享樂烘焙

营业中

休息中

今次試咗享樂烘焙嘅麻糬波波，真係唔錯！$14就有4粒，真係抵食。買咗海苔芝士麻糬波波同埋朱古力麻糬波波。海苔芝士麻糬波波雖然芝士味唔太突出，但係好鬆軟，食落去有種特別嘅口感，唔會太膩，啱晒想食啲輕鬆小食嘅朋友🧀至於朱古力麻糬波波，真係好食到不得了！每一口都有粒粒朱古力，仲食到跌埋啲朱古力碎出嚟🤣呢個口感真係好滿足，特別係對於鍾意朱古力嘅人嚟講，呢款麻糬波波真係唔可以錯過🍫總括嚟講，呢兩款麻糬波波都幾好食，價錢合理，味道又唔錯，絕對值得一試。下次有機會一定會再買嚟食，可能仲會試下其他口味，睇下有冇新發現。呢個小食真係值得一試，特別係想食啲輕鬆又唔會太重口味嘅朋友

Yeah! 買到 #享樂烘焙 嘅 #開心果太陽餅冇氣炸鍋同焗爐,放煎pan烘下都好正😊本身已經鍾意太陽餅嘅鬆香酥軟！一撕開包裝紙已經好多開心果醬 💚💚面頭有開心果醬!💚💚💚💚💚切開有開心果蓉!💚💚💚💚💚兩者nuts香味夠重！開心果味又夠濃！第二件公司用微波爐叮一叮10秒都好出色！叮完已經聞到酥皮香味，層層酥脆又軟糯！咁啱中秋節限定先買到！希望出年都有得買～同享樂可以試下出佢拿手嘅香芋產品，出香芋太陽餅！💜

對於麵包我係冇咩抵抗力.特別係貝果🥯而享樂係有好多種唔同味道嘅貝果.可惜住嘅地方同工作嘅地方係冇.所以好少可以買得到.而因為去睇開中醫嘅新蒲崗有分店.所以睇完中醫都會喺樓下買幾個走.覺得抹茶麻糬貝果.大甲芋泥貝果.朱古力香蕉貝果.紅莓忌廉芝士包.芋泥大福酥菠蘿都好食.貝果係比較煙靭.味道唔會太甜個人認為隔水蒸熱2分鐘更加好食.貝果價錢都幾合理唔算好貴.但係唯獨我成日食嘅紅莓忌廉芝士包比較貴.要$28.如果平啲.我每次一定買2-3個喺屋企慢慢食.但整體都係推介.如果可以平啲或者推出買滿指定金額有印花10個印花有減免優惠或者會員折扣就更加好啦👍🏻

享樂都係我哋好鍾意食嘅麵包店，見到出咗好多款開心果味道嘅麵包，好吸引咁，所以忍唔住買咗兩個嚟試試！  開心果酥皮布甸菠蘿包 $32 菠蘿包外層嘅酥皮位置焗得好鬆脆，口感好好。內層就會有少少淋因為配埋開心果布甸。布甸動L動L咁好正，開心果味道唔算好濃，但奶味好香又唔會太甜，作為甜品都幾開心！  開心果吉士西酥皮冰心 ($32)  店員提醒我哋要盡快食或者雪返落雪櫃。入面有冰冰嘅開心果味吉士，都幾濃開心果味，而且份量十足！好開心入面仲鋪咗一層軟糯麻糬，而且酥皮好脆卜卜，口感同味道都好豐富。  店內仲有好多其他開心果味嘅麵包製品，大家經過都可以試一試啊！

俾多次機會依間網紅麵包店今次買了一個芋泥貝果即日食 貝果質地煙煙韌韌，有一點點偏硬，但整體都算幾好食驚喜係餡料份量真係超級多，不知是不是款式關係，這款的芋泥有爆餡料效果，食落真係啖啖都係一半貝果一半芋泥！

今日試咗享樂烘焙嘅特色麵包——布丁菠蘿包，真係有驚喜！😋呢款布丁菠蘿包外皮係傳統嘅菠蘿包皮，酥脆香甜，每一啖都能夠感受到菠蘿包嘅經典味道。🍞但係最特別嘅係佢夾住咗一個滑溜溜嘅布丁，呢個組合真係幾新鮮！布丁嘅口感嫩滑，甜而不膩，配埋個酥皮，真係好夾！🍮不過，食呢款麵包有個小挑戰，就係點樣保持布丁唔會流出嚟，建議大家細細力咬，慢慢享受。😅總括嚟講，呢款布丁菠蘿包真係值得一試，無論係口感定係味道都好特別，絕對係一個創新之選。下次有機會一定會再試！👍

