影片
营业时间
今日营业
11:30 - 21:00
星期一至六
11:30 - 21:00
星期日
全日休息
公众假期
11:30 - 21:00
公众假期前夕
11:30 - 21:00
以上资料只供参考，请与餐厅确认详情
相关文章
今日鋪米線癮又嚟啦，經過尖沙咀見到呢間米線舖好吸引就入去試吓，點知好有驚喜！🍴 手打牛丸、魚肉春卷、豬頸肉重慶酸辣米線 ($73) + 雞絲、冬菇、蘿蔔清湯小鍋米線 ($59) ⭐️⭐️⭐️⭐️我叫咗個重慶酸辣湯底，酸酸辣辣好開胃，夾埋彈牙嘅米線真係好易就清晒一碗！餸就揀咗幾款多人推介嘅，牛丸、魚肉春卷都好好食。但講到最推薦都係豬頸肉，好香口而且外邊炸到脆脆地，真係食到唔夠喉！朋友就嗌咗個清湯，睇返招牌寫住所有湯底都係慢火熬煮六個鐘，難怪都讚個湯底夠鮮！佢都覺得全部餸比得好足料，尤其讚個蘿蔔好鮮甜。🍴 生炸泰式雞翼 ($36) + 生菜 ($16) + 凍檸茶 (+$8) + 凍奶茶 (+$8) ⭐️⭐️⭐️⭐️外皮炸到好脆，入面肉汁仲保持到，必食之選！生菜正常水準，食完辣野食d菜係正確嘅選擇。值得一提嘅係杯奶茶，因為係老闆娘親身去學沖奶茶，而且係用幾種茶葉沖製，係正宗茶餐廳嘅奶茶，所以係必叫！.............................. 雲香園小鍋米線地址📍:尖沙咀漆咸圍1-3號多福大廈地下B號舖總評分: 8.4/10 .............................. 味道😋: ⭐️⭐️⭐️⭐️💫環境👀: ⭐️⭐️⭐️⭐️服務👨🏻🍳: ⭐️⭐️⭐️⭐️衛生🧹: ⭐️⭐️⭐️⭐️抵食💰: ⭐️⭐️⭐️⭐️💫
继续阅读
聽聞尖沙咀有間米線湯底新鮮熬煮6小時老板親身學沖奶茶，每杯奶茶都溝幾款茶葉沖製，地道茶餐廳奶茶超鍾意飲奶茶既我今日就同好友去試下雲香園米線 $65 呢款啱晒選擇困難既我已經有豬肉碎、台灣腸、冬菇、雞絲、雞翼、魚肉春卷、螺旋草＆腐竹湯底酸小辣～夠酸啱我口味～飲左半碗都唔口渴少米線～欣賞佢可以揀爽D配料仲可以走芽菜、韮菜、葱＆芫茜米線比較幼身～口感煙韌唔易斷螺旋草、雞絲＆腐竹份量超多冬菇3粒好嫰滑入味台灣腸、雞翼、魚肉春卷每樣比左一件朋友飲品當然係美利奶茶王，少甜少冰茶同奶比例剛剛好～茶底香濃奶滑唔錯朋友要左雲吞熱拌米線 $48 BB辣 爽D 小米線配料：走酸菜、榨菜、花生熱朱古力仲可以揀濃啲熱拌都唔錯，醬汁幾惹味，雲吞餡幾清甜小食：秘製豬頸肉 $48份量十足，爽口彈牙，正手拍青瓜 $23蒜蓉超多好香，青瓜爽口解膩一流鋪面唔算大～基本上都坐滿餐牌都幾多選擇～店員好親切下次會想嚟試埋涼拌米線
继续阅读
