亞泰

营业中

休息中

第一次入黎康城食飯，鄉下仔周圍都未去過，但康城比想像中正，個商場好新好舒服，而且原來仲有溜冰場，整個感覺有點似九龍塘的又一城。行左一陣，之後朋友就帶左我去食泰國野。炭燒豬頸肉 $78這款前菜比較有驚喜，平日食的很多時候都分量少或者有時燒得太乾太硬，這款小食堅好味，分量多，而且好好味。有少少外脆內軟的感覺，表皮有少少炭燒的脆口，再加上內裡的肉質還很軟。另外有個醬可以配合一齊食，會更有風味，不過其實空口食已經好正。LIKE ^^泰式明爐烏頭 $138我的朋友超鍾意食魚，所以就算得兩個人都點左一條，都算幾大條，魚都好味，一邊燒住等佢熱食，一邊食住其他野，泰式烏頭跟我在其他泰式餐店食的味道相近，正常的水準，價錢都算合理。龍蝦海鮮冬陰功船河 $88如果要選性價比最高的食物必定選這款船河，分量大，無論龍蝦或配料以及河粉的數量都很多。平日要食龍蝦的食物基本都要過$100，但今次只要$88 而且仲有其他的配料。味道還可以，但跟我平日飲的冬陰功有點不同，佢傾向較酸椰青 $38食泰國菜當然要點椰青，椰青很青甜，而且泰國菜味道相對濃味，所以飲椰青正好，椰青唔會太老，因為椰肉都很軟很滑整體而言，是一間不錯的泰

今次遠征康城 原來個商場都有好多好嘢食 見到呢一間價錢唔貴 網上評論又唔錯嘅泰國餐廳 就同朋友去試吓🤣🦞冬陰龍蝦(一隻)船河 $138足料龍蝦大大隻 冬陰公湯底係偏酸der~辣味亦啱啱好 而且份量勁大 share食會好啲💕🦐泰式生蝦 (六隻) $88好新鮮好鮮甜 配埋個辣汁已經夠辣 建議唔食得辣嘅要挑走面頭塊辣椒🌶️🐔炭燒泰式串燒 (雞肉/豬肉) $62豬肉好食過雞肉 炭燒香味唔係揸流攤 欣賞個沙嗲汁唔會偏甜仲好香花生味🥜仲叫咗兩杯飲品 龍眼冰 $28同 泰國鮮椰青$38 唔錯唔錯好解渴😋

放大假出左探家姐，佢話帶我行下康城，join左佢之後太肚餓就食tea, 順便行下，第一次來商場找野食，好肚餓之下見到呢間泰國野下午茶唔貴，好吸引。我地三個人叫左下面既菜式。食左呢餐去似去左泰國一樣，搵番旅行既感覺。食到呢份味道壓力都無曬。埋單加埋一共$175海南雞飯：超好食😋雞好滑，飯好香，食過咁多間店最好食，唔怪之得個個都叫。豬頸肉併扎肉船河：上面有炸豬皮，係泰國既麵上都會放，泰國味道一樣。泰式鳳爪：泰國菜必選之一，好開胃，呢間好爽，酸甜辣有曬。正，最抵下午茶餐只係加$26就咁多沙嗲雞串：肉彈牙又厚肉，燒得岩岩好，再加埋佢既沙嗲汁有埋花生粒，甜甜地好好食。鹹檸檬七喜：我最鐘意汽水和檸檬分開上，止渴，半個醃檸檬浸住，好夾。食物質素：正環境：似茶餐廳價錢：好抵，埋單要加一防疫：無睇住食客量體溫和安心出行員工服務：可以，人手有限。

