亞蟹 (已搬遷) 新店位置

行開堅尼地城，見到巷仔有間亞蝦、亞蟹，（兩間痴住的餐廳）見環境靜靜地，門面都幾好睇，就入咗去亞蟹食。唔知係咪下午茶時間，堅尼地城又少人，兩間餐廳加埋只有一檯食客。我同男朋友實在太肚餓，即刻叫左兩個set lunch. A. 特色蟹肉粟米濃湯 + C. 蟹意粉 $168A. 特色蟹肉粟米濃湯 + C. 麻麻地蟹鉗蟹肉特色撈麵$168個湯第一二啖有少少腥腥地， 但好多栗米係湯度， 飲飲下又可以接受，但麻麻地😂意粉個賣相，唔係咁好😂但食落就ok Ge,呢個個menu話係用一隻新鮮小蟹煮成， 感覺好似比湯入面個蟹肉較好味。呢個撈麵就好似佢個名一樣，麻麻哋😂😂😂距menu個英文名叫spicy berries crab claw & crab meat white noodle. 我諗係有少少麻辣掛， 但一食有苦澀味，上面有啲黑黑地嘅配菜，但味道就奇奇怪怪， 最後我男朋友食咗幾啖就放低左😂😂😂

今日大少同我又來到堅尼地城，我哋去咗亞蝦亞蟹度，但係唔係食魚蝦蟹，而係食海南雞。大少同我都點咗個海南雞套餐，再加熱嘅牛蒡茶。個套餐跟老火青紅蘿蔔湯。個套餐份量都唔細，大少覺得啲雞就一般，反而覺得個飯仲好食過啲雞，因為個飯係雞油飯。啲雞有起咗骨，但係冇跟足海南雞傳統做法拍扁佢先至切。可能係咁，所以覺得食緊冇骨嘅白切雞飯。大少覺得成個海南雞飯，最重要嘅係啲醬。三色醬有齊晒，我自己就覺得不過不失啦。個老火湯啲味都好足，大少覺得淡左啲，我就覺得啱啱好。

12月23日，同蝦子餅結婚100日。蝦子餅好細心一早book左堅離地城哩間餐廳-亞蟹，原來帶我食最愛既蟹☺️☺️雖然地方遠左少少⋯但值得來品嚐！12點到餐廳，可能太早，得我地一臺客，感覺好似包左成間餐廳😁😁寧靜中慢慢品嚐蟹，環境舒服，服務唔錯。我地叫左原味蟹，要小小辣，揀左大蟹，因為侍應姐姐建議，中蟹同大蟹差百幾蚊，重好多，大隻好多，老公話來得，食好d☺️廚師煮蟹都幾快，好快開餐🍽大蟹真係特別大😍望見都流口水，淡淡蟹肉，好鮮味，d汁有胡椒同少少辣味！食完蟹，侍應會拎d汁去煮多個麵俾我地食，變左第二道菜，哩個有d似闊條麵，吸晒蟹汁，條條麵都甘好味😋😋埋單就偏貴，差唔多八百蚊，😱不過老公話最緊要食得開心❤️

同太太行至西區，之前睇到呢間食蟹專門店，太太又愛食蟹，決定一試。兩個人叫左兩斤重原味特式蟹。斯里蘭卡煮法，叫左小辣，不過都唔多覺辣，個蟹好大隻，十分多肉，對於喜歡食解平時又覺得麻煩拆完又無咩肉食既朋友，呢度應該好岩佢地。食完蟹之後， 廚師會拎餘下肉同湯來煮麵，咁整法的個蟹肉麵唔係隨便食到，大家可以一試。

蟹對我們來說有特別的意義, 大家也喜歡吃蟹, 所以便來到這間蟹店吃蟹慶祝。 這裡有中蟹和大蟹選擇, 價錢相差約百多元, 我們二人選了中蟹, 價錢$688。選了檸檬香茅口味, 香茅味不會太搶, 味道不錯, 微酸微辣, 能帶起蟹的鮮味, 而湯汁直接飲也不會太濃太鹹。蟹肉無論肉質或味道都是新鮮的, 慢慢剝慢慢食都是一個樂趣。吃完蟹後會將剩餘的汁混上一些蟹肉碎煮手工麵, 蟹肉變碎了後, 風味差很遠呢, 也可能這些貨遠不及原隻蟹新鮮, 所以只是一般, 但這個菜是送的, 給我們飽肚吧。想不到$688埋單沒有加一, 喜歡吃蟹的, 可以一試。

升職加人工，第一時間應該請屋企人食飯既！西環厚和街出名多野食，今次一於去街尾食蟹！唔係講笑，真係好好味！當晚廚師同女女侍應非常好招呼。餐廳內裝修大方舒服，以杏色為主，桌上餐具亦都盡顯心思，每套餐具都有一個盒仔架！食蟹都有自己一套既culinary setting喔！不過圖內蟹餅就唔係太好食，好似薯仔加左好多粉整成，口感好粉無蟹肉味。我地今次叫左原味蟹，姐係斯里蘭卡style，叫左小辣，非常惹味！肉蟹好大隻，雖然當晚無細蟹，得中蟹同大蟹，中蟹好似係699？重點！！個蟹鉗真係好大隻，其實唔使用開蟹鉗，小小力已經可以打開D硬殼，啖啖肉既滋味，兩老不停大讚：“嗯~正啊！”跟一隻蟹會有麵包同麵條，用長法包點蟹肉汁，真係齒頰留香呢！清完隻蟹之後，廚師就會收走個蟹肉汁，然後煮麵，有兩款比大家選擇（天使面同寬條面）由於亞蟹同亞蝦互通，飲品menu係用亞蝦既，而我就點左個三七花茶，非常足料！總括而言，亞蟹因為食物分量較大，三五知己一齊去會比較好。餐廳內播放youtube jazz music幾有情調，紀念日都合適架！值得推薦同再幫襯！

「古法蟹肉伊麵」 ($72)評分：6/10.呢間嘢個名改得幾搞鬼，佢隔離同一間舖嘅 menu 就主打蝦料理嘅，於是就叫阿蝦見到相嘅賣相幾吸引，同時又係肯定 promo 菜式諗住試吓啦，其實冇諗過係咁濕嘅燴麵 😅 嚟到嘅時侯似賽螃蟹同人哋去飲食個啲湯庚咁...🙈 可以話其實係上湯湯麵，蟹嘅份量其實好少，而且沉晒係底往往都係臨尾先食到。其實感覺真係好似食緊齋 😂 個湯係幾暖胃嘅，當清腸胃一晚餐入面包咗個蟹肉沙律，食到有蘋果同西芹青瓜同蛋係入面，都幾開胃好食，其實佢可以比一大碟呢個沙律我代替主食我絕對可以清晒佢

我真係好鐘意食蟹得知厚和街開左間專食蟹既餐廳，當然唔可以放過啦，再試試到底質素如何原來格離亞蝦都係同一間公司既，我先前已經好想試呢間既蝦，咁我上網睇食評就話可以係亞蟹度order埋亞蝦既野食，實在太好啦當晚我地2個就叫左隻蟹🦀，同胡椒蝦🦐 另外蟹食完之後係可以選擇面去煮番個汁，完全唔會浪費啲精華咖1.首先上菜既係胡椒蝦，呢個蝦係用一個鐵壺既物體裝住，入面熱辣辣，做法好似我係台灣食既一樣，不過呢度用既唔係大頭蝦，同埋胡椒味都幾重手下，唔好睇啲蝦細細仔，份量好多又夠鮮2.之後就到主角出場啦，呢個味道係店員推薦既，同個蟹好夾，好好味，忍唔住飲左好多啖汁，蟹當然唔使講啦，好新鮮好甜美，配埋個汁真係3.個蟹食得7788之後，店員就過來收走個蟹汁返廚房用來煮個面啦，呢個面特別索汁，超正，都係店員推介既，最後食到清晒盤呢度用料新鮮，價錢都唔貴會有下次

亞蟹就係亞蝦隔一個鋪位，應該是有聯繫嘅，因為係亞蟹都可以點胡椒蝦！不過我今次無食到蝦，因為淨係食蟹已經大。滿。足。了！侍應姐姐推介超大肉蟹，$788 or $888，我哋得兩個人就揀了$788。有幾種味道，我揀檸檬少少辣，聽落好似幾特別，來到真係好驚喜！個汁好好味，食得出除了檸檬還有好多香料（好似有九層塔？）。微辣對我來講啱啱好。隻蟹無呃人，真係又肥又大又多肉！食完隻蟹，侍應攞返啲汁俾大廚煮馬來西亞扁麵，好滋味！😋如果揀普通中型蟹，$4xx 都食到，價錢算合理。小店來講，配套全備，手套圍裙乾濕紙巾蟹鉗全部擺好，非常細心。好想快啲下次再食！🤤

你以為係香港餐廳淨係食到罐頭蟹肉？亞蟹好多菜式都係新鮮蟹肉製造架，仲可以叫埋隔離亞蝦嘅菜式，好味到諗起都想再去食多次。依個叫黑胡椒蝦煲，佢係利用陶鑄鍋保溫，確保係送到客人面前都keep住溫度。蝦嘅肉質彈牙，味道鮮甜，黑胡椒味道出奇地好出！滲曬落啲蝦肉到。粟米蟹肉湯顧名思義啖啖都係蟹肉加粟米，蟹肉幾鮮味，粟米香甜爽口無渣。欖角炒蟹，蟹嘅蟹膏唔多可能滲曬落去汁到，但蟹肉就好大舊，啖啖肉，肉質唔霉 仲好鮮甜，好濃欖角嘅鹹香，蟹鉗好細心咁扑爛咗個殼，方便進食。最緊要係食完隻蟹，淨底嘅蟹膏汁可以煮自選嘅麵。我地揀咗我都唔記得咗叫咩嘅麵，但佢質感係比讚歧烏冬更加煙un，而且麵條闊身，可以掛到好多醬汁，啲醬汁係成碟麵嘅精華所在！最後係蟹餅，外層有少少脆口，入面係啖啖蟹肉，好足料，而且好香口。

百幾蚊一個set lunch 可能係全堅城最貴。但本人是街坊，又是亞蝦常客，一定要支持下。食完完全冇失望。價錢係高，但物超所值。你想食廿幾卅蚊一碟巴西急凍肉飯，旁邊大把，悉隨尊便也。先來蟹湯，唔好比張相呃左，白色蟹肉下邊仲有好多肉。蟹肉仲多過湯。一個鮮字。之後全蟹意粉，成隻蟹拆肉上。食材新鮮冇偷懶。食完啲意粉汁好似海鮮湯咁飲埋。有改進地方，意粉汁有少少蟹殼，要花少少心機食。唔可以大口大口食。如把蟹殼去清就perfect 也。有心機小店，繼續努力

人生第一篇食評 竟然唔係寫自己公司介紹返美味既🦀🦀那天行完山頂 就落去堅尼地城啦今個月先開業 睇完雜誌就走黎試下簡潔既裝修 配上這套吃蟹工具 鉗連透明圍裙手套黎到當然要試佢既招牌菜啦 亞蟹特色檸檬蟹😍有大中小蟹揀 當日得返中蟹 兩個人其實岩岩好店員說少少辣味道更佳 果然個醬汁調得非常惹味 蟹肉 蟹膏全部都好入味 唔太酸 另外仲有胡椒蟹揀 下次都要試埋😙最後個醬汁拎黎煮意粉🍝 有兩款揀 我地就試天使麵 好滿足！中蟹加意粉 $368 個人認為 價錢適中 值得的其實我地仲點了蟹湯 $78 和Crab Cake $138蟹湯既味道未太足 如果再濃少少更好Crab cake 內裡食到既蟹肉都豐富但中途掛住食其他 所以凍了少少好處就是 可以點旁店亞蝦的菜式所以揀了胡椒蝦 (細)🍤 $88 都有大概10-12隻 每隻上面都沾有大量胡椒 微微辣 但好香口😳 一樣出色 最後兩個 $700有找 總之今餐真係好好味 為了您 係山頂行4km落黎都值喔🤣🤣第一次寫食評 如有不足請多多包容 指導希望您們喜歡 😁

亞蝦食過好多次，成日唔記得寫。反而亞蟹一開，就香到立即想入去食。睇個門口餐牌，會叫人卻步，真係貴絕西環。海鮮係海鮮價阿茂都知啦，佢地已經用水筆寫出當日蟹價，但午餐要$188，唔係為咩慶祝都唔會貿貿然行入去。兩人食，點了一隻中蟹，一份蟹鉗做前菜，最好係，可以點埋隔離亞蝦的嘢食，所以再多點一個烚菜。先上餐具，整整齊齊的一盤多用途餐具，從日本人學來精絮，又像高檔上海餐館的精緻，很好！進餐時發現，如有小剪刀或鉗更好。蟹鉗：用了四川麻椒混了法式沙律，特別，但有少許搶了蟹味，如果味醬另上更好。主角- 蟹：大大一個高腳盤上菜，未贏味先贏陣，檸檬香草等香氣撲鼻，很開胃。湯汁特多，因為待會用作煮意粉用。蟹肉正正常常的鮮甜，未見跟優質海鮮餐館有什麼特別不同，但因為湯汁特別調製，滲入蟹肉後令海鮮本味提升，兩者配得很好。湯汁要多講點，我怕檸檬底的湯汁醬汁偏酸又稀啷啷，冷了又帶苦澀，所以我很少點這類汁的食物。但這湯汁我真喜歡，因為不稠不稀，而且不搶蟹味，好！意粉：也可以選亞洲麵，但覺得這湯汁應該配意粉更恰當。剛才吃蟹特登留下蟹蓋蟹膏，沒有比這配搭更好的了！意粉一上，簡直像另點一道菜，用angel hair很聰明