影片
付款方式
其他资料
无障碍设施
当面支付
以上资料只供参考，请与餐厅确认详情
今天，與一班車友前往深圳踩單車，回到上水已經7:30 ，好肚餓，去到就近的上水廣場睇吓有咩啱食，巴士總站側有升降機直上廣場5樓，見到呢間有闊落卡位，又唔使等位，即刻入去，店員第一時間推薦藥膳豬骨煲二人套餐給我們，表示原價要$400多元，現在做優惠只需$259，好抵食喎，即管試試；另外可以$49選三款特色小食。🍇 藥膳豬骨煲二人套餐 $259套餐包括豬骨煲、半隻亞參去骨海南雞、小食拼盤（鳳尾蝦春卷、香烤豬肉串、秘製魚餅各兩件）、馬拉盞炒通菜、飲品兩杯（可選除椰青外的飲品）豬骨煲好大煲，有五件大大件的豬骨，唯藥膳味道不濃郁；海南雞好滑嫩，正！ 呢個套餐足夠3人份，真心抵食👍🏻👍🏻🍇 小食拼盤（三併$49）叫了椰香芥央南洋麵包、斑斕咖央多士及鳳尾蝦（4件），當中斑斕咖央多士最香脆！
继续阅读
今日放假行街行到攰攰地，見下午茶時間到就想搵間嘢食個下午茶先。上到上水廣場5樓就見到有間阿參，有職員熱情喺門口介紹有下午茶，所以索性入去食返個下午茶先。間舖都幾大，但感覺環境整潔衛生，坐低我第一時間點咗鴨腿滲滲，不到10分鐘便上菜了。落餐時員工提示鴨腿有錫紙包方便成隻攞起，原隻食真的感覺很爽。員工見我們有小朋友還細心問我們需要碗及小茶更嗎？真的很專業。價錢$38包飲品真的值回票價，下次再試其他茶餐。
继续阅读
呢間食店係我最近試過嘅其中一間,真係幾有水準!首先,佢嘅班蘭多士（加映？）好味,外層脆脆香香,入口即化,超滿足。不管係牽住面包絲咬下去,定係用匙羹抹上側邊咁食,都好難抵擋佢嘅誘惑。作為一個主打多士嘅食店,佢可以話做到爐火純青。除左一樣，呀仔唔鐘意食整塊牛油。再來,佢嘅海南雞飯真係好飽滿,個雞肉嫩滑多汁,完全唔似有時會乾乾地雞飯。加上靚靚嘅雞油飯同番茄醬汁,整個組合好下飯又好開胃。沙律又新鮮脆口,好似一啖咬落就感覺特別清爽。至於雞湯麵,湯頭味道濃郁,軟滑Q彈嘅麵條好配佢。雖然麵底有少少太多油,但雞肉好鮮甜,湯汁好入味,都唔算太bad。
继续阅读
平日走去食下午茶，唔算太多人，叫左2份餐，$48海南雞飯只得幾件雞胸肉，配油飯和熱班蘭咖啡都是暖的，又苦又冇咖啡味。另外$46咖喱豬扒撈麵都唔熱，共有3小塊豬扒和2舊薯仔，咖哩味微辣。加$3配杯薄荷特飲味道ok！員工的服務態度尚可，座位比較寬敞，如無其他選擇不妨去一次😌
继续阅读
第一次去上水行街，周圍睇吓有咩食，結果經過亞參雞飯門口，我睇咗一陣餐牌，諗住睇吓有咩食，餐廳員工就出嚟問我地比較鍾意食啲咩我哋就講咗咖喱同埋想飲奶茶，然之後員工好詳細同好詳盡地每一樣都介紹俾我哋聽，我相信呢一個行為唔係每一間餐廳都會做到，出邊嗰啲餐廳你啱食就食唔啱食就走人，我對呢位員工超加分，我見佢個名牌叫小燕有IC英文，佢幫我哋發辦嘅嘢食真係好好食，最開心係享受到個服務，希望貴集團好好表揚這位員工
继续阅读