亞參雞飯 (上水廣場)

营业中

休息中

今天，與一班車友前往深圳踩單車，回到上水已經7:30 ，好肚餓，去到就近的上水廣場睇吓有咩啱食，巴士總站側有升降機直上廣場5樓，見到呢間有闊落卡位，又唔使等位，即刻入去，店員第一時間推薦藥膳豬骨煲二人套餐給我們，表示原價要$400多元，現在做優惠只需$259，好抵食喎，即管試試；另外可以$49選三款特色小食。🍇 藥膳豬骨煲二人套餐 $259套餐包括豬骨煲、半隻亞參去骨海南雞、小食拼盤（鳳尾蝦春卷、香烤豬肉串、秘製魚餅各兩件）、馬拉盞炒通菜、飲品兩杯（可選除椰青外的飲品）豬骨煲好大煲，有五件大大件的豬骨，唯藥膳味道不濃郁；海南雞好滑嫩，正！ 呢個套餐足夠3人份，真心抵食👍🏻👍🏻🍇 小食拼盤（三併$49）叫了椰香芥央南洋麵包、斑斕咖央多士及鳳尾蝦（4件），當中斑斕咖央多士最香脆！

今日放假行街行到攰攰地，見下午茶時間到就想搵間嘢食個下午茶先。上到上水廣場5樓就見到有間阿參，有職員熱情喺門口介紹有下午茶，所以索性入去食返個下午茶先。間舖都幾大，但感覺環境整潔衛生，坐低我第一時間點咗鴨腿滲滲，不到10分鐘便上菜了。落餐時員工提示鴨腿有錫紙包方便成隻攞起，原隻食真的感覺很爽。員工見我們有小朋友還細心問我們需要碗及小茶更嗎？真的很專業。價錢$38包飲品真的值回票價，下次再試其他茶餐。

呢間食店係我最近試過嘅其中一間,真係幾有水準!首先,佢嘅班蘭多士（加映？）好味,外層脆脆香香,入口即化,超滿足。不管係牽住面包絲咬下去,定係用匙羹抹上側邊咁食,都好難抵擋佢嘅誘惑。作為一個主打多士嘅食店,佢可以話做到爐火純青。除左一樣，呀仔唔鐘意食整塊牛油。再來,佢嘅海南雞飯真係好飽滿,個雞肉嫩滑多汁,完全唔似有時會乾乾地雞飯。加上靚靚嘅雞油飯同番茄醬汁,整個組合好下飯又好開胃。沙律又新鮮脆口,好似一啖咬落就感覺特別清爽。至於雞湯麵,湯頭味道濃郁,軟滑Q彈嘅麵條好配佢。雖然麵底有少少太多油,但雞肉好鮮甜,湯汁好入味,都唔算太bad。

平日走去食下午茶，唔算太多人，叫左2份餐，$48海南雞飯只得幾件雞胸肉，配油飯和熱班蘭咖啡都是暖的，又苦又冇咖啡味。另外$46咖喱豬扒撈麵都唔熱，共有3小塊豬扒和2舊薯仔，咖哩味微辣。加$3配杯薄荷特飲味道ok！員工的服務態度尚可，座位比較寬敞，如無其他選擇不妨去一次😌

第一次去上水行街，周圍睇吓有咩食，結果經過亞參雞飯門口，我睇咗一陣餐牌，諗住睇吓有咩食，餐廳員工就出嚟問我地比較鍾意食啲咩我哋就講咗咖喱同埋想飲奶茶，然之後員工好詳細同好詳盡地每一樣都介紹俾我哋聽，我相信呢一個行為唔係每一間餐廳都會做到，出邊嗰啲餐廳你啱食就食唔啱食就走人，我對呢位員工超加分，我見佢個名牌叫小燕有IC英文，佢幫我哋發辦嘅嘢食真係好好食，最開心係享受到個服務，希望貴集團好好表揚這位員工

星期二下午茶去左呢間亞參, 啲服務好唔得, 去到門口時已經冇人理,企左2,3分鐘都冇人問我幾多位,似透明的,於是自己行入去搵位坐, 坐低睇左陣餐牌都冇人理冇人問點咩餐, 個個好似好忙甘, 見到枱面原來有QR 落單, 唔怪之得冇人理啦, 自助落單後都係冇人埋過來, 算, 叫個男侍應比杯水吖唔該, 佢望一望我就行左去, 一直都冇比. 究竟係水要錢定唔想比都講聲吖,眼超超就行左去, 見佢行路送餐好似玩飄移甘費事再叫佢, 一陣一杯水車埋來仲衰, 餐到, 送餐果個又係好古怪, 唔出聲就甘掉低即走, 佩服! 點左個咖哩豬飯, 都OK嘅啲野食,杯熱奶茶都幾好飲, 不過隻杯細左啲, 唔係好夠飲, 到我走喇都未有水囉, 埋單仲搞笑, 問我比咩, 我話8達通, 叫我自助比錢, 真係9唔搭8全程都, 咩都自己來洗咩請服務員呀, 去茶餐廳啲阿姐仲好過你地, 仲話係集團式餐廳

嚟到食午餐，之前都食開海南雞肉骨茶等今次試吓佢個咖喱，叫咗個馬來咖喱雞飯咖喱汁其實OK嘅，唔太辣都有啲咖喱味，送飯其實唔錯但係啲雞呢全部都冇乜肉，入面俾兩舊雞胸肉，其他多數都係皮，雞都冇幾件，真心差