晚飯時段超多人不過拎左飛大約十五分鐘就有位等待期間係門口睇定餐牌入去即刻叫就快d有得食冬陰功海南雞湯河轉金邊粉 $75雞嘅份量超多近乎平時嘅例牌切雞咁大份雞肉嫩滑冬陰功入口清新如果辣d就更有風味原本想食湯河不過就賣晒轉金邊粉都唔錯椰汁雞湯 $68我自己就覺得酸咗少少因為青檸味太濃裏面就有好多配料有雞有菇泰式炸蝦餅四件 $48最鍾意就係食炸蝦餅即叫即炸爽口彈牙泰式鮮蝦金邊粉 $82份量都幾多除咗蝦之外仲有菜寶同豆腐乾做配菜材料都好豐富芒果白糯米飯 $55最喜歡個芒果糯米飯個芒果係超甜架！糯米飯仲整成左心形好有愛椰汁珍多冰 $28消暑解渴嘅椰汁珍多冰裏面嘅Jelly好煙韌好有咬口好味

幾年無入康城，原來呢度已經發展左甘多，配套都完善左，以後去完姐姐度就可以順便過黎食飯啦😚•原隻龍蝦海鮮山冬蔭功船河🦞 $88隻龍蝦好吸引😬 $88原隻上，龍蝦肉算彈牙，都算對得住個價錢。冬蔭公比平時食既偏辣一啲，酸味同椰漿味唔多•招牌咖喱手拆蟹肉枕頭包🦀 $138平時都好鍾意食咖哩蝦蟹呢啲，但岀街食始終唔方便。一見到呢度有人拆埋肉，真係諗都唔駛諗就叫左😂 依家已經好想再食🥺•炭燒泰式豬頸肉 $78個邊燒到少少脆，但中間仲好juicy，而且肥瘦適中，連平時唔好肉既我都食左好多🤪 特價菜式無限叫幾多款👍🏻套餐都幾抵食

呢日約咗朋友聚會，朋友話想食泰國嘢，於是就嚟到呢一間亞泰食飯。見餐牌上有唔少菜式，不過第一時間吸引到我嘅係冬蔭功龍蝦河粉，非常多海鮮，仲有一隻波士頓龍蝦，非常足料。味道都唔錯， 冬蔭功湯底好香，有椰汁味，份量都幾大，河粉幾多。青胡椒炒鳳尾蝦，平時比較少見餐廳會用青胡椒煮野，估唔到味道都幾好，胡椒醬汁加上大大隻嘅蝦肉，蝦肉爽口彈牙，而且吸收晒醬汁嘅味道，好味。西班牙燒豚肉燒得好乾身好脆，配埋酸甜嘅醬汁食好夾，而且豬肉有陣焦香味，好香口。另外我哋仲叫咗個椰青同一杯珍多冰， 椰青都幾新鮮清甜， 珍多冰都唔錯，椰香好重。

呢日收工諗住上朋友屋企睇波，不過睇波之前都要食晚飯，見到呢一間泰國餐廳似乎唔錯，一於入去食個晚飯。先嗌一個脆魚片青芒果沙律前菜開下胃先。魚片幾香口，青芒果酸酸甜甜，不過同一般嘅芒果有啲唔同，呢個青芒果沙律口感比較硬，但醬汁味道唔錯， 都幾開胃。見到有唔少人叫既冬蔭功龍蝦湯河，有大大隻龍蝦加其他海鮮，冬陰功味道香濃，八十零蚊來講都幾抵。小食拼盤就有兩件蝦餅，春卷同埋肉卷，炸得好香口，鍾意食熱氣野嘅人就啱。馬拉棧通菜好惹味，有啲鹹香，配埋通菜好啱撈飯。整體來講價錢唔貴，味道都可以。

老公Ah B今日接收工，佢話今晚一定要吃泰國菜，而且佢好想吃道地的泰國菜，所以我選了近期將軍澳的一間泰國菜館亞泰!首先我叫了一個泰式冬蔭湯，蝦又大又鲜甜，胃口大開!又怎少得過泰式無骨鳳爪，酸酸辣辣，鳳爪入味又爽口，正!龍蝦海鮮冬蔭功船河，龍蝦真的很新鮮，魷魚，蜆肉也很鮮甜，魚蛋也很彈牙，加上冬蔭功味道，好鬼正! 最開心祇不過88元，真的很抵食!泰式明頭青檸，熱辣辣地奉上，而且賣枏很好，魚肉加上青檸汁更加開胃，我和老公停不了口，大家也搶着吃!最愛又怎少得過飲一個清新解喝的椰青，今天晚上真的大滿足了!

