雲桂香米線專門店

营业中

休息中

呢日做完gym, 唔算好飽又想有啲嘢落肚, 就去咗雲桂香快食個米線醫下肚本身諗住要個過橋米線share, 但望住啲餸見雲桂米線啲餸好似豐富啲又多啲肉, 就轉咗軚上到枱果然豐富, 配料有腩肉、雞絲、魚肉春捲、龍蝦卷、雲耳、腐竹、冬菇腩肉有少少辣, 但平時唔食開辣如我都食到, 幾惹味另外仲有少少酸菜會浸咗落啲湯度, 所以等於成個米線湯底都有啲酸酸哋, 夠晒開胃唔係特別肚餓的話, 其實兩個人share食都夠飽另外我哋仲叫咗個豬頸肉, 有配個甜甜哋嘅醬, 都係唔太辣 好食

如題目，環境衛生先唔好講住 大家有去過都見識過，啲走廊又窄又污糟，埲牆仲要濕笠笠。跟住經常性拖住啲污糟碗喺條走廊行。但係今日唔係講衛生。明明啲位就重有好多，眼見吉枱都有四五張。但係死都要你坐佢指定嘅位，硬係要逼你埋牆角坐，跟住仲要黑面。OK嘅，你有公司規矩。咁我覺得唔舒服梗係走㗎啦，仲要皺眉頭，正到呢😂😂打份工啫，何苦呢？阿姐。一直都覺得打評論要200字先比到dislike 好煩，你差又唔係啲乜嘢新鮮事。

啲牛肉硬到咬唔開，豬潤淥得太熟，縮晒水，粒墨魚丸完全冇溫度，唯一值可以放落口係杯凍檸茶我問可唔可以煮過碗，佢話唔得，咁我加錢轉肥牛兩粒墨魚，一粒咬開咗另一粒俾返佢，佢幫我再錄過

一直係沙田返工 經常都會食呢間平時外賣錯漏百出 10次9次錯走芽菜會變左芽菜係個送走酸無走 所有辣水準飄忽有時好辣一時完全冇辣都唔緊要，都好包容 今日嗌外賣 因為每一次都錯漏百出，所以會再三提醒 希望盡量減少出錯 有位同事都聽到熟晒 會有禮貌地覆單但今日9月5有位接電話嘅同事不單止冇覆單 佢冇覆，但我提多佢兩次佢就大聲鬧我 話我講咗10幾次 唔肯定嘅就落去對單我lunch time叫得外賣 就預咗時間去攞 如果係攞嗰一刻先見到錯，我咪又要再等咁其實不如佢哋cut咗電話落單呢個功能啦完全唔明嗰位員工，點解唔喺電話度覆我單？佢仲要只係覆我走肉碎，走芽菜 但係冇覆到我米爽 簡單嚟講覆一啲唔覆一啲 咁我再差三提醒，佢都係一件好正常嘅事估唔到咁樣俾佢鬧仲話廚房做錯嘢 唔關佢事 佢只係負責落單 佢控制唔到廚房有冇做錯嘢 咁樣都得嘅咩？之後我就取消咗呢張單 以後都唔會食呢間嘢

坐低嘅時候隔黎檯兩個女仔，一個已經食完一半，佢朋友個碗都未到，催左兩次都係繼續等我自己個h碗就等左20分鐘先上，同隔黎檯女仔差唔多時候上，我諗佢起碼等左30分鐘😅😅等都算了，個薯粉真係好難食，好奇怪嘅口感作為一個薯粉愛好者，我真係冇食過咁難食嘅薯粉，連杯麵即食薯粉都好味啲叫左小小辣但係太辣唔酸平時食開辣嘅朋友都話起碼係中辣😓薯粉完全唔入味好難形容個個薯粉奇怪嘅口感😓😓😓😓以後都唔會再食

雖然沙田嘅呢間雲桂香經常都傳出一啲有關衛生嘅問題，例如有人見到米奇老鼠，但因為實在太好味，我都係會扮見唔到呢啲新聞繼續去食嘅今日食小窩米線叫小辣，有時候叫小辣呢個湯底就夠晒濃，好好味不過今日就一般，湯底有啲稀，唔夠辣

雲桂香一直以來都係我最鍾意嘅米線舖基本上我大部份時間嚟都係食小辣走酸～佢哋嘅湯底本身已經酸酸地真係好好味這碗小辣生菜雞絲的雲南米線給人的第一印象非常清新。雲南米線的麵條爽滑有嚼勁，搭配著新鮮的生菜和嫩滑的雞絲，讓口感更加豐富。小辣的辣度剛好，不會過於辣口，但也能帶來一點微辣的風味，為整個湯頭增添了一絲刺激感。而湯頭本身的酸味恰到好處，讓人回味無窮。整體而言，這碗小辣生菜雞絲的雲南米線將辣味、酸味和新鮮的食材完美結合在一起，味道清新爽口，讓人食指大動。如果你喜歡酸辣口味，這絕對是一道不容錯過的美食享受。