買了很多次都沒來寫個食評，這次一次過來寫一下。一開始知道這間店是做餅廚的朋友推薦的，說Bagel做的很好。的確Bagel做得很煙韌，而且口味很多， 麻薯內餡的口味新穎之餘，好吃充料，這個價位我覺得合理。糕點撻受歡迎，我之前買過抹茶還有伯爵茶的。對了，除了bagel，牛角包也做得很不錯。紫薯bagel和軟包我都吃過，相對bagel更喜歡軟包，🤣因為軟包不用怎麼咬，而且內餡更多更綿。紫薯軟包です。伯爵茶bagel，我第一次買的口味，很紮實的口感，配杯飲料更好。對了！！沒拍到黑眼豆豆，就是黑色的巧克力軟包，巧克力是一片夾心在中間，好好吃，推薦！

每次經過呢間麵包店都見到好多人排隊買麵包，今次就買咗幾個返去試吓~我買左小山園抹茶麻糬牛角包，藍莓忌廉芝士白種包，日式咖喱鴨胸包，蛋芝士火腿牛角包。超推薦抹茶麻糬牛角包，麻糬超級煙靭，配上出邊牛角酥脆脆地，口感好有層次，而且入邊係充滿抹茶醬，好好食，成個配搭好夾!藍莓忌廉芝士白種包，包嘅質地係比較軟熟，不過略嫌忌廉芝士唔夠，因為我係為左忌廉芝士而買嘅，所以有啲失望~咖喱鴨胸包，完全食唔到有咖喱嘅味道，普普通通。蛋芝士火腿牛角包，牛角包焗返熱好脆，同蛋芝士火腿都好夾，都幾好食。

平時都好鍾意喺呢度買麵包食，今日想重點介紹吓呢一個開心果脆脆酥😙，面層塗滿有開心果mix白朱古力醬，再有滿滿的開心果碎和脆粒☺️。口感好似有層金沙咁，一咬落去勁鬆脆，真係好好食呀😋

網上睇人推薦得超超超多的人氣麵包店有日經過見到，終於入去一探究竟🤩麵包控入去差啲出唔翻嚟😂太多選擇選擇困難症發作，千挑萬選揀咗幾款長期人頭湧湧，品質有翻咁上下先做到👍🏻哩個世代唔再係捱麵包，而係嘆麵包！🔎法國LESCURE明太子牛角💰20當中最推薦牛角酥🥐好香牛油味🧈因為用咗AOP歐盟認證嘅Lescure牛油發酵牛油會散發天然乳香～更為絲滑橫切面仲要成個蜂巢形狀超靚不得不讚佢哋嘅酥類做得幾出色🔎洛神花荔枝朱古力酥💰24同樣地氣孔好靚餡料是一整塊的 荔枝味突出🔎手撕牛奶吐司💰30好香牛油味 整體少乾🔎抹茶拿鐵麻糬吐司💰35包體好鬆軟 但入面麻糬較少🔎爆漿香蒜乳酪脆法💰21好濃香蒜味 塞滿乳酪餡🔎湯種紫菜肉鬆芝士貝果💰20雖然整型爭啲 但味道勝出🔎焦糖脆脆核桃肉桂酥💰16冇想像中甜 加脆脆有口感肉桂味不太突出

之前都經過依間位於新蒲崗嘅烘焙舖，但因為時間關係，而且上次睇冇我想買嘅食品就放棄咗。今次同朋友咁啱經過附近去試吓。印象中呢一間烘焙舖都幾有名。 可惜今年夏天見唔番上年既雪心包🥹🥹所以就簡左其他野食🥹🥹睇到呢間嘅冬甩都幾吸引， 而且款式都好多， 就買左抹茶冬甩試試， 另外仲買左伯爵茶司康。 行到收銀 先知今期最新推出左朱古力伯爵茶撻， 仲有抹茶撻。 因為買左抹茶撻 就決定試試朱古力 伯爵茶撻。 首先係朱古力 伯爵茶撻（$24） ， 賣相方面好吸引。 伯爵茶味比較香濃 反而朱古力味冇咁突出。 同埋有啲流心感覺 一切開就流哂出黎😂😂 好中意伯爵茶既人應該幾岩心水， 不過$24其實覺得有小小貴。 而冬甩一向係我最愛， 特濃抹茶冬甩（$20） ， 價錢方面合理。 抹茶cream 勁濃 😋😋😋一食就爆左出黎😋伯爵茶司康（$28/2個） ，司康 其實即係scone鬆餅。 本身個人對鬆餅興趣不大， 朋友反而中意😉 但味道上覺得伯爵茶味唔太濃，都冇乜伯爵茶香味。

