亞谷特蘭州牛肉麵

营业中

休息中

這家亞谷特蘭州牛肉麵的A.蘭州傳統牛肉麵真是太棒了！選了清湯，湯頭清爽，讓牛肉的鮮味更加突出，讓我一口接一口停不下來！🍜😍牛肉麵的配料也非常豐富，包括金牛展、雞蛋、白蘿蔔、蒜苗和香菜，讓整碗麵更加美味，每一口都充滿驚喜！🥩🥚✨麵質非常不錯，彈性十足，搭配上湯頭和配料，簡直就是完美的搭配！👍🍲另外，甜品牛奶醪糟只需$28，味道甘甜可口，口感滑順，真的是一個完美的結尾！🥛🍚整體來說，這裡的牛肉麵和甜品都讓我感到非常滿意，無論是味道還是性價比都很高，強烈推薦給喜愛麵食的朋友們！❤️🍽️餐廳的環境也很舒適，服務人員熱情友好，讓我每次用餐都感到賓至如歸，期待下次再來！🌟😊

2個人放低左小朋友去學野就去搵食，見到食評好多人話好食同正宗，岩岩去完澳洲心思思想食下，點知一個字，不知所謂😂😂😂擔擔麵我冇食過，但老婆話正常不過唔會再回頭。主力講翻我食過既野，先講個麵個蘭洲牛肉麵就有隻滷蛋，幾塊牛腱，份量正常。但個麵食落去起好笑，麵有麵自己，湯有湯自己，辣有辣自己，完完全全係分開晒，個感覺好癲，最重要係好難食！隻蛋就普通滷蛋，無comment。個麵偏淋，個湯無味，食落去同正宗兩隻字差好遠。仲有幾片蘿蔔唔記得講，細細片，又係keep住個standard，完全無味👍🏻唔會再黎，唔值得黎，唔會試埋其他野究竟有幾多打手

特點係有多款不同粗度嘅麵揀，今次冇食牛，食羊。串燒羊肉餐3串，雞翼大隻，飲品2杯可揀啤酒，$105。餃子皮比較厚，肉細，無咩羊味。担担麵，好咪，個麵好靚，唔硬又唔淋，又夠大份。個醪醩蛋奶就一般。紅桃木羊肉串係有限供，下次一定要試。

本人蘭州人老闆在上環開店時就幫襯過一次，只記得沒什麼味道，很快就關店了。過了一段時間發現搬到天后，社交平台也有各種好評，甚至說後廚也全部換了甘肅人，某日便千里迢迢從九龍來嘗試。點了招牌牛肉麵套餐和羊肉牛肉麵總體外表看大概六七分，主要的問題在於1）湯不夠味，太水，且湯不夠熱只是溫的2）由於湯不夠味造成面吃起來只有鹼味3）滷蛋由於湯不夠熱也完全是冷的並且煮了很久的很硬羊肉串更差強人意，不夠熱，且羊肉不太新鮮，放了一會吃就更膻了，失望應該不會再幫襯了

呢間小店疫情期間開幕，冇堂食期間我都幫襯過外賣幾次，外賣都覺得好好食。而家有堂食，我間中都會黎食晚飯，基本上需要到天后獨自用膳我就會黎。小店老板娘好溫柔好nice, 有兩次我夜晚9點幾10點搵野食，臨閂門都會招呼我，食物都保持水準，絕對唔會趕收工。今晚我叫左酸菜牛肉麵，超濃金湯，微酸既酸菜，店主拿手。既牛𦟌，完美。食過一次之後，次次都想再叫。酸菜魚麵$98就略貴，未捨得食，有日食厭左牛肉麵就再戰啦。希望小店可以長做。