香港米線關注組成員又出動啦🕵🏻♀️見到好多人介紹🤩作為數不盡「雲」字頭☁️米線鋪嘅其中一間，佢一啲都無失禮喎❤️🍲小鍋米線 $34湯底揀左麻酸辣中辣+$1，配料要左豬軟骨$11、豬紅$9，見個湯底顏色已經覺得好惹味，老板話湯底每日新鮮熬煮6小時🫕中辣唔會太辣，米線軟硬岩岩好，豬軟骨Q彈入味，豬紅入味🐷唔錯啊👍🏻🥘小鍋紅薯粉 $37揀左酸辣小辣、豬頸肉$18、雞絲$9，豬頸肉係呢度既招牌🔅有5、6件，豬頸肉食落爽脆同有燒烤香氣，雞絲份量都幾多亦唔會太柴，吸埋湯食更惹味😋湯底嘅酸同辣比例都好好🫰🏻，會比麻辣更開胃🤤🦑涼拌墨魚頭 $47必叫❣️份量好多，成座小山丘咁，墨魚頭大大粒好爽口，最重要係有大量蒜蓉🧄好香好惹味，就算口臭都要食😂🍳醬拌黃金皮蛋 $27黃金皮蛋係我至愛，皮蛋蛋黃呈半流心，配埋蒜蓉食好夾😘🧋凍美利奶茶王 +$8呢度既奶茶係用心之作，溝左幾款茶葉而成🍃係老闆特登去學，食完米線嘆番杯凍奶茶正😌overall:尖沙咀店堂食座位唔多，好多人買外賣，我地之前有食過外賣，覺得堂食質素好好多😆米線湯底惹味，小食出色，可以一戰
继续阅读
之前食過呢間覺得好好食，所以今日下午茶時間經過嘅時候，都決定入來食個early dinner，好彩呢到5:30pm都仲算下午茶，所以覺得本來已經抵食嘅就更加抵！今日我要左酸湯淨雲吞加魚腐，感覺冇咁飽，加埋酸辣開胃d，雲吞都有好多粒，好大隻，每隻都好飽滿。但靈魂都在湯底，因為係新鮮熬煮6小時嘅，所以特別入味。朋友話比較肚餓所以叫左酸辣小鍋米線，要BB辣所以辣度對香港人來說剛剛好。餸就要咗蘿蔔、豬潤同墨魚丸。豬潤都真係幾好食，值得推介。後來朋友話想加小食就要埋拌墨魚頭同醬拌皮蛋。兩個都有好多蒜蓉，雖然重口味但好好食！墨魚頭好爽口！飲品就要左熱檸檬菜蜜同凍豆漿，豆漿好濃郁
今日呢個時間冇咩人，相比上次dinnertime爆滿，今日可以同老闆多溝通，原來老闆仲親身學沖奶茶，每杯奶茶都溝幾款茶葉沖製，猶如正式茶餐廳奶茶，不過今日我以經飲左兩杯，所以下次先啦！
继续阅读
係尖沙咀附近搵食見到呢間米線咁多人就試一試。 款式太多實在唔知揀咩好 ，見到隔離嗰碗幾正就問下佢，佢介紹我食雲桂香招牌米線。雲香園米線有芽菜、 酸菜、 豬肉碎、 台灣腸、 冬菇、 雞絲、 雞翼、 魚肉春卷、 螺旋草、 腐竹，咩都有就揀佢。米線一上枱真係好足料，滿滿都係餸見唔到米線的，我揀左麻酸辣bb辣，辣度岩岩好，有辣的香味又唔會辣到要飲水，麻香十足，每一啖都要連湯一齊食，冬菇吸哂湯汁超級好食，雞絲同螺旋草都好吸湯，雞翼超大隻又滷得入味，超滿足。見到舖頭介紹湯底新鮮熬煮6小時，果然係真材實料。其間見到老板同熟客傾計仲話親身去學沖奶茶 、 每杯奶茶都用幾款茶葉沖製 , 叫左一杯試下，真係好港式茶餐廳的奶茶，茶味香濃，啖啖香滑。
继续阅读