亞玉豆腐花

营业中

休息中

“ 三蚊嘅價錢，十蚊嘅質素” 用嚟形容亞玉豆腐花絕對不為過。當日中午行開荃灣， 係接近三十幾度嘅太陽關照下， 真係人都畀佢曬熟。諗起之前電視賣過嘅兩間豆腐花舖， 又咁啱喺附近， 所以就諗住過去食玩冰涼嘅豆腐花啦。當日亞玉豆腐花大概有二十人排隊， 但係佢哋手腳好快，大概等咗五分鐘左右就買到。我叫咗碗凍既豆腐花溝紅豆， 盛惠三蚊， 另外加咗兩蚊換個比較的色嘅缽仔糕。抵玩！豆腐花可以因應自己喜好加黃糖，糖漿或者薑汁。 冰凍既豆腐花好滑，好重豆味， 加上甜甜嘅紅豆， 成個人即刻透心涼，正。抵食指數100分。

再會《阿玉豆腐花》！以前住元朗，成日同男朋友食完飯企係街邊食完平平地$5豆花～今時今日荃灣都有得食好耐，重同隔離鋪爆發左一場豆腐花爭霸戰！$3就有交易！益哂我地食客🤤🤤豆腐花最正食法一定係勁加黃糖！食落去有一粒粒口感～正到脾～甜甜蜜蜜既好滋味！如果女仔撞正某d唔舒服日子！真係建議男友可以整返碗熱豆花加薑汁！包你女人感動到攬住你錫錫錫！另外依家原來食仼何食品加$2重可以食埋砵仔糕！！重有一大堆比你擇多豆定少豆！識食緊係要多豆啦！好味道！唔會覺得粉落太多夠彈牙！抵食！

荃灣路德圍堪稱掃街勝地，小食店舖集中，種類齊全，最重要價錢實惠！當中最長人龍的就數「元朗亞玉豆腐花」和「贊和豆品」。因為兩間店舖分別推出$2、$3豆腐花！這次我只試了亞玉豆腐花，全場豆腐花$3，雙併同價，使用天然材料，新鮮製造！/🥣: #黃豆豆腐花💰: HK$3滿滿的一碗黃豆豆腐花，可根據個人口味自行加入黃糖或糖水，豆味香濃，好飽肚，啱哂減緊肥既我🥺口感不錯，唔算得上好滑好滑，不過$3 一碗簡直是跳樓價，值得一試！

去到荃灣，一定唔會唔識亞玉豆腐花，本身係區內都好出名，鬥平幾蚊碗，仲平到上埋電視，所以一去，就排哂長龍。平係賣點，但如果太難食，話知你免費都唔會有人去食，佢呢碗豆腐花味道幾清，食落去有爽既感覺。如果大家來荃灣，都可以一試。

Walked pass this place after dinner the other day and knew I had to try it seeing the long queue. Glad it was not disappointing; the tofu was really smooth and silky. There was two options of either adding sugar, or syrup. I usually go for the syrup, so I decided to try sugar this time. It was really good and I would probably try the sugar option more often from now on. Definitely worth the wait and money.

係什麼狀況呀，荃灣路德圍，眾所周知，係全港最大型嘅美飲街，一條街可以有 7 間野飲 🤡 除左可以一口氣飲 7 杯珍珠之外，豆腐花都係焦點之一，在呢個金庸裡頭，邊個唔識楊過同小龍女呀，在豆腐花裡頭，邊個唔識贊和同亞玉呀，兩大龍頭鬥得難分難解，亞玉被贊和長期各式豆花 $5 嘅榨壓之下，出招乾坤大挪移 🙌🏿 #全店豆腐花系列 $3 終極成本價賣比街坊，企圖以洪水式銷售法平益全港市民，就算有料豆腐花都係 $3，喳咋、綠豆、紅豆、花奶、芝麻糊、涼粉 remix 再 remix 嘅豆腐花都係 $3，真係咪話唔正，回到金融海嘯嘅跳樓價，正式宣布，全港最窮窮食，冇錢食飯糧尾真係食幾碗幾蚊雞就搞掂 😍😍😍-亞玉豆腐花荃灣荃興徑 6 號昌泰大廈地下 5B 舖

朋友來到荃灣就話要食豆腐花，因為這裡有二間常常都十分便宜，今日下午去過都有十多人排緊，今次我地就選擇了阿玉豆腐花，仲可以任溝和豆腐花都是$3十分抵食，而我地都喜歡白果糖水，所以一齊叫了薏米白果豆腐花`$3，排咗十個人就到我地，熱度夠吾太甜，最後加了薑糖水，增加不少薑味好味好多，糖水不太甜都不錯，而朋友喜歡甜再加了紅糖添。薏米白果偏淡，但都足料份量，豆腐花都幾滑身，口感不錯，但豆味就吾太夠，但這價錢可以買到一碗仲可以點，這間仲有砵仔糕買了一個大約$2但味道吾好食又少豆，一試就夠。

昨晚經過荃灣，見到豆腐花店門外排長龍，便上網查查，原來店舖來頭不小，是傳說中的3蚊豆腐花店，全部豆腐花都係3蚊，喳咋、 綠豆、 紅豆、 花奶、 芝麻糊、 涼粉，單併或雙拼都係3蚊，價錢實在太吸引，不得不試，選了喳咋+豆腐花雙併$3，豆腐花幾滑，淡口可自己加糖，原本對於這個價錢就不抱有任何期望，但真心覺得好抵食。 

