井茶

营业中

休息中

我同我媽媽講要叫井茶我媽媽已立即說不要叫唔好食。我話俾多次機會佢啦。食完真係才明白什麼叫做不聽媽媽言吃虧在眼前。我真心覺得佢啲野好難食。我哋叫了黃金脆皮蝦球，黑椒牛仔骨。黃金脆皮蝦球只蝦細到嚇死人根本上就食麵粉。黑椒牛仔骨又肥又唔好食。如果唔係肚餓真係想兩碟嘢倒落垃圾桶就算。而且兩碟餸的價錢一點都不便宜。完全唔值這個價錢。我真心希望這間餐廳要認真檢討。不要收貴價錢但係比劣質食物。我真係好希望佢哋餐廳的廚師和管理層會看到這個食評而且會認真檢討。

收工已經有點餓，同事建議醫左肚先，午餐都未有時間好好食，挨到收工當然要即刻慰勞吓自己嘅肚子。精選晚餐套餐:🌟#是日餐湯青紅蘿蔔粉葛湯，味道尚可。🌟#豬頸肉炒菜心豬頸肉炒得有點乾身，火喉控制一般。菜心鮮甜，整體口感不錯，味道不過不失。🌟#土魷蒸肉餅肉質鮮嫩，配搭土魷十分香口，清淡下飯，不錯。🌟#餐飲熱檸茶普通，正常。以屋村價錢而言，不算親民，附近獨市生意，拎算多人幫襯。人手不算多，上菜慢少少。

好日都唔落去食堂式，落左一個午餐，兩個蕃茄濃湯米粉，開頭已經一錯，嚟左個忌廉米粉，然後 第一個職員過黎，我叫佢check 下價錢有冇變動，好似濃湯渣差五蚊，如果冇就由佢吧！（好心唔好做），跟住有個第二個人過來，無端端話係我地改左單,我叫佢地小心啲講嘅，係你哋自己廚房出錯，我地諗住費事煩唔好浪費食物，先至由佢！然後佢話佢同事講錯野,之後無端端囉左我張單，換個一張單俾我地，一睇張單嚇一嚇，以為佢減左差價 點知張單重貴過頭先，明明一個午餐變兩個，無端端加幾個外賣盒錢，有亂咁加加奶油豬，加出前一丁錢,痴線架，之後喪鬧完一輪，對唔住都唔講句，俾番之前張單我地就算，零服務態度，以後餓死都永不幫襯!!!大家去食小心啲睇下張單先俾錢.

星期日落街吃了下午茶，井茶炒粉麵都好有鑊氣，但我喜歡的是港式下午茶中雞脾沙律！炸雞脾沒有好厚粉，雞皮又脆又薄，雞油已經迫出，所以炸雞脾落口一點都不肥膩。沙律是傳統青瓜，薯仔，紅蘿白，菠蘿，加上大量沙律醬。雖然好肥，但真的好美味，邪惡！黃金磚當然就是西多士！井茶西多士好厚好鬆軟，喜歡外面蛋香，中間鬆鬆軟軟口感，很輕盈有花生醬在中間，配上蜜糖甜甜的，就是港式獨有甜品！選了特別咖啡紅豆冰， 紅豆很大粒夠軟身不錯！咖啡香濃不過甜，亦可以下單提出少甜或濃味。好喜歡！但有一點注意，製作時間比較長，可能要追單問題。今日都等很久才到我的飲品，而且遲過我落單的比我們快到食物。

【屯門區】【井茶】屯門好多好嘢食，不過佢哋分得太散，而且唔係個個屋苑商場有非集團嘅餐廳，有時去到都唔知去邊度搵嘢食好。唔知點解呢個問題只會發生喺元屯天，明明周圍都係嘢食，但係總係提唔起勁走入去食，好似樣樣都唔啱心水。本身喺其他區域嘅話，我嘅做法係求其掟自己去該區嘅一個地方，然後再喺嗰個地方度努力發掘特別嘢，再寫畀大家睇。因此有時會出現一啲喺某位讀者嘅屋企樓下出現嘅攪笑情況，就係咁先生活化同寫到貼地資訊畀大家。好似今次我係喺屯門泳池落車，行咗去豐景園嗰邊，之後又想去龍門居嗰邊，行行吓又唔知點解去咗兆禧，好似冇路揀咁嘅。最後喺悅湖山莊商場見到都幾多嘢食，不過嗰啲一係就大牌檔，一係就外賣小食，唔係太過啱我。見到呢間「井茶」初初以為係啲飲工業廢水嘅茶飲店，點知原來係茶餐廳嚟，咁就入去隊個下午茶啦，佢分咗唔同種類嘅，我想食「深海吉列魚柳」系列，咁就用 $42 叫個「原條吉列魚柳」配「漢堡扒炒牛乳滑蛋」嘅套餐。啲嘢食普普通通，冇想像中咁特別，個炒滑蛋都 okay。個餐仲有「多士」半件，都係正正常常咁。反而杯「熱奶茶」唔錯，夠香濃又幼滑，估佢唔到。有少少獨市生意嘅情況之下呢個餐收 $42 唔算貴，冇

悦湖山莊有好多特色小店,今日又唔想出街食早餐,就係井茶買一份早餐回家慢慢享用.餐牌上有好多選擇,有歐陸式早餐,三文治餐和傳統港式早餐.我就叫左沙茶牛肉麵+抄蛋+火腿+牛油方包+阿華田.多數的餐廳只會供應沙嗲牛肉麵,呢間有沙茶牛肉麵,覺得幾特別.牛肉都算多.但個沙茶汁太鹹,勁難食,好失望.炒蛋好滑,又有蛋汁,可惜份量不多.火腿煎得香口.新鮮嘅麵包,塗上牛油,放入炒蛋和火腿,就變成腿蛋治,這個是我最喜歡吃的方式.阿華田唔會太甜,啱曬我.

