亞萊嘜嘜 (已結業)

個個都知道荃灣真係一個天橋地帶，好多唔同嘅天橋縱橫交錯，就算落雨都唔驚濕身。行行吓，見到一個咁得意嘅招牌，個名一睇知道係泰國菜。而且佢啲嘢食真係唔貴，好合理，當然食海鮮另計。就試一試佢。457無骨海南雞飯檬粉＄63改雞髀加＄10轉冬陰公湯底加＄10 =$83本身無骨海南雞都唔係好平，因為無骨雞要多啲工序，而且轉咗做雞髀同埋冬陰公湯要另外加錢所以先變咗＄83。冬陰公湯底比較淡口味，但是都夠香。啲無骨海南雞飯真係好夠滑，亦有可能因為係揀咗雞髀位置，而且有醬汁可以點，提升個味道。湯底粉面分量十足！301 紅咖喱雞＄89加＄14@1個飯由於就咁叫咖喱同埋肉沒有包飯，所以我哋另外叫。隔離都有三款選擇架，紅咖喱、青咖喱、黃咖喱。我朋友比較食得辣就揀紅咖喱，但係原來都只係好輕微嘅辣，同埋仲有啲椰汁味甜甜地。肉就可以揀牛、豬或者雞，我哋就揀咗雞啦！啲雞都係無骨，好滑，裏面仲有好多其他蔬菜類別嘅配料可以直接食，撈飯一流。102 泰式炸蝦餅＄79我都幾鍾意食炸蝦餅，佢個口感好有彈性，加埋個甜酸醬可以提升個味道，感覺清新又飽肚。562 芭堤雅椰青＄38好大個椰青裏面有好多汁，口味鮮甜，可以食埋裏面啲椰青肉，

 最近同一個朋友喺荃灣行街行行吓行到千色店 行得太耐覺得肚餓 所以我哋就上OpenRice睇吓有咩食 我想friend 想食泰國菜 咁啱依邊最近開咗亞萊麥麥 咁我哋當然就直接去食依間啦 之前係元朗都食過覺得好食 今次都冇失望😘我地去到個陣七點幾，間餐廳啲裝修都幾靚 幾有泰國feel，而且啲員工服務都好好 好快上菜 又成日幫我地收碟😁 我哋因為太肚餓嘅關係一入到去就叫咗個二人餐 ，叫咗個蝦餅同魚餅冬陰公湯青咖喱雞肉蒜蓉包 在散嗌一個海南雞飯 嘢飲我哋就叫咗泰色奶茶同珍多冰 講真 真係幾有水準!!個蝦餅魚餅就正常，熱辣辣，而且都幾大舊(有兩舊)，個冬陰公湯辣度適中，唔會話太辣，又唔係溝水喎! 裏面有啲蝦，啲蝦肉入哂味!!!穀都好易斷。最特別係佢個蒜蓉包 本身好有蒜香 好脆口 點埋個青咖哩，完全係好融恰 （不過會蓋過蒜香），青咖哩一D都唔辣，反而仲有D易入口，甜甜地咁。而個飛天通菜呢 佢係有少少辣 聽個叔叔講飛天係黎自泰國既，所以都有D泰國傳統辣，菜好鮮甜，就算炒左好耐都仲好翠綠呢!不過最正嘅我都係覺得係個海南雞飯 ，啲雞冇骨 一咬就咬開 同埋好滑 啲飯係油飯都好香 ，最緊要係飽肚呀!!!不