跟同事喺日出康城做完嘢，肚仔餓，行過見到有間亞泰嘅泰國餐廳，裝修雅緻，就急不及待走入去，幸運地，剛好有卡位，可以舒舒服服食餐晚飯。見餐廳有一個二人套餐，基本上都有我哋想食嘅嘢，咁就二話不說，點了一個。套餐嘅頭盤，是泰式小食拼盤，包括有炸蝦餅、素春卷和煎魚餅，一上碟熱騰騰，熱氣徐徐升起，點上酸酸甜甜的泰式醬，好滿足。黎到泰國餐館，當然就要飲番個大頭蝦冬陰功湯啦，湯味濃郁唔太辣，一人半隻大頭蝦，好開胃。主菜方面，我們想揀個特別啲嘅，就點了招牌蛋咖喱蟹肉枕頭包，滑蛋配上蟹肉，鮮鮮甜甜，同脆脆嘅麵包夾埋一齊，又是另一番風味。再加上我哋加點嘅龍蝦湯河，食到呢度都開始飽飽了。二人套餐飲品做緊優惠買一送一，我要一個龍眼冰，朋友要一個菠蘿沙冰，最後加上兩個雪糕，我哋都要捧住個肚走，大滿足。

泰國菜🇹🇭無得飛，周圍搵嘢食，尋找旅行的味道！今次試康城的亞泰😙我哋叫左個二人餐（$318）有個小食拼盤/蟹皇咖喱農夫包/馬拉盞通菜/冬陰功湯😛覺得唔夠仲加左個龍蝦海鮮冬陰功河粉♥️食物方面都算幾好，冬陰功湯最吸引（同河粉個湯底兩回事）個湯超濃，夠酸又夠辣🔥相反個河粉湯底加左椰汁，淡好多，完全食唔到冬陰功味😗但墨魚丸好食，唔係四海嗰啲粉野👍🏻農夫包個包好香牛油味，脆脆地，好她食，蟹皇咖喱唔辣，超多蟹肉，食哂個包，都未食哂啲蟹🤣，其他野都ok，只湯河的湯底有啲失望♥️

今日嚟咗日出康城個新商場，都幾多嘢食，最後揀咗呢一間門面都幾靚嘅泰國菜，裝修都好骨子，坐得又舒服，今日超熱所以嗌左一個涼快既前菜，無骨鳳爪，無骨鳳爪最緊要就係個汁整得夠酸辣，呢個汁調得啱啱好，非常開胃，份量都算幾多再嚟嗌左個冬陰功雞河，雞嘅份量都幾多，肉質都整得啱啱好，冬陰功湯底小辣適合唔同嘅人都可以食到，食完個雞河可以飲埋個冬陰功湯，一味兩食跟住再嚟嗌左個豬頸肉炒水晶粉，呢個粉非常驚喜，水晶粉口感煙銀，炸得又好夠獲氣，味道夠濃，係油咗少少最後仲嚟咗個青檸烏頭，上到嚟香噴噴，肉質鮮嫩，個汁又勁有泰國風味，係略嫌條魚細咗少少，不過咁嘅價錢都算交足貨總括來講係大商場收平民價錢，分量都算大份，味道又唔錯，可以encore

🎏芒果白糯米飯 （$55）一入口充滿斑蘭香的白糯米飯一定會令鍾情斑蘭嘅朋友忘記添加椰漿 一口一口把整個飯食晒🥰芒果就睇到個色都知道個甜度啦👍😋🎏泰式海南雞伴油飯 （$78）無特別order 都有咁靚嘅雞髀今日真係好運雞嘅生熟度恰到好處所以非常滑溜🎏火車頭雜錦船河 （$78）入面有肥牛 扎肉 貢丸 豆卜 魚片材料非常豐富最特別就係加入了幾條炸豬皮🎏泰式炸蝦餅（4件）（$48）炸得鬆脆蝦餅好厚身口感豐富彈牙🎏泰式街頭椰子雪糕（$35）㨂咗榴蓮味和椰子味好正👍🎏泰國鮮椰青 （$38）🎏泰式奶茶 （$30）餐廳裝潢新穎 座位舒適主打正宗泰國傳統菜式

