗試！環境冇咩變，人手多咗，反而招呼你嘅速度慢咗😵仲有個姐姐好似費事睬你咁🤧

好中意食米線既我, 呢間係我至愛之一平日lunch時間都多人等位, 但佢地點方便, 係朗豪坊行過黎都係2分鐘店員個個都好好笑容又有禮貌我每次黎到必定嗌小窩米線，唔太食得辣既我會嗌少少辣，加埋腩肉好好味😋而D米線彈牙，唔會煮到過腍或過硬，湯底好夠味，性價比👍🏻👍🏻👍🏻👍🏻👍🏻

我一直都超鍾意食米線，特別係有好多酸菜炸醬那種。喺米線關注組見過有人讚呢間雲南米線店，今晚就同老公嚟試吓先！.佢個裝潢俾我感覺似重新裝修過，帶點新潮的裝修，牆身、座椅都幾型，唔似一般米線舖嘅經典裝修。.我哋叫咗2碗米線，各有2款餸，大家share嚟食😋.我唔係太食得辣，所以叫咗小小辣。餸菜有蘿蔔及豬爽肉。落單後好快就上菜👍🏻 雖然我叫咗小小辣，但對我嚟講都幾辣😆 好彩我都食到，係好惹味的！碗底有好多酸菜、芽菜及肉碎，超正！而米線的麵質係彈牙得嚟，唔會過淋或過硬，真係煮到啱啱好！而蘿蔔有2大舊，好難得又清甜又無渣！好好食😋而豬爽肉份量好多！亦煮得好好味，口感真係好爽口，我老公大讚有驚喜。.而我老公嗰碗係小辣，有腩肉及豬大腸呢2款餸。腩肉係辣中帶甜，似用甜嘅醬汁醃過，我反而好驚喜，因為我覺得又甜又辣好好食😍而豬大腸亦大讚，因為佢煮到爽口，唔會好韌要𡁻好耐。.好開心又搵到間好食嘅米線！以後都可以再嚟encore試埋其他餸🤤

如果你想抵食又好味又飽肚嘅話呢間絕對係不二之選！！佢位於朗豪坊後邊嗰條街，要搵佢絕對唔難👍🏻餐廳內的左手就係非常之雲南米線餐廳嘅感覺，入邊服務員嘅態度都幾有善，係你落單嘅時候都會笑臉迎人👍🏻今次我嗌咗一個自選菜式，豬軟骨加雞絲嘅小窩米線！小窩米線本身嘅配料已經好足夠，當然如果你對入邊嘅材料有敏感嘅話你記得要走左佢唔好要！佢嘅豬軟骨都夠林食落去個口感係唔錯嘅！至於雞絲方面就係普普通通嘅雞絲，但係可能由於湯底嘅原因令到成個米線嘅感覺都好好食！有興趣嘅話可以去試吓👍🏻👍🏻👍🏻

下雨天總掛念從前，今次重拾記憶中的味道。記得10幾廿年前，香港有好多間米線舖都叫做「雲南桂林過橋米線」，黃底藍字好搶眼。 後來陸陸續續改為雲桂香，招牌顏色都改埋。今次去咗碩果僅存嘅旺角店（好似仲有一間喺尖沙咀，不過OpenRice評語一般）。腩肉+大腸+螺旋藻 小窩米線 小辣。湯底濃而不鹹，經典的石蔭米線系列味道，腩肉度薄切，肥瘦適中，微甜，直程和石蔭米線一樣。大腸厚肉，較為煙韌。螺旋藻正常無特別。大碗盛裝，食到見底，湯都飲埋，難得過咗半日都唔口渴。作為石蔭米線嘅支持者，好開心搵到一間味道相若、位置方便嘅小店😃

好耐無食佢, 今日來食, 要左小鍋紅薯粉加大腸羅白豬紅同螺旋藻, 要左小小酸辣, 加$要熱奶茶, 等左一陣飲品先到, 由於是食飯時間, 所以都幾多人, 再一回碗粉也送到, 先飲啖湯, 我覺得酸味比較多, 辣味無乜, 但味道也可以😅再食薯粉, 唔會太淋, 都ok😋再食豬紅大腸都ok, 螺旋藻如果見到有, 我都會叫, 食落比海帶好, 感覺有益d😍, 羅白反而麻麻地, 我覺得煮得唔夠淋唔夠入湯的味道, 食落麻麻地, 份量都足夠, 之後唔會太口渴, 算係敢, 之後飲埋杯奶茶, 雖然凍左, 但茶同奶的比較也ok, 好似比一些茶餐廳更好😋👍

