亞萊泰 (淘大商場3期) (已結業)

今日夜晚想食泰國菜，呢間餐廳之前食過，今次就再黎食多次。今日見佢個生蝦有做特價，就叫左一份。生蝦一份總共有6隻，每一隻都好大隻，好有鮮味，上面仲有一塊辣椒同一片生蒜頭，點埋個泰式辣醬真係好夾。跟住我地就叫左一分豬頸肉蝦炒河粉，味道好濃，而且d豬頸肉夠曬爽口。今次想試一試新野就叫左個牛油果軟殼蟹凍卷，非常特別，入面嘅軟殼蟹炸得好脆，配上牛油果出乎意料地搭配，非常驚喜。飲品方面當然就唔少得兩個椰青，好清甜，而且飲完仲可以食埋裡面d椰青果肉。

九龍灣牛頭角道77號淘大商場地下G266-270號舖亞萊泰Aroi Thai九龍灣食野多數都係商場，外人唔知以為間間都係大型連鎖品牌，但其實淘大都有D細品牌係好好食，亞萊泰就係當中既代表~沙爹串燒(豬、雞) $68呢度D串燒係同出面既泰菜餐廳有少少唔同~無論豬同雞都好嫩好滑，一D都無過火，而且本身個調味已經好足，唔使靠額外既沙爹醬幫補。明爐烏頭 $98抗疫特價98蚊，見到即刻嗌啦唔使諗~呢度既明爐唔係特別出色，但勝在夠平均，條魚夠熱又唔會煮到頭尾生中間熟，湯汁夠晒味唔似出面要不停加湯咁，所有野都恰到好處!豬頸肉 $88食泰菜其中一個考牌既位一定係豬頸肉~呢度既出品半肥瘦程度把握得唔錯，而且火喉適中，唔會太硬又唔會好似未熟咁軟淋淋。馬拉盞炒通菜 $78本身落單果陣唔記得叫小辣，好驚食完會爆汗，但上菜之後發現佢呢度用既馬拉盞唔算辣，反而唔食得辣既朋友都入得口~

Keep claimAndEat thai food今日收工同事話去九龍灣食泰菜我就好奇問 係九龍城定九龍灣因為大家都知泰菜集中地一定係九龍城同事話係去九龍灣食阿萊泰我地點左個二人套餐及泰式咖喱炒肉蟹二人套餐包左: 冬蔭功湯 招牌咖哩海鮮寶 馬拉盞炒通菜冬蔭功湯: 香茅味好夠 酸度辣度兩樣都岩岩好 唔會太酸同埋好多菇招牌咖喱海鮮寶: 勁長既法包啊 有成18吋 個法包𠝹開 咖喱醬好似蛋花咁 唔算好香咖喱味 甜甜地咁 入面有炸魚塊 墨魚 (一定要試呢個) 勁好特別咖喱炒蟹: 同海鮮寶係同一個咖喱醬 蟹好新鮮 好甜 不過就啲咖喱醬太多 有小小膩@aroithaihkLocation: Kowloon BayPrice (10 is expensive): 6/10Yummy (10 is delicious): 6.5/10

Family Day爸爸媽媽話想食泰國菜，於是就帶左佢地去食呢間平時都有食開既亞萊泰。呢間野啲野食水準絕對唔差，而且價錢合理，晚市多數會有一個特價菜可以選擇（多數係魚/生蝦/串燒）。仲有就係餐廳環境都好乾淨，比人感覺好舒服，位置就係淘大商場附近，都算係十分方便，想食泰菜既朋友們都可以一試。

前幾日嚟到九龍灣淘大商場行吓又嚟到亞萊泰食晚餐😍我哋嗌左兩個椰青 $39清甜可口🥥💦泰式海南雞（半隻）$108分別有雞髀同雞胸🐓一樣咁嫩滑 仲好有雞味🐔😋仲有三隻醬汁點👍🏻分別係甜豉油、薑蓉、泰式酸辣汁🤩特別欣賞泰式酸辣汁 唔太辣之餘仲好開胃飛天通菜 $68食落辣辣地 小心唔好咬中辣椒🥵🌶比平時嘅蒜蓉通菜炒得更惹味👏🏻泰式大頭蝦粉絲煲 $168有兩隻大頭蝦🦐🦐切開左一半就更容易食用😙另外蝦膏撈粉絲好正🤤而且粉絲會吸曬底下嘅豉油汁 非常入味🤤仲有兩件燒豬肉係底 😆

