亞參雞飯 (PopCorn 1)

营业中

休息中

在popcorn 搵癲拿，發現亞參雞推出新套餐。豬骨煲二人餐，有小食，有豬骨煲，有菜有飯仲有飲品，而且無加一。細算之下，比散點更便宜。心諗：你終於肯減價啦咩！一個套餐，不用諗，不用煩，可以解決選擇困難症，所以點這款。   至Shoik小食拼盤豬肉串    粉紅色的豬肉，味道似台灣香腸鳳尾蝦春卷     炸網結構的外皮包著發脹的蝦肉炸魚餅 泰國的風味香煎松板肉    豬頸肉配黑椒汁   馬來藥膳豬骨煲 煲仔直徑大，原來煲仔很淺身。煲裡有豆腐，有蒜頭，仲有四件豬骨，加熱之下，有利透出藥材的香氣。帶肉的豬骨煮到軟綿綿，用筷子就可以剔出豬肉。鹹香豬肉夾雜著油脂和筋位，粘粘立立，配白飯一流。  馬拉盞通菜 係BELACAN醬拌通菜。有辣味的蝦醬，是馬拉常見的調味料。飲品 主力點馬拉南洋特有的飲品馬來拉茶    冰塊溶後，奶茶變淡了南洋咖啡  就是那種特有香氣今次無加一，埋單二百几個大洋。

為食嘅馬騮B🐵前排發現亞蔘雞有個抵食二人套餐。是馬來藥膳豬骨煲為主打，可二選一款肉類，我點了豬頸肉，還包一款菜、小食併盤、2杯特飲、2碗白飯，份量非常充足，兩個人差D食唔晒，而且味道好有水準，優惠價盛惠$228，真心抵食👍❤️呢個豬骨煲份量十足，明爐上，大大舊腍身嘅豬骨，湯底與肉骨茶好相似，由於我地都鍾意肉骨茶，啜骨食肉飲埋成煲湯，好暖胃好滿足😋其他菜式份量恰到好處，呢個套餐三個人食都夠！鍾意肉骨茶嘅朋友值得一試！性價比味道環境服務

今次嗌左馬來咖喱豬扒撈麵、亞參去骨海南雞飯、馬拉拉茶（凍）、馬來班蘭咖央多士同鳳尾蝦春卷。佢套餐優惠小食都抵，$39蚊有兩款小食😋馬拉拉茶茶好飲，但個海南雞唔夠滑。職員都好主動幫忙👍🏻問佢拎多少少春卷醬，佢直頭比多一份醬我地😆

今日為大家介紹亞参雞飯！！ 係我最愛既下午茶餐廳！！ 通常星期日唔知食乜好就會黎左呢度食返個海南雞飯！！ 下午茶餐既雞飯比較細份，價錢係HKD$48包一杯熱飲！ 不過就係細細份反而可以叫下其他小食試下😆😆！！ 亞參雞飯既海南雞就算連最憎雞胸既我都唔會覺得抗拒！雞髀肉就唔駛多講！係超滑的！！！雞味都好足，唔會淡荗荗！個油飯🍚又係好香，但又唔會覺得好油膩！呢個雞飯係我喺香港心目中既TOP 5呀！非常推介太家去試下😋 下午茶餐仲有得加HKD$39揀兩份小食！ 我地就揀左班蘭咖央多士同埋鳳尾蝦春卷！咖央多士都係我十分推介既小食！！ 多士烘得好香脆！夾埋舊牛油度簡直係邪惡既美食😈😈😈 ！！ 至於鳳尾蝦春卷就覺得一般般，如果怕油膩既你地，就要慎選喇！因為咬落入面既餡料唔多，就好似食落一堆好脆好脆既春卷皮咁... 如果喜歡食香脆又唔怕油既食物，咁就應該接受到！！ 仲有，熱飲選擇方面都幾豐富！有羅漢果茶，薏米水等等！係幾有心思，都好適合養生既大家😆