這裏晚市食物是最出色的。我們叫了兩人餐，有咖哩蟹肉麵包、炒通菜、一盤泰式小吃、冬陰功湯和椰子雪糕甜品。總體感覺沒有覺得哪個菜式特別出眾，唯一讓我感到驚艷的是椰子雪糕，味道非常清新，讓人在吃完比較重口味的菜餚後可以以甜品的清爽作結。這個雪糕真的非常出色，強烈推薦。餐廳環境比較接近茶餐廳，不會讓人感覺太舒服。桌子也偏小，很難把菜都放在上面。我們本來以為叫的是咖哩蟹，沒想到上來沒有看到蟹殼，再仔細一看原來是咖哩蟹肉。

茂利喜歡辣, 去年茂利的生日飯是泰菜, 今年的生日飯都是選擇泰菜. 特地來到將軍澳美食的沙漠~日出康城. 現在應該是開始變為美食綠洲吧!  來到目標泰菜館, 竟然要等位. 等了約廿分鐘, 方能入座.   在店門等候之時, 看到大大塊二人套餐, 左計右計, 二人餐抵過散點, 所以我倆很快就可以落ORDER了.     炒通菜~馬拉盞BELACAN    當看到炒通菜真身時, 就覺得自己CONCEPT錯誤了.  BELACAN<峇拉煎>在馬拉文是單純的蝦膏!  但此店是泰菜館, BELACAN馬拉盞就會變做另一種泰式調味料....蝦醬蝦膏蝦米蔥頭蒜頭炸蒜炸乾蔥紅蔥頭乾辣椒混合出來醬料, 令通菜帶著鹹香味道重又香辣, 總之是重口味的東南系列美食.    泰式小食拼盤   蝦餅, 素春卷, 香料雞肉鳳凰丸   素春卷比較硬, 要加多點牙力咬呀咬.  熱辣辣的蝦餅對比之下就變得較軟身. 不過炸雞肉更是外脆內軟呢!  沾上泰式雞醬會更惹味.              泰人大頭蝦冬蔭公湯   2款餐湯, 冬蔭公湯比較貴.   冬蔭湯身濃厚, 又香又辣, 比馬拉盞炒通菜更香更辣. 加上

唔知大家會唔會有一種菜式間中都想食😋我其中一樣係泰國🇹🇭菜，久唔久我地都會想食!所以這一天又選了泰國菜呢!😍-禁岩見到朋友介紹原來日出康城都有泰菜選擇✅，剛好我們當日也在附近，便難得去行下試下呢!‼️這間泰菜叫 亞泰🥰， 環境好靚好闊落💯而泰菜來講真係好舒服!如果對環境有要求的朋友，值得加分!😍-原來 亞泰的船河🍜係大推之一，所以我地都點了冬蔭功海南雞船河一試!🌶原來係好大碗，份量好有驚喜呀!😍海南雞的份量大足，絕對唔係只有好少，配上冬蔭功湯底，係我最愛的惹味之選!😋唔會太咸同重味，剛剛好適中的口感，海南雞好滑易咬，唔會過份熟🎉而且最驚喜是船河還配上小小通菜，誠意十足! 💯-另一主食點了最經典的泰式鮮蝦金邊粉🍤🍝是有水準之作，不會太乾身，而且麵身軟硬適中😚總是覺得點泰式鮮蝦金邊粉便會初步感受到餐廳既水準!🥳-小食方面，點了泰式生蝦（6隻）🦐🦐擺盤好精緻用心😍新鮮的生蝦配上惹味醬汁，真係讓人無法抗拒😆🥳-另外也點了泰式無骨鳳爪🎏涼伴及開胃之選，份量十足，唔會太辣，唔太食得辣的朋友都可以應付到📌口味會大眾化呢💞💞-總的來說除了食物有水準外，環境舒服絕對係同朋友邊食邊傾之選!💗如果大家去開附近