服務態度超級惡劣，特別係個男老闆!!! (我估佢應該係老闆或者經理) ，啲嘢難食，仲話做街坊生意但係又加上咁惡劣嘅服務態度，一定唔會再有下次。 永久 blacklist。 一定唔會推薦畀啲 friend ，除非想線啲 friend。 貼錢買難受 。其實想比零分，一粒星都唔想畀佢，但係可惜冇呢個選擇，被迫只可以揀一粒星。如果可以揀，真係會俾零粒星做 rating!!! Very poor service with a very bad attitude, especially the male manager who is very rude and impolite. Not recommended this cafe to anyone unless you want to revenge on your "friends". Want to give a ZERO star for the rating, unfortunately there is no such option and I have to give a 1 star for the rating.

我就知好多人對呢間嘢嘅評價就麻麻哋，不過呢因為方便我都成日去食嘅。今日呢我就嚟到食早餐，咁就叫咗個肉丁米啦、腸仔蛋多士同埋凍齋啡。值得一讚嘅係佢嘅米粉呢係用幼身嘅米粉，容易啲掛湯，又軟身啲。坊間好多茶餐廳米粉呢都係用好粗嗰啲，食落呢好影響口感㗎。而另一方面呢喺佢嘅腸仔亦都係出色㗎喎，嗰層皮煎到有少少脆但係又唔窿喎。嘢飲方面就純粹提神啦。不過呢佢衛生方面就真係差少少，應該係塊抹布嘅關係啦，張枱清潔完都仲係有浸味嘅，自己去食嘢就自己清潔下啦。

一來超無禮貌！二來電話叫左3個餐外賣，落到去可以落左2個餐加3杯野飲單，白痴。唔係第一次，之前又漏依樣漏果樣。啲雞扒炸到好似炭咁都可以比人獨市生意就好似大晒咁。貼錢買難受！

剛剛開業，食早餐蕃茄豬扒米粉，一塊完正豬扒上,好好食，十分juicy ,過左一年都冇已經,偷工減料到一個點，果塊豬扒擺明中間切口左一半，剩返骨，價錢唔平，求求奇奇交貸，超過份，打落去電話長期無人聽!一粒聲星都唔想比劣評

環境！地下又濕，冷氣唔凍食物！雙蛋好似琴晚煎定咁，杯凍鴛鴦淡茂茂，唔會再有下次。垃圾級別，好難再做街坊生意，應該好快轉場，真心一定推介唔好去，除非線朋友，冇嘢好講。永久bad list包括所有分店

喺屋企附近開左一間新嘅茶餐廳，新裝修，座位舒服，光線充足，趁今日放假，走入去試一個港式早餐。餐牌上的早餐，有很多選擇，有健康麥皮餐，歐陸式早餐，三文治餐，傳統港式早餐等等......我同老公都揀咗個A餐，沙茶牛肉面(當然係加錢轉出前一丁), 另一款就係仿鮑片通粉。一份配腸仔煎太陽蛋，另一份配腸仔炒滑蛋，再配飲品。呢嗰沙茶牛肉出前一丁麵，好足料，沙茶味好濃，牛肉都唔少，而且都幾大塊。仿鮑片通粉湯底都幾夠味，亦唔會感覺好水。價錢大眾化，可以做長期顧客了。

朝頭早8:40到井茶食早餐A餐$36要咗沙茶牛肉意粉、腸仔炒蛋、原本有牛油方包半件，加$3改為要香脆奶油豬半件，飲熱奶茶沙茶牛肉意粉沙茶味香濃，牛肉肉質靚，意粉份量有多以牛肉質素來講，近排我喺呢度食過三間餐廳，一間就係鮮牛肉，一間就係沙嗲牛肉，兩間都唔好食，今餐嘅沙茶牛肉最出色。炒蛋味道都OK，不過唔係好滑個款。腸仔個心中間凍㗎加咗$3嘅香脆奶油豬第一啖邊位就脆，跟住咬得好攰，係屬於煙硬嗰款麵包。熱奶茶第一啖覺得好飲及香滑，跟住個口就會感到好鞋，都係有少少鞋口鞋脷。

食完覺得好好， 要寫個comment個例湯好好味， 好少會飲曬成碗央走有啡味， 奶都好滑另外， 食左牛脷飯， 牛脷好厚好淋， 又有茶，值得留good comment如果係學生買外賣， 仲有得減5蚊tim🤣 可惜我無校服著😆😆

今次經過悅湖順便買晚飯兜左一個圈都搵唔到心水食肆咁岩睇到依間新開既井茶（因為太耐冇黎，所以覺得佢係新開）試左佢既咸魚雞粒炒飯（外賣）就算難食都係一次亦都冇太大期望試炒野都可以睇下間茶餐廳既功架當我食第一啖既時候我好黯然又好興奮因為我太耐未食過有點功架既炒飯佢炒得還要好過某些多分店既酒樓起碼佢炒得似樣別忘記我是叫了外賣溫度雖然流逝但仍然嚐到殘餘既鑊氣第二晚點的晚飯外賣係土魷蒸肉餅特意咁去了悅湖一趟目的想試出這是我心目中的飯堂嗎？回家打開嚐了一口這不就是老的味道嗎？是古早的味道想起了自己兒時回憶另外肉餅不帶馬蹄，土魷不吝嗇這點加了許多分數總結：1.無論炒，蒸，食物味道質素控制好。2.餐牌多樣化選擇，這點好重要，特別對於「無飯家庭」來說是綠洲3.員工好態度，在這高壓的城市中，保持到咁既態度係抵讚