位於荃灣的亞萊嘜嘜  ，是一間元朗很出名的泰國菜餐廳。今天相約媽媽來到吃晩餐，明明我是元朗人，但卻走到荃灣吃元朗餐廳，哈哈。特色蒜蓉包$45招牌人氣美食，必定是這個特色蒜蓉包啦。用上新鮮的方包，切成六件超厚多士，包控看到已經很開心。多士條烤得金黃，面層滿是牛油，香氣不斷，牛油味重，但蒜味不濃，重點是非常香脆，真正的外穌內軟，好好吃阿。黃咖喱雞$89當你點選蒜蓉包，下一部就是選擇要配什麽咖喱。餐廳提供紅黃青三種咖喱，咖喱可配豬牛雞。我們選擇黃咖喱雞，雞肉的份量超多，吃極也吃未吃完，雞肉較為結實，不夠軟腍，但咖喱勝在味濃帶甜，沾麵包太好吃啦。串燒拼盤$89一客半打的串燒，足夠我和媽媽一人三串，嚐試牛豬雞口味哦。雞肉串燒的肉質較咖喱雞的軟身彈牙，味道較好。豬肉串燒肉質結實，也屬不錯。牛肉串燒味道最重，沾上沙爹醬，更有泰國風味。

本是一個開心的飯局，可惜到飯局的尾聲，被一位無禮的侍應生破壞了一切的愉快氣氛，首先侍應生當客人入座時，沒提示用餐只有2個小時，而在2個小時過後，就因店內多了等候的客人，而那時侍應生就走過來對我們很不禮貌及態度惡劣地冤枉我們是訂位入座，粗聲粗氣地示意我們用餐已過2小時，須要要離座，並沒問我們是否還須點餐，當其時作為客人的我們，真的顯得內心十分不舒服兼氣憤，那一刻我們即時表明是直接上來餐館入座用餐，並不是訂位客人，更不知道用餐是有限時，況且我們還有甜品要下單，作為餐飲業界一份子，雖然店內多客人等位，但侍者都應禮貌對待用完餐點的食客，智慧地提醒用餐時限，那麼食客們都相應合作地結帳離座而食物方面，不是十分出色，牛油雞翼，沒甚牛油香味及酥脆口感，青咖哩雞肉配焗中包，椰汁味太濃而遮蓋了青咖哩的香辣味道，餡料少，醬汁少而不夠焗中包沾醬吃用，只有煱中包麵包蓋夠香脆，麵包盅厚而不脆，蒜蓉炒貴妃苗，菜老身，不爽口，只有泰式炸魚餅還算可口合味道，甜品拼盤，只是草草吃完，沒特別出色的味道，不會給客人留下一試難忘的感覺沒有一試要回味的食物，只有令人難以忘記害群之馬的態度惡劣侍者，真的不會想再回頭了

午飯去到荃灣揾食，見到千色店隔離有新既餐廳開左，上到嚟3樓先知道係泰菜，非常驚喜，因為荃灣唔係咁多泰菜食！餐廳地方闊落，適合聚腳，午飯時間餐牌食品選擇多，小食，飯麵，湯粉，甜品都有！而且價錢都幾實惠，加少少錢仲可以叫埋小食！我就叫左個豬脾拼海南雞飯食，豬脾嫩滑，軟稔！滷水汁非常入味！肥瘦適中！ 加埋d 酸菜，酸酸甜甜，非常開胃！海南雞亦都十分嫩滑，啖啖肉，配上葱油同辣汁，食多幾件都無問題！食完飯之後我哋叫左兩樣甜品share食，就係椰汁糕同我既泰式甜品至愛椰汁糯米飯！先講椰汁糕十分足料，除左面頭既椰汁外，入面仲有芋頭，粟米，西米等等食材，而且非常新鮮，唔會雪到乾'爭爭'!再講個糯米飯，用左黑白糯米再加個好甜既芒果，賣相已經吸引，而且椰汁味濃郁，糯米本身都已經甜，加埋椰汁同芒果，真係甜到入心入肺！色香味俱全！兩個人埋單2百幾，食左咁多野又真係Ok ,下次想喺荃灣食泰菜，又多個好選擇！

