五匠六釜

营业中

休息中

要做得 #價錢親民，又要 #控制成本 同 #食物質素，今時今日嘅老闆真係唔容易🤪 所以我都支持留港消費，等啲小店長做長有😚 呢晚藉着朋友仔嘅介紹，我哋一行六人嚟到位於 #Airside 頂樓嘅 #京川滬餐廳「五匠六釜」試吓佢哋嘅手勢😚都係我大意，竟然冇留意餐廳嘅用膳時間只有90分鐘😅 好彩店員體諒，將我哋入座時間稍為推遲🙏🏼 呢晚係其中兩個朋友仔嘅生日，當然要食得好少少。我哋嗌咗五個主菜加兩個甜品，真係夠晒豐富🤩🐟酸菜魚 - 魚片夠鮮嫩，酸菜湯辣辣地，都幾惹味🤤 不過湯底唔夠熱，可以煮熱啲先拎出嚟會更加好☺️🐟松子魚 - 配上酸酸甜甜嘅醬汁，淋喺酥脆嘅魚柳上面，啖啖肉，味道有驚喜🤩🪿北京填鴨 - 鴨肉同麼麼皮都比較乾身，不過份量都唔少，可以一試☺️🐮孜然大蔥牛肉 - 雖然唔係我鍾意嘅口味，不過對於鍾意孜然味道嘅朋友，佢哋話味道唔錯😚🥬上湯娃娃菜 - 娃娃菜夠晒新鮮，放入上湯一齊煮，口味好清新☺️🍎拔絲地瓜、蘋果 - 呢兩個甜品，真心建議大家唔使試😅 冇諗過員工會擺低兩份地瓜、蘋果，再加兩盤冰水🧊 就叫我哋搞掂佢😅 雞手鴨腳嘅我哋，彈到成身都係水之餘，食物中黐埋一堆😅 糖漿唔夠多，冇咗冰糖脆

🥟🐓五匠六釜🫓🍗週末同朋友行啟德Airside商場, 其實都好多新餐廳，行到晚飯時間揀咗呢間喺6樓嘅京川滬菜🔸 北京填鴨(半）- $168, 外皮香脆，呈現出誘人的金黃色，皮膚光滑且略帶光澤，整體造型優雅，搭配新鮮既蔥段和薄餅，配搭經典。內部的鴨肉則鮮嫩多汁，肉質豐滿。鴨肉與皮之間的脂肪層恰到好處，保持了肉的鮮美與濕潤，層次感十足。🔸醉雞 - $78，醉雞件色澤金黃，表面光滑，淋上醃製既醉汁後更顯誘人，肉質鮮嫩，入口即化，酒香與醬油既味道非常夾，醃製後的雞肉吸收了多種香料既精華，濃郁而不膩。🔸 農家炒飯 $82 - 農家炒飯以當季蔬菜炒飯新鮮爽口，米飯恰到好處地炒至金黃，每粒米飯皆飽滿油亮，散發著隱約蛋香和蔬菜鮮味。這道菜吃起來不單滿足飽腹感，仲有豐富營養&溫暖家庭炒飯味道。🔸糖醋里脊 $88 - 色澤亮麗，黃金色里脊配以紅色酸甜汁，感覺食欲大增，另外配青椒菠蘿洋蔥等配菜令碟上色彩鮮艷。酸甜適中既味道唔會過於膩口，濃稠醬汁，爽脆配菜，軟腍肉塊，恰到好處Airside 商場既餐廳選擇，呢間都算第一/二位了，晚市好多人，建議提早攞票☺️

餐廳位於啓德Airside商場六樓，星期五晚食客人頭湧湧，餐廳主打京川滬式料理，菜式款式多樣，價錢亦都幾下貼地，坐窗邊可見到夜景燈飾。肉三鮮餃餃子餡料飽滿，隻隻都脹卜卜，真做到皮薄餡靚，特別推薦肉三鮮餃，豬肉和蝦肉配搭和諧，食落味道好出，醬料有醋和辣醬可自己沾點。秘製牛奔麵牛腩炆得好腍又好入味，牛筋口感軟熟同時咬落有韌勁，麵係幼油麵，軟硬適中亦掛湯，配以兩條大白菜，性價比不錯。涼拌土豆絲土豆絲口感爽口，食落有魚露和麻油既香味，味道不錯既開胃菜。醉雞醉雞份量都唔少，食落都有鮮味，肉質鮮美，調味剛剛好，有淡淡既酒香味和甜味。脆炸鮮奶有得揀即上或叫起，炸鮮奶外層酥脆香口，內裹既鮮奶饀甘香純厚，有濃郁既奶香味，外脆內軟，層次感十足。