今日入到沙田行下當然都會係沙田搵野食，其實呢間就唔駛搵印象中都開左好多年又想食米線今次就揀左呢間食，等左約5分鐘有位。之後就揀左小鍋米線唔辣，豬紅豬肚雞絲米線，熱檸檬茶。整餐要67蚊。米線方面都ok既。豬紅食落去都少少爽口少少彈，所以口感算ok既。豬大腸就普通d有少少林，口感還好吧。雞絲份量ok味道正常不過不失。因為叫左唔辣，所以對辣就無評語了。熱檸檬茶就無特別，正常茶記茶底。反而等米線就等左25分鐘先到，耐左少少。。總結黎講。整體正常，始終係其他米線店之外既選舉之一。

好耐無食過酸辣粉又好耐無去過雲貴香，所以今日lunch去食食。點了個重慶酸辣紅薯粉，三餸、中大辣。上菜後立即渴了一口湯試試那種重慶口味。咪住，啖湯咁淡嘅？又唔酸又唔辣，係一啲辣都無。我再望一望點菜紙係唔係我叫錯咗唔辣，點菜紙真係寫住中大辣喎。於是我問店員姐姐係咪攪錯咗。姐姐諗都唔使諗就同我講，「不如我比麻辣醬你自己加啦！我拎返入廚房都係加麻辣醬比你架咋！」呢句說話令我記憶返返黎。原來我咁耐無黎係因為上次碗粉都係無辣味要自己加。是但啦自己加就自己加啦！廢事拎入廚房比人加料。但我前後加咗6匙麻辣醬都唔辣，無錯，係6匙。就算我幾食得辣都無可能6匙麻辣醬都唔辣！算！再加都唔係原本嗰件事。唯有再三提醒自己，「唔好再黎呢間了」。我真係唔知係我問題定咩雲貴香口味港式化咗。總之我面前呢碗唔係酸辣粉。anyways, 唔會再有下次。

香港人不嬲都鍾意食酸辣米線，快靚正之餘，價錢親民，每次都一定會嗌小鍋米線，佢個麻辣做得好好食！而且湯底夠熱，上枱嘅時候陣陣熱煙😙 order咗腩肉同埋雞絲，腩肉份量適中，雞絲就非常入味！

有陣時餐廳食物質素如何好食，最終被黑面（個樣仇人咁掘住你，唔知得罪咗佢啲乜）收銀一下bad feeling,即刻唔想再幫襯，但補充番，入面其他職員態度正常，除咗個黑面神收銀。

呢間雲南小鍋米線係我最愛嘅食堂之一，佢有好多款唔同送嘅選擇，而我最鍾意嘅係啖啖肉嘅雲吞。今日好好彩，等咗一張枱就可以入座，以往都起碼要排五六張！不過排隊食好嘢是常識吧！平時成日眼闊肚窄，今日就收斂啲淨係叫單餸小窩米線，不過今次挑戰中辣成功！相信食多幾次中辣，下次可以再升級食大辣！佢嘅雲吞好多肉，咬落去總有肉汁唧出嚟，而且仲有啲菜喺入面，令到成件事冇咁油膩。米線同濃濃嘅中辣湯底好夾，米線充分咁吸左濃湯，加埋蔥花芫荽韭菜，香氣四溢，食完一啖再一啖！

好耐冇嚟雲桂香 又要食返好彈牙同足料嘅紅薯粉 湯底仲係好濃1. 豬頸肉紅薯粉 啲肉好有質感 索咗啲湯底 更加正2. 通菜撈紅薯粉 撈粉好多配菜 抵食又飽肚3. 炸蝦卷 好有味又唔油膩

My boyfriend suddenly wanted to have rice noodles for dinner, so we headed to the nearby Yugu Noodles in Sha Tin.Roasted Pork Jowl 秘制豬頸肉 8/10 ⭐️Served hot with crispy skin. Well combination with the Thai sweet chilli sauce. Very savoury but it became dry pretty fast.Chongqing Sour & Spicy Noodles 重慶酸辣粉 7/10 ⭐️There were many topping options, I chose daikon radish, pork intestines and Chinese lettuce. The radish pieces were tender and sweet. Pork intestines were soft but chewy, and very flavourful.

初三要搵食🫢唔算多選擇下午4點左右去到雲桂香要等一等先有位新年期間收加一🙇🏼‍♂️🙇🏼‍♂️重慶麻酸辣小辣水晶粉配雞絲&豬扒$56，湯都夠辣唔算好酸，配料都算多，雞絲份量都多但肉質麻麻地，好老，豬扒都係麻麻地，食米線豬扒真係唔可以亂叫，真係冇幾多間係得既，唔厚，好乾身，唔掂🙇🏼‍♂️🙇🏼‍♂️港式米線中辣配紫菜&墨魚頭$53，中辣唔算好辣，個湯食食下有另一間大品牌既感覺🫢🫢好飲唔錯。紫菜算少，冇乜特別🤷🏻‍♂️墨魚頭都算多，又有墨魚鬚，有口感都幾正👍🏻總結：一般既米線，醫肚就算。冇要求就得。