見呢度有位又想食羊肉餃，誤打誤撞就去試試。老闆同員工都係蘭州人，滿心歡喜想落單羊肉餃，點知個店員話無羊肉返，心情一沉，唯有睇下menu有咩係有手指公。發現呢度手工麵好似好勁，同埋發現原來蘭州對麵條好講究：毛細，細麵，二細，三角，韭葉，寬麵。真係睇到一頭霧水，以為韭葉係韭菜，店員話其實係麵嘅粗幼度。哈，漲知識 Yea！大盤雞皮帶麵係拌麵，因為手工麵關係，上枱後店員會好細心用較剪剪幾下方便我地食用。大盤雞個觀感有d似薯仔炆雞，但醬汁係微辣同惹味，有D似港式黑椒汁，雞件唔係嫰個種，薯仔洋蔥入晒味，手工麵始終係精萃，爽口彈牙有靭度，讚！翠玉瓜雞蛋水餃無左羊餃就試另一款，因為餡料無肉只有翠玉瓜同蛋，水份較多所以唔紮實，但調味唔錯

呢間小店位處天后面向理論上應該車水馬龍嘅英皇道，但係好可惜嘅係實際上嗰度人流唔會太多，所以都冇乜人講呢間舖頭嘅牛肉麵。今日食過其實係幾好食，你話要同內地傳統牛肉麵比就冇得比㗎啦，但係喺香港嘅水準嚟講佢都算係OK，$68你話平就一定唔係平但係亦都唔係話太貴，好可惜嘅係佢個牛肉麵嘅配料入邊係有一隻唔知滷蛋定係鐵蛋，咬落去比較硬，應該係來貨，而唔係自己整，嗰度扣咗少少分，但係食落起碼湯夠熱個面都係幾OK

來過這里兩次，環境乾淨，不會很擁擠第一次嘗試了蘭州牛肉麵，要了毛細，拉麵師傅的水平已是不錯，麵條勁道，雖然細度仍可更細。裡面的牛展絲毫不腥，入味好食😋，湯裡還煨了一個滷蛋，更是令人驚喜。第二次嘗試了外賣胡同兒炸醬麵肉餡粒粒分明，還有不碎的香菇粒和豆腐小塊，比例完美，加入醬汁後很香！蒜苗和香菜相得益彰，比牛肉麵還好吃！！！麵條十分勁道！這個細度是細的，還附贈一碗牛肉湯，清爽透亮，吃得十分舒服😌總體：非常讚！是在外的蘭州人緩和對家鄉思念的解藥

又去試新野。星期六既lunch hour, 大概有5-6枱客。我直接坐低，睇佢menu見酸菜魚係推介菜色。襯lunch 有得平啲就試一試。餐廳裝修簡約乾淨。特別一提，餐廳最入面有一張圓枱可以坐到大概10個人。等咗大概10分鐘，熱辣辣嘅酸菜魚鬍鬚麵（$98）就上枱喇。魚片大概有9至10片，都唔少。魚片食得出係新鮮，冇腥味，煮嘅時間啱啱好，唔會太生亦都唔會太熟散修修。第一次食鬍鬚面，粗度大概係比拉麵幼少少嘅粗度。如果下次再食就會揀再幼啲麵，可以吸多啲湯。呢度嘅麵係新鮮拉嘅。質地爽滑。至於個湯底，佢有好多酸菜，啱晒我口味。而且佢呢個湯都好濃郁，色澤金黃。果然係推介菜式。如果大家想配飲品，好似要加$10-12先有。我就慳返啲錢冇叫喇。總體嚟講，佢價錢略貴，但食材屬高質。一分錢一分貨。

拉面味道难吃，食材可能不好，吃了之后感觉很不舒服，有一种想吐的感觉。非常失望。羊肉串感觉不太像羊肉，没有羊肉味，也没肉味，也不知道是什么肉做的，难吃。总的感觉就是食材劣质，导致难吃。68 一碗面只有几块牛肉，牛肉像是腐肉的味道，非常不值。内地人开的，把内地的食品安全问题带来香港，质量真的不行。

哈哈哈哈，是這個店名好奇特，店名叫亞谷特蘭州牛肉拉麵，就在天后地鐵站A出口左轉，現場手工拉麵香港確實少見，吃起來口感確實不太一樣，煙煙韌韌，麵條分好多種，不是北方人我都看不懂麵條的名稱😅（圖片已放在⬆️），今天吃了酸菜魚龍須面，酸辣香濃，魚片滑溜，相當開胃，龍須面細細的，口感更輕盈，手工麵真心好吃，下次要選多麵底（免費的🌟）喜歡吃手工拉麵的都可以去冲一下，店里還有其他食物例如羊肉串牛肉湯麵等等