同一大班朋友去慶祝生日，嚟咗Airside搵食，因為晚上冇得訂位，勁多人排隊，攞飛等咗一小時入座，人多就叫咗全隻北京填鴨，熱辣辣上枱要立即食！唔錯！再點個酸菜魚，味道可以再燶D會更好，較為啖口，叫埋黃金蝦，勁香鹹蛋黃味，會有薯仔做底！螞蟻上樹正常味道！回鍋肉同醉雞都好味！估唔到個京蔥羊勁正，有驚喜，皮薄餡多👍整體用餐滿意！仲可以帶蛋糕到店食，不會另外收費👍

好耐冇食中菜！今日去Airside，見到呢間上海菜好多人排隊，一於湊熱鬧試吓😂 等咗一陣先有位坐，打開餐牌，估唔到價錢非常經濟實惠喎，唔怪得咁多人等位👍我哋兩個人眼闊肚窄，嗌咗好多嘢食！ 先食雞絲粉皮，作為一個前菜佢份量都唔少。麻醬味道稍為偏酸，粉皮口感唔錯，雞絲同青瓜絲份量都多。之後到乾煸四季豆，大大碟，味道香濃，少少辣，幾惹味！呢個竟然係送飯一流嘅選擇！主菜片皮鴨等咗一陣先出現，呢度幾好喎，可以叫米隻片皮鴨，兩個人食都OK。片皮鴨皮同肉嘅比例幾好，同埋醬料幾好食😋最後最後仲有泡椒蝦球，依家都幾辣，好好食！我鍾意勁重蒜味，如果佢蒜味再勁啲就好啦😂食到勁飽，每人都唔使$300，好抵！

今天我和太太到啟德Airside 的五匠六釜享用晚餐。這間餐廳以其精緻的港式料理而聞名，讓我們充滿期待。我們點了幾道招牌菜：北京填鴨半隻包一份摩摩皮、肉三鲜餃配湯麵和西米椰汁流心球。首先上桌的是北京填鴨，外皮酥脆，肉質鮮嫩，搭配特製的摩摩皮，簡直是天作之合。每一口都讓人感受到濃郁的風味，讓我們忍不住多吃幾塊。接著是肉三鲜餃配湯麵，餃子鮮美多汁，湯麵的湯底清爽可口，讓整道菜色更加豐富。特別是餃子中的三種肉餡，口感層次分明，讓人一口接一口。最後，我們點了西米椰汁流心球作為甜品。這道甜品外脆內嫩，椰汁的香氣與西米的Q彈口感完美結合，流心的驚喜更是讓人驚喜連連。整體來說，五匠六釜的用餐體驗非常愉快，環境舒適，服務也很周到。這裡的美食讓我們流連忘返，未來一定會再來光顧。

到左剛開張嘅Sogo購物後，晚餐就在附近搵食，經過呢度見有間#五匠六釜，都多人食就係度開餐囉。✅醉雞，雞皮香滑爽口，肉是脾位故很嫩滑，酒味香濃，夠冰凉係前菜首選。✅羊肉水餃🥟，喜歡食羊肉，見有餃子便嘗試吓，都唔錯啊。✅担担麵，麵上有花生肉鬆，味道調教得唔錯，麵條爽彈。✅螞蟻上樹，炒得乾身，份量又多很抵食呀。餐廳有推出特飲的#鴨屎香檸檬茶，下次黎都要品嘗一下。#九龍城 #醉雞 #担担麵 #羊肉餃#美味 #美食分享 #香港