朋友話好耐無去食泰國嘢，知道最近新開咗一間泰國餐廳，提議今晚去食。好極! 打個電話去留個窗口位先。餐廳位於荃灣鬧市的一楝商住大廈的2樓，非常易搵，可惜沒有升降機直達，所以要行樓梯 ~ 樓上雅座。 訂位有個好處就係唔使等位，仲可以預先揀位。坐喺窗口位，望向青山道，景觀開揚。再望番去餐廳裡面，見到好多人等位，朋友就知我是幾有先見之明。食物嘅選擇好多樣化，泰式沙律、小炒、海鮮、湯粉、串燒、咖喱樣樣有，連越式小食都有，真係應有盡有。我哋兩個人，少少地叫咗三樣嘢食: 泰式生蝦刺身 $145、酸辣青檸汁燒牛柳 $88和燒羊架 $118【泰式生蝦刺身】一碟有8隻鮮生蝦，隻隻晶瑩剔透，放在冰上保持新鮮，中央放了些甘筍絲和一朵泰國蘭花。每隻生蝦都上放了青/紅辣椒粒和生蒜片，旁邊還放了涼瓜做伴碟，整碟生蝦刺生個賣相好掂!先試試原味不蘸調味的生蝦刺身。蝦肉爽口彈牙，味道非常鮮甜。再試蘸上泰式酸甜辣汁的生蝦刺身。味道進一步提升，感覺更加好味。【酸辣青檸汁燒牛柳】成座牛柳小山丘送到，未食先興奮。牛柳小山丘上面鋪滿好多紅綠辣椒粒、生蒜粒和番茄蓉，下面是有紅白蘿蔔絲墊著。酸辣青檸汁滲進燒牛柳內。燒牛柳厚切，索滿酸辣

終於進駐荃灣了！聽講呢間泰國餐廳係元朗都有一段歷史了，而且質素都唔差，所以就同埋朋友一齊嚟朝聖啦！餐廳環境都幾大，都可以坐到好多人，而且唔會感覺好窄好逼。小食當然要揀餐廳推介嘅招牌菜式 - 蒜蓉包！蒜蓉包非常香脆，而且好有牛油味，就算無任何汁都可以就咁食。前菜嚟試下糯米釀雞翼。糯米非常足料，有肉、有冬菇，而且非常香。而炸雞亦好脆皮。不過略嫌有少少咸！主角來了，泰式明爐魚係以冬蔭功湯底的，一邊滾住條魚，一邊又可以飲下冬蔭功湯。雖然湯底是有少少咸的，但都好鮮味。而魚肉都好鮮嫩，所以非常正！最後當然要試下豬手飯啦！有埋飯拌所有餸菜，真係好滿足

又有機會係荃灣覓食，今次試新開嘅泰國菜！呢間係元朗好出名，不過未有機會試！午餐價錢相當抵，大概$40幾蚊就有，包埋飲品！下午茶仲抵呀，$30幾蚊咋，食物款式同午餐一樣，只係再平左！試左泰式金邊粉，超大碟，其他人食咖哩、檬粉個d份量一樣係超大！男孩子都食唔晒呢！味道正常啦，酸酸甜甜咁，有幾舊雞，花生碎放埋一邊，鐘意可以撈埋一齊食。飲品除左奶茶檸茶仲有檸蜜，蜂蜜薑茶等等可以選擇，唔洗加錢架，我揀左蜂蜜薑茶，真係幾有薑味！