在香港，以往要食泰國菜，就要走到九龍城，【亞萊泰】卻選擇落戶在九龍灣德福花園，而且是眾間餐廳之中第一間是食泰國菜的餐廳，在疫情期間之下餐廳都依舊很多人前往，實力當然不容小覷，可能相對是價錢比起同區的德福花園親民許多。有相片可見晚飯時間都有不少人在餐廳徘徊並停下來望望餐牌。入面環境相當寬敞，進入餐廳前店員會幫我們量度體溫做好防疫措施等過客食得更為放心。.餐廳可以枱之間嘅距離都有1.5米或以上而且都有白色版去做分隔。餐廳設計雖然不算是很有地道的泰式風情但係顏色是用暖暖的木色去做主調，所以感覺上較為溫馨。餐牌嘅嘢食都非常之豐富，有一啲仲會圖文並茂，會令到嘢食因為吸引。員工都有知道人手並不足夠，會同我哋講聲唔好意思因為有時可能會比較慢先作出一些回應，我們都知道這期間人手減少了，我們是非常諒解，就算人手唔夠但我覺得佢哋都好好服務態度所以食得好開心。傾左一陣計嘢食都好快送到黎….👋🏻鐵板蠔仔煎蛋 $108香噴噴丶熱辣辣嘅「鐵板蠔仔煎蛋」嚟啦！蠔仔既飽滿又大粒，沾滿炒蛋，再用燒熱嘅鐵板奉上，淨睇賣相真係覺得好正！遠睇個陣都聞到陣陣蛋香又有蠔仔嘅鮮味。食落係點呢？！係第二度都食過，味道係好不錯，但同出

今次黎到淘大花園食飯,呢間叫亞萊泰既泰國餐廳免收加一,抵食！水準唔錯！今日叫左個二人套餐　$298 包小食盤,湯一款,4款主菜選1仲包一碟炒菜~仲有4件甜品泰式小食蝦餅,春卷都夠脆,蝦餅厚身肉質夠彈牙蟹肉魚肚湯,養胃滋潤,份量夠飲四碗~半隻海南雞,去骨,淡淡肉,雞味濃郁,係個黑醬汁唔夠濃味~整體水準都唔錯炒通菜,可選馬拉盞炒或蒜溶炒,炒得脆綠爽口,微微帶少少辣,好開胃~最後甜品係班蘭糕同椰青糕,椰青糕透明質感,中間有椰肉絲,透心涼整體水準都唔錯,仲要免加一,呢個時勢值得推介外賣仲會有特價添,可以過黎試下

今日在德福廣場行街購物後順便食晚餐，朋友便推介了這家在淘大商場的亞萊泰 泰國菜餐廳，食物款式多而吸引，環境舒適，便入座來食。明爐泰式蒸烏頭明爐用火在下面熱住，保持熱度。烏頭大條多肉，肉質嫩甜嫩滑，配料豐富，有香茅，娃娃菜，辣椒粒等調味，令湯底惹味香辣，滲入魚肉當中。黃咖哩炒蜆咖哩煮得滑溜稠密，有用好多蛋一起煮，香甜滑溜，蜆肉清甜爽滑，煮得入味香甜。印度薄餅即叫即煎，香脆惹味，香甜可口，用來沾咖哩一齊食味道好夾。馬拉盞炒通菜炒得很有鑊氣，香氣撲鼻，鹹度適中，通菜清新爽脆，炒得入味。芒果糯米飯糯米飯呈心形，賣相精緻，咬下軟熟煙韌。芒果鮮甜嫩滑，多汁美味。