試試香港連鎖星馬餐廳「亞參雞飯 」見到下午茶最平都係$38起 原來香港已經有18間分店 吸引我去試試（價錢餐牌可以睇返Openrice）.⭐️亞參去骨海南雞飯$89當然必試招牌去骨嫩滑海南雞飯👍🏻即使係雞胸位肉質都幾滑👍🏻油飯黃金粒粒分明👌🏻雞皮位置望落冇其他店咁金黃跟餐仲有無添加 冬瓜雞清湯 幾清涼🥰最重要係冇骨 份量都唔錯.⭐️斑蘭咖央多士$25新加坡餐廳必點 脆卜卜 咬開會爆碎.⭐️新加坡麥皮軟殼蝦 $88表面大量麥皮粒粒 炸到成隻都好香脆 係連蝦殼都食得.⭐️新加坡喇沙米線$83湯底幾濃郁 豆卜係重點 吸汁之後勁好食配料幾多 有蝦肉 魚片 半隻蛋 芽菜 通菜比較特別佢哋用左米線 口感幾爽彈.⭐️巴東牛肉$89肉質勁腍 帶有跟腱位 重印尼香料味😋.題外話 佢哋檸檬茶四片檸檬勁厚🥰.#hkfunfoodrecord窮遊香港#hkfunfoodrecord_將軍澳 .#亞參雞飯 地址：將軍澳PopCorn G05-06號舖.香港好多地方都有分店（九龍塘 九龍灣 旺角 荃灣 紅磡 大角咀 青衣 尖沙咀 將軍澳 康城 柴灣 太古 銅鑼灣 上環 上水 天水圍 元朗 屯門）.⭐️評分：味道：4/5環境：

今天和家人去商場行街. 有啲肚餓就在附近食嘢. 見到有間食海南雞飯的餐廳. 門口排晒長龍. 就去試一試. 值得一讚就是服務真好. 特別是呂小姐.我哋有老人家. 就問要唔要俾張凳俾老人家坐下先. 可能要等一等先有位. 非常窩心. 食物也好好味. 下次一定再來幫襯.

原來亚参都有炒麵食。我问啲服務員原来他們不係间间有，唔怪得了，我係九龍灣食好多次，可以話 我係他們忠實粉絲，裡到大间好多，服務員又有耐性答我问題，非常开心，炒蝦麵好食

今餐純粹係放工後跟同事晚飯，近近地就揀呢間。食完覺得味道沒有很驚艷，水準一般，未至於太伏的。亞參去骨海南雞飯 $89海南雞的雞肉還算滑溜，但是不夠入味，把它當成白切雞食，蘸點醬汁一齊食尚可，值得一讚的是碗油飯，不油膩，好有油香又煙韌軟糯。新加坡肉骨茶(配白飯) $83 轉油飯 +$5我比較鍾意中草藥及香料熬製而成的肉骨茶，那應該是馬來西亞那種，而這道新加坡的肉骨茶就比較偏向胡椒味，湯頭帶少少微辣，撈湯送湯都好味，排骨亦熬得幾軟淋。3款小食優惠價 $49跟餐可以優惠價選三款小食，特色秘製炸魚餅最好食，其他就一般。

今日去將軍澳辦証，見有時間去行下街.見到昨曰電視廣告有播亞參海南雞飯😄😄。于是走佐去看餐牌，到門口那女職員問我幾多位.我話1位.她帶我去坐低，用QRCode落單，落佐我最鍾意嘅海南雞飯。好食.服務態度都好.見到啲員工好忙，但係我問她們拿水都好快给到我，仲提我小心熱水 。

嗌咗個牛肉飯等咗差唔多半個鐘先有，唔吹你係唔會有，肯定成張單漏咗，而且個份量好少，得嗰幾件肉，我心到諗點樣餸飯？可能想你快啲走，嗰時都夜晚9:20左右，淨係見到佢哋搏命執嘢，抹枱，準備收工。然後見到有兩個女人入嚟，然後個女侍應都幾冇禮貌，對啲客講嘢都好大聲，就咁手指指，坐嗰邊啦，勁冇禮貌。收銀嗰個男人(戴眼鏡嗰個)，張枱勁冇禮貌喺度講last order,好似趕人走咁，我去俾錢嗰時，話俾八達通，勁冇禮貌話嗰個位拍得啦，我見到佢喺度埋緊數，淨係識得顧住埋數囉