今日唔知食乜好，四圍睇吓，突然好想食海南雞飯，附近有間亞參雞，呢間未試過，就入去試一試海南雞飯，座位都算寬敞舒適！亞參雞去骨海南雞飯雞用咗三黃雞，再用秘制方法去浸煮隻雞至剛熟，令到肉質軟滑且保持肉汁鮮味；飯配以香茅、斑蘭葉、濃雞湯煮，米飯香滑軟糯，好好味😋套餐仲配有一碗冬瓜清雞湯，湯濃味清甜！新加坡喇沙米線送到時聞到好香濃嘅喇沙味，米線裡面有蝦、魚片、豆卜、雞蛋、芽菜和通菜，都好豐富；米線唔算稔，喇沙味濃，味道都唔錯。加咗一杯咖啡，但我唔喜歡加咗煉奶，覺得麻麻地，整體黎講，尚算滿意，但相比價錢就貴咗少少囉🤔

晚餐一人吃了近百，咖喱牛腩面味道很一般，加飲品十蚊，最主要是這輩子第一次在牛腩裡面吃到骨頭，一向不會給餐廳差評，這次真的忍不了，整間餐廳唯一的優點就是環境還不錯，可以稱得上金玉其外，敗絮其中。

今日下午喺屋企叫外賣，送到嚟之後打開見到盒咖喱牛腩飯收我$91 ，得嗰三舊薯仔同三舊牛腩汁都唔多，另外盒海南雞飯收我$99 ，得嗰¼隻雞多啲，收我咁貴咪俾啲咁嘅嘢我呀，以後永不錄用，大家千祈唔好再叫再食助長呢啲歪風，價錢就收得貴，但係出嚟嘅質素係唔成正比

我覺得係我食過最好食嘅海南雞飯佢嘅雞油飯定唔係淨係用雞油咁簡單用咗好獨特嘅香料同埋雞湯淆製以成反而覺得最出色嘅就係個雞油飯簡直係食兩碗都可以 海南雞就不過不失 保持水準同埋佢嘅咖央多士都十分之吸引唔會太油膩 一份自己都可以食得曬佢仲有個香脆嘅蝦春捲 試過一次都返唔到轉頭 咬落去香酥 鮮甜 好食過泰國店既虾春捲 估唔到 原來新加坡嘢 都真係幾好食 以前試過好多新加坡嘅海南雞飯我都覺得唔夠泰國嘅餐廳好食 但係阿參嘅海南雞飯真係零舍唔同

之前都有食過亞參雞飯，記得幾好食就入咗去食。叫咗下午茶套餐，輕盈豬扒撈麪（$46）。有得揀飯/麵，咁佢嘅面質係車仔面嘅油麪，側邊好貼心咁用匙羹裝住辣椒油，好似我咁怕辣嘅人可以自己揀落幾多，唔洗驚太辣，又唔洗特登問佢攞。叫得輕盈，以為份量會好細，本身都驚唔飽，面量同豬扒嘅份量都可以接受，同埋有幾舊薯仔。佢啲薯仔係偏硬，我個人幾鍾意呢種口感!!同埋叫咗杯凍馬來拉茶（+$3），同奶茶差唔多，但係有浸特別嘅茶葉味，建議少甜~

佢個海南雞飯幾好味，心思思又去食，佢做緊烤魚promo同埋經過見都幾多人叫，就叫埋試下～～ 明爐酸辣亞參🐟～～魚是什麼品種我唔識分😂，見佢炸脆外皮，而夾起無小骨，啖啖肉，配埋個酸辣湯幾好味。仲有叫左海南雞飯同喇沙米線既（好肚餓，忘記左影～我鍾意食佢個雞油飯）～ 仲有加配小吃➡️➡️➡️梗係邪惡多士啦

📍亞參雞飯呢間連鎖星馬餐廳相信大家都食過，今次就特登去試埋佢地分店限定既星馬小菜——明爐酸辣亞參魚🐠繼續睇落去啦😝【分店限定】🐠明爐酸辣亞參魚 $88 （特價）一黎到佢係用鐵盆，係客人面前再點火🔥佢係選用爐魚，肉質嫩滑，而且魚都幾大條下，足夠兩個人share食～配料都好足，有番茄🍅、秋葵、蒜、洋蔥、辣椒🌶️食落幾惹味，中和番油膩感😇個湯底酸酸辣辣，愈食愈開胃😆佢係套餐黎，所以仲會配埋碗白飯😙🐣亞參去骨海南雞飯 $89專食海南雞飯既餐廳又點少得海南雞飯，雞既分量幾多，差唔多有半隻雞而且有配3種醬汁😌食海南雞飯一定要配油飯食，完全係無得輸既組合👍🏻🐖馬來咖哩豬排飯 $78呢間既咖哩特別香，食落有微微既辣味～用黎配飯食就岩岩好啦🥰咖哩汁比較稠身，豬扒既分量都幾多，有大概5-6嚿；配料有薯仔、秋葵，整體都幾滿意🈵️🐷香烤豬肉串 $33一共有3串，烤得幾香，而且幾入味🤤佢有配秘製辣辣油，昇華咗豬肉串既味道🥳🦐鳳尾煆春卷 $29一共有4件，但略嫌有少少淋，似係炸定放係到，所以凍左少少🤏呢碟就比較普通，可以唔洗叫🫣⭐️好味指數：7.5/10

在上水亞参雞飯，食咖喱雞麵，叫左一個凍檸茶走甜，檸檬已經俾人篤過，因為我點的是走甜，送到另一台客人，客人篤完檸檬之後飲左一啖，發現俾錯佢走甜，侍應生便退回水吧，跟住就攞嚟俾我，沒有倒了杯凍檸茶，我飲左一啖才發現，假如上手有新冠病毒我就奶野了。我重新確認一下，所有客人的檸檬茶都係都係完整的四片檸檬，没有篤爛的！侍應質素真係非常差，管理又差。