呢排見好多人介紹呢間五匠六釜既片皮鴨，贊性價比高，所以就同一班朋友黎試下，整體性價比都高，份量真係大份，特別係片皮鴨同雲吞雞，質素都唔錯，不過就比碟睇menu 相好吸引，上菜時好大落差既蝦王蛙蛙菜累咗事😕我哋五個人叫咗半隻片皮鴨、半隻雲吞雞、蝦王蛙蛙菜同埋一個魚皮前菜，四個菜合埋大約$500蚊，好夠食，片皮鴨既鴨肉同麵粉皮比起出面好多都更足份量片皮鴨嘅鴨肉香味十足，份量又多，配搭嘅麵粉皮煙韌，有種好香嘅麵粉味，食落真係好滿足😋至於雲吞雞，湯夠濃味，雞肉厚實滑嫩，飲落去一啖啖都好滿足！🍜唯一失望嘅係蝦王蛙蛙菜，雖然貴過普通高湯/火腿，但份量就唔獨足，蝦得個3隻，而且好唔新鮮，唔大隻，食落去有啲肉質好玫，好似擺左好耐咁，仲有啲黑黑地，蝦腸亦都大條，我哋最後只好食啲菜。😕如果唔係個菜，成餐我地都食得好開心，希望餐廳可以重視下呢道菜既問題，真心扣左好多分

星期日大約兩點入座，唔需要等。 店舖裝修 幾靚，又有落地大玻璃窗，景色開揚，室內光線充足光猛💯。我哋揀咗圓枱四位，三大一細，有少少逼夾，因為本身張枱唔係大，👀但望到出面街景，所以冇所謂啦。我哋點咗 牛肉麵，紅油抄手， 麻辣魚皮， 擔擔麵， 飲杯嘢飲，再加甜品炸鮮奶。 最令我印象深刻係會飲品 ， 超級 大size🤩，兩個人飲都ok😲。食物質素都幾好，個擔擔麵落足料，湯底夠 厚滑，花生味醬濃鬱， 麵質彈牙，魚皮幾清爽又唔油膩。 同埋每碟食品嘅份量都比一般食肆多或者大30%💖， 一定食得飽，四個人，食咗400蚊， 喺呢個商場我覺得性價比屬於高✨️ 。如果去開啟德站，我會再嚟食。

啟德Airside超抵食的東北菜餐廳🤤💕😍🦥👏🏻性價比極高，每一晚都大排長龍，超抵食，價錢超抵！份量大大份！👍🏻👍🏻👍🏻👍🏻👍🏻經濟實惠之實力派！北京填鴨，差不多每一台都有叫，半隻都只是$168，真的超抵食！而且份量也很足料！配搭摩摩皮，夾着青瓜和京蔥，沾上少少醬汁，夾住一起吃很爽！必叫！👍🏻秘製牛奔麵 ，麵類當中這款有牛的麵，份量超級大碗足！滿滿的牛腩肉和牛筋舖滿了整碗麵，真的很抵食！好足料！好誇張！只係$58！大癲！🤤手拍青瓜，餐廳有很多東北菜的涼拌小食，不吃辣的可以點這款青瓜，酸酸地非常開胃，青瓜非常爽口！隆重介紹餐廳新推出的飲品，鴨屎香檸檬茶，超級大杯！有700毫升的份量，用上了超大的玻璃杯裝着非常香味撲鼻的鴨屎香檸檬茶！只需要$28！好癲！

「五匠六釜」每次經過都很多人在門外等候，朋友難得可以提早放工，我們就齊齊去試試。餐廳食物選擇蠻多，包括：開胃涼菜、手工餃子、廚師推薦、飯麵點、甜品，還有推出多款特飲，連鴨屎香檸檬茶都有得飲添！肉三鮮餡料滿滿，內裡有豬肉、韭菜、蝦仁，味道彼為豐富。糖醋魚片魚片外皮略厚，內部魚肉仍可保持鮮嫩，味道酸酸甜甜，份外讓人開胃。家常餅外皮香脆，內部柔軟，味道較為淡。四川擔擔麵擔擔麵煮得剛剛好，帶有微辣的感覺。脆炸鮮奶酥脆可口，鮮奶的甜，不會過於甜膩。