玩完經過路德圍想食宵夜，見亞玉仲開緊，又安慰自己食豆腐花幾健康，而且白果薏仁可以去水腫，食啦食啦。咁就衝咗去買。$3白果薏仁豆腐花:豆花食落好有豆香味又夠滑，糖水唔會太甜，白果薏仁都已經煲到好諗身，而薏仁帶咬口。$3好抵食買個陣個姨姨問我要唔要加錢要個砵仔糕，我見夜喇就話唔要喇。點知就走佢話送俾我，見我男朋友係到又送多個，真心幾有人情味砵仔糕多豆，可以見到豆係密密麻麻咁。咬落去唔會一pak pak，粉底有滑得底有彈性同黃糖香，幾好味。呢碗豆花食既唔止美味，仲有一份街坊人情味。

這天晚上與朋友在附近打完保齡球，就走到荃灣最多東西吃的區域，這裏有大大小小的餐廳餐館，不同菜式也有。甜品舖也很多，而這家亞婆豆腐花就非常出名。它的豆腐花可以混搭不同的食物，比如紅豆，芝麻等等。但最主要的是，無論單一叫豆腐花/2種混搭，都只是3塊錢而已！我這次叫了豆腐花加芝麻糊，雖然芝麻糊有點稀，但作為加上去的又剛剛好哦，有芝麻糊味道，又不蓋過豆腐花。 我還加了一點薑汁和黃糖，這些都是可以隨自己喜歡來添加的。還加了2塊要一個鉢仔糕呢！

遊完車河返家前想買甜品返屋企, 自己落車在熱鬧的路德圍搵食, 果真應有盡有...想買台灣大熱飲品, 又想再食松記, 點知見到2大條人龍在排隊, 好多人攞住個舊款藍白碗在食豆腐花, 包括有遊客一家幾口一齊蹲在地上低下頭食..噢, 原來就係鬥到$3碗的豆腐花啊~我唔知邊間好食, 就是但排左一條隊, 都要排成20人$3究竟係咩質數? 外賣加$1係標準, 難得地相對食物本身加左3成變我很貴, 哈哈哈$8共帶了2碗糖水回家, 有凍有熱, 我地叫左一碗紅白: 紅豆沙豆腐花, 紅豆夠大夠沙夠甜, 豆味濃的豆腐花混埋食一流, 下次我要試埋凍食老公叫左黑白, 熱芝麻糊豆腐花, 好香的芝麻味但不夠甜, 混埋豆腐花又無再加甜好似淡左少少性價比咁高, 唔encore對唔住自己~

上次試左旁邊果間，今次試亞玉，一樣雙併$3，但選擇多少少，試左旁邊果間無既咋咋。碗睇落好似細啲，但份量其實差不多，咋咋豆夠淋，但唔會爛晒，好足料！但美中不足，豆花豆味比旁邊果間淡，不過$3，就算啦，唔好要求咁多！另外，仲可以加$2買砵仔糕一個，豆夠淋，甜味都ok，但就係無左以前砵仔糕果陣糖香味

荃灣有2間豆腐花店特別平就全港都知, 難得經過當言就要停底試下啦.$2一碗, 即叫即裝, 熱辣辣, 夠滑又唔會碎執執, 可自助任加薑汁糖水/黃糖食, 我自己就中意配大量黃糖, 咁就又甜, D糖未融哂可以咬下, 有另一種口感!另外仲叫左客家糍, 味道正常, D料都算多, 個皮都算薄同軟, 一試無妨, 但亦無驚喜.

每次經過呢度都見到有好多人排隊，之前都有食過呢一間豆腐花，見到佢有$6減到去$5再依家減到去$3，真係不禁會諗佢咁樣賺到咩？不過重點係佢個豆腐花係咪真係咁值得排長龍去食！我會覺得如果口痕想食甜品係可以食嘅！始終$3一碗真係非常抵，佢仲可以加錢食埋個砵仔糕，不過個砵仔糕仲細過個手掌，由於因為太飽所以淨係叫咗碗豆腐花！佢係得個平字，味道非常普通，唔算好滑！食完之後啲碗就放喺個筒度！有懷疑過佢嗰度啲碗究竟係咪真係咁乾淨！不過始終$3都冇得要求咁多㗎啦

又嚟到荃灣搵食，食就一定係路德圍㗎啦。一去到路德圍就見到兩條好誇張嘅長龍！一睇就知已經到咗豆花戰嘅戰場，聽聞咗好耐嘅豆花戰，今日終於置身其中。都真係幾誇張，男女老幼都企喺嗰邊食緊豆腐花，有凍有熱仲有得加料。之前喺元朗食過一次，花奶豆腐花堅正，今次當然都係揀返亞玉豆腐花啦，都排咗一陣先到我，試吓新嘢揀咗熱豆腐花mix芝麻糊，外賣都係$4咋，實在抵到爛！豆腐花嫩滑就緊㗎啦，入口即溶，芝麻糊都好夠味，果然無令我失望！