地道的蘭州牛肉麵的靈魂所在是其麵條和湯底這裡每一碗麵都是由二十年以上功底的拉麵師傅 現場製作！保留蘭州人對拉麵的那份講究和執著麵條更細分為韭菜、寬麵、蕎麥稜、毛細、細麵和二細。可隨個人喜好選擇！做出來的麵🍜爽滑彈口、風味十足！ 而湯底方面， 是新鮮牛骨配上２０多種植物香料煮成，不含味精🍲牛味濃郁 ，湯底鮮甜食麵前嘗一口湯 再來一口麵🍜一口麵再加一口軟嫩入味的純手工鮮牛腩，份量十足，都只是＄６８，是港島上班人的恩物～牛腩軟嫩入味，肥瘦相間一粒粒大牛腩 口感特別好！一碗＄６８的手拉牛肉麵內還有很多配料 包括白蘿蔔片、薑蒜汁、蒜苗 等而當中的清真調味品更是經過嚴格篩選 享受美食之餘，又食得健康！除了面食，小吃也不能錯過：【薑汁藕片】 $42—微辣，而且口感爽脆【青椒皮蛋】 $38—皮蛋配上特別調製辣汁，皮蛋控必試！而小食類 第一名，一定是新彊羊肉串—肉汁鮮甜 💁‍♀️ 非常惹味🙋‍♀️熟客必點之一飲品一定要試美人湯🍵 淡淡🌹玫瑰香 配合 🐮牛奶、蛋花和枸杞等養顏食材口感順滑飲後感覺整個人都容光煥發 🌟💁‍♂️ 傳統手工蘭州牛肉麵📌 天后站A1出口，步行30秒( 天后留仙街3號雅景樓地下B號舖 )

門面比較窄所以唔吸引，天后附近都比較多麵店選擇，呢間第一次試食，竟然有驚喜，叫咗兩碗蘭州牛肉麵，一碗係毛細麵大辣，一碗係二細麵中辣，個人喜歡就二細比較好食，佢嘅大辣都唔算太辣，適合返香港人口味，另外叫咗個金城涼麵，天氣熱食的確唔錯，呢個用咗韮菜麵，呢間啲麵條選擇比較多，想要粗幼任君選擇。再叫多個青椒皮蛋，無青椒味但就夠哂辣皮蛋仲要係糖心

見到手工拉麵立即入去試， 果然冇令我失望，彈牙煙韌即叫即做， 多款小菜選擇， 最估唔到嘅係甜品超級出色 ，服務員態度親切良好，室內環境光猛和衛生，唯獨湯底若然淡一點，下次經過會再食。

今日收工嚟到天后呢一間食蘭州牛肉麵嘅餐廳，餐廳位置距離地鐵站非常近，步行大概2分鐘就會到達，非常容易搵，食完亦都非常方便走！ 我哋今日大概係晚上7:30嘅時候到，餐廳差唔多都坐爆曬，好彩我哋都坐到最後一張枱，唔使排隊非常好，老闆娘亦非常貼心，一坐低就先為我哋拎上兩杯暖水餐廳係用QR code落單，非常方便！我哋叫咗兩碗面兩個小食同埋一份餃子，當然了介紹佢嘅傳統蘭州牛肉麵，我叫左韭葉面，佢係好似一個手工拌麵嘅粗幼度，食得出佢係手打嘅面，每一條都非常爽口，識落嘅口感亦都有煙煙韌韌嘅感覺，非常出色每一碗麵都有牛展，每一件都做得非常入味，入口亦都有爽爽地嘅口感，做得唔錯 羊肉串亦都燒得非常outstanding! 每一寸都熱辣辣再加埋佢嘅枚然粉，食落嘅口感，唔會話好辣，陣間可以令到羊嘅味道更加突出，我哋都幾鍾意食！最後推介下佢嘅羊肉餃子，每一粒肉汁都非常飽滿，食落口有豐富嘅羊肉味，點辣椒油食更加突出到餃子嘅鮮味 老闆娘亦都係咁走埋嚟問我哋會唔會太辣，非常貼心！下次有機會會再返嚟試佢唔同粗幼度嘅面！very good!