位於啟德Airsaide 既京川滬菜 「五匠六釜」。晚市座無虛席，晚上七時左右外面等位嘅人數已經人頭湧湧，我們大約等了20分鐘可以入座😚 店內座位寬敞，裝修光明簡潔，特別適合一家大小和朋友相聚晚餐。🐓醉雞 ($78)雞肉嫩滑，酒香味非常濃郁，雞肉吸收濃濃酒香味，口感不錯。🐑京燒羊肉 ($138)羊肉膻嫩，皮炸得金黃脆口 ，配合帶有微辣的酸醋汁，口感非常豐富。🐂秘製牛奔麵 ($58)牛腩鮮嫩多汁，牛筋則爽滑彈牙。唯獨麵條略顯淋漓，湯底雖然濃郁，但量偏少，導致麵條迅速吸收了湯汁，使整碗的口感變得較為乾燥。🍋鴨屎香檸檬茶 ($28）超巨型的一杯鴨屎香檸檬茶，可選擇少甜，少冰或走冰等等。檸檬茶底香濃，不過檸檬可能太多導致檸檬茶偏酸。溫馨提示，呢間「五匠六釜」餸菜份量都偏多，無論是前菜還是主食，餐廳出菜速度也很迅速，建議可以適量地落單，不夠的話再添加，以免浪費食物✨

Airside真係好地方 商場好闊落 又pet friendly🐶好多狗狗行街 感覺好chill呢～😙收工去左呢到食野五匠六釜呢間都幾多人幫襯 中式野真係永遠有捧場客而且價錢十分親民😛北京填鴨（半隻）跟一份摩摩皮約20塊皮好薄 而且暖笠笠🤪佢片到d鴨肉細細塊 好易入口 配合甜醬同青瓜 一d都唔滯蝦蛋炒飯飯粒粒都沾上金黃色有蝦粒 好彈牙🤓麻婆豆腐豆腐好滑 混合紅油同肉碎咸辣香十足 送飯食一流呀😎回鍋肉看似普通家常小菜但辣辣地既椰菜同五花腩肉 格外合襯好好惹味😏千層醬豬耳豬耳十分彈牙醃過後更加好味 加埋蒜蓉味道同紅蘿蔔絲口感一流😚

❤️‍🔥 = 極力推介的單品✌️白菜豬肉餃子 $48脆炸鮮奶 $32農家炒飯 $82茄子炒鴨架 $90❤️‍🔥Zero $12🔸呢間AIRSIDE中菜館俾我嘅感覺係親民而且價錢合理，最驚喜係茄子炒鴨架，呢道菜就比較特別，茄子吸晒鴨架嘅油香，味道濃郁😚鴨架因為係一整隻，其實食落係仲係好多肉，味道恰到好處，茄子煮得軟淋淋，配飯一流😎🔸白菜豬肉餃子係另推介嘅菜式。餃子皮薄餡靚，白菜同豬肉嘅比例啱啱好，唔會太油膩；至於脆炸鮮奶外層炸得香脆，裡面嘅鮮奶滑溜溜，口感豐富🔸農家炒飯方面份量足夠兩至三個人分享，仲可要求多飯，炒飯粒粒分明，味道香濃

家庭聚餐，咁岩見到airside有間東北菜多like就試吓。諗住睇吓人地啲食評叫餸，點知俾負評嚇一驚，見啲人講到圖文並茂(詳情自己睇Openrice🤫)，就開始打定輸數…我地今次4個人叫左1️⃣醉雞2️⃣雞絲粉皮3️⃣京燒羊肉4️⃣肉三鮮餃子5️⃣黃金南瓜6️⃣蝦蛋炒飯7️⃣脆炸鮮奶醉雞 - HKD 78滑嫰味濃！最緊要係隻雞有肉，又好入味。成個菜好開胃，唔會好似出面啲餐廳，雞骨多過肉😋😋😋雞絲粉皮 - HKD 68粉皮份量好足，雞絲份量好少🥹醬都俾得夠多，調味稍微酸口😋😋 京燒羊肉 - HKD 138好香好軟🐑羊肉一啲都唔騷，個面燒到脆卜卜，呢個都是值得推介既菜式。肉入面仲有少少肉汁，食完個口是無渣既😋😋😋😋肉三鮮餃子 - HKD 50小編非常之喜歡食餃子，但係見到啲食評講一般，所以略為擔心🫣但黎得東北菜館唔係唔叫餃子下話？！皮唔會太厚，入面仲有湯汁，成個餃子就係好食，值得推介囉😋😋😋😋黃金南瓜 - HKD 82廚師先將南瓜裹上脆漿炸脆🎃脆皮沾滿咸蛋黃醬，係想像得到嘅好食😋😋😋😋題外話是小編當年食過味黃金山藥就更癲💛🧡❤️蝦蛋炒飯 - HKD 82每一粒炒飯都係均勻嘅金黃色，帶輕微既焦香，入口乾爽！呢個飯都係又一