“亞參雞飯”是太興旗下的一間南洋菜餐廳，主打的招牌菜標榜「尋覓99分海南雞飯」。現有18間分店遍佈港九各區，而我今天光顧這家將軍澳店是在2021年5月進駐將軍澳POPCORN正式營業。分店裝潢令人眼前一亮，餐房與商場通道感覺上就像混為一體，是開放式設計，沒有門窗及玻璃隔擋視線，令餐房更為寬敞悠閒舒適。亞參雞飯的海南雞揉合了馬來西亞和新加坡兩地的風味，用嚴選飼養期約100日肉質嫩滑的三黃雞，以獨門秘法多次並反覆用雞骨、胡椒等熬製的濃雞湯浸煮，雞肉嫩滑，肉汁豐腴。餐廳已採用自助QR code 點餐，并全日免收加一服務費！

亞参雞飯主打海南雞，去到當然必點海南雞飯啦。 雞油飯好吃，海南雞的肉質沒有想像中的嫰滑，但是ok的。除非想食辣，不建議再點其他醬料，一來沙薑很鹹，二來雞肉本身已經很夠味。新加坡喇沙米線，材料幾足，湯頭濃郁微辣，很好喝。班蘭咖吔多士熱哄哄的上枱，食落多士香脆不會太甜，南洋咖啡對本人黎講太甜了，友人杯拉茶好飲d。鳳尾蝦春卷香口，不油但稍稍偏乾。馬拉盞通菜，本以為是用馬拉盞去炒通菜，實際是通菜旁邊放一匙馬拉盞俾人點，可能馬拉盞是一種頗鹹的醬料，所以採此做法 ，讓食客自行選擇點多少。豬手肉質不柴且皮軟，但有少許部分的毛未清得很乾淨。因為平時很喜歡食roti, 所以也點了馬拉薄餅配咖喱汁。結果超伏，餅皮又厚又韌， 等待上枱時間又長。整體來說，除了馬拉薄餅，食物水準都不錯。

無謂康城定Popcorn 都食過，不過Popcorn呢間坐得舒服啲大啲。通常都係中午或者下午茶嚟食，我會同個女一定order海南雞飯套餐，再加小食。我個女係勁鍾意呢間嘅海南雞同埋雞飯，呢個餐基本上佢可以食三分之二，仲要飲晒啲湯。😝小食一定叫咖央多士，太邪惡，食咗兩嚿之後就拎走嚿牛油😌。個炸蝦餅有啲辣，都好好食，大人食好啦。因為次次都係同個女食，其實都未有機會食佢嘅肉骨茶，不過我知道佢啲喇沙湯麵湯底都好正。

啱啱開嗰陣已經幫襯,一開始個飯份量就好正常，近排啲外賣越嚟越少，而家少咗咁多，豬手都懶得切，如果老闆見到，問吓啲廚師，究竟啲食物去咗邊？堂食就比足份量，外賣就咁樣。係咪冇人出聲？就當冇事？如果外賣係咁多，係咪應該減價？啲態度已經好差，所以咪唯有轉外賣，坐低食話走冰，個侍應竟然可以同你講冇得走冰，如果嗰啲機械人可以代替侍應，咁要啲侍應做乜？如果老闆有機會見到，希望留意樓面侍應態度同廚房廚師減料，無論坐低食定係拎走，都惡劣

今天午餐吹南洋風！首先講一下靈魂所在：咖喱汁，香辣濃郁，口味偏辣一點兒，很濃重的南亞香料和椰漿味，口感不會太清或太稠，恰到好處，非常下飯。而牛腩入味，肉質也不乾柴，總結味道是很不錯的。