星期五晚放工例行出去食好野慰勞下自己🤣今晚去左好耐無去既九龍灣行下，想食泰菜揀左呢間評價唔錯既亞萊泰都過左八點，仲有幾批食客門口等位，好彩等左一陣就有位入得👍🏻餐廳都算大，光猛明亮，坐位寛敞我地坐梳化位幾舒服，可以好好咁傾評享受晚餐餐牌選擇唔少，依家做緊芒果限定季節仲可以優惠價叫小食，我地揀左串燒我地心大心細左一輪，仲叫左個咖哩麵包，菠蘿飯另外一杯特飲，一個甜品😋😋😋食物好快就到，串燒係兩豬🐷兩雞🐔串燒熱辣辣，未食已經聞到香噴噴👍🏻先食雞肉，香料味好足，尤其香矛味，非常香口燒得微焦，但肉質仍保持滑嫩，有肉汁豬肉相對而言多左油脂香，微微肥膏食落更香口配埋沙嗲醬超好食😋花生碎粒好惹味，令串燒風味更上一層樓18吋軍艦海中寶真係勁勁勁巨無霸😂我地兩個人叫呢個食真係有啲眼闊肚窄因為份量真係好大，18吋長既法包配多種海鮮有炸魚、鮮蝦、八爪魚仔、仲有洋蔥、彩椒等於既配料再淋上滿滿既咖哩，真係極之豐富法包夠脆，淋左咖哩汁都仲有口感咖哩幾香口，但個人會鐘意再重口味啲😝海鮮都好新鮮，配咖哩好惹味👍🏻不過兩個人食真係會好飽！再黎係經典菠蘿炒飯滿滿既炒飯裝滿左半個菠蘿🍍入口好香黃薑味，飯粒煙韌，調味好香口而且

媽咪打俾我話心思思又想食泰國野，於是又黎呢度食晚飯~入到黎量完體溫就被安排坐卡位，呢度D位真係好闊落，而家疫情期間黎食，同其他食客隔開D真係令人安心D~今日少人食就冇點餐，單叫左幾個餸。原條脆香盲鰽配青芒果沙律平時好鍾意食酸甜魚，第一次食呢種煮法既盲鰽!一上檯勁吸引，成條魚好大條，而魚肉係已經切件，一件件炸起再擺番係魚身，另外再炸魚頭同魚尾再原條魚砌番出黎，又易食又好睇!魚肉啖啖肉完全冇骨，炸得好香口!配埋上面既青芒果沙律，酸酸甜甜，比起平時食既甜酸魚味道更加特別!!超推介呢個!椰香青咖喱雞青咖喱微辣，雞件唔少，椰香味適中，食咖喱一定唔少得蒜蓉包~呢度既蒜蓉包係條狀，脆口得黎又易咬，點落咖喱度真係絕配!炭燒泰式串燒勁抵食！特價＄40！叫左豬同雞各兩串，好有炭燒既香味，沙爹醬調配得宜，唔錯!辣椒膏炒蜆成碟份量都幾多，蜆係大大隻唔係平時食果D細蜆仔，食落冇沙而且唔會成碟淨係得殼冇肉，個醬汁好香辣惹味，用黎撈飯食超正!

今日又再一次同屋企人嚟食泰國菜，真心高質而且價錢唔貴，水準同以前一樣咁好同穩定，so far好似都未係到中過伏。所以同屋企人食就唔怕佢地唔岩胃口啦。特辣粉絲海鮮沙律呢個沙律都好好食，粉絲量多同埋索哂酸辣汁既味，加埋唔同既海鮮同埋辣椒調味，開胃得嚟又好滿足!原條脆香盲鰽見到呢個係推介菜式而且唔使200蚊就食到，當然要試試啦! 面頭有好多青芒果條而且酸甜既味道已經非常開胃，加上盲鰽成條炸過而且去埋骨，所以食落真係啖啖肉又唔驚啃骨，條魚亦都夠新鮮肉質鮮味，$168其實真係唔算貴!馬拉盞炒通菜呢個真係食泰菜必點，佢炒既火喉同調味都好出色，加上份量多所以我地3個人都好夠食。完全食到通菜既鮮味再加上馬拉盞既辣同香味，真係必嗌!蝦頭油炒飯呢個亦都唔係好多地方有得食，蝦頭油加埋炒飯既味道其實出奇地夾，啖啖都有蝦既鮮味而且個飯炒得好乾身!

好耐都冇食過泰國野，放工去開淘大買少少野，見到有間食泰國野嘅餐廳，望入去裝修得幾靚，睇睇餐牌價錢都唔貴，所以入去試吓。金磚四角蒜蓉包，呢款係我去食泰國菜必點，勁香嘅蒜蓉焗多士，多士啱啱焗起，加上勁多蒜蓉喺面，勁好食。香草糯米釀雞全翼，呢款幾特別，雖然係釀雞翼，但入面d糯米飯嘅份量都唔少，糯米飯煙煙韌韌，加上外面嘅脆卜卜嘅雞翼包住，非常夾，好好食。泰式辣椒膏炒蜆，炒得唔算太辣，唔食得辣嘅人都可以試吓，個醬汁非常惹味，隻隻蜆都勁大隻，份量都算幾多。泰式鮮蝦金邊粉，配料有蝦，芽菜，蛋同豆腐干，個粉都炒得好煙韌，唔會太濕，個味道酸酸地，好開胃。流芒果白糯米飯，呢個係必點甜品，個糯米飯非常煙韌，芒果都勁甜，加上椰漿一齊食一流。芒果椰汁特飲，呢杯係芒果沙冰加埋椰漿，仲有少少芒果肉喺入面，唔太甜，飲落好fresh。

為食妹👧🏻深信區區有食神。今晚走咗落黃大仙食泰菜。😝呢間泰菜好鬼抵食。鮮青O泰式蒸明爐烏頭🐟做緊優惠$78咋🤩🤩香辣肉碎生菜包～點解甘清？哈哈。。媽咪唔食洋蔥同蔥架。走咗米變咗甘清囉。🤣🤣清清地嘅生菜包。為食妹👧🏻第一次食。食落都唔錯。下次可以再Encore🤪泰式小食拼盤～食泰國菜又點少得😎必點之選。炸蝦餅永遠都係最受歡迎❤️泰式大頭蝦焗粉絲煲～大頭蝦爽口彈牙。食到我地Lam Lam 👅。

淘大商場嘅泰國餐廳亞萊泰好抵食，全日免加一 。餐廳環境舒適裝修清新，坐在卡位非常寬敞。今日一行四人嚟食晚飯，叫咗個四人套餐$698，非常豐富。有柚子沙律，雞絲魚肚羹，全隻海南雞，明爐烏頭，飛天通菜，菠蘿炒飯及甜品拼盤六件，同埋芒果糯米飯😍😍😍柚子沙律係泰國菜必食嘅，酸辣夠開胃。海南雞好嫩滑，去曬骨啖啖肉。明爐烏頭酸酸甜甜，肉質嫩滑，索曬味。菠蘿炒飯以原個菠蘿上桌，賣相靚又美味。甜品拼盤有椰汁糕，千層糕，西米糕，芒果糯米飯嘅芒果好香甜，好飽好滿足。

嚴重呼籲大家千其唔好再幫襯啦！！為左屋企人大壽需要，去佢度訂芒果糯米飯蛋糕，又話一定要提早一日去店內現金落訂，沙田咁遠仆過去落訂，第二日下午六點至有得攞。第二日冇任何通知，又再一次喺沙田仆過去，仲要就啱佢時間六點攞，佢居然話個蛋糕冇整！個師傅病左冇返工！！！簡直離曬譜啦，仲問我要吾要訂嘅嗰個肉碎菜包，如果要嘅話就退返蛋糕錢，鬼仲食你啲嘢咩！我嬲到震，仲要臨時諗邊度可以買到！宜家疫情影響，臨時搵間店買到想要嘅嘢有幾難你知唔知？！