我又嚟食旺角呢間雲南桂林過橋米線啦！呢次我仲係揀咗腩肉小鍋米線呢間餐廳嘅酸辣小鍋米線湯底真係好正，層次感好豐富，一入口就有香氣迎面撲嚟。而腩肉就更加冇得頂啦，我每次嚟都一定要點返佢。佢哋嘅腩肉片真係一絕！甜辣入味，每啖食落去都好滿足。肥肉同瘦肉嘅比例剛剛好，唔會太肥膩。我已經食咗好多年嘅腩肉，而呢間餐廳嘅係我至愛店鋪唔算大，每次嚟都好多客。不過服務好迅速，上菜速度好快。而且價錢都好親民，真係好抵食。服務態度中規中矩，無特別出眾，但都算幾好。

我去旺角買鞋嗰陣，發現咗一間米線老店，見門口食品相都有興趣，所以決定入去試吓。我本身好鍾意食酸辣米線，呢度就嗌咗一碗猪頸肉酸辣粉。我要話，呢碗酸辣粉真係幾正湯底酸酸辣辣，啖啖都食得出味道，真係好開胃。而且猪頸肉好嫩滑，咬落去有嚼勁又帶豬肉香味。講返餐廳嘅環境，位置唔大，座位唔多，但坐起來都算比較舒適餐廳整潔乾淨，氣氛都幾舒服。啲阿姐態度都唔錯，算有禮貌，令人感到受到尊重。下次我一定會再黎試試佢哋嘅小鍋米線，睇下會唔會再有驚喜

我同朋友去旺角逛街，又黎食呢間雲南米線。下午茶時間，我哋唔想食得太飽，所以一齊叫咗一碗小鍋米線同一份炸水餃嘅小食share。小鍋米線裡面有腩肉同芥蘭，真係好好味。米線煮得剛剛好，有彈牙嘅口感，加埋香嫩多汁嘅腩肉同綠綠嘅芥蘭，味道好鮮。啲腩肉軟熟入味，令米線更加香濃，而芥蘭嘅清新苦味，平衡咗整個味道，令人食得好滿足。至於炸水餃，呢度用咗韭菜豬肉嘅餡料。水餃炸得金黃酥脆，一口咬落去，韭菜嘅香味同豬肉嘅鮮甜，真係好搭配。餡料豐富，每一口都咬到韭菜嘅鮮脆口感，好過癮。雖然喺下午茶時間，但店裡面客人依然好多，可以睇得出佢嘅人氣

我同朋友約咗去旺角食雲南桂林過橋米線，今次我地揀咗滷大腸酸辣粉、口水雞同蒜泥白肉。不過要講返，口水雞就比較普通啲滷大腸酸辣粉呢個真係叫人驚艷。薯粉煮得好彈牙，入口即化。滷大腸切片放喺上面，滷汁入味，好好味。加埋啲酸辣調味，增添咗一份清新嘅風味，令人胃口大開口水雞就相對來講比較普通啦。雞肉煮得軟熟，口感唔錯，但係味道就冇咩特別之處。雖然有啲微微辣味同香味，但整體嚟講冇咁突出。如果你對於口水雞有啲期望嘅話，可能會覺得呢款係一般般至於蒜泥白肉，真係好好食。白肉切成薄片，肉質鮮嫩，搭配上蒜泥醬汁，味道鮮美又清爽。蒜泥醬汁有啲辣辣嘅味道，同埋微微咸香，同白肉配合得好啱口。呢款真係係我最愛嘅

我朋友推薦咗一間好正嘅米線老店俾我，就喺旺角嘅砵蘭街，離朗豪坊都幾近嘅位置。今次特登嚟旺角逛街，當然唔可以錯過呢間餐廳啦！我就揀咗酸辣小鍋米線小辣，同埋店員推薦嘅招牌腩肉，仲加埋墨魚丸同生菜。腩肉嘅味道真係好正，甜辣好味道。而且小鍋米線上面仲有新鮮嘅芫茜，我就話要走芫茜咁樣。湯底嘅層次感好豐富，有香味飄出嚟，真係好開胃雖然呢間餐廳嘅店鋪冇咁大，但係坐落得好舒服。我去嘅時間係下午茶時間，但係餐廳嘅客人都好多，好熱鬧。最正嘅係，小鍋米線嘅價錢都算好平，真係好抵食！呢間旺角嘅米線老店真係好正，位置方便，味道出色。如果你係米線愛好者，一定要嚟試下佢哋嘅酸辣小鍋米線同招牌腩肉，一定唔會失望！