🐽一直都好想試元朗間亞萊嘜嘜，見荃灣新開左間分店😳仲要好方便顯眼！環境又有泰國feel又夠闊落坐得舒服😆。👅亞萊嘜嘜特色蒜香包（$45）呢個係一！定！要！食！個蒜香包好似層層疊咁😆我一咬係驚喜到叫左出黎😍😍😍個包既四個面都係脆！個隻脆係面頭薄薄地個種鬆脆😳唔係硬身個種脆👍🏻麵包好厚身，加埋入面包肉既香軟，個口感好大對比好有層次！如果個蒜味再勁啲就更正😎。👅燒豬頸肉（$80）切得好靚😝都幾多片！豬頸肉半肥瘦，咬落幾鬆軟👍🏻個邊位都燒得好香😌點埋個泰式汁黎食酸酸地就更加惹味😋。👅泰式蔗蝦（$82）我本身都幾中意食蔗蝦😛呢到既蔗蝦大舊過平時個啲🤓個皮炸得幾香脆又唔油，入面啲蝦膠幾鮮味又有咬口😙最後中意咬下條蔗先滿足🙈。👅泰式鮮蝦炒金邊粉（$89）呢個相對普通啲，啲蝦都大隻又彈牙😀但啲金邊粉食落有啲乾，而個味係酸酸地但淡左啲唔夠惹味🤨。👅芒果沙冰（$30）泰菜餐廳既芒果冰通常都係鮮芒果打😃呢間都唔例外！個冰飲得出係鮮芒果好足料咁打成😋係好真實既甜度，而且都打得幾綿滑，飲起黎好fresh🤩

荃灣區嘅泰菜我地之前都去過幾間，我地就覺得一般般，加上有招呼上嘅問題，令我地鮮有再食泰國野。得知元朗名物亞萊嘜嘜開到來荃灣，加上好近我地，翁晚同同事一試。餐廳位於地鐵站通往千色嘅天橋附近，大家樂樓上好易搵。菜式大致上同元朗店一樣，但餐廳環境闊落，有卡位，姐姐態度亦很好本來見有個套餐幾抵食，但同事話想自由d自己揀食咩，我冇咩所謂，就跟佢話事。我地點左一個飯、包、菜、兩款小食同兩杯飲品，都相當之抵食，性價比幾高。亞萊嘜嘜特色蒜香包 45：用麵包磚嘅方式製成，一共六條，厚切麵包，烘到啱好，夠乾唔油唔燶，蒜蓉味好香，而且好脆，配咖喱類一流炸蝦餅：兩個人食非常足夠，四件蝦餅，一開二，方便食用。蝦餅好脆，好彈牙，但未至於話好明顯食到有蝦肉。咸魚炒椰菜苗：炒得爽脆，保持綠嫩，咁咸魚唔會話太多，所以唔會覺得太鹹，好味無骨海南雞飯：推介海南雞已經起骨，超方便，肉感滿滿，啖啖肉，唔會太肥膩，女同事都鐘意，因為真係幾嫩滑飯粒就少d油香，視乎個人喜好啦，因為有d人會怕太油，呢個就比較乾d，健康d。牛油雞中翼 70：拌上蒜粒、洋蔥炒起，好香口惹味。雞翼本身用煎，唔係全炸，就冇咁熱氣。西瓜沙冰、椰子沙冰：好味，唔

朋友探親最後一天，行完荃灣， 為了滿足他對泰菜的鍾愛， 找了這一間。去到時間尚早，不用等位，但已講明用膳只有90分鐘，咁好生意!地方算大，唔會太迫夾海南雞無骨，啖啖肉，但肉質太林，沒有咬口感，味道過淡，幸好薑茸夠味，可以補番數冬陰功湯用涮羊肉爐上，較為特別，点了火可以保持熱度，湯味濃郁，但嫌過咸而且好辣，只飲了少許，但朋友讚不絕口，真是各有口味!菠蘿炒飯好食，海鮮大青口我摰愛，加上菠蘿粒，洋蔥粒齊炒，仲有豬肉鬆腰果粒放面，成個食哂咸魚椰菜苗太硬，炒多些時間，口感會更好!串燒豬、牛、雞 各2串，味道very good, 無論調味，醬汁，外觀都 perfect 咖哩牛腩煲炆得好林，尤其是牛筋部分，入口溶化，咖哩汁辣道啱我口味， 用嚟撈炒飯簡直一流價錢合理， 最緊要係朋友話好!

作為荃灣友，有時想在區內吃泰國菜，有質素的來來去去只有一、兩間，剛好最近見到有新泰菜館開業，一於試試。亞萊嘜嘜主打的原來不只泰國菜，還包括越南菜，餐牌選擇甚豐。座位算多，不過晚飯時段好多人等位，建議預先訂枱。泰式肉碎生菜包$80朋友不能吃辣，所以點了走辣。雖然走辣後味道始終「爭啲」，但肉碎量多，醃得很夠味，又有少少酸酸地，好味道。"亞萊嘜嘜特色" - 蒜蓉包$45幾乎每一枱都有點蒜蓉包，「味」力相當吸引。好多泰國餐廳會採用法包，但這裡用的是厚切方包。一口咬落去，有驚喜！表面既酥且脆，富濃香的蒜蓉味，而中間卻很軟熟，口感一流，十個讚！沒有刻意去點咖哩蘸包吃，單吃蒜蓉包都夠惹味。泰國咸肉炒椰菜苗$76椰菜苗本身不夠嫩，要咀嚼耐一點。另外，第一次試泰國咸肉，類似金華火腿，質感較硬身，未算好咸。泰式鹽燒烏頭$166通常吃泰國菜時，會點明爐烏頭，今次朋友建議試試其他煮法，就是「鹽燒」。烏頭焦脆的魚皮上，鋪滿鹽粒。一揭開魚皮，黃油慢慢滲出。有黃油，代表條魚夠肥。烏頭好新鮮，魚肉有彈牙，內臟位置填滿好多泰式香草及香料，令到整條魚的肉質都充滿啖啖香味。不得不提特別調配的酸辣醬汁，絕對有畫龍點睛的作用，

中午前來到餐廳人不多, 位置寬敞好舒服. 午餐的菜牌其實是跟下午茶一樣的選擇, 只是下午茶平宜數元, 今次揀選了無骨海南雞飯和雞肉泰式濕炒河, 配上熱咖啡和熱檸蜜. 海南雞切得比較大件, 啖啖肉的黃皮雞肉質鮮嫩, 黃油飯有點硬, 香味不足, 只算合格. 有兩種調味醬可供選擇, 個人比較喜歡黑豉油的甜味, 能帶出雞肉的鮮味. 伴碟的酸菜, 酸酸的很開胃. 冬瓜湯夠清甜, 也夠熱.另外,泰式濕炒河粉配上的雞件亦很大件,很有看頭. 濕炒的河粉很滑, 河粉掛上汁幾好味. 配料有芥蘭,黃芽白,紅蘿蔔和草菇, 令到整碟河粉都比較健康.最重要地方寬躺, 人不太多, 靜靜的優閒地慢慢享受一頓午餐確實寫意!

食過元朗嗰間覺得正。呢間又試下，睇下點致得。個冬陰功湯夠辣夠足料。好味。啲大頭蝦都，好新鮮喎！細size都分到6碗。個柚子鮮蝦沙律又係冇得輸！都吾知佢哋喺邊到可以買到咁多汁嘅碌柚。加埋啲酸酸甜甜嘅汁，好開胃！鹹檸梳打就普通啲。鹹檸吾夠鹹呢……嘩！個青咖啡鷄加個大包真係好大份！！ 食吾晒……但係好香，好滑，吾辣。啲鷄肉就ok啦，吾太入味。不過啲咖啡汁太霸道，跟本就變成主角。配咩肉都吾重要喇！叫咗豬同牛串燒。好嫩滑！牛同豬都係！好食。一啲都吾老，吾鞋！今次仲叫咗半隻豬手，又係好食得不得了！ 肉質嫩滑連層外皮都滑！ 醃得好好味，基本上吾駛點汁已，食吾停！

環境:舒服，2人也可坐卡位。有私人空間感食物：份量適中，價錢合理。好味。❌不建議吃海節沙津，冇驚喜！海節溝在沙津内，未能食得過引。服務：好，有礼貌，有彩人。已來了2次，會keep住來