享樂定時定候就會會出好多新嘅產品每次嘅新產品都好啱螞蟻人嘅口味😍所以每次只要一經過享樂我都一定會入去尋下寶睇吓有咩新嘢台灣大甲芋頭泥/麻糬/法國忌廉/海綿蛋糕一直好想搵次試佢地的whole cake因為性價比真係好高！六吋蛋糕用咁靚嘅材料都唔過$300（相比成日幫襯嘅IGshop真係極平）蛋糕裝飾得簡單但又高貴芋泥調味得很好，也有芋頭粒粒，中間夾著煙煙韌韌的麻糬，海綿蛋糕唔乾，好好食～雖然唔係好多層次，但這個價位黎講已經是超級滿意，絕對係令人會想再吃的蛋糕！！！

午飯時間經過享樂烘培，剛巧見到有"開心果布丁脆皮菠蘿酥"，本身好想試很耐，即刻買來嚐一下。菠蘿皮焗得鬆脆可口。布丁份量很大，不太甜，不過開心果味就比較輕微，如果strong啲就更好。 ($32@)店鋪內還有另一款"焦糖布丁菠蘿酥"，下次可以試下。 ($28@)另外再買左"開心果脆脆酥" ($20@)，酥內裡捲滿開心果醬，面層塗滿開心果白朱古力醬，再蘸滿開心果碎和脆脆。口感新鮮。表層鬆脆，食落滿口都係開心果。而且卷內塗上果醬令到麵包味道更加豐富。開心果糸列值得推薦。

超人氣布甸菠蘿包 by @ly_bakery .最近比洗版嘅超人氣布甸菠蘿包..🍮🤤作為享樂嘅長期消費者🤣 一定要試試..同埋都有詢眾要求試試 & 計好多米粉想要卡路里 & 味道回饋睇下抵quota與否..結論係？？.開心果酥皮布甸菠蘿包 $32.出奇哋surprise.. 鍾意🫡😳.tbh本身我無抱太大期望..因為酥皮菠蘿包 本身係熱會好味d..尤其酥皮頂而布甸嘅少流質多多少會影響包 令佢淋身但結果..口感其實無乜大影響😳.菠蘿包相比平時嘅菠蘿包 酥皮位更多更廣 同時都彌補了口感上有機會因為布甸變淋嘅不足內裏的確有少少淋做 但.. 外皮夠香脆 夠厚好少影響真心口感好好..😳開心果都算出！！.來到布甸的部分 🍮動L動L 布甸奶味 & 開心果味都balance得好好幾surprise呢個配搭.. 新鮮感有.. 味道加成都有😳🫡.重點係 其實你即日食.. even擺到夜晚.. 其實口感上我覺得都唔係爭好遠.. 好勁🤣呢個係賣點之一‼️.‼️因為好難去食用 你如果無羹.. 就預咗成個拎..同埋一啖都好難咬..所以我建議！！一啖包皮 一啖布甸 一齊食會好啲...同埋如果會買返屋企都可以拆開菠蘿包齋

享樂烘焙🍞推出過吾少開心果產品✨️而近期又推出咗開心果脆脆酥😍，就等我依個開心果控試下先‼️🍑開心果脆脆酥💚最上面係一個白朱古力開心果醬，再配開心果醬碎碎🍫，焗完之後食落去好似脆脆🥰好食。佢係一個螺旋形狀酥皮➿️，裡面配咗開心果奶酥，食落去唔會好油🪔，酥皮好脆，中間帶有少少煙韌口感。而開心果奶酥份量多，淡淡開心果味，幾好食😍。整體成個味道唔會過甜，價錢吾會太貴👍。係試過咁多款開心果